ام سرمد الله يسهل عليج وتجيبين بسلامه ان شالله ولكل حادثه حديث.. بس لتبجين بعد وانسي الماضي مو زين ع الطفل
رنا خاله اشلون انسه الماضي وهو عايش بداخلي..
ام سرمد الها يوم تفرج ياخاله ..وربج ينصرج ان شالله
مرت الايام ورنا استقرت ابيتهه ..وبدت تكبر بطنهه راحت للسونار بيهه ولد ..فرحت بيه وقررت اتسميه علي..
رنا اشترت مكينه وظلت اتخيط جهاز الطفلها حياتها المظلمه بدت تشرق بشمس من بين الغيوم ..
ومرت كم شهر واجت ساعه الولاده.. وكانت ساعات صعبه ع رناا مثل اي ام حامل ..ام سرمد ماتركتهه
الولاده صعبه رنا اتأذت كولش حست بروحهه اتنازع وشافت الموت بعيونهه رنا كان تعبهه النفسي اكثر من تعب الولاده ..كل زوجه وياها زوجهه بهذا الموقف الا رنا جايه الوحدهه ..ووياها ام سرمد.. بس اللي الله دزاهه رحمه الها..
خلصت ساعات الولاده ورنا جابت الولد جابت علي ثمرة حبهه الحمزه.. رنا حطته ع صدرهه وظلت ترضع بيه وتبجي.. وتحجي وي خاله ام سرمد
خاله يشبه حمزه كولشي مماخذ مني
ام سرمد يتربي بعزج يمه وتشوفينه عريس
رنا اميين خاله
ام سرمد شراح اتسميه
رنا علي.. علاوي ..علوش
ام سرمد ظلت تضحك الله يخليه ويحفظه
ثاني يوم طلعت رنا من المستشفى رنا الام رنا الاب
قررت بينها وبين نفسهه اتكون العلاوي الام والاب بنفس الوقت ومتخليه يحتاج لاحد..
رنا حياتها صارت ورديه ..وعلوش جان بلسم لجروحهه
وهسه نرجع الصديقنا اللي ضوجنا حمزه..
بعكس حياه رنا السعيده ..جانت حياه حمزه ظلمه نزل حمزه الصبح ودخل للغرفه مالته هو ورنا ..بس مشاف زوجته بيهه فتح الكناتير ..لكه كولشي بمكانه الملابس والذهب ورنا ماكو..
معقوله رنا ماتركت البيت ..دور عليها بالبيت مالگاهه
جلس ع السرير وبقى يبجي ..اه يارنا ليش هيجي سويتي بييه ليش خنتيني ليش ..ولج اشلون راح اكدر انساج اشلون راح اعيش بدونج..
مرت الايام والشهور ونفسيه حمزه صارت محطمه كولش شرب عرك ونسوان وبارات واغلب اوقاته بالدوام ..رجع خدامتهم القديمه حتي اداري امه وهو التهى بحياته اتحول لانسان قاسي ..جان من يلزم قضيه يضرب المتهم لحد الموت.. صار كولش عنيف بدون قلب ورحمه ..بس جانت اكو ساعات يرجع بيهه للبيت يشتاق الرنا ..يفرش ثوبهه ع السرير ويحظنه ويبجي واغلب الاوقات يغفي ع ريحة رنا..
اه يارنا ..ظليتي حسره بگلبي… زوجته رجاء ملت منه ومن وضعه من يوم طلعت رنا وهو ماتقرب الها ودايما مشاكل ويسكر ويظربهه ..طلبت الطلاق وطلقهه بسرعه
وراحت لهلها..
ام حمزه مقهوره عليه وتبجي الليل والنهار ع وضعه..
ام حمزه حجت لاخوهه عقيد محسن كولشي
الخال احسن شي عافهه
الام ليش خويه هيج البنيه خوش ابنيه
الخال ام حمزه ابوهه وعمهه خانو الوطن بكبره. . تردين البنيه ماتخون ابنج ..
الام خويه لاتظلم بختك البنيه جانت خوش ابنيه
الخال اني بالمخابرات وماره عليه اشكال اشكال اتشوفيهه فقيره وجواهه بلاوي ..ابنج الله يحبه خلص منـِْهـ♡̨̐ـِْا.. هاي ازمه وتعدي ..كم يوم ويسند روحه.
حمزه استمر ع هالحال سنه.. وبيوم صديقه حسن عنده مراجعه ..للطبيب وطلبو منه تحاليل
حمزه تعال اخذك الصديقي ..اهنا بس محلل رۈۋعـِھّ حسن جان يعرف بقصة رنا.. دخلو للمختبر سأل حمزه عن حازم عرف بيه منقول ..الغير مكان ..
الولد اللي موجود بمكانه رحب بيهم واخذ حسن حتي يسوي تحاليل..
حمزه وهو كاعد بس متردد. احلل لا مااحلل احلل لا مااحلل.. اخيرن حسم الموقف وقرر يحلل تحليل نسبه
وره ساعه رجع ع المختبر انطاه ابو المختبر التحليل والنسبه مالته ٨٦
حمزه ظل صافن ابو التحليل خير اخي اكو شي
حمزه اي خويه.. اني عقيم ونسبتي صفر
المحلل اخي انت نسبتك عاليه وابد ماعندك عقم..
حمزه لا اخي مااصدك اني رحت بنفسي للاردن وسوريا
المحلل راح انطيك ورقه وتروح ع هذا المختبر باجر اللي بيه ولد صديقي ومختبرهم مظبوط جدا
حمزه ليش باجر هسه اروح
المحلل لازم تاكل شي حلو بقلاوه او دهينه يالله اتحلل
حمزه وكفت ع محل اشتريت بقلاوه… واكلتها كولها ورحت للمختبر ..وحللت
وتفاجات بالنسبه ..النسبه ٨٨
حمزه الامل فز بگلبي لعد والتحاليل القديمه.. رجعت بيه السنين ..بكل تحاليلي جان وياي ابن عمي..
ياسر اخو زوجتي معقوله ياسر جان. … ..وسكت
طلع حمزه من المختبر ..ورجع ع المختبر القديم وطلع هويته الصاحب المختبر..
ظابط بالمخابرات ابو المختبر ظل ينطي الوان كتله الموضوع مو يمك اريد حازم اللي جان يشتغل يمكم
انطيني عنوانه..
صاحب المختبر.. بخوف عمي هذا صعدت بيده وخير من الله وفتح مختبر الوحده ..
حمزه انطيني عنوانه.. اخذت العنوان وطلعت ..دزيت عليه جماعه اتراقبه من بعيد ..اتفقت وي عسكري عندي كتله روح عليه وكله عندي صديقي اريدك تلعب بالنسبه مالته وانطيك مبلغ مغري
راح صاحبنا ع المحلل حازم وحازم قبل ياخذ الرشوه ودخلت عليه متلبس بالجرم المشهود جتفناه وقفلنا المختبر وطلعنا..
اويلي طاح حازم بيدي علقته فلقه واني اللي اظربه بيدي..
بعدين نزلته دفر..
كتله قضيتك فساد اداري ..مو يم امن الدوله بس انا راح احولها لامن الدوله
حازم ادخيلك سيدي ابوس رجلك ..راح احجيلك كولشي..
ابن عمك ياسر هو اللي طلب مني هيج اسوي وخلاني ادزه ع ناس ابغداد وراح اتفق وياهم قبلك وقبضو الثمن وانطوك النسبه صفر ..
حمزه وسفرات الاردن وسوريا..
حازم كولها تخطيط ياسر.. الاردن وسوريا الرشوه عدهم اسرع من العراق..
حولت قضيه حازم الصديقي ظابط مدني ..لان هي قضيه فساد ..
وياسر اويلي ياهو اللي يلزملي ياسر.. واروح ع ولد صديقي ابغداد.. جان وياي بنفس الدفعه ..اسمه ارشد
رحتلها مرتين البيته الثالثه يالله حصلته
حمزه بعد السلام والترحيب الحار.. شالقصه خويه اجي وانت ماكوو
ارشد.. والله اجتنا اخباريه ع جاسوس وصار فتره ابيع لبلبي يم بيتهم واراقبه من بعيد وامس طاح بيدنه وين يروح مخابراتنه قويه..
حمزه الحمدلله.. ارشد عندي وياك موضوع
حمزه حجه الارشد كولشي.. ارشد متعجب ابن عمك ويسوي هيج ..
حمزه هذا اللي صار.. علمود اخته دمر حياتي كولها..
ارشد اطلب وكول رقبتي كدامك حمزه
حمزه اريد من ارجع البصره يخابروني تعال اقره فاتحة لابنك عمك ياسر..
ارشد انطيني العنوان ..وبعد يومين راح تقره الفاتحه لابنك عمك.. الله يرحمه من هسه..
