تركني _ورحل (قصيرا ومكتمله )

لبارت الخامس

السلام عليكم

ورود طلعته من الجنطه فتحت خط
ورود. ..الو
محمد...هلو شلونج حبي
ورود جرت حسره. ..مومهم انت شلونك
محمد ...ورود حبيبتي بيج شي
ورود علمود ماقلقه. ..لا حبيبي مبيه شي بس مشتاقتلك
محمد...اني لاكثر باجيه البارحه من رحت مو
ورود..سكتت
محمد...والله عرفتج من صوتج
ورود. ..هم طلعتو تفتشون
محمد...أي طلعنه قبل شوي وهسه هم راح نطلع ضربتي ابرتج
ورود. ..اي حسن وعمتي خذوني وهسه اني ببيت أهلي

الضابط..يله شباب نروح تفتيش للمنطقة الثانيه

محمد...يلا حبيبتي لازم أروح
ورود. ..دير بالك على نفسك
محمد ..واانتي هم بأي بعمري
ورود....بأي حبيبي.

سديته منه ونمت كعدت ما عرف بيش الساعه بس ضلمه هندس شغلت الضوه شفتها ب12 حيللل صار لي شكد نايمه حتى الصلاه فاتتني
كمت أخذت التلفون ونزلت الكل نايم شربت مي وطلعت للحديقه مالت أهلي
ضليت كاعده انوب خابرت على محمد ضل يدك يدك ما يفتح خط أكيد مشغول

ضليت أكلب بالانستكرام اجتني رساله من واحد مدري وحده حاط صوره طفل
دزلي رساله

:هلو
مارديت

رجع دز :شبيج متردين
فكيت حلكي شلون عرف اني بنيه هم مارديت
دز :صح اسمح ورود
عزااا شلونه عرف اسمي كصيت صوره للمحادثه والحساب كلت من يجي محمد اكله لأن ما حب أضم علي شي

طلعت من المحادثه راسن دك علي محمد فتحت خط

محمد ...الو
ورود...الوات شلونك
محمد ..الحمدلله وانتي
ورود...تمام
محمد...وين انتي
ورود...بالحديقه
محمد..بارده عليج
ورود...لا حبيبي زين الجو
محمد ...هم بجيتي
ورود. ..لا اصلن من سديته منك نمت والنومه نومه قبل شوي كعدت
محمد...نوم العوافي
ورود. ..الله يعافيك حبيبي وضلينه نسولف أخر شي كال صاحو  علي راح أروح سديته منه شفت الساعه ب1اففف ملل ضليت
أكلب بالانستا انوب دخلت جوه صعدت الغرفتي مجايني نوم
طلعت  مسلسل بالتلفون مال فضيله خاتم وبناتها ♡

وضليت اباوع
صارت الساعه ب3اذن أذان الفجر كمت توضيت وصليت ودعيت الله يرجعه إلي سالم
كملت صلاتي ورجعت اباوع على المسلسل صارت ب6.نزلت سويت ريوك شوي واجه بابه

الأب ...صباح الخير هلا بويه شلونج
ورود سلمت علي ...صباح الورد الحمدلله انت شلونك
الأب..الحمدلله البارحه سألت عليج كالو نايمه
ورود...أي جنت تعبانه ونمت
الأم ...صباح الخير
ورود والاب ...صباح النور إجت مامه وتريكو بابا راح للشغل ومامه رجعت نامت تكول رأسي يوجعني اني كمت  انضف البيت
غسلت الحوش ورشيت الحديقه

مر على كعدتي يم أهلي 3ايام انوب رجعت البيت عيالي
ومحمد يوميه يخابرني ونسولف

صار على روحت محمد 7تيام واليوم ينزل
عاد اني رحت للصالون حفيت وجهي ردت اصلا شعري بس محمد ميرضه شعري طويل لركبي لون بني ولا مره صابغته او كاصته
سويت جسمي ليزر وعنايه بلبشره ماسكات وتقشير البشره انوب

رتبت اضافري
جهزت نفسي على آخر حبايه وهاذ الحجي نور ومنار وياي
منار تحضر نفسها لأن يحيى راح ينزل وي محمد ويجي  يشوفها 
ونور تكول أريد أرتب نفسي جنت ماكدر اسوي شي من ورا علاوي ابني

المهم رجعنه من الصالون نضفنه البيت وعطرناه لأن اكيد بيت عمامي من العماره راح يجون

نسيت اكول الكم ابو ورود وأبو محمد أصلهم من العماره وأم ورود من بغداد وأم محمد من الحله

عاد كملنه  شغل كلمن صعدت ا لغرفتها ترتاح لأن بأجر شغل كونه ومحمد يوصل بليل كلش
اني متعودة من أنام ألبس شي خفيف
لبست ثوب نوم
وفتحت شعري ونمت

حسيت بشي يمشي على خدي كل البالي صرصر فزيت اجيت اكوم

محمد ...هاذ اني محمد شبيج وشغلت الضوه يريتني ممشغله ضليت صافن عليها احس عركت
ورود... حمدلله على السلامه
محمد .. الله يسلمك وفتح ايده هي ركض حضنته حيل وتشم ريحته مشتاقتله كلش يالله شعره مبلل مبين سابح انوب السبلت مشتغل لا يتمرض

محمد نفس الحاله حاضنها حيل واخرها من حضنه وأخذ شفتها بين شفته بكل حب ورومانسية واشتياق انتقلو. العشاق لاحلامهم إلي كلها حب ...

.....
يتبع
اسفه اذا كان البارت قصير بس شسوي
ماكو تفاعل نهائيه

بنات رجائن اريدجن تتفاعلن ترا هاي القصه مو طويله كلش
ترا هاي القصه قصيره
وقصه متتعوض ابد
أتمناه منجن تتفاعلن بين الفقرات
أريد اشوفجن عايشات  وي القصه 😔💔

بأي