فصلية من نوع اخر

البارت الثاني

نور    صباحا
كاعدين كلهم على السفره
نور:بابا كل المصطفى ينطيني الجاي
مصطفى(اخو نور عمره عشرين سنه يدرس سنه ثاني صيدلة):مانطيجيا لو تموتين ولاتصيرين زعطوط كلشي وتكولين  بابه
الاب:شبيكم بس تتناكرون وانته زعطوط مو هي، هي حبيبت ابوه
مصطفى:مسوي نفسه زعلان ومبرطم
نور:تكوم تبوسه وتكله لاحبيبي شعندي غيرك ياروحي
مصطفى:يمه حبيبت اخوه مازعلت
الاب والام :جهال ولله ويضحكون
يالله نعيف العائلة السعيدة وحد نجي لمكان ثاني

بامريكا عائلة كريم ليلا (امريكا وقته عكسنه)

الاب:باجر تطلع طيارتنا نروح للعراق نحضر عرس منير ابن حسين
الام وعلي:انشالله
الاب:وانته امير شو ساكت
امير:ماروح
الاب:لا اتروح وخلص كلامي انته ابد مرايح روح شوف عائلتك اطلع من قوقعتك
امير بدون حجي يدخل غرفته يرتب اغراض السفر
الام:على كيفك وياه
الاب:موتني هل ولد اريد اعرف علته شنو ماكو
الام:الله كريم ،لك علاوي كوم رتب اغراضك
علي:كايم مامه

ببيت الجد بيت العائلة
الجد:اليوم نسوي اكل ونعزم راح يجي كريم مو اي واحد
الجدة:كلش فرحانه
حسين:نروح نستقبله اني ومحمد بالمطار
الجد:حسن وين لعد
حسين:كال عندي شغل بعدين اجي
الجد:بعصبيه مايكدر يعوف السيابه ويجي يسلم على اخوه

تسريع بالاحداث

بالمطار ينزل من الطياره كريم وعائلته
يشوفهم حسين ومحمد وبعد السلامات والتبوسه
حسين:اي ياخوي شنهل غيبه
كريم:ولله مشغول وماداصدك كبرو اولادك وراح تزوجهم
حسين:ههه انته صار هواي مشايفهم ومشالله حتى علاوي صاير زلمه شوكت انشوفك عريس
علي:دخيلك ارحمني اموت من النسوان

يركبون السيارت ويتوجهون لبيت العائلة

ببيت العائلة يوصلون ويبدي المحاضن والبجي (مابيه حيل احجي المهم كلنه نعرف من يجي شخص من بعيد شيصير )

الجد:علي وامير اول مره يجون خلي نعرفكم على عائلتكم
ويبدأ يعرفه على العائلة ويوصل لرنا ولين
الجد:هذين بنات عمك محمد
علي وامير:تشرفنا
رنا ولين:طلعتو حلوين اكثر من الصور
امير ميحجي. وعلي يتجاهلن

عائلة نور 
صبينه عشه وكاعدين ننتضر مصطفى ماكو تاخر
الاب:وين صار تاخر مو من عوايده
الام:اني ابد ممطمئنه
نور:هاي شبيج ماما هس يجي على كيفج
وره ساعه يجي مصطفى مدمه
الام:يمه وليدي شبيك
مصطفى:مامه ولله ماسوية شي
الاب:ولك احجي شمسوي
مصطفى:ولله بابه وره ماخلصت الجامعه داسوق على كيف طلعلي واحد يمكن سكران وصار كبالي واني ماكدرت اصيطر على السيارت ودعمته نزلت اخذت للمستشفى  مات والمشكله انو طلع ابن شيوخ ميعدوه على خير وجماعتي كلولي اشرد احسن ميكتلوك حتلو ابنهم غلطان وانته صح راح يطلعوك انته الغلط
الام:سوده بوجهي ابني راح
الاب:هدي شبيج ونتي نور كافي بجي يصير خير ،انته روح البيت خالك باربيل بين من حل المصيبه

ببيت العائلة مجتمعين الكل على السفرة
يدك تلفون حسين
حسين:الوو.
.........:
حسين:شنو لايابه يمعود سده جايين
الجد:شكو حسين شبيك قلقتنه احجي
حسين:داعمين حسن وميت
الجد يحط ايده على وجه ويبجي انا لله وانا اليه راجعون
تكب عطيت النسوان والحجي والبجي

تسريع الاحداث   بعد اسبوع

الجد:اليوم الكعده اريد الكل حاضر اريد تاخذون حق اخوكم
حسين:انشالله

نور
اليوم الكعده وخايفين والامور متوتره بالبيت يارب سهله

يوم الكعده
عشيرة حسن:انريد دم بدم
عشيرة مصطفى:لايمعودين هذا مو حل
وبقت بس الصايح والعرك بالاخر يقرر الجد
الجد:عندي حل غير الدم
شنو
ناخذ فصل 100مليون وفصلية
ابو نور:شنو لو بنتي الوحيدة لو ابني
الجد:هذا خر حجي ماعندي غيره

ويروحون

يرجع ابو نور تتلكا الام
الام:ها يمعود شصار
الاب:يردون ١٠٠مليون و
الام:وشنو احجي
الاب:فصلية
الام:بصياح شنو انطي بنتي فصلية لو اموت اني سوي حل
الاب:لو ابني لو بتي شنو اسوي على الاقل من انطي نور ماتموت سنه وترجع اما اذا انطي مصطفى بعد مايرجع ويبدون يبجون
نور:ماما بابا اني راضيه اروح فصلية(هي متدري شنو فصليه اصلا)
الام:نور شنو هل خرابيط انتي بعمرج سامع شي اسمه فصلية
نور:ماما اسوي كلشي في سبيل ميموت مصطفى
الاب:والنعم من بنتي
الام:انته شتحجي بنتي عمره١٦سنه انطيه فصليه تكعد تبجي ونور تهدي بيه

في بيت العائلة الكل يصيح
انته شلون تقبل بفصليه
الجد:لعد تردون نكتبل ابنهم واني اعرف ابني غلطان
كريم:بس هي ماله ذنب
محمد:اسكت انته شنو ماله ذنب اخوه كتل اخوك
الجد:منو ياخذه حسين ياخذه واحد من ولدك
سجاد ورضا:احنه مالنه علاقه خذه انته
منير:اني راح اتزوج ما اكدر
الجد:موكتلكم اولادكم مابيهم حض منو بقه اطيع الخالد السكط
خالد:لو اموت ويخلي ويطلع
الجد:خلص قررت علي انته اخذه بس انته يعتمد عليك
علي:جدي اليوم اجيت تريد تزوجني
الجد:مع الاسف عليك توقعتك احسن منهم
علي:جدي راضي راضي بس لتزعل بس ها تره ماتقربله
الجد:بعد هاي بكيفك شتريد اتسوي سوي
كريم:حرام عليكم ماله ذنب

نور. اليوم اروح فصلية جنت احلم اخذ حبيبي تالي اتزوج واحد ماعرف ويمكن بكد ابوي بس ماراح اخون لمحمد ابد راح اضل احبه خلي ادزل رساله اودعه (وتبجي مخدوعه خطيه)

اتمنى لكم قراءة ممتعة
اذا اكو خطئ غلسو
مع تحياني الكاتبة(M-M)