رواية تجارب"⭕"

8

#رواية تجارب"⭕"

للكاتبة Rehab.A.M

-الحلقة 8-

أسيل إنتبهت لروحها: اا إنت أكرم صح؟؟!
أكرم هز راسه باستغراب: إي أني أكرم... بس من إنتي؟؟!
أسيل مدت يدها: أني أسيل عبدالسلام.... طبعا تسأل شن جيبني عندك وليش طلعتك وهلبا أسأله بس جواب أسإلتك مش عندي لأن طلبو مني نطلعك من الحبس ونوصلك للعنوان يلي عطوهلي ...
أكرم: ع الأقل خودي نفس وانتي تتكلمي🤦🏼‍♂️
أسيل تشوفله وكيف دايبة فيه: الجمال هدا كله كان محبوس🥺❤️
أكرم: نعم🤨😂
أسيل: ااا قتلكك وقتت لازم نمشو هياا...
وطلعت أسيل من مركز الشرطه وأكرم يشوفلها ويضحك ع حركاتها المجنونه ومشي خلفها❤️😂🔥

ريان خشت لغرفة فراس عشان تغير حوايجها وانصدمت وقت شافت الغرفة مزينه بالورد والضي 😬
ريان تحاول اترجم في راسها وليش فراس مزين غرفته هل معقول مزينها عشانها أو عشان وحده تانية وبلا بلا بلا مية سؤال وسؤال في راس ريان لحد ما فتحت الدولاب وغيرت حوايجها وخدت تلفونها وطلعت من الحوش.... 🔥

عمر جالس جنب فراس في السيارة وأسامة من الخلف
عمر: يعني لازم نشوفو خطة كويسة عشان البضاعة؟؟
فراس يسوق: عندي خطة وحاط كذا احتمال في راسي..
أسامة: حسام عنده علم بزواج ريان؟؟!
فراس شافله من المرايا: تقريبا لا لأنه قاعد يدور عليها
عمر: توا حتى لو لقاها مستحيل يقدر يدير شي لأنها خلاص تزوجت...
فراس: اي مش حيدير شي بس اكيد حينتقم.....
أسامة: يعني ناخدوا حذرنا🤦🏼‍♂️🔥

أكرم ركب مع أسيل في السيارة
أكرم: وين رافعتيني😤
أسيل: للمكان يلي قالي عليه بابا😁
أكرم: اااهه المكان هاداك اي والله عرفته🤦🏼‍♂️
أسيل تسوق وشافتله باستغراب: كيف عرفته؟؟!🤨
أكرم شافلها: قلتيلي إسمك أسيل عبدالسلام والا؟؟
أسيل: اي🙄
أكرم: بوك يلي يشتغل تاجر؟؟
أسيل:ليش تسأل؟؟!
أكرم: عشان نعرف روحي مع من راكب😫
أسيل: متخافش مش ح نديرلك شي...
أكرم: به وين ماشين ع الأقل قولي
أسيل: مش عارفة بابا عطاني عنوان وقالي تعالو هنا
أكرم: ترا وقفي السيارة😒
أسيل شافتله: ليش؟؟؟!
أكرم: قلتلك وقفي السيارة أحسن😡
أسيل وقفت السيارة: تمام وقفتت بس ليشش؟؟!
أكرم نزل من السيارة وسكر الباب وشاف لأسيل من الروشن
أكرم: يعني إنتي من عقلك تبيني نركب مع وحده منعرفهاش ونمشي معاها لمكان منعرفاش... هه مشيها ع غيري
أسيل: يا انت لو كنت بنديرلك شي مش كويس ره مطلعتكش من الحبس😡
أكرم: اي هيا اهني المشكلة ... ليش طلعتيني من الحبس وشن مصلحتكك؟؟!
أسيل: والله ماعندي مصلحة ولا اي شي من الكلام هدا أني بس طلعتك عشان بابا قالي هكي ....
أكرم وقف: وليش بوك قالك هككك يعني بوكك يعرفني؟؟؟! والا شن؟؟
أسيل: اففف صدقني حتعرف كل شي وقت نوصلو😫
أكرم شافلها باستهزاء وخدي جاكيته ومشي