عشك الشيخ

البارت الثامن

.
.
.
ﺑﻘﻴﺖ ﮔﺎﻋﺪﻩ ﻣﻨﺘﻈﺮﺗﻪ ﺻﺎﺭﺕ ﺏ١٠ ﺑﻠﻴﻞ ﻭﻫﻮﻩ ﻣﺎﻛﻮﻭ
ﻧﻌﺴﺖ ﺣﻴﻴﻞ ﻣﻦ ﺍﻻﺩﻭﻳﻪ ﻭﺍﻧﻲ ﺗﻌﺒﺎﻧﻪ ... ﺍﺳﺘﺴﻠﻤﺖ
ﻭﻧﻤﺖ ﻓﺰﻳﺖ ﺍﻟﻀﻮﻩ ﺑﻌﻴﻨﻲ ﺍﺯﻋﺠﻨﻲ .... ﻓﺘﺤﺖ ﻋﻴﻨﻲ
ﺷﻔﺘﻪ ﻭﺍﮔﻒ ﻋﻠﻪ ﺍﻟﻤﺮﺍﻳﻪ ﻳﻤﺸﻂ ﻭﻻﺑﺲ ﺑﺪﻟﺘﻪ ﺍﻟﻌﺴﻜﺮﻳﻪ
ﮔﻤﺖ ﻋﻠﻪ ﺣﻴﻠﻲ ﻫﻮﻩ ﺍﻧﺘﺒﻬﻠﻲ ﻭﮔﺎﻝ ﻟﻴﺶ ﮔﻤﺘﻲ ﺍﺑﻘﻲ ﻣﺮﺗﺎﺣﻪ
ﮔﺘﻠﻪ ﻻ ﮔﻌﺪﺕ ﺑﻌﺪ .... ﻓﺪﺩﻭﻩ ﺷﮕﺪ ﺍﻧﻴﻖ ﻭﺷﻜﻠﻪ ﻓﺨﻢ ﺑﻠﺒﺪﻟﻪ
ﺍﻧﺘﺒﻬﻠﻲ ﺍﺑﺎﻭﻋﻠﻪ ﺍﻧﺪﺍﺭ ﻭﺍﺟﻪ ﻋﻠﻴﻪ ﮔﺎﻝ ﺷﻠﻮﻭﻥ ﺻﺮﺗﻲ
ﻋﺸﻖ : ﺍﻟﺤﻤﺪﺩﻟﻠﻪ ﺍﺣﺴﻦ
ﺻﮕﺮ : ﺍﻟﺤﻤﺪﻟﻠﻪ
ﻋﺸﻖ : ﺍﻟﺒﺎﺭﺣﻪ ﺗﺄﺧﺮﺕ ﺣﻴﻴﻞ؟؟؟
ﺷﻔﺘﻪ ﺿﺎﺍﺝ ﺣﻴﻴﻞ ﻭﺩﺍﺭ ﻭﺟﻬﻪ ﻫﺎﺍ ﺑﺴﻢ ﺍﻟﻠﻪ ﺷﺤﺠﻴﺖ ﺍﻧﻲ
ﮔﺎﻝ ﺻﺎﺭ ﻋﻨﺪﻱ ﺷﻐﻞ ... ﻭﺗﺄﺧﺮﺕ
ﻋﺸﻖ : ﺭﺍﻳﺢ ﻟﻠﺪﻭﺍﻡ ؟؟
ﺻﮕﺮ : ﺍﻟﻤﻔﺮﻭﺽ ﻣﻮﻭ ﻫﺴﻪ ﺑﺲ ﺧﺎﺑﺮﻭﻧﻲ ﻭﺿﺮﻭﺭﻱ ﺍﺭﻭﺡ
ﺍﺟﻪ ﻭﮔﻌﺪ ﻳﻤﻲ ﻭﮔﺎﻝ ﺩﻳﺮﻱ ﺑﺎﻟﺞ ﻋﻠﻪ ﺭﻭﺣﭻ ﺍﺫﺍ ﺣﺴﻴﺘﻲ ﺑﺪﻭﺧﻪ
ﺍﻭ ﻭﺟﻊ ﮔﻮﻟﻲ ﻻﻣﻲ ﻟﺘﺒﻘﻴﻦ ﺳﺎﻛﺘﻪ
ﻫﺰﻳﺖ ﺭﺍﺳﺴﻲ ﺑﺄﻱ
ﮔﺎﻡ ﻭﺭﺍﺡ ﻃﻠﻊ ﺍﻭﺭﺍﻕ ﻣﻦ ﺍﻟﺠﺮﺍﺭﻩ ﻭﺭﺵ ﻋﻄﺮ
ﺑﺎﻭﻋﻠﻲ ﻭﮔﺎﻝ ﺭﺍﻳﺢ
ﮔﺘﻠﻪ ﺍﻟﻠﻪ ﻭﻳﺎﺍﻙ ﺑﻘﻪ ﻭﺍﻛﻒ ﻳﺒﺎﻭﻉ ﻋﺒﺎﻟﻚ ﻣﻨﺘﻈﺮﻧﻲ ﺍﺣﭽﻲ
ﺷﻲ ﺑﻌﺪ ﺑﺲ ﺷﺤﺠﻲ ﺷﮕﻮﻝ
ﻻﺗﺮﻭﺡ
ﺍﺑﻘﻪ ﺑﻌﺪ
ﺭﺍﺡ ﺍﺷﺘﺎﻗﻠﻚ
ﺗﻌﺎﻝ ﺍﺣﻈﻨﻲ
ﺩﻧﮕﺖ ﺭﺍﺳﻲ ﻭﺳﻜﺘﺖ ﻭﻫﻮﻩ ﻃﻠﻊ ﺑﺲ ﺍﺧﺬ ﺭﻭﺣﻲ ﻭﻳﺎﻩ
ﺣﺎﻭﻟﺖ ﺍﻧﺎﻡ ﻣﺎﻛﺪﺭﺕ ﺑﺎﻭﻋﺖ ﺍﻟﺴﺎﻋﻪ ٤ ﻛﻤﺖ ﻭﺭﺣﺖ ﻳﻢ ﺷﻤﺲ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺭﻓﻌﺖ ﺍﻟﻐﻄﻰ ﻭﻧﻤﺖ ﻳﻤﻪ ﻫﻴﻪ ﺣﺴﺖ ﻋﻠﻴﻪ
ﮔﺎﻟﺖ ﺷﻮﺷﻪ ﺷﺠﺎﺑﺞ !! ﺑﻴﺞ ﺷﻲ
ﺩﻓﻨﺖ ﺭﺍﺳﻲ ﺑﻤﺨﺪﺗﻪ ﻭﻫﺰﻳﺖ ﺭﺍﺳﻲ ﻣﺎﺑﻴﻪ ﺷﻲ
ﻛﺎﻟﺖ ﻟﻌﺪﺩ ﺧﻮﻓﺘﻴﻨﻲ ﮔﺘﻠﻪ ﺭﺍﺡ
ﮔﺎﻟﺖ ﻭﺝ ﻣﻨﻮﻭ
ﮔﺘﻠﻪ ﺻﮕﺮ
ﮔﺎﻟﺖ ﻭﻳﻦ
ﮔﺘﻠﻪ ﻟﻠﺪﻭﺍﻡ ... ﺿﺮﺑﺘﻨﻲ ﮔﺎﻟﺖ ﻣﺮﺽ ﺭﺍﺣﺖ ﺭﻭﺣﻲ ﺣﺴﺒﺎﻟﻲ ﺑﻴﺞ ﺷﻲ
ﻣﺎﺳﻴﻄﺮﺕ ﻋﻠﻪ ﺭﻭﺣﻲ ﻭﺑﭽﻴﺖ ﺣﻈﻨﺘﻨﻲ ﻭﮔﺎﻟﺖ
ﻫﻨﻪ ﺷﺸﻜﻢ ﻳﻮﻡ ﻭﻳﺮﺟﻊ ﻟﻌﺪ ﻣﻮ ﺟﻨﺘﻲ ﺗﺘﻌﻴﻘﻠﻴﻦ ﻋﻠﻴﻪ
ﺍﻭﻭﻑ ﺻﺪﻭﻙ ﻭﺍﻟﻠﻪ ﻣﺎﻋﺮﻑ ﺷﺒﻴﻪ ﻣﻦ ﺭﺍﺡ ﺣﺴﻴﺖ ﺑﻘﻴﻤﺘﻪ
ﻣﺎﻋﺮﻑ ﺷﻠﻮﻥ ﻏﻔﻴﺖ ﻭﻛﻌﺪﺕ ﺍﻟﺼﺒﺢ
ﺳﺎﻋﻪ ﺏ٧ ﻭﻧﺺ ﮔﻤﺖ ﻏﺴﻠﺖ ﻭﺟﻬﻲ ﻭﺑﺪﻟﺖ ﻏﻴﺮ ﺩﺷﺪﺍﺷﻪ ﻭﻧﺰﻟﺖ
ﻟﻜﻴﺖ ﻣﺎﻣﺎ ﻭﺑﻴﺒﻲ ﮔﺎﻋﺪﻳﻦ ﺻﺒﺤﺖ ﻭﮔﻌﺪﺕ ﻳﻤﻬﻢ
ﺑﻴﺒﻲ ﮔﺎﻟﺖ ﻫﺎ ﻭﻟﺞ ﻣﻦ ﺭﺍﺡ ﺻﮕﻴﻴﺮ ﻳﻼ ﺷﻔﻨﻪ ﻭﺟﻬﺞ
ﺧﻠﻴﺖ ﺭﺍﺳﻲ ﻋﻠﻪ ﭼﺘﻔﻬﻪ ﻭﺟﺮﻳﺖ ﺣﺴﺮﻩ
ﻣﺎﻣﺎ : ﻳﻤﻪ ﺳﻮﺩﻩ ﻋﻠﻴﻪ ﻫﺎﻱ ﺍﻟﺤﺴﺮﻩ ﻛﻠﻪ ﻟﻔﺮﺍﮒ ﺻﮕﺮ
ﺍﻭﻭﻑ ﺷﺤﺠﻲ ﻭﺷﻜﻜﻮﻝ ﻛﻠﻪ ﻋﺮﻓﺖ ﺍﻧﻲ ﺍﺣﺒﻪ ﺍﻟﻪ ﺍﻧﻲ ﺍﺧﺮ ﻭﺣﺪﻩ
ﻳﺎﺭﺭﺑﻲ ﺷﻴﺼﺒﺮﻧﻲ ... ﻭﺭﻩ ﺷﻮﻳﻪ ﻧﺰﻟﺖ ﺷﻤﺲ
ﺧﻠﺼﻨﻪ ﺭﻳﻮﮒ ﻣﺎﺧﻠﺘﻨﻲ ﺷﻤﺲ ﺍﺳﻮﻱ ﺷﻲ ﻻﻥ ﻣﺮﻳﻀﻪ
ﺑﻘﻴﺖ ﻧﺎﻳﻤﻪ ﻋﻠﻪ ﺍﻟﻘﻨﻔﻪ ﺑﻠﺼﺎﻟﻪ ﻭﻣﺨﻠﻴﻪ ﺍﻳﺪﻱ ﻉ ﻋﻴﻨﻲ
ﺳﻤﻌﺖ ﺻﻮﻭﺕ ﻣﺮﻩ ﮔﺎﻟﺖ ﺧﻮﻭﺵ ﻭﺍﻟﻠﻪ
ﺍﻟﭽﻨﻪ ﻧﺎﻳﻤﻪ ﻭﺑﺖ ﺍﻟﺸﻴﻮﺥ ﺗﺸﺘﻐﻞ ﻭﺗﻨﻀﻒ .... ﺭﻓﻌﺖ ﺍﻳﺪﻱ
ﻭﺷﻔﺘﻪ ﻣﺮﻩ ﻭﺍﻛﻔﻪ ﺑﺎﺏ ﺍﻟﺼﺎﻟﻪ ﻭﻳﺎﻫﻪ ﺑﻨﻴﻪ ﺷﺎﺑﻪ
ﮔﻤﺖ ﻋﻠﻪ ﺣﻴﻠﻲ ... ﺑﻘﻴﺖ ﺳﺎﻛﺘﻪ ﻣﺎﻋﺮﻑ ﺷﺠﺎﻭﺑﻪ ﻣﻨﻮ ﻫﺎﻱ ﺍﺻﻼ
ﺩﺧﻠﺖ ﻣﺎﻣﺎ ﻭﮔﺎﻟﺖ ﻳﺎﻫﻼ ﺧﻴﻪ ﺍﻡ ﺻﺎﺩﻕ ﺷﻠﻮﻧﭻ ﺑﻌﺪ ﮔﻠﺒﻲ
ﻭﺑﺎﻭﺳﺘﻪ ﻫﻴﻪ ﻭﺍﻟﺒﻨﻴﻪ
ﺑﺎﻭﻋﺘﻠﻲ ﻭﻛﺎﻟﺖ ﺗﻌﺎﻱ ﻳﻤﻪ ﺷﻮﺷﻪ ﺳﻠﻤﻲ ﻋﻠﻪ ﻣﺮﻩ ﻋﻤﺞ
ﺗﻘﺪﻣﺖ ﻋﻠﻴﻪ ﻭﻛﺘﻠﻪ ﺷﻠﻮﻧﭻ ﺧﺎﻟﻪ ﻭﺑﺎﻭﺳﺘﻪ ﺑﺲ ﻫﻴﻪ ﺗﺒﺎﻭﻋﻠﻲ ﺑﻄﺮﻑ ﻋﻴﻦ
ﻫﺎﻱ ﺷﺒﻴﻪ؟؟
ﺩﺧﻠﺖ ﺷﻤﺲ ﻭﻧﺼﺪﻣﺖ ﻣﻦ ﺷﺎﻓﺘﻬﻦ ﻣﺒﻴﻦ ﻋﻠﻴﻪ ﺣﻴﻴﻴﻞ ﺗﺤﺒﻬﻦ
ﺑﺎﻭﺳﺘﻬﻦ ﻭﺍﺟﺖ ﻭﻛﻔﺖ ﻳﻤﻲ
ﭼﺎﻥ ﺍﻟﻤﺮﻩ ﺩﮔﻮﻝ ﺳﻮﺩﻩ ﻋﻠﻴﻪ ﺷﻤﻴﺴﻪ ﻳﻤﻪ ﺗﻔﺘﺮﻳﻦ ﺑﻠﺒﻴﺖ
ﻭﺍﻟﻨﺎﺱ ﻧﺎﻳﻤﻪ ﻭﻣﺮﺗﺎﺣﻪ
ﻃﻠﻌﺖ ﺗﻘﺼﺪﻧﻲ ... ﻣﺎﺷﺎﺀﺍﻟﻠﻪ ﺍﺑﺪ ﻣﻮﺷﺮﺍﻧﻴﻪ
ﺷﻤﺲ ﻟﺰﻣﺖ ﺍﻳﺪﻱ ﻭﮔﺎﻟﺖ ﻋﻤﻪ ﻫﺬﻩ ﺑﻴﺖ ﺍﻫﻠﻲ ﻟﻮﺍﺑﻘﻪ ﻃﻮﻝ ﻋﻤﺮﻱ
.
.
ﺍﺧﺪﻡ ﺑﻴﻪ ﻣﺎﺍﻭﻓﻲ ﻧﺺ ﺩﻳﻨﻲ ﻻﻫﻠﻲ
ﻭﺍﺻﻼ ﻛﻞ ﻳﻮﻡ ﺷﻮﺷﻪ ﺗﺨﻠﺺ ﺍﻟﺸﻐﻞ ﺑﺲ ﺍﻟﻴﻮﻡ ﻫﻴﻪ
ﻣﺎﻟﻬﻪ ﺧﻠﮓ ﻣﺮﻳﻀﻪ .... ﭼﺎﻥ ﺩﮔﻮﻝ ﭼﺎ ﻭﺍﺫﺍ ﻣﺎﻟﻬﻪ ﺧﻠﮓ
ﺗﻌﻮﻓﺞ ﻭﺣﻴﺪﺝ ﻳﺎﻳﻤﻪ ﺗﺸﺘﻐﻠﻴﻦ ... ﺑﺲ ﻫﻴﻪ ﻣﻮﮔﻮﻩ ﺍﻟﻨﺎﺩﺭﻩ ﻧﺎﺩﺭﻩ
ﻭﺭﺍﺣﺖ ﮔﻌﺪﺕ
ﺑﻘﻴﺖ ﺍﺑﺎﻭﻋﻠﻪ ﻫﺎﻱ ﺷﺒﻴﻬﻪ ﻓﻮﻙ ﻗﻬﺮﻱ ﺍﺟﺘﻲ ﻫﺎﻱ
ﻋﻔﺘﻬﻦ ﻭﻃﻠﻌﺖ ﻭﺟﺘﻲ ﺷﻤﺲ ﻭﺭﺍﻳﻪ ﮔﺎﻟﺖ ﺧﻤﺎ ﺯﻋﻠﺘﻲ
ﻋﺸﻖ : ﻳﻤﻌﻮﺩﻩ ﺍﺯﻋﻞ ﻉ ﺷﻨﻮﻭ
ﺷﻤﺲ : ﺍﻋﺮﻓﭻ ﺑﺄﻡ ﺯﻭﺟﻲ ﺍﻟﻤﺴﺘﻘﺒﻠﻲ
ﻓﺘﺤﺖ ﺣﻠﮕﻲ ﻭ ﮔﺘﻠﻪ ﺟﺬﺫﺫﺫﺏ ﻫﺎﺍﻱ ﺍﻡ ﻋﻴﺴﻰ
ﺷﻤﺲ : ﻣﻮ ﺍﻣﻪ ﺯﻭﺟﻪ ﺍﺑﻮﻭﻭ ﻭﺍﻳﻲ ﻫﺎﻱ ﺍﻣﻪ
ﻋﺸﻖ : ﻭﺝ ﺷﻠﻮﻭﻥ ﺭﺍﺡ ﺗﻌﻴﺸﻴﻦ ﻭﻳﺎﻫﻪ
ﺷﻤﺲ : ﻋﻴﺴﻰ ﮔﺎﻝ ﻣﻨﻌﻴﺶ ﻭﻳﺎﻫﻢ ﻧﻄﻠﻊ ﺑﻴﺖ ﻭﺣﺪﻧﻪ
ﻋﺸﻖ : ﺍﺣﺴﺴﻦ ﻭﺍﻟﻠﻪ ﺯﻳﻦ ﺍﻳﺴﻮﻱ ﻻﻥ ﺗﻨﻐﺺ ﻋﻠﻴﻜﻢ ﻋﻴﺸﺘﻜﻢ
ﺳﻮﻳﻨﻪ ﺟﺎﻱ ﻭﺧﻠﻴﻨﻪ ﻛﻴﻚ ﺑﻠﺼﻴﻨﻴﻪ ﺷﻠﺖ ﺍﻟﺼﻴﻨﻴﻪ ﺩﺧﺖ ﻭﺍﻓﺘﺮﺕ ﺑﻴﻪ ﺍﻟﮕﺎﻉ
ﺷﻤﺲ ﮔﺎﻟﺖ ﺍﺳﻢ ﺍﻟﻠﻪ ﺩﺟﻴﺒﻲ ﻳﻤﻌﻮﺩﻩ ﺍﻧﺘﻲ ﺑﻴﺎﺣﺎﻝ ﺍﺧﺬﺕ ﺍﻟﺼﻴﻨﻴﻪ
ﻭﺭﺍﺣﺖ ﻗﺪﻣﺖ ﻭﺍﺟﺘﻲ ... ﮔﺎﻟﺖ ﻟﻴﺶ ﻭﺍﮔﻔﻪ ﮔﻌﺪﻱ ﺷﺒﻴﺞ
ﻟﻮﺗﺮﺣﻴﻦ ﺗﻨﺎﻣﻴﻦ ﺑﻐﺮﻓﺘﺞ
ﮔﺘﻠﻪ ﻻﺍﻛﻌﺪ ﻫﻨﺎﺍﺍ
ﮔﻌﺪﺕ ﻭﺍﺷﻮﻑ ﺍﻟﺤﺎﻳﻂ ﻳﺮﻭﺡ ﻭﻳﺮﺟﻊ
ﻛﻮﻟﺶ ﺩﺍﻳﺨﻪ ﺧﻠﻴﺖ ﺍﻳﺪﻱ ﻋﻠﻪ ﺭﺍﺳﻲ ﻭﺷﻤﺲ ﺗﻠﻢ ﺑﻠﻤﻄﺒﺦ
ﻭﺍﺳﻤﻊ ﺻﻮﺕ ﻭﺣﺪﻩ ﮔﺎﻟﺖ ﺷﻤﻮﺳﻪ ﺷﻠﻮﻧﭻ ﺍﺧﺒﺎﺭﺝ ﺭﻓﻌﺖ ﺭﺍﺳﻲ
ﻭﺷﻔﺘﻪ ﻧﻔﺲ ﺍﻟﺒﻨﻴﻪ ﺍﻟﻲ ﺟﺘﻲ ﻭﻳﻪ ﻋﻤﻪ ﺻﮕﺮ
ﺟﺎﻭﺑﺖ ﺷﻤﺲ ﺍﻟﺤﻤﺪﻟﻠﻪ ﺑﺨﻴﺮ ﺍﻧﺘﻲ ﺷﻠﻮﻧﭻ
ﺑﺎﻭﻋﺘﻠﻲ ﻭﮔﺎﻟﺖ ﺯﻳﻴﻴﻨﻪ ...
ﺷﻤﺲ : ﺷﻮﺷﻪ ﺍﻋﺮﻓﭻ ﺑﺖ ﻋﻤﻲ ﺍﺑﻮﺻﺎﺩﻕ ﺩﻣﻮﻉ
ﺩﻣﻮﻉ ﻫﺎﻱ ﺷﻮﺷﻪ ﻣﺮﻩ ﺻﮕﺮ
ﮔﺘﻠﻪ ﺍﻫﻼ ﻭﺳﻬﻼ ﺣﺒﻴﺒﺘﻲ
ﺭﺩﺕ ﻋﻠﻴﻪ ﻭﺗﺒﺎﻭﻋﻠﻲ ﺻﻔﺢ ﺍﻫﻼ ﺑﻴﭻ
ﻫﺎﻱ ﺷﺒﻴﻬﻪ ﺍﻧﻮﺏ ... ﺍﻟﺤﻤﺪﻟﻠﻪ ﻭﺍﻟﺸﻜﺮ
ﺭﺟﻌﺖ ﮔﺎﻝ ﺑﺲ ﺍﻧﺘﻲ ﺍﺳﻤﺞ ﺷﻮﺷﻪ ﻟﻮ ﺷﻨﻮ !...
ﺷﻤﺲ : ﻻﺍﺳﻤﻪ ﻋﺸﮓ .. ﻋﺸﻖ .. ﺑﻜﻴﻔﭻ ﻭﻧﺪﻟﻌﻪ ﺷﻮﺷﻪ
ﻛﺎﻟﺖ ﺑﺲ ﺍﺳﻤﭻ ﺛﮕﻴﻞ ﻳﻀﻮﺝ
ﺷﻤﺲ : ﻻ ﻋﻴﻨﻲ ﻻﻳﻀﻮﺝ ﻭﻻ ﺷﻲ ﺍﺻﻼ ﺍﻻﺳﻢ ﻻﻳﮓ ﻋﻠﻴﻬﻪ
ﻋﺸﮓ ﻭﻣﻦ ﺍﻭﻝ ﻧﻈﺮﻩ ﺗﻨﻌﺸﮓ
ﺑﺎﻭﻋﺘﻠﻪ ﻭﺷﻤﺮﺗﻠﻪ ﺑﻮﺳﻪ ﺑﻠﻬﻮﻯ ﻭﻫﻴﻪ ﻫﻢ
ﺷﻮﻫﺎﻱ ﺑﺎﻭﻋﺘﻠﻲ ﻣﻦ ﻓﻮﮒ ﻟﻴﺠﻮﻩ ﻭﺭﺍﺣﺖ ....
ﺷﻤﺲ ﮔﺎﻟﺖ ﻣﻮﻭﺍﮔﻠﺞ ﻛﻮﻣﻲ ﺻﻌﺪﻱ ﻓﻮﻭﮒ ﺗﺮﻩ ﺿﻐﻄﭻ
ﻳﺼﻌﺪﺩ ﻓﻮﻭﻝ ﻭﺍﻟﻠﻪ
ﻫﻬﻬﻬﻬﻪ ﺻﺎﻋﺪﻩ ﺻﺎﻋﺪﻩ
ﮔﻤﺖ ﺍﻣﺸﻲ ﻋﻠﻪ ﻛﻴﻒ ﻣﺎﻣﺎ ﺻﺎﺣﺘﻠﻲ ﻳﻤﻪ ﻋﺸﮓ ﺗﻌﺎﻱ
ﺭﺣﺖ ﺍﻣﺸﻲ ﻋﻠﻴﻪ ﻭﺍﺳﻤﻊ ﺫﻳﺞ ﺍﻟﻤﺮﻩ ﺩﮔﻠﻪ ﻳﺎﺍ ﺩﮔﻠﻴﻠﻪ ﻳﻤﻪ
ﻣﺎﻣﺎ ﺟﺎﻭﺑﺘﻪ ﺍﻳﻲ ﻟﻌﺪ ﻟﻴﺶ ﻫﻴﻪ ﻫﻢ ﺗﺼﻴﺤﻠﻲ ﻣﺎﻣﺎ ...
ﺩﺧﻠﺖ ﮔﺘﻠﻪ ﻫﺎﺍ ﻣﺎﺍﻣﺎ
ﺗﻌﺎﻱ ﻳﻤﻪ ﺗﻌﺎﻱ ﺭﺣﺖ ﮔﻌﺪﺕ ﻳﻤﻪ ﻭﺧﻠﻴﺖ ﺍﻳﺪﻱ ﺑﻴﺪﻫﻪ
ﺗﻌﻮﺩﺕ ﻣﻦ ﺍﮔﻌﺪ ﻳﻤﻪ ﻫﻴﺞ ﺍﺳﻮﻱ ﺍﺣﺲ ﺑﺎﻷﻣﺎﻥ
ﮔﺎﻣﺖ ﺗﺒﺎﻭﻋﻠﻲ ﺻﻔﺢ ﻋﺒﺎﻟﻚ ﻣﻌﺎﺟﺒﺘﻪ
ﮔﺎﻟﺖ ﺷﻠﻮﻥ ﺻﺮﺗﻲ ﻳﻤﻪ
ﺍﻟﺤﻤﺪﻟﻠﻪ ﻣﺎﻣﺎ ﺍﺣﺴﺴﻦ ...
ﮔﺎﻟﺖ ﺍﻡ ﺻﺎﺩﻕ ﭼﺎ ﻟﻴﺶ ﻣﺎﺗﺼﻴﺤﻴﻠﻪ ﻋﻤﻪ ﺧﺎﻟﻪ
ﮔﺘﻠﻪ ﻻ ﻣﺎﻣﺎ ﺍﺣﻼ ﻭﻋﻤﻮ ﺍﺻﻴﺤﻠﻪ ﺑﺎﺑﺎ
ﮔﺎﻟﺖ ﻳﺎﺍﺍﺍ ﻭﺍﻟﻠﻪ ﻋﻤﻲ ﺧﻮﻭﺵ ﻣﺪﻟﻠﻬﻪ
ﻣﺎﻣﺎ ﮔﺎﻟﺘﻠﻪ ﭼﺎ ﺷﻌﺪﻧﻪ ﻫﻨﻪ ﺑﺲ ﺷﻤﺲ ﻭﻋﺸﻚ ﺷﻠﻮﻥ ﻣﺎﻧﺪﻟﻠﻬﻦ
ﺑﺲ ﮔﻠﻴﻠﻲ ﻳﻢ ﺻﺎﺩﻕ ﻟﻴﺶ ﻻﺟﻴﺘﻲ ﻻﻣﺮﻳﺘﻲ ﺑﻌﺪ ﺧﻴﻪ
ﻭﺍﻟﻠﻪ ﻳﺨﻴﻪ ﻣﺎﻋﺮﻑ ﺷﮕﻠﺞ ﺑﺲ ﺍﺑﻮ ﺻﺎﺩﻕ ﮔﺎﻟﻲ ﻻﺗﺮﺣﻴﻦ
ﻭﻻ ﺗﻮﺻﻠﻴﻦ ﺍﻟﺒﻴﺖ ﻣﺤﺴﻦ ﻣﻦ ﺑﻌﺪ ﻣﺎﺗﺰﻭﺝ ﺻﮕﺮ
ﻭﮔﺎﻣﺖ ﺗﺨﺰﺭﻧﻲ ﺷﻨﻮ ﺍﻟﻘﺼﻪ؟؟؟
ﻣﺎﻣﺎ : ﻳﺎﺍﺧﻴﻪ ﻟﻴﺸﺶ ﺳﺎﻣﻊ ﺷﺎﻳﻒ ﺷﻲ
ﺍﻡ ﺻﺎﺩﻕ : ﻭﺍﻟﻠﻪ ﻳﺎﺧﻴﻪ ﻣﺎﻋﺮﻑ ﺑﺲ ﺻﮕﺮ ﻣﻨﺒﻪ ﻋﻠﻴﻪ
ﻋﻠﺴﺎﺱ ﻣﺪﺭﻱ ﺷﻨﻬﻲ
ﻣﺎﻣﺎ : ﻭﻟﻴﺶ ﺻﮕﺮ ﻳﺴﻮﻭﻱ ﻫﻴﭻ ﺧﺎﻑ ﺍﻛﻮﻭ ﺳﻮﺀ ﻓﻬﻢ ﻳﺨﻴﻪ
ﺗﻌﺮﻓﻴﻦ ﺻﮕﺮ ﻣﻮﻣﻦ ﻋﻮﺍﻳﺪﻩ
ﺍﻡ ﺻﺎﺩﻕ : ﺍﻱ ﺍﻧﻪ ﻫﻢ ﮔﻠﺖ ﻫﻴﺞ ﺑﺲ ﻳﺠﻮﺯ
ﻣﺎﺭﺍﺩﻧﻪ .... ﻧﺘﻠﻄﺦ ﺑﻠﻄﻴﻦ
ﻏﺜﺘﻨﻲ ﺣﻴﻴﻞ ﺑﻜﻠﻤﺘﻪ ﻫﺎﻱ ﻗﺼﺪﻫﻪ ﺍﻧﻲ ﻋﺎﺭ ﺍﻭ ﻏﻠﻂ
ﺗﻤﻨﻴﺖ ﺍﻛﻮﻭﻡ ﺍﻛﻠﻪ ﺑﺲ ﻣﺎﻟﻲ ﺣﻖ ﺍﺣﺠﻲ ﺍﻱ ﺷﻲ
ﺑﻘﺖ ﻣﺎﻣﺎ ﺗﺴﻮﻟﻒ ﻭﺗﺠﺒﺮ ﺧﺎﻃﺮﻱ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ
ﻭﺍﻧﻲ ﻣﺎﺑﻴﻦ ﺍﻟﻬﻢ ﺿﺠﺖ ﻟﺨﺎﻃﺮ ﻣﺎﻣﺎ
ﻭﺭﻩ ﺷﻮﻳﻪ ﺍﺟﺘﻲ ﺷﻤﺲ ﻭﮔﺎﻟﺖ ﺑﻴﺒﻲ ﺗﺼﻴﺤﻠﭻ
ﺳﺘﺄﺫﻧﺖ ﻣﻨﻬﻢ ﻭﺭﺣﺘﻠﻪ
ﻋﺸﻖ : ﻫﺎﺍ ﺑﻴﺒﻲ
.
.
ﺑﻴﺒﻲ : ﺗﻌﺎﻱ ﻳﺒﻌﺪ ﺑﻴﺒﻲ ﻭﺍﻫﻠﻪ
ﺭﺣﺖ ﺍﻟﻬﻪ ﺑﺴﺮﻋﻪ ﻭﺣﻀﻨﺘﻪ ﻭﻫﻴﻪ ﻫﻢ ﺷﻤﺘﻨﻲ ﺷﻢ
ﺑﻴﻲ : ﺻﺤﺘﻠﺞ ﻻﻥ ﺍﻋﺮﻑ ﺑﻤﺮﺓ ﺍﺑﻨﻲ ﺣﻴﻪ ﻭﺭﺍﺡ ﺗﻐﺜﭻ
ﻋﺸﻖ : ﻻﺑﻴﺒﻲ ﻋﺎﺍﺩﻱ ﻫﻴﻪ ﻣﺮﻩ ﭼﺒﻴﺮﻩ ﺷﺘﺤﭽﻲ ﻭﺍﺟﺐ ﻧﺤﺘﺮﻣﻪ
ﺑﻴﺒﻲ : ﻻ ﻳﺎﺍ ﻳﻤﻪ ﻻﺗﺨﻠﻴﻦ ﻭﺍﺣﺪ ﻳﺎﻛﻞ ﺣﮕﭻ ﻣﺎﺩﺍﻣﭻ ﻣﺎﻣﺴﻮﻳﻪ ﻏﻠﻂ
ﺩﻳﺮﻱ ﺑﺎﻟﭻ ﺗﺴﻜﺘﻴﻦ
ﻓﺪﺩﻭﻩ ﻟﮕﻠﺒﻪ ﺑﻴﺒﻲ ﻛﻼﻣﻪ ﺩﻭﻩ ﺣﻀﻨﺘﻪ ﺣﻴﻞ
ﮔﺎﻟﺘﻠﻲ ﺍﻧﺘﻲ ﻣﺎﻟﭻ ﺧﻠﮓ ﻧﺎﻣﻲ ﻫﻨﺎ ﻳﻤﻲ
ﻣﺎﮔﻠﺖ ﻻ ﻧﻤﺖ ﺑﺠﺮﺑﺎﻳﺘﻪ ﻭﺗﻐﻄﻴﺖ ﺑﻐﻄﺎﻫﻪ ﺑﻘﺖ ﻫﻴﻪ ﺗﻠﻮﻟﻴﻠﻲ
ﺻﻮﺗﻪ ﻳﺬﺑﺢ ﻫﻴﺠﺖ ﻛﻞ ﺍﻭﺟﺎﻋﻲ ﺑﭽﻴﺖ ﻟﺤﺪ ﻣﺎﮔﻠﺖ ﺑﺲ
ﻏﻔﻴﺖ ﻭﺍﻟﺪﻣﻌﻪ ﺑﻌﻴﻨﻲ
ﻭﺭﻩ ﻓﺘﺮﻩ ﺍﺣﺴﺲ ﻭﺍﺣﺪ ﻳﻨﻔﺦ ﺑﻮﺟﻬﻲ ﻫﻮﻩ ﻗﻮﻱ
ﻓﺰﺯﻧﻲ ﻓﺘﺤﺖ ﺗﻚ ﻋﻴﻦ .... ﺷﻔﺘﻪ ﺣﺴﻦ ﻓﻮﮒ ﺭﺍﺳﻲ ﺧﺮﺑﺎﻥ
ﻇﺤﻚ
ﮔﺎﻝ ﺻﺒﺎﺡ ﺍﻟﻀﻬﺮ ﺍﺑﺘﺴﻤﺖ ﮔﺘﻠﻪ ﻫﻼﻭﻭﻭ
ﮔﺎﻝ ﻧﺎﻳﻤﻪ ﺍﻟﺤﻨﻔﻮﺷﻪ ﺳﺎﻋﻪ ﺏ٢ﻭﺍﻧﺘﻲ ﺗﺸﻮﺧﺮﻳﻦ
ﮔﺘﻠﻪ ﺻﺪﻭﻙ ﻣﺎﺩﺭﻱ ﺑﻨﻔﺴﻲ ﮔﻤﺖ ﻭﻧﺰﻟﺖ ﺭﺟﻠﻴﻪ ﻣﻦ ﺍﻟﭽﺮﺑﺎﻳﻪ
ﮔﺎﻝ ﻟﻮ ﺗﺪﺭﻳﻦ ﺷﺴﻮﻳﺖ ﮔﺘﻠﻪ ﺷﺴﻮﻳﺖ ؟؟؟
ﮔﺎﻝ ﺍﺧﺬﺕ ﺳﻴﻠﻔﻲ ﻭﻳﺎﺝ ﻭﺍﻧﺘﻲ ﻧﺎﻳﻤﻪ ﻭﺩﺯﻳﺘﻪ ﻟﺼﮕﺮ
ﻭﻃﻔﻴﺖ ﺗﻠﻔﻮﻧﻴﻲ ﻫﻬﻬﻬﻬﻬﻬﻬﻬﻬﻬﻬﻪ
ﺑﺎﻭﻋﺘﻠﻪ ﺑﮕﺪﻣﺎﻧﺼﺪﻣﺖ ﻣﻦ ﺗﺼﺮﻓﻪ ﺑﺲ ﺿﺤﻜﺘﻪ ﺗﻈﺤﻚ
ﺗﻠﻘﺎﺋﻴﺎ ﻇﺤﻜﺖ ﻭﻳﺎﺍﺍ
ﺩﺧﻠﺖ ﺷﻤﺲ ﻭﮔﺎﻟﺖ ﺷﺸﻔﺘﻲ ﻫﺬﻩ ﺍﻟﻤﺴﻮﺩﻥ ﺷﺴﻮﻩ
ﺍﻟﻴﻮﻡ ﺻﮕﺮ ﻳﺠﻲ ﻣﻦ ﺍﻟﺪﻭﺍﻡ ﻣﻦ ﻭﺭﺍﻩ ﺗﺒﺎﻭﻋﻠﻲ ﺑﻨﻈﺮﻩ
ﻭﻛﺄﻧﻤﺎ ﺩﮔﻠﻲ ﺭﺣﺘﻲ ﺑﻴﻬﻪ .....
ﺑﻘﻴﺖ ﺷﻮﻳﻪ ﻭﮔﻤﺖ ﺗﻮﺿﻴﺖ ﻭﺻﻠﻴﺖ ...
ﻟﮕﻴﺘﻬﻢ ﻣﺘﻐﺪﻳﻦ ﻭﺑﺎﺑﺎ ﻭﻣﺎﻣﺎ ﻧﺎﻳﻤﻴﻦ ... ﻳﺮﺗﺎﺣﻮﻥ
ﻭﺫﻭﺍﻟﻔﻘﺎﺭ ﺻﺎﻋﺪ ﻟﻐﺮﻓﺘﻪ ﻭﺣﺴﻦ ﺻﻌﺪ .... ﺷﻤﺲ ﺻﺒﺘﻠﻲ ﻏﺪﻩ
ﮔﺘﻠﻪ ﺷﻮﻛﺖ ﺭﺍﺣﺖ ﺍﻡ ﺻﺎﺩﻕ
ﮔﺎﻟﺖ ﺭﺍﺣﺖ ﻭﺭﻩ ﻣﺎﻧﻤﺘﻲ ﺑﺸﻮﻳﻪ ﺑﻼ ﺭﺟﻌﻰ
ﻋﺸﻖ : ﺷﻜﻠﻪ ﺣﻴﻴﻞ ﺣﺒﺘﻨﻲ
ﺷﻤﺲ : ﺣﺒﺘﻪ ﺣﻴﻪ ﻋﺴﺎﻫﻪ ﻻ ﺣﺒﺘﺞ ﻋﺎﻳﺰﻩ ﻋﻠﻴﻪ ﺍﻧﺘﻲ
ﻋﺸﻖ : ﺍﻭﻭﻑ ﻳﺸﻤﺲ ﺣﺎﺳﻪ ﺟﻴﺘﻪ ﻭﺭﺍﻫﻪ ﺷﻲ ﻭﺿﺎﻣﺘﻠﻲ ﺷﻲ
ﺷﻤﺲ : ﻟﺘﺨﺎﻓﻴﻦ ﻣﺎﻭﺭﻫﻪ ﺷﻲ ﺑﺲ ﻫﻴﻪ ﺗﺤﺐ ﺗﺪﺧﻞ ﻭﺗﺤﻂ ﺧﺸﻤﻪ ﺑﻜﻠﺸﻲ
ﻋﺸﻖ : ﺗﺪﺭﻳﻦ ﻣﻦ ﺳﺄﻟﺘﻪ ﻣﺎﻣﺎ ﻟﻴﺶ ﺻﺎﺭﻟﻪ ﻫﻮﺍﻱ ﻣﺠﺎﻱ
ﮔﻠﺘﻠﻪ ﻋﻠﺴﺎﺱ ﺻﮕﺮ ﮔﺎﻳﻞ ﻟﻌﻤﻮ ﺍﺑﻮ ﺻﺎﺩﻕ ﻟﺤﺪ ﻳﺠﻲ ﻟﻠﺒﻴﺖ
ﻣﻦ ﺍﻟﻨﺴﻮﺍﻥ
ﺷﻤﺲ : ﻻ ﺑﺮﺑﭻ
ﻋﺸﻖ : ﺍﻳﻲ ﻭﺍﻟﻠﻪ ﻭﺻﺮﺍﺣﻪ ﻫﻠﺸﻲ ﺿﻮﺟﻨﻲ ﺷﻨﻮ ﻗﺼﺪ ﺻﮕﺮ
ﺷﻤﺲ : ﻭﺍﻟﻠﻪ ﻳﺨﺘﻲ ﻗﺼﺪﻩ ﻣﺒﻴﻦ ﺑﺲ ﺍﻧﺘﻲ ﻣﻄﻔﻴﻪ
ﻋﺸﻖ : ﻳﻌﻨﻲ ﺷﻨﻮﻭ؟؟
ﺷﻤﺲ : ﻳﻌﻨﻲ ﻳﻌﺮﻑ ﻛﻠﺶ ﺯﻳﻦ ﺍﺫﺍ ﺍﺟﻦ ﻭﺷﺎﻓﻨﺞ ﺭﺍﺡ ﻳﻐﺜﻨﭻ
ﺑﻜﻼﻣﻬﻦ ﺍﻟﻄﺎﻟﻊ ﻭﺍﻟﻨﺎﺯﻝ ﻓﻤﻨﻊ ﺟﻴﺘﻬﻦ
ﻋﺸﻖ : ﺗﺘﻮﻗﻌﻴﻦ ﻫﻴﭻ؟؟
ﺷﻤﺲ : ﺍﺻﻼ ﻣﺘﺄﻛﺪﻩ ﺗﻐﺪﻱ ﺗﻐﺪﻱ ﻭﺭﺍﺝ ﻋﻼﺝ
ﺧﻠﺼﺖ ﺍﻟﻐﺪﻩ ﻭﺷﺮﺑﺖ ﻋﻼﺟﻲ .... ﻭﺻﻌﺪﺕ ﻓﻮﮒ ﺷﻔﺖ ﺍﻟﭽﺮﺑﺎﻳﻪ
ﺍﺷﺘﻬﻴﺖ ﺍﻧﺎﻡ ﻣﺪﺩﺕ ﻋﻠﻴﻪ ﻭﺭﻩ ﺷﻮﻳﻪ ﺟﺘﻲ ﺷﻤﺲ
ﺍﮔﻠﺞ ﺍﻧﺘﻲ ﺷﻨﻬﻲ ﺳﺎﻟﻔﺘﭻ ؟؟؟
ﻋﺸﻖ : ﻣﺎﺩﺭﻱ ﺷﺒﻴﻪ ﺷﻤﺲ ﺟﺴﻤﻲ ﻣﻜﺴﺮ ﻭﺗﻌﺒﺎﻧﻪ ﻛﻮﻟﺶ
ﺍﺭﻳﺪ ﺑﺲ ﺍﻧﺎﻡ
ﺷﻤﺲ : ﺍﺿﺎﻫﺮ ﻋﻨﺪﺝ ﻓﻘﺮ ﺩﻡ ﻗﻮﻱ ﻧﺎﻣﻲ ﻧﺎﻣﻲ
ﺭﺍﺡ ﺍﺧﻠﻲ ﺍﻣﻲ ﺗﺨﺎﺑﺮ ﺻﮕﺮ ﺩﮔﻠﻪ ﻧﺎﺧﺬﺝ ﻟﻠﺪﻛﺘﻮﺭ
ﻏﻄﺘﻨﻲ ﻭﮔﻌﺪﺕ ﻳﻢ ﺭﺍﺳﻲ ﺷﻮﻳﻪ ﻭﻏﻔﻴﺖ
ﻃﻔﺮﺕ ﻋﻠﻪ ﺻﻮﺕ ﺗﻠﻔﻮﻧﻪ ﻳﺪﮒ
ﺭﻓﻌﺖ ﺭﺍﺳﻲ ﺍﺷﺮﺗﻠﻲ ﻧﺎﻣﻲ
ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﻩ ﻓﺘﺤﺖ ﺧﻂ ﻭﺷﻐﻠﺖ ﺍﻟﺴﻤﺎﻋﻪ
ﮔﺎﻝ ﺍﻟﻮﻭﻭﻭ .... ﻓﺪﻳﺖ ﻫﺼﻮﺕ
ﺷﻤﺲ : ﺍﻟﻮﻭ ﻫﺎﺻﮕﺮ
ﺻﮕﺮ : ﻫﺎﺍ ﺷﻤﻮﺳﻪ ﺷﻠﻮﻧﭻ
ﺷﻤﺲ : ﻫﻼﺍ ﺑﻴﻚ ﺧﻮﻳﻪ ﺑﺨﻴﺮ ﺍﺫﺍ ﺍﻧﺘﻪ ﺑﺨﻴﺮ
ﺻﮕﺮ : ﺍﻧﻲ ﺍﻟﺤﻤﺪﻟﻠﻪ ...... ﺑﺸﺮﻳﻨﻲ ﻋﺸﮓ ﺷﻠﻮﻧﻪ
ﺷﻤﺲ : ﻭﺍﻟﻠﻪ ﻳﺎﺧﻮﻳﻪ ﺗﺮﻳﺪ ﺍﻟﺼﺪﮒ ... ﺷﻮﺷﻪ ﻣﻮﺯﻳﻨﻪ
ﻣﺎﺩﺭﻱ ﺷﺒﻴﻪ ﺑﺲ ﻧﺎﻳﻤﻪ ﻭﺍﺫﺍ ﺗﻤﺸﻲ ﺷﻮﻳﻪ ﺩﻭﺥ ﻭﺗﻮﻛﻊ
ﻭﺟﻬﻪ ﺍﺻﻔﺮ
ﺻﮕﺮ : ﺟﺎﻱ ﺗﺸﺮﺏ ﻋﻼﺟﻬﻪ ؟؟
ﺷﻤﺲ : ﺍﻳﻲ ﻭﺍﻟﻠﻪ ﺑﻮﻗﺘﻪ ﺑﺲ ﻣﺎﺻﺎﺭﺕ ﺯﻳﻨﻪ ﻋﻮﺩ
ﻛﻠﺖ ﻳﺼﻴﺮ ﺍﻣﻲ ﺗﺎﺧﺬﻫﻪ ﻟﻠﺪﻛﺘﻮﺭ ﺗﺸﻮﻑ ﺷﻨﻮ ﻭﺿﻌﻬﻪ
ﺻﮕﺮ : ﻻ ... ﺍﻧﻲ ﺑﺎﭼﺮ ﺟﺎﻱ ﻭﺍﺧﺬﻫﻪ ﺑﻴﺪﻱ
ﺷﻤﺲ : ﺑﺮﺍﺣﺘﻚ ﻳﺨﻮﻱ
ﺻﮕﺮ : ﺩﻳﺮﻱ ﺑﺎﻟﺞ ﻋﻠﻴﻪ ﺷﻤﻮﺳﻪ
ﺷﻤﺲ : ﻻﺗﻮﺻﻴﻨﻲ ﺧﻮﻳﻪ ..... ﺍﻟﻠﻪ ﻭﻳﺎﻙ
ﻣﻦ ﺳﻤﻌﺖ ﺻﻮﺗﻪ ﺍﺣﺴﺲ ﻧﻔﺴﻲ ﺻﺨﻨﺖ ﺣﻴﻴﻴﻴﻞ
ﺷﻤﺲ : ﺍﻳﻲ ﻋﻴﻨﻲ ﺷﻌﻠﻴﭻ ... ﻣﺘﺼﻞ ﺧﺼﻴﺼﺎ ﻋﻠﻤﻮﺩﺝ
ﻋﺸﻖ : ﺍﻭ ﺷﻤﺲ
ﺷﻤﺲ : ﻫﺎﺍ ﺑﻴﻪ ﺍﻭ ﺷﻤﺲ ﻭﺍﻟﻔﺠﺮ ﻣﻨﻮ ﺟﺎﻧﻲ ﻳﺘﺒﺠﺒﺞ
ﻋﺸﻖ : ﺟﻨﺖ ﺍﺣﻠﻢ
ﺷﻤﺲ : ﻫﻬﻬﻬﻬﻪ ﻫﺎﺍ ﻫﻴﺞ ﺧﻮﻭﺵ .... ﺭﺍﺡ ﻳﺼﻴﺮ ﺍﻟﻐﺮﻭﺏ ﺗﮕﻮﻣﻴﻦ
ﻋﺸﻖ : ﻻ ﺧﻠﻴﻨﻲ ﻣﺎﻟﻲ ﺧﻠﮓ
.
ﺑﺮﺍﺣﺘﭻ ﻛﺎﻟﺘﻪ ﻭﻃﻠﻌﺖ ﺷﻤﺲ ﺑﻘﻴﺖ ﺷﻮﻳﻪ ﻛﺎﻋﺪﻩ ﻭﺭﺟﻌﺖ ﻧﻤﺖ
ﻭﺟﺮﻳﺘﻪ ﻟﻠﺼﺒﺢ
ﺍﺣﺲ ﺗﻌﺐ ﺍﻻﺷﻬﺮ ﺍﻟﻔﺎﺗﺖ ﻛﻠﻪ ﻃﻠﻊ ﻋﻠﻴﻪ ﻫﺴﻪ ﻣﺎﻋﺮﻑ ﺷﺠﺎﻧﻲ
ﺑﺲ ﻧﻮﻡ ﻣﺨﻠﺼﺘﻪ
ﮔﻌﺪﺕ ﺍﻟﺼﺒﺢ ﺍﺣﺴﻦ ﻣﺮﺗﺎﺣﻪ ﺍﺣﺲ ﺑﻨﺸﺎﻁ ﻏﺴﻠﺖ ﻭﻧﺰﻟﺖ
ﺟﻮﻩ ﻛﻌﺪﺕ ﻳﻤﻬﻢ .... ﺳﺄﻟﻨﻲ ﺑﺎﺑﺎ ﻋﻦ ﺻﺤﺘﻲ ﻭﮔﺘﻠﻪ ﺍﺣﺴﻦ ﺍﻟﺤﻤﺪﻟﻠﻪ
ﺧﻠﺼﺖ ﺷﻐﻞ ﻭﻳﺎﺍ ﺷﻤﻮﺳﻪ ﻭﺻﺎﺭ ﺍﻟﻐﺪﻩ ﻭﺗﻐﺪﻳﻨﻪ
ﺻﻌﺪﺕ ﺍﻟﻀﻬﺮ ﺳﺒﺤﺖ ﻭﻃﻠﻌﺖ ﺍﻣﺸﻂ
ﮔﺎﻋﺪﻩ ﻋﻠﻪ ﺍﻟﭽﺮﺑﺎﻳﻪ ﻭﺩﺧﻠﺖ ﺷﻤﺲ ﻭﻟﺞ ﻭﻟﺞ
ﮔﺘﻠﻪ ﻫﺎﺍ ﺷﺒﻴﭻ
ﺷﻤﺲ : ﺻﺎﺭﺭ ﻋﻠﻴﻨﻪ ﻫﺠﻮﻭﻡ ﺍﺿﺎﻫﺮ ﺍﻟﺒﺎﺭﺣﻪ ﺍﻟﺒﻠﺒﻞ ﺍﺟﻪ ﻳﺎﺧﺬ ﺍﺧﺒﺎﺭ
ﻋﺸﻖ : ﻫﻬﻬﻬﻬﻪ ﻫﺎﻱ ﺷﺒﻴﭻ ﻳﺎﺑﻠﺒﻞ
ﺷﻤﺲ : ﻟﭻ ﻣﺮﻩ ﻋﻤﻲ ﺍﻡ ﺻﺎﺩﻕ ﻭﺑﺘﻪ ﻭﻣﺮﻩ ﻋﻤﻲ ﺍﻡ ﺟﻌﻔﺮ ﻭﺑﻨﺎﺗﻪ
ﻭﻣﺮﻩ ﻋﻤﻲ ﺍﻡ ﺣﺴﻴﻦ ﻭﺑﻨﺎﺗﻪ ﺍﺟﻨﻲ ﻭﻫﺴﻪ ﺻﺎﻳﺮﻩ ﻟﺤﻢ ﺟﻮﻩ
ﻋﺸﻖ : ﻳﻲ ﻫﻼ ﺑﻴﻬﻢ
ﺷﻤﺲ : ﺍﮔﻠﻪ ﺻﺎﻳﺮ ﻟﺤﻢ ﺩﻛﻠﻲ ﻫﻼ ﺑﻴﻬﻢ ﻭﻟﺞ ﺟﺎﻳﺎﺕ ﻳﺸﻮﻓﻦ
ﻣﺮﻩ ﺻﮕﺮ ﻭﻳﺎﺧﺬﻥ ﺍﺧﺒﺎﺭ
ﻋﺸﻖ : ﻳﺸﻮﻓﻦ ﻣﺮﻩ ﺻﮕﺮ ﺷﻠﻮﻥ ﻳﻌﻨﻲ ﻣﻨﻮﻭ ﺍﻧﻲ ﻭﺯﻳﺮﻩ ﺍﻻﻗﺘﺼﺎﺩ
ﺷﻤﺲ : ﻳﻲ ﻫﻨﻪ ﻫﻴﭻ ﺍﺿﺎﻫﺮ ﻟﺒﺎﺭﺣﻪ ﻋﻤﻪ ﺍﻡ ﺻﺎﺩﻕ ﺟﺘﻲ
ﺣﺘﻪ ﺗﺸﻮﻑ ﺍﻟﻮﻇﻊ ﻭﺭﺍﺣﺖ ﺧﺒﺮﺗﻬﻦ
ﻋﺸﻖ : ﺧﻠﻲ ﻳﺎﺧﺬﻥ ﺍﺧﺒﺎﺭ ﻗﺎﺑﻞ ﺷﻌﻨﺪﻱ ﻭﻳﺎﺍﻫﻦ
ﺧﻠﺼﺖ ﺗﻤﺸﻴﻂ ﻭﺧﻠﻴﺖ ﻣﻜﻴﺎﺝ ﺧﻔﻴﻒ .. ﻭﺗﻌﻄﺮﺕ
ﺍﻟﻴﻮﻡ ﻳﺠﻲ ... ﺍﻭﻭﻑ ﮔﻠﺒﻲ ﺭﺍﺡ ﻳﻨﻔﺠﺮ ...
ﻧﺰﻟﺖ ﺑـٰـ۶ٰــﺪﻧٰـْﻴﮧٰ ﻋﻠﻪ ﺍﻟﺪﺭﺝ ﻭﺍﺳﻤﻊ ﺻﻮﺕ ﺳﻮﺍﻟﻔﻬﻦ ﻭﻇﺤﻜﻬﻦ
ﺩﺧﻠﺖ ﮔﻠﺖ ﻣﺴﺎﺀ ﺍﻟﺨﻴﺮ ﺷﻮﻭ ﻫﺎﻱ ﻛﻮﻟﻪ ﺻﻔﻨﺖ ﺑﻮﺟﻬﻲ
ﻣﺎﻣﺎ ﮔﺎﻟﺖ ﻫﻼ ﻳﻤﻪ ﺗﻌﺎﻱ
ﺭﺣﺖ ﻭﮔﻔﺖ ﻳﻤﻪ ... ﺷﻠﻮﻧﭻ ﺧﺎﻟﻪ ﺳﻠﻤﺖ ﻋﻠﻪ ﺍﻡ ﺻﺎﺩﻕ ﻻﻥ ﺑﺲ
ﻫﻴﻪ ﺍﻋﺮﻓﻪ ﻭﻃﺒﻌﺎ ﺭﺩﺕ ﻣﻦ ﻭﺭﻩ ﺧﺸﻤﻪ
ﺟﺎﻥ ﻣﺮﺓ ﮔﺎﻟﺖ ﺑﺲ ﻫﻴﻪ ﺷﻠﻮﻧﺞ ﺧﺎﻟﻪ ﭼﺎ ﻭﺍﺣﻨﻪ
ﮔﺘﻠﻪ ﻻﺧﺎﻟﻪ ﺍﻋﺬﺭﻳﻨﻲ ﺑﺲ ﻻﻥ ﻫﻴﻪ ﺍﻋﺮﻓﻪ ﻭﺭﺣﺖ ﺑﺎﻭﺳﺘﻪ
ﻃﻠﻌﺖ ﺍﻡ ﺣﺴﻴﻦ ﻣﺒﻴﻦ ﺧﻮﻭﺵ ﻣﺮﻩ ﻭﺑﻨﺎﺗﻪ ﺣﺒﺎﺑﺎﺕ
ﻭﺳﻠﻤﺖ ﻋﻠﻪ ﺍﻟﺜﺎﻧﻴﻪ ﺍﺳﻤﻪ ﺍﻡ ﺟﻌﻔﺮ ... ﺳﻼﻣﻪ ﻋًـًـًﺎﺩﻱ
ﺑﺲ ﺗﺒﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻭﻫﻢ ﺳﻠﻤﺖ ﻋﻠﻪ ﺑﻨﺎﺗﻪ ﻭﻃﻠﻌﺖ
ﺭﺣﺖ ﻟﻠﻤﻄﺒﺦ ﻟﻜﻴﺖ ﺷﻤﺲ ﺗﺤﻀﺮ ﺑﻠﭽﺎﻱ
ﻭﻛﻔﺖ ﻳﻤﻪ ﮔﺎﻟﺖ ﻫﺎﺍﺍ
ﻭﺝ ﺷﻮﻭ ﺑﻄﻨﻲ ﮔﺎﻣﺖ ﺗﻮﺟﻌﻨﻲ ﺍﺣﺴﺲ ﻓﺼﻠﻨﻲ ﺗﻔﺼﻴﻞ ﺑﻨﻈﺮﺍﺗﻬﻦ
ﺷﻤﺲ : ﻳﻌﻨﻲ ﻫﻨﻪ ﺟﺎﻳﺎﺕ ﻫﻨﺎ ﻟﻬﺬﻩ ﺍﻟﺴﺒﺐ ﻣﻮﻟﺴﻮﺍﺩ ﻋﻴﻮﻧﺞ
ﻋﺸﻖ : ﻫﺎﻱ ﺷﻠﻮﻥ ﻭﺭﻃﻪ ﻳﻌﻨﻲ ﺭﺍﺡ ﻳﺒﻘﻪ ﻛﻞ ﻳﻮﻡ ﺟﺎﻳﻨﻪ ﻭﻓﺪ ﺟﺪﻳﺪ
ﺧﻠﺼﻨﻪ ﺍﻟﻀﻴﺎﻓﻪ ﻭﺭﺣﻨﻪ ﻧﻘﺪﻡ ﺩﺧﻠﺖ ﺷﻤﺲ ﻭﺩﺧﻠﺖ ﻭﺭﺍﻫﻪ
ﻭﻃﺒﻴﻌﻲ ﺍﻟﻌﻴﻮﻥ ﻛﻠﻪ ﻋﻠﻴﻪ ﻣﻮ ﺣﺒﺎ ﻻ ﻓﻀﻮﻝ ﻭﺍﺷﻤﺌﺰﺍﺯ
ﺍﺷﻮﻑ ﺑﻨﻈﺮﺍﺗﻬﻢ
ﺳﻮﻳﺖ ﻧﻔﺴﻲ ﻣﺸﺎﻳﻔﻪ ﺷﻲ
ﺧﻠﺼﻨﻪ ﻭﻛﻌﺪﻧﻪ ﻳﻢ ﻣﺎﻣﺎ ...
ﺍﻡ ﺻﺎﺩﻕ : ﻫﺎﺍ ﻫﻢ ﮔﻌﺪﺗﻲ ﻫﻨﺎﺍ ﺍﺷﻮﻓﭻ ﻣﺎﺧﺬﻩ ﺍﻟﻤﺮﺓ ﺍﻟﭻ ﻭﻣﺨﻠﻴﻪ ﺑﺘﻪ
ﺑﺎﻭﻋﺖ ﻋﻠﻪ ﻣﺎﻣﺎ ... ﻣﺎﻣﺎ : ﻻ ﺧﻴﻪ ﺑﺲ ﻫﻴﻪ ﻣﺘﻌﻮﺩﻩ ﺗﻜﻌﺪ ﻳﻤﻲ ﺍﻭﻝ ﻣﺎﺟﺖ ﻫﻨﺎ
ﺍﻡ ﺻﺎﺩﻕ : ﻻ ﺗﺨﻠﻴﻪ ﺗﺘﻌﻮﺩ ﺗﺎﺧﺬ ﺭﺍﺣﺘﻪ ﻭﺗﺪﻟﻞ ﻋﻠﻴﭻ ﺩﻳﺮﺑﺎﻟﺞ
ﻣﻦ ﺍﻟﻔﻘﻴﺮ
ﻫﺎﻱ ﺗﺎﻟﻲ ﻭﻳﺎﻫﻪ ﺷﺒﻴﻪ ﻣﺨﻠﻴﻪ ﮔﻮﺭﻫﻪ ﻣﻦ ﮔﻮﺭﻱ
ﻣﺎﻣﺎ : ﭼﺎﺧﻠﻴﻪ ﺗﺪﻟﻞ ﺑﻴﺖ ﺍﺑﻮﻫﻪ ﻭﺭﺟﻠﻬﻪ ﻭﺑﻜﻴﻔﻪ
ﺍﻡ ﺟﻌﻔﺮ : ﺍﻧﺘﻲ ﺷﺴﻤﭻ ؟؟
ﻭﺟﺎﻥ ﺗﻨﻂ ﺩﻣﻮﻉ ﻣﻦ ﻳﻤﻪ ﻋﻤﻪ ﺧﺎﻑ ﺩﮔﻮﻟﻴﻦ ﺍﺳﻤﻪ
ﻭﺗﻐﺼﻴﻦ ﻭﮔﺎﻣﺖ ﺗﻈﺤﻚ
ﺍﻡ ﺟﻌﻔﺮ : ﻳﺎﺍ ﻟﻴﺶ ﭼﺎ ﻫﻴﻴﻪ ﻋﻈﻢ ﺳﻤﭽﻪ
ﺍﻡ ﺻﺎﺩﻕ : ﻳﺠﻮﺯﺯ ﻭﺗﺒﺎﻭﻋﻠﻲ ﺻﻔﺢ
ﺷﻔﺖ ﻣﺎﻣﺎ ﻇﺎﺟﺖ ﺑﺲ ﻣﺎﮔﺪﺭﺕ ﺗﺤﺠﻲ ﻭﺷﻤﺴﻮﺳﻪ ﺗﻌﺼﺮ ﺑﺄﺩﻳﻪ
ﺗﺮﻳﺪ ﺗﺘﻌﺎﺭﻙ
ﺍﺑﺘﺴﻤﺖ ﻭﮔﺘﻠﻪ ﺧﺎﻟﻪ ﺍﺳﻤﻲ ﻋﺸﻖ
ﺍﻡ ﺟﻌﻔﺮ : ﺍﺳﻤﺞ ﺣﻠﻮﻭ ﺑﺲ ﺻﺪﮒ ﺛﮕﻴﻞ ﻳﻐﺼﺺ
ﺷﻤﺲ : ﻋﻤﻪ ﺷﻮﺷﻪ ﺍﺳﻤﻪ ﻏﺮﻳﺐ ﻣﺎﻛﻮﻣﻨﻪ ﻭﻫﻴﻪ ﻫﻢ ﻣﺎﻛﻮ ﻣﻨﻬﻪ
ﺍﻡ ﺻﺎﺩﻕ : ﻳﺎﺍ ﺍﺩﻭﺭ ﺍﺩﻟﻌﻴﻨﻪ ... ﻭﺍﻟﻠﻪ ﺧﻮﻭﺵ
ﺷﻤﺲ : ﻳﻲ ﺟﺎ ﺷﻠﻮﻥ ﻧﺪﻟﻌﻪ ﻭﻧﺪﻟﻠﻬﻪ ﻣﻮ ﺑﺲ ﺍﻧﻲ ﺣﺘﻪ ﺟﺪﺗﻲ ﻭﺍﺑﻮﻱ
ﻭﺻﮕﺮﺭ ﻭﺑﺎﻭﻋﺘﻠﻲ ..
ﺍﺑﺘﺴﻤﺖ ﻭﺩﻧﮕﺖ ﻣﺪﺭﻱ ﺷﺒﻴﻪ ﺍﺳﺘﺤﻴﺖ ﻣﻦ ﺟﺎﺑﺖ ﺍﺳﻤﻪ
ﺍﻡ ﺣﺴﻴﻦ : ﺳﻤﻌﺖ ﻳﮕﻮﻟﻮﻥ ﭼﻨﺘﻲ ﻣﺨﻠﻔﻪ ﺑﺖ ﺻﺪﻙ ﻫﻠﺤﺠﻲ
ﻣﻦ ﮔﺎﻟﺖ ﻫﻴﭻ ﺍﺣﺲ ﺳﭽﻴﻨﻪ ﻭﺩﺧﻠﺖ ﺑﮕﻠﺒﻲ .... ﻫﺎﻱ ﻭﻳﻦ ﺭﺍﺣﺖ
ﻣﺎﺭﺩﺕ ﺍﺑﻴﻦ ﺿﻌﻔﻲ ﻛﺪﺍﻣﻪ ﺭﻓﻌﺖ ﺭﺍﺳﻲ ﻭﮔﺘﻠﻪ ﺍﻳﻲ
ﺑﺲ ﺭﺍﺣﺖ ﻟﺮﺣﻤﻪ ﺭﺏ ﺍﻟﻌﺎﻟﻤﻴﻦ ﻫﻴﻪ ﻭﺍﻟﻤﺮﺣﻮﻡ ﺯﻭﺟﻲ
ﺍﻡ ﺻﺎﺩﻕ : ﻳﺎﺧﺎﻟﻪ ﺑﺮﺭﺕ ﺷﻤﺎﻟﻪ ﺍﻟﻤﻮﺕ ﻳﺤﻮﺱ ﺩﺍﻳﺮ ﻣﺪﺍﻳﺮﭺ
ﻻﺑﻘﻴﺘﻲ ﺭﺟﻞ ﻣﺎﮔﻠﻌﺘﻲ ﻻ ﺍﻫﻞ ﺩﺧﻴﻠﻚ ﺭﺑﻲ
ﺿﻮﺟﺘﻨﻲ ﺣﻴﻴﻞ ﻣﻦ ﻛﺎﻟﺖ ﻫﻴﺞ ﻋﺒﺎﻟﻚ ﺍﻟﻤﻮﺕ ﺑﻴﺪ ﺍﻻﻧﺴﺎﻥ ﻭﻳﻜﺪﺭ ﻳﺎﺧﺬ ﺍﻟﻲ
ﻳﺮﻳﺪﻩ ﺣﺴﺴﺘﻨﻲ ﺍﻧﻲ ﺍﻟﻲ ﺟﻨﺖ ﻓﺎﻝ ﻣﻮﺯﻳﻦ ﻋﻠﻴﻬﻢ
ﻭﻻﻋﺒﺎﻟﻚ ﺍﻧﻲ ﺍﻟﻀﺤﻴﻪ ....
ﺳﻜﺘﺖ ﻣﺤﺎﭼﻴﺘﻪ ﻻﻥ ﺍﺫﺍ ﺍﺣﭽﻲ ﻳﻤﻜﻦ ﺍﺣﺮﮒ ﺍﻻﺧﻀﺮ ﻭﺍﻟﻴﺎﺑﺲ
ﺑﺲ ﻏﺜﺘﻨﻲ ﺣﻴﻴﻞ
ﻭﭼﺎﻥ ﺍﺳﻤﻊ ﺻﻮﺗﻪ ﮔﺎﻝ ... ﺍﻟﺴﻼﻡ ﻋﻠﻴﻜﻢ
.
.
ﺗﺮﻩ ﻣﺮﺁﺕ ﺗﻌﻄﺶ ﺷﻮﻓﻪ ﺃﻧﺴﺎﻥ '🌿
ﺍﻟﺴﻼﻡ ﻋﻠﻴﻜﻢ؟؟؟؟
ﻫﺬﻩ ﺻﻮﺗﻪ ﺩﺭﺕ ﻭﺟﻬﻲ ﻭﺷﻔﺘﻪ ﻭﺍﮔﻒ ﺑﻠﺒﺎﺏ ﺻﺎﺭﺕ ﻋﻴﻨﻲ ﺑﻌﻴﻨﻪ
ﺩﺧﻞ ﻭﺳﻠﻢ ﻋﻠﻪ ﻋﻤﺎﺗﻪ ﻭﺑﺎﻭﺳﻬﻦ ﻭﺳﻠﻢ ﻋﻠﻪ ﺍﻟﺒﻨﺎﺕ ﻭﺭﺟﻊ ﻟﻤﻜﺎﻧﻪ
ﻭﮔﺎﻝ ﺷﻠﻮﻧﻜﻢ ﺍﻥ ﺷﺎﺀ ﺍﻟﻠﻪ ﻣﺮﺗﺎﺣﻴﻦ ... ﺑﺲ ﺷﻜﻠﻪ ﻛﻮﻟﺶ ﺗﻌﺒﺎﻥ ﻭﺿﺎﻳﺞ
ﺷﻤﺲ ﺿﺮﺑﺖ ﺍﻳﺪﻱ ﺑﺄﻳﺪﻳﻬﻪ ﺑﺎﻭﻋﺘﻠﻪ
ﺍﺷﺮﺗﻠﻲ ﺑﺮﺍﺳﻪ ﻋﻠﻪ ﺩﻣﻮﻉ
ﺍﺑﺎﻭﻋﻠﻪ ﺍﻻﺑﺘﺴﺎﻣﻪ ﺷﺎﮔﻪ ﺣﻠﮕﻪ ﻣﻦ ﺍﻻﺫﻥ ﻟﻸﺫﻥ؟؟ ﺷﺒﻴﻪ
ﮔﺎﻟﺘﻠﻪ ﻣﺎﻣﺎ ﺷﻠﻮﻧﻚ ﻳﻤﻪ
ﺟﺎﻭﺑﻪ ﺍﻟﺤﻤﺪﻟﻠﻪ ﻳﻤﻪ ﻳﻼ ﻣﻦ ﺭﺧﺼﺘﻜﻢ ﻭﻃﻠﻊ
ﺷﻤﺲ : ﺭﻭﺣﻲ ﻭﺭﺍﻩ
ﻋﺸﻖ : ﻭﻳﻴﻦ
ﺷﻤﺲ : ﺷﻨﻮﻭ ﻭﻳﻦ ؟ ﺻﻌﺪﻱ ﻭﺭﺍﻩ
ﻋﺸﻖ : ﻻﻳﻤﻌﻮﺩﻩ ﺧﻠﻴﻨﻲ ﮔﺎﻋﺪﻩ ﺷﻜﻠﻪ ﻛﻮﻟﺶ ﺿﺎﻳﺞ
ﻭﭼﺎﻥ ﻳﺼﻴﺢ ﻋـــﺸﮓ ... ﻳﻤﻪ ﮔﻠﺒﻲ
ﺷﻤﺲ : ﻫﺴﻪ ﺍﺣﺴﻦ ﺻﺎﺭ ﺳﺎﻋﻪ ﻧﺤﭽﻲ
ﺳﺘﺄﺫﻧﺖ ﻭﻃﻠﻌﺖ ﻟﮕﻴﺘﻪ ﻭﺍﮔﻒ ﻋﻠﻪ ﻧﺺ ﺍﻟﺪﺭﺝ ﻣﻦ ﺷﺎﻓﻨﻲ ﺻﻌﺪ
ﺻﻌﺪﺕ ﻭﺭﺍﻩ
ﻟﮕﻴﺘﻪ ﺩﺍﺧﻞ ﻟﻠﻐﺮﻓﻪ ﻳﻔﺘﺢ ﺩﮔﻢ ﺍﻟﺒﺪﻟﻪ
ﻋﺸﻖ : ﺍﺣﻀﺮ ﺍﻟﺤﻤﺎﻡ؟؟
ﺻﮕﺮ : ﺍﻳﻲ
ﺣﻀﺮﺕ ﺍﻟﺤﻤﺎﻡ ﻭﻃﻠﻌﺖ ﻭﺍﻟﺠﻮﻭ ﻣﻜﻬﺮﺏ ﻭﺟﻪ ﺍﺑﺪﻣﻮﻃﺒﻴﻌﻲ
ﺩﺧﻞ ﺳﺒﺢ ﻃﻠﻌﺘﻠﻪ ﻣﻼﺑﺴﻪ ... ﻟﺒﺴﻬﻦ ﻭﮔﻌﺪ ﻋﻠﻪ ﺍﻟﭽﺮﺑﺎﻳﻪ
ﺍﺻﺒﻠﻚ ﻏﺪﻩ ؟؟
ﺻﮕﺮ : ﻻ
ﻫﺬﻩ ﺷﺒﻴﻪ .... ﮔﺘﻠﻪ ﻣﺤﺘﺎﺝ ﺷﻲ ﻫﺰ ﺭﺍﺱ ﺑﻼ
ﻳﺎﺍﺍ ﻫﻴﭻ ﻭﺍﻟﻠﻪ !! ﺑﺴﻴﻄﻪ ﻳﺼﮕﺮ
ﻃﻠﻌﺖ ﻭﺍﺣﺲ ﮔﻠﺒﻲ ﻳﺮﻳﺪ ﻳﻄﻴﺮ ﻣﻦ ﻣﻜﺎﻧﻪ ﻻﮔﺘﻨﻲ ﺷﻤﺲ
ﮔﺎﻟﺖ ﺷﺒﻴﭻ ﺍﺷﺮﺗﻠﻬﻪ ﻋﻠﻪ ﺻﮕﺮ ﮔﺎﻟﺖ ﺗﻌﺎﻱ
ﺩﺧﻠﻨﻪ ﻟﻠﻐﺮﻓﻪ ....
ﻭﺣﭽﻴﺘﻠﻪ ﻋﻠﻴﻪ
ﺍﺗﺼﻞ ﻋﻴﺴﻰ ﮔﺎﻟﺖ ﺍﺑﻘﻲ ﻟﺘﻨﺰﻟﻴﻦ ﻧﻨﺰﻝ ﺳﻮﻩ
ﺧﻠﺼﺖ ﺍﻟﻤﻜﺎﻟﻤﻪ ﻭﻃﻠﻌﻨﻪ ﻛﻞ ﻇﻨﻲ ﺑﻌﺪﻩ ﺑﻠﻐﺮﻓﻪ ﺍﻭ ﻧﺎﻡ ﻳﺠﻮﺯ
ﻧﺰﻟﺖ ﻭﺑﻌﺪﻧﻲ ﻣﻤﻜﻤﻠﻪ ﺍﻟﺪﺭﺝ ﻭﺍﺳﻤﻊ ﺻﻮﺕ ﻇﺤﻚ
ﺑﺎﻭﻋﺖ ﻭﺍﺷﻮﻓﻪ ﻭﺍﮔﻒ ﺑﻠﻤﻄﺒﺦ ﻫﻮﻩ ﻭﺩﻣﻮﻉ ﻭﻣﻴﺘﻴﻦ ﻇﺤﻚ
ﺑﺎﻭﻋﺖ ﻟﺸﻤﺲ ﻭﮔﺘﻠﻪ ﺷﻮﻭﻓﻲ ﻭﺍﺣﺲ ﻋﻴﻮﻧﻲ ﺗﺮﻳﺪ ﺗﻄﻠﻊ ﻣﻦ ﺭﺍﺳﻲ
ﮔﺎﻟﺖ ﻣﻴﺨﺎﻟﻒ .. ﺧﻠﻲ ﺗﻮﻟﻲ
ﺍﻧﻲ ﻣﻬﺎﻣﻨﻲ ﺩﻣﻮﻉ ﺑﺲ ﻟﻴﺶ ﻗﺒﻞ ﺷﻮﻳﻪ ﮔﻮﻩ ﻳﻄﻠﻊ ﺍﻟﺤﭽﺎﻳﻪ ﻭﻫﺴﻪ
ﺍﻟﻈﺤﻚ ﻭﺍﺻﻞ ﻻﺧﺮ ﺍﻟﺸﺎﺭﻉ ...
ﺷﺎﻓﺘﻨﻲ ﻧﺰﻟﺖ ﻭﺭﺩﺕ ﺍﺩﺧﻞ ﻟﻠﻤﻄﺒﺦ ﮔﺎﻟﺘﻠﻪ ﻳﻌﻨﻲ ﻫﺴﻪ ﻣﺎﻛﻮ
ﺣﺐ ﻣﻨﺎ ﻣﻨﺎﺍ ﻭﺗﺒﺎﻭﻋﻠﻲ ﺑﻄﺮﻑ ﻋﻴﻨﻴﻪ
ﮔﻠﻪ ﻳﻤﻌﻮﺩﻩ ﻳﺎﺣﺐ ﻳﺎﺑﻄﻴﺦ ﺷﻠﻨﻪ ﺑﺪﻭﺧﻪ ﺍﻟﺮﺍﺱ ،،
ﺗﻮﺟﻬﺖ ﻟﻠﺴﻨﮓ ﻭﺗﻤﻨﻴﺖ ﺍﺭﮔﻌﻪ ﺑﮕﻼﺹ ﺍﻓﻠﺶ ﺭﺍﺳﻬﻪ
ﻭﻫﻮﻩ ﻭﺟﻊ ﺭﺍﺱ ﻣﻮﻭ .... ﺑﺴﻴﻄﻪ
ﺷﻤﺲ ﺷﺎﻓﺘﻨﻲ ﺿﺠﺖ ﺣﻴﻞ ... ﮔﻠﺘﻠﻪ ﺩﻣﻮﻉ ﻟﻴﺶ ﻭﺍﮔﻔﻪ ﻫﻨﺎ
ﺭﻭﺣﻲ ﺍﺳﺘﺮﻳﺤﻲ ﺟﺎﻭﺑﺘﻪ ﻻﺍ ﻳﻤﻌﻮﺩﻩ ﺧﻠﻴﻨﻲ ﺍﺷﺒﻊ ﻣﻦ ﺍﺑﻦ ﻋﻤﻲ
ﻣﺸﺎﻳﻔﺘﻪ ﺻﺎﺭ ﻫﻮﺍﻱ ﺍﺷﺘﺎﻗﻴﺖ ﻟﺴﻮﺍﻟﻔﻨﻪ ﻭﻇﺤﻜﻨﻪ
ﻭﮔﻌﺪﺕ ﺗﺴﻮﻟﻒ ﺗﺬﻛﺮ ﻣﻦ ﻫﻴﺞ ﺳﻮﻳﻨﻪ ﻭﺗﺬﻛﺮ ﻣﻦ ﺭﺣﻨﻪ ﻫﻴﺞ
ﺻﺢ ﻫﻮﻩ ﻳﺠﺎﻭﺑﻪ ... ﺑﺜﮕﻞ ﻻﻥ ﺍﻧﻲ ﻣﻮﺟﻮﺩ ﺑﺲ ﻣﺘﻔﺎﻋﻞ ﻭﻳﺎﻫﻪ
ﺍﺣﺲ ﮔﻠﺒﻲ ﺍﻧﻤﺮﺩ ﻣﺮﺩ ﻣﻜﺘﻮﺑﻠﻲ ﺍﺑﻘﻪ ْ ﻋﺎﻳﺸﻪ ﺑﻠﻨﺺ
ﻻ ﺑﻠﺴﻤﺎ ﻭﻻ ﻉ ﺍﻻﺭﺽ ﺍﻭﻭﻑ ﻳﺎﺭﺑﻲ
ﺧﻠﺼﺖ ﻏﺴﻞ ﺍﻟﻤﻮﺍﻋﻴﻦ ﻭﻫﻤﻪ ﻋﻠﻪ ﻧﻔﺲ ﺍﻟﺤﻄﻪ
ﻭﺟﺎﻥ ﺍﺳﻤﻊ ﺻﻮﻭﺕ ﺑﻴﺒﻲ .... ﺍﻟﺘﻔﺖ ﻭﻟﻜﻴﺘﻪ ﻭﺍﻛﻔﻪ ﻋﻠﻪ ﻋﻮﭼﻴﺘﻪ ﮔﻮﻩ
ﮔﺎﻟﺖ ﺷﻬﻠﺼﻮﻭﺕ ﻭﺍﻟﻜﺮﻛﺮﻩ
ﺻﮕﺮ ﻣﺎﺣﭽﻪ ﺑﺲ ﺩﻣﻮﻉ ﺟﺎﻭﺑﺖ
ﻳﺎﺍﺑﻴﺒﻲ ﻫﺎﻱ ﺍﻧﻲ ﻭﺻﮕﺮ ﻧﺴﻮﻟﻒ ﻭﻧﻈﺤﻚ
ﻛﺎﻟﺘﻠﻪ ﺑﻴﺒﻲ ﻣﺎﺗﺴﺘﺤﻴﻦ ﺻﻮﺗﺞ ﻭﺍﺻﻞ ﻟﺸﺎﺭﻉ
ﺗﺘﻤﻈﺤﻜﻴﻦ ﻭﻳﻪ ﺯﻟﻤﻪ ﻣﺘﺰﻭﺝ ... ﻳﺎﺍ ﺑﻴﺒﻲ ﻭﺍﺫﺍ ﻣﺘﺰﻭﺝ
ﻏﻴﺮ ﺍﺑﻦ ﻋﻤﻲ ﻋﺎﻃﺖ ﺑﻴﻪ ﺑﻴﺒﻲ
ﺍﻧﭽﺒﻲ ﺗﺮﺍﺩﺩﻳﻦ ﺍﺩﻭﺭ ﻭﺍﻟﻠﻪ ﺧﻮﻭﺵ
ﺍﺑﺎﻭﻋﻠﻪ ﻭﺟﻬﻪ ﮔﺎﻡ ﻳﻨﻄﻲ ﺍﻟﻮﺍﻥ ﺑﺲ ﺻﮕﺮ ﻣﺎﻫﺘﻢ ﻣﺘﻌﻮﺩ ﻋﻠﻪ ﺑﻴﺒﻲ
ﺑﺎﻭﻋﺘﻠﻲ ﻭﮔﺎﻟﺖ ﻋﺸﮓ ﺗﻌﺎﻱ ﺳﻨﺪﻳﻨﻲ ﻭﺻﻠﻴﻨﻲ ﻟﺤﺠﺮﺗﻲ
ﻳﻲ ﺑﻴﺒﻲ ...
ﻭﺭﺣﺖ ﻟﺰﻣﺘﻬﻪ ﻭﻣﺸﻴﻨﻪً ﻭﺻﻠﺘﻪ ﻟﻐﺮﻓﻪ
ﮔﻌﺪﺕ ﻋﻠﻪ ﭼﺮﺑﺎﻳﺘﻪ ﺭﺩﺕ ﺍﻃﻠﻊ ﻟﺰﻣﺘﻨﻲ ﻭﻛﺎﻟﺖ ﺍﻛﻌﺪﻱ
ﻻﺗﺮﺣﻴﻦ ﻳﻤﻬﻦ
ﻟﻴﺶ ﺑﻴﺒﻲ ؟؟
.
.
ﺍﺣﺴﻦ ﺣﺘﻪ ﻻﺗﻨﻐﺜﻴﻦ
ﻻﺑﻴﺒﻲ ﻣﺎﻛﻮ ﺩﺍﻋﻲ ﻭﺍﻟﻠﻪ ﻣﻀﺎﻳﺠﻪ
ﻋﻠﻴﻪ ﻭﻟﺞ ﻣﻮ ﻗﺎﺭﻳﻪ ﻛﻠﺸﻲ ﺑﻮﺟﻬﺞ ﻣﺪﺭﻱ ﺷﺼﺎﺑﻪ ﺻﮕﺮ
ﺷﻤﺎﻟﻪ ﻫﻴﭻ ﻳﺴﻮﻱ ﻭﻫﺎﻱ ﺍﺫﺍ ﺍﻟﺰﻣﻬﻪ ﺍﺯﻭﺭﮔﻬﻪ ﺑﻠﻌﻮﭼﻴﻪ
ﻣﺎﻋﺮﻑ ﺑﻴﺒﻲ ﺷﻠﻮﻥ ﻋﺮﻓﺖ ﻛﻞ ﻫﺬﻩ ... ﻣﻌﻘﻮﻟﻪ ﻛﻠﺸﻲ ﻣﺒﻴﻦ ﺑﻮﺟﻬﻲ
ﻣﺜﻞ ﻣﮕﺎﻟﺖ
ﺷﻮﻳﻪ ﻭﺩﺧﻠﺖ ﺷﻤﺲ ﻭﻛﺎﻟﺖ ﺍﺿﺎﻫﺮ ﺻﮕﺮ ﻋﺎﺟﺒﻪ ﻫﺬﻩ ﺍﻟﻮﻇﻊ
ﺷﻔﺘﻲ ﻭﺧﺒﺼﺘﻴﻨﻲ ﻛﻮﻣﻲ ﻭﺭﺍﻩ ﺭﻭﺣﻲ ﺷﻮﻓﻲ
ﺑﺎﻭﻋﺘﻠﻲ ﻭﮔﺎﻟﺖ ... ﻣﺎﺩﺍﻡ ﻫﻴﭻ ﺍﻧﻲ ﺍﻟﻪ
ﻃﻠﻌﺖ ﺑﺴﺮﻋﻪ ﻭﺍﺳﻤﻌﻪ ﺗﺤﺠﻲ ﺑﻠﻤﻤﻄﺒﺦ ﺑﺼﻮﺕ ﻋﺎﻟﻲ
ﺑﺲ ﻣﺎﻓﻬﻤﺖ ﻛﻼﻣﻪ
ﺭﺟﻌﺖ ﺭﻛﺾ ﻭﺑﻴﺪﻩ ﻛﻼﺹ ﻣﻲ
ﮔﺘﻠﻪ ﻭﺝ ﺷﻨﻮ ﻫﺬﻩ
ﮔﺎﻟﺖ ﺑﺼﻮﺕ ﻧﺎﺻﻲ ﺩﺷﺮﺑﻲ ﺷﻮﻳﻪ ﻣﻨﻪ ﻭﻫﺴﻪ ﺗﺸﻮﻓﻴﻦ
ﺷﺮﺑﺘﻨﻲ ﺷﻮﻳﻪ ﻣﻦ ﺍﻟﻤﻲ ﺩﺧﻠﺖ ﻣﺎﻣﺎ ﮔﺎﻟﺖ
ﻳﻤﻪ ﺷﻮﺷﻪ ﺷﺠﺎﺝ ﺷﺼﺎﺑﺞ ؟؟ﻋﻴﻦ ﺍﻟﻤﺎﺻﻠﺖ ﻋﻠﻪ ﻣﺤﻤﺪ
ﺳﻮﺩﻩ ﻋﻠﻴﻪ ﻳﺎﺍﻳﻤﻪ ﻭﻻ ﺻﺤﻴﺘﻲ
ﺷﺒﻴﻪ ﻣﺎﻣﺎ ﺍﻧﻮﺏ ؟؟ ﺷﻤﺲ ﻛﻮﻩ ﻻﺯﻣﻪ ﺭﻭﺣﻲ ﻣﺎﺗﻈﺤﻚ
ﮔﺘﻠﻪ ﻣﺎﻣﺎ ﻣﺒﻴﻪ ﺷﻲ ﻭﺍﻟﻠﻪ
ﻳﺎﺍ ﺷﻠﻮﻥ ﻣﺎﺑﻴﺞ ﺷﻲ ﻭﺟﻬﺞ ﺍﺻﻔﺮ ﻛﺮﻛﻤﻪ ﻭﻋﻴﻮﻧﺞ ﺣﻤﺮ
ﺍﺣﺠﻲ ﻭﻳﺎﻫﻪ ﻭﻣﺎﻧﺘﺒﻬﺖ ﺻﮕﺮ ﻭﺍﮔﻒ ﺑﻠﺒﺎﺏ ﻭﺍﻟﺒﻮﻣﻪ ﺩﻣﻮﻉ ﻭﺭﺍﻩ
ﺍﺑﺘﺴﻤﺖ ﻭﻟﺰﻣﺖ ﺍﻳﺪﻫﻪ ﺧﻄﻴﻪ ﻣﺒﻴﻦ ﻛﻮﻟﺶ ﺧﺎﻓﺖ
ﻭﺩﺍﻋﺘﭻ ﻣﺎﺑﻴﻪ ﺷﻲ ﺷﻮﻳﻪ ﺩﻭﺧﻪ ﻭﻫﺴﻪ ﺗﺮﻭﺡ
ﺍﻟﺘﻔﺘﺖ ﻋﻠﻪ ﺻﮕﺮ ﻳﻤﻪ ﺻﮕﺮ ﻣﺎﺗﺎﺧﺬﻫﻪ ﻟﻠﺪﻛﺘﻮﺭ ﺍﻟﺒﺖ ﻣﺪﺭﻱ
ﺷﻤﺎﻟﻬﻪ ؟؟ﺑﺎﻭﻋﻠﻲ ﻭﮔﺎﻝ ﮔﻮﻣﻲ ﻟﺒﺴﻲ ﻭﺧﻠﻲ ﻧﺮﻭﺡ
ﺩﺭﺕ ﻭﺟﻬﻪ ﻭﮔﺘﻠﻪ ﻣﻴﺤﺘﺎﺝ ﻣﺒﻴﻪ ﺷﻲ ... ﺑﺲ ﺍﺭﺗﺎﺡ ﺍﺻﻴﺮ ﺍﺣﺴﻦ
ﻫﻮﻩ ﺳﻜﺖ ﺑﺎﻭﻋﺘﻠﻪ ﺷﻜﻠﻪ ﺿﺎﺝ ﺣﻴﻴﻞ
ﺍﺣﺴﻦ ﺗﺴﺘﺎﻫﻞ ﺑﺲ ﺍﻧﺘﻪ ﺗﻀﻮﺟﻨﻲ ﻟﻌﺪ ....
ﺭﺍﺡ ﻛﻌﺪ ﻳﻢ ﻋﻤﺎﺗﻪ ﻭﺻﻮﺕ ﺍﻟﻈﺤﻚ ﺷﻌﻠﻮﻭﻩ
ﺗﻤﺪﺩﺕ ﻳﻢ ﺑﻴﺒﻲ ﻭﺧﻠﻴﺖ ﻣﺨﺪﻩ ﻋﻠﻪ ﺭﺍﺳﻲ ﺍﺣﺴﻬﻢ ﺍﺳﺘﻔﺰﻭﻧﻲ
ﺧﺼﻮﺻﺎ ﻫﻮﻩ
ﺻﺎﺭﺕ ﺍﻟﻤﻐﺮﺏ ﻭﺭﺍﺣﻦ ﻛﻠﻬﻦ ﻭﺍﺧﻴﻴﻴﺮﺍ ﺍﻟﺒﻴﺖ ﻫﺪﺍﺀ
ﮔﻤﺖ ﻃﻠﻌﺖ ﻣﻦ ﺍﻟﻐﺮﻓﻪ ﻭﺻﺎﺭ ﺫﻭﺍﻟﻔﻘﺎﺭ ﮔﺪﺍﻣﻲ
ﻫﺎﺍﺍ ﺳﻼﻣﺎﺕ ﮔﺎﻟﻮﻭ ﻣﺮﻳﻀﻪ
ﻋﺸﻖ : ﺍﻟﻠﻪ ﻳﺴﻠﻤﻚ ﻻ ﻣﻮ ﻣﺮﻳﻀﻪ ﺑﺲ ﺷﻮﻳﻪ ﺗﻌﺐ
ﺫﻭﺍﻟﻔﻘﺎﺭ : ﻟﻌﺪ ﺍﻟﺘﻌﺐ ﻣﻮ ﻣﺮﺽ ؟؟ ﺑﻠﺒﺪﺍﻳﻪ ﺗﻌﺐ ﻭﺍﺭﻫﺎﻕ ﻭﺑﻌﺪﻳﻦ
ﺍﻭﺟﺎﻉ ﺑﻠﺠﺴﻢ ﻭﺭﺍﻫﻪ ﺗﺼﻴﺮ ﺍﻟﺤﺎﻟﻪ ﺣﺮﺟﻪ
ﻋﺸﻖ : ﻫﻬﻬﻬﻪ ﻣﺎﻋﺮﻓﺘﻚ ﻭﺍﻧﺘﻪ ﺩﻛﺘﻮﺭ
ﺫﻭﺍﻟﻔﻘﺎﺭ : ﻫﻬﻪ ﺷﻌﺒﺎﻟﺞ ﺍﺻﻼ ﻟﻮ ﻣﺘﺨﺼﺺ ﺑﻠﻄﺐ ﭼﺎﻥ ﻫﺴﻪ ﺍﻧﻲ ﻣﻄﻠﻮﺏ ﺑﻠﻨﺪﻥ
ﻋﺸﻖ : ﻫﻬﻬﻪ ﻻﺍ ﻭﺍﺛﻖ ﺣﻀﺮﺗﻚ
ﺫﻭﺍﻟﻔﻘﺎﺭ : ﺟﺪﺩﺩﺩﺍ .... ﺑﺲ ﺟﺪﻳﺎﺕ ﻟﺘﺒﻘﻴﻦ ﻫﺎﻣﻠﻪ ﻧﻔﺴﺞ ﻫﻴﺞ
ﺭﺍﺟﻌﻲ ﻃﺒﻴﺐ ﻣﺨﺴﺮﺍﻧﻪ ﺷﻲ
ﻋﺸﻖ : ﺍﻥ ﺷﺎﺀ ﺍﻟﻠﻪ ﺗﺴﻠﻢ
ﺍﻧﺪﺍﺭﻳﺖ ﺟﺎﻱ ﺍﺭﻭﺡ ﻟﻠﻤﻄﺒﺦ ﺷﻔﺘﻪ ﻭﺍﮔﻒ ﺍﺑﺎﺏ ﺍﻟﺼﺎﻟﻪ ﻭﺑﻴﺪﻩ ﺟﮕﺎﺭﺗﻪ
ﻳﺒﺎﻭﻋﻠﻨﻪ ... ﺗﺠﺎﻫﻠﺘﻪ ﻭﻣﺸﻴﺖ ... ﻟﻌﺪ ﺑﺲ ﻫﻮﻩ ﻳﺘﺠﺎﻫﻠﻨﻲ
ﺩﺧﻠﺖ ﻟﻠﻤﻄﺒﺦ ﻟﺤﮕﻨﻲ ﻭﮔﻠﻲ ﺍﺭﻳﺪ ﭼﺎﻱ ﮔﺘﻠﻪ ﺍﻳﻲ
ﺧﻠﻴﺖ ﺍﻟﻘﻮﺭﻱ ﻋﻠﻪ ﺍﻟﻨﺎﺭ ﻭﻫﻮﻩ ﮔﻌﺪ ﻉ ﺍﻟﻘﻨﻔﻪ
ﺧﺪﺭ ﺍﻟﭽﺎﻱ ﻭﺻﺒﻴﺘﻠﻪ ﺷﻠﺖ ﺍﻟﺼﻴﻨﻴﻪ ﺷﻮﻭ ﺩﺧﺖ ﺣﻴﻞ
ﻫﻠﻤﺮﻩ ﺻﺎﺭﺕ ﺻﺪﮒ ..... ﻣﺎﺣﺴﻴﺘﻪ ﺍﻟﻪ ﻻﺯﻣﻨﻲ
ﻭﻳﮕﻠﻲ ﺷﺒﻴﭻ ؟؟
ﻋﺸﻖ : ﻣﺎﺑﻴﻪ ﺷﻲ ﺑﺴﺲ ﺩﺧﺖ
ﺻﮕﺮ : ﺫﺑﻲ ﺍﻟﭽﺎﻱ ﺍﻣﺸﻲ ﻧﺮﻭﺡ ﻟﻠﺪﻛﺘﻮﺭ
ﻋﺸﻖ : ﻻﻣﻴﺤﺘﺎﺝ ﻣﺎﺑﻴﻪ ﺷﻲ
ﺻﮕﺮ : ﺭﺍﺡ ﺗﺒﻘﻴﻦ ﺗﻌﺎﻧﺪﻳﻦ ﻫﻴﺞ ... ﻧﺮﻭﺡ ﻭﻧﺸﻮﻑ ﺍﻟﺪﻛﺘﻮﺭ ﺷﻴﮕﻮﻝ
ﻭﺧﺮﺕ ﺍﻳﺪﻱ ﻣﻨﻪ ﻭﮔﺘﻠﻪ ﻛﺘﻠﻚ ﻣﺎﺑﻴﻪ ﺷﻲ ﻋﻮﻓﻨﻲ ﺑﺤﺎﻟﻲ
ﻣﺸﻴﺖ ﺭﺩﺕ ﺍﺭﻭﺡ ﺍﺧﻠﻲ ﺍﻟﭽﺎﻱ ﻋﻠﻪ ﺍﻟﻤﺎﺋﺪﻩ ﭼﺎﻥ ﻳﺠﺮﻧﻲ ﻣﻦ ﺍﻳﺪﻱ
ﺑﻘﻮﺓ ﺑﺤﻴﺚ ﺍﻟﺼﻴﻨﻴﻪ ﻭﮔﻌﺖ ﺑﻠﮕﺎﻉ
ﺻﮕﺮ : ﺍﻧﺘﻲ ﺗﺎﻟﻲ ﻭﻳﺎﺝ ﻳﻌﻨﻲ ﺍﺑﻮﺱ ﺍﻳﺪﺝ ﺣﺘﻪ ﺗﻤﺸﻴﻦ ﻭﻳﺎﺍﻱ؟؟
ﻋﺸﻖ : ﻫﺪﺩﺩ ﺍﻳﺪﻱ ﻟﺤﺪ ﻳﺠﻲ ﻳﺸﻮﻓﻨﻪ
ﺻﮕﺮ : ﻣﺎﻳﺸﻮﻓﻮﻥ ﺷﻤﺴﻮﻱ ﺍﻧﻲ ؟؟ ﻭﺑﻌﺪ ﺍﺣﺴﻦ ﺍﺫﺍ ﻳﺸﻮﻓﻮﻥ ﺷﻠﻮﻥ ﺭﺍﺳﺞ ﻳﺎﺑﺲ
.
ﻋﺸﻖ : ﺻﮕﺮ ﺷﺒﻴﻚ ﺗﺨﺒﻠﺖ ﺍﮔﻮﻟﻚ ﻋﻮﻑ ﺍﻳﺪﻱ ﺍﺫﻳﺘﻨﻲ
ﻣﺎﺭﻳﺪ ﺍﺭﻭﺡ ﻟﻠﺪﻛﺘﻮﺭ ﻫﻴﻪ ﮔﻮﻭﻩ ؟
ﺻﮕﺮ : ﻫﺎﺍﺍ ﻣﺎﺗﺮﺩﻳﻦ ﺗﺮﺣﻴﻦ ﭼﺎ ﻣﺴﺎﻉ ﻣﻦ ﮔﺎﻟﺞ ﺫﻭﺍﻟﻔﻘﺎﺭ
ﻣﺎﮔﻠﺘﻲ ﻻ ... ﺑﺲ ﻫﺴﻪ ﻣﻦ ﺣﺠﻪ ﺻﮕﺮ ﺻﺎﺭ ﻋﻨﺪﺝ ﺣﺴﺎﺳﻴﻪ ﻣﻦ ﻛﻼﻣﻪ
ﻋﺸﻖ : ﻛﺘﻠﻚ ﻋﻮﻭﻑ ﺍﻳﺪﻱ
ﺍﻭﻻ ﻣﻦ ﮔﺎﻟﻲ ﺫﻭﺍﻟﻔﻘﺎﺭ ﻛﺘﻠﻪ ﺍﻥ ﺷﺎﺀﺍﻟﻠﻪ ﻳﻌﻨﻲ
ﻣﺎﺭﺣﺖ ﺑﻨﻔﺲ ﺍﻟﺪﻗﻴﻘﻪ
ﺛﺎﻧﻴﺎ ﺍﺫﺍ ﻫﻴﺞ ﺣﻀﺮﺗﻚ ﻛﻮﻭﻟﺶ ﻣﻬﺘﻢ ﺑﻠﻤﻮﻇﻮﻉ
ﭼﺎﻥ ﺍﻭﻝ ﻣﺎﺍﺟﻴﺖ ﮔﺘﻠﻲ ﻳﻼ ﻧﺮﻭﺡ ﺑﺴﺎﻋﺘﻪ ﻣﺮﺍﺡ ﺍﺭﻓﻀﻚ
ﺻﮕﺮ : ﻫﺎﺍ ﻳﻌﻨﻲ ﻫﻴﻪ ﺷﻐﻠﻪ ﻋﻨﺎﺩ؟؟
ﻋﺸﻖ : ﻭﺍﻟﻠﻪ ﻋﺎﺍﺩ ﺍﻓﻬﻤﻬﻪ ﻣﺜﻞ ﻣﺘﺤﺐ
ﺑﻬﺎﻻﺛﻨﺎﺀ ﺍﺟﺘﻲ ﻣﺎﻣﺎ ﻭﺷﻤﺲ ﻭﺫﻭﺍﻟﻔﻘﺎﺭ ﻳﺮﻛﻀﻮﻭﻥ
ﻋﻠﻪ ﺻﻮﺗﻨﻪ
ﻣﺎﻣﺎ : ﺍﺳﻢ ﺍﻟﻠﻪ ﺍﻟﺮﺣﻤﻦ ﻳﻤﻪ ﺷﺠﺎﻛﻢ ﺻﮕﺮ ﻳﻤﻪ ﺷﺠﺎﻙ
ﺻﮕﺮ : ﻳﻤﻪ ﻻ ﺗﺪﺧﻠﻴﻦ ﺍﻟﺸﻐﻠﻪ ﺑﻴﻨﻲ ﻭﺑﻴﻨﻪ
ﺫﻭﺍﻟﻔﻘﺎﺭ : ﺧﻮﻭﻳﻪ ﻋﻠﻪ ﻛﻴﻔﻚ ﺷﻨﻬﻲ ﺍﻟﺴﺎﻟﻔﻪ
ﻋﺎﻁ ﺑﺬﻭ ﺍﻟﻔﻘﺎﺭ ﺑﺼﻮﺕ ﻋﺎﻟﻲ ﺍﻧﺘﻪ ﺑﻠﺬﺍﺕ ﻻﺗﺤﺠﻲ ﻭﻻ ﺣﺮﻑ
ﺧﻄﻴﻪ ﻫﻮﻩ ﺑﻘﻪ ﻣﺼﺪﻭﻭﻡ
ﺷﻤﺲ : ﺧﻮﻭﻳﻪ ﺻﮕﺮ ﺍﺭﻭﺣﻠﻚ ﻓﺪﻭﻩ ﺍﻟﺒﻨﻴﻪ ﻣﺮﻳﻀﻪ
ﺑﺎﻭﻋﻠﻲ ﻭﮔﺎﻝ ﻻ ﻣﺎﺑﻴﻪ ﺷﻲ ﺑﺲ ﺍﺿﺎﻫﺮ ﻋﺠﺒﻪ ﺍﻟﺪﻻﻝ
ﻣﺎﻣﺎ : ﻭﻟﻚ ﻳﻤﻪ ﺷﺠﺎﻙ ﺻﮕﺮ .... ﻫﺪ ﺍﻟﺒﺖ ﺭﺍﺡ ﺗﮕﻄﻊ ﺍﻳﺪﻫﻪ
ﺻﮕﺮ : ﻳﻴﻴﻤﻪ ﮔﻠﺖ ﻟﺤﺪ ﻳﺪﺧﻞ ﻃﻠﻌﻮﻭ ﻣﻨﺎ
ﺣﺎﻭﻟﺖ ﺍﺳﺤﺐ ﺍﻳﺪﻱ ﻣﻨﻪ ﺑﺲ ﻫﻮﻩ ﻻﺯﻣﻪ ﺣﻴﻴﻞ
ﻋﺸﻖ : ﻋﻮﻭﻑ ﺍﻳﺪﻱ ﺍﺫﻳﺘﻨﻲ
ﺻﮕﺮ : ﺍﺑﭽﻲ ﺍﺑﭽﻲ ﺑﻌﺪ ﺣﺘﻪ ﻳﺼﻴﺮ ﺍﻟﺘﺮﺩﻳﻨﻪ
ﻋﺸﻖ : ﺍﻧﺘﻪ ﺗﺴﻤﻊ ﺍﻟﻲ ﺟﺎﻱ ﺗﺤﺠﻲ ؟؟ ﺷﻨﻮ ﻳﻌﻨﻲ ﻳﺼﻴﺮ ﺍﻟﻲ ﺍﺭﻳﺪﻩ
ﺷﺒﻴﻚ ﺍﻟﻴﻮﻡ
ﺻﮕﺮ : ﺍﻟﻴﻮﻡ ﺷﻴﺎﻃﻴﻦ ﺍﻟﺪﻧﻴﺎ ﻛﻠﻪ ﻣﻠﺘﻤﻪ ﻳﻤﻲ
ﻋﺸﻖ : ﻫﺎﻱ ﻛﻮﻟﻬﻪ ﻻﻥ ﮔﺘﻠﻚ ﻣﺎﺭﻭﺡ ﻟﻠﺪﻛﺘﻮﺭ !! ﻳﺎﺍﺧﻲ ﻛﻴﻔﻲ
ﻣﺎﺭﻳﺪ ﺍﺭﻭﺡ ﺍﻧﺘﻪ ﺷﻌﻠﻴﻴﻚ
ﻣﺎﺍﺣﺲ ﺍﻟﻪ ﺍﺟﺎﻧﻲ ﺭﺍﺟﺪﻱ ﻣﻦ ﻗﻮﺗﻪ ﺍﺣﺴﺲ ﻓﻘﺪﺕ ﺍﻟﺴﻤﻊ ﺑﺎﺫﺍﻧﻲ ﺍﻟﻴﺴﺮﻯ
ﻭﮔﻌﺖ ﺑﻠﮕﺎﻉ
ﻣﺎﻣﺎ ﻋﺎﻃﺖ ﺣﻴﻞ
ﺻﺨﺎﻡ ﺻﺨﻤﻨﻲ ﺻﮕﺮ ﺷﺴﻮﻳﺖ
ﻭﺷﻤﺲ ﺍﺟﺘﻲ ﺗﺮﻛﺾ ﻋﻠﻴﻪ ﻭﮔﻠﺘﻠﻪ ﺻﮕﺮ ﺷﺒﻴﻚ ﺍﻟﻴﻮﻡ
ﺑﺲ ﺍﻧﻲ ﺑﻘﻴﺖ ﻣﺼﺪﻭﻭﻣﻪ ﻭﺑﺲ ﻻﺯﻣﻪ ﺧﺪﻱ
ﺭﻓﻌﺖ ﺍﻳﺪﻱ ﻭﺷﻔﺘﻬﻪ ﻛﻮﻟﻪ ﺩﻡ ﺷﻤﺲ ﻟﻄﻤﺖ ﻋﻠﻪ ﻭﺟﻬﻪ
ﻭﻣﺎﻣﺎ ﻛﺎﻣﺖ ﺗﺤﺠﻲ ﻋﻠﻪ ﺻﮕﺮ ﻭﺗﻌﻴﻂ
ﺑﺎﻭﻋﺖ ﻟﻨﻔﺴﻲ
ﺍﻧﻲ ﻭﺍﮔﻌﻪ ﻋﻠﻪ ﺍﻟﻜﻼﺹ ﻭﻣﻜﺴﻮﺭ ﺟﻮﻩ ﺍﻳﺪﻱ ﻭﺍﻟﻜﺰﺍﺯ ﺩﺍﺧﻞ ﺑﺄﻳﺪﻱ
ﺩﺧﻞ ﺑﺎﺑﺎ ﻣﻦ ﺑﺮﻩ ﻭﮔﺎﻝ ﺍﺻﻮﺍﺗﻜﻢ ﻋﺎﻟﻴﻪ ﺷﻜﻮﻭ ﻣﻦ ﺷﺎﻓﻨﻲ ﺧﻄﻴﻪ ﺗﺨﺒﻞ
ﺍﺟﻪ ﮔﻮﻣﻨﻲ .... ﻭﺟﺮ ﺍﻟﺸﻤﺎﻍ ﻣﻦ ﻓﻮﮒ ﺭﺍﺳﻪ ﻭﻟﻒ ﺍﻳﺪﻱ
ﻭﺻﺎﺡ ﻋﻠﻪ ﺻﮕﺮ ﮔﻠﻪ ﻟﻴﺶ ﻭﺍﮔﻒ ﻣﺎﺗﺸﻐﻞ ﺍﻟﺴﻴﺎﺭﻩ
ﺻﮕﺮ ﻭﺍﮔﻒ ﺑﻤﻜﺎﻧﻪ ﻣﺎﺗﺤﺮﻙ ﻭﺑﺲ ﻳﺒﺎﻭﻉ ﻟﻠﺪﻡ ﻭﺍﻧﻲ ﻣﺼﺪﻭﻭﻣﻪ
ﻣﺎﻛﺪﺭﺕ ﺣﺘﻪ ﺍﺑﺠﻲ .....
ﺷﻤﺲ ﻟﺒﺴﺖ ﻋﺒﺎﺗﻬﻪ ﻭﻟﺒﺴﺘﻨﻲ ﻋﺒﺎﺗﻲ ﻭﻃﻠﻌﻨﻪ
ﺫﻭﺍﻟﻔﻘﺎﺭ ﻫﻮﻩ ﺍﻟﺴﺎﻕ ﺍﻟﺴﻴﺎﺭﻩ ﻭﺑﺎﺑﺎ ﻛﺎﻋﺪ ﻳﻤﻪ .... ﺻﮕﺮ ﺑﻘﻪ ﺑﻠﺒﻴﺖ
ﺑﻴﻦ ﻣﺎﻭﺻﻠﻨﻪ ... ﺗﻘﺮﻳﺒﺎ ﻣﺮ ﺭﺑﻊ ﺳﺎﻋﻪ ﻭﻣﻦ ﺷﺎﻓﻮ ﺍﻳﺪﻱ ﺍﻟﺪﻛﺎﺗﺮﻩ
ﮔﺎﻟﻮﻭ ﺗﺤﺘﺎﺝ ﻋﻤﻠﻴﻪ
ﻻﻥ ﺷﻀﺎﻳﺎ ﺍﻟﮕﺰﺍﺯ ﺩﺍﺧﻠﻪ ﺟﻮﻭﻩ
ﺧﻄﻴﻪ ﺑﺎﺑﺎ ﺻﺎﺭ ﻭﺟﻬﻪ ﺍﺻﻔﺮ ﻭﺫﻭﺍﻟﻔﻘﺎﺭ ﺍﻧﺼﺪﻡ
ﻭﺷﻤﻮﺳﻪ ﮔﺎﻣﺖ ﻭﺗﺒﭽﻲ ﮔﻠﻬﻢ ﺍﻟﺪﻛﺘﻮﺭ ﻟﺘﺨﺎﻓﻮﻥ
ﻫﻴﻪ ﺷﻐﻠﻪ ﻋﺎﺩﻳﻪ ﻟﻜﻦ ﺍﺣﻨﻪ ﻧﺴﻤﻴﻬﻪ ﻋﻤﻠﻴﻪ ﻻﻥ ﻳﺤﺘﺎﺟﻠﻪ
ﺗﺨﺪﻳﺮ ﻧﺺ ﻋﺎﻡ ... ﺑﺲ ﻫﻴﻪ ﻋﻤﻠﻴﻪ ﺻﻐﺮﻯ ﻭﺍﻟﺘﺨﺪﻳﺮ ﻣﻮﻇﻌﻲ
ﻭﻓﻌﻼ ﺩﺧﻠﻮﻧﻲ ﻟﻐﺮﻓﻪ ﺍﻟﻌﻤﻠﻴﺎﺕ ﻭﺧﻠﻮ ﺣﺎﺟﺰ ﺑﻴﻨﻲ ﻭﺑﻴﻦ ﺍﻳﺪﻱ
ﺿﺮﺑﻮﻧﻲ ﺍﺑﺮ ﺑﻨﺞ ﺩﻗﺎﻳﻖ ﻭﺍﻻﻟﻢ ﻛﻮﻟﻪ ﺍﺧﺘﻔﻪ ..... ﺻﺢ ﻣﺎﻛﻮ ﻭﺟﻊ
ﺑﺲ ﺍﺣﺲ ﮔﻠﺒﻲ ﺍﻟﻴﻮﺟﻌﻨﻲ ..... ﻭﺍﻟﺨﻮﻭﻑ ﺳﻴﻄﺮ ﻋﻠﻴﻪ
ﻭﮔﻔﻮ ﻋﻠﻪ ﺭﺍﺳﻲ ٣ﺩﻛﺎﺗﺮﻩ ﻭﻛﻞ ﺷﻮﻳﻪ ﻳﺴﺄﻟﻨﻲ ﺳﺆﺍﻝ
ﺣﺘﻪ ﺿﻐﻄﻲ ﻟﻴﻨﺰﻝ ... ﺑﺲ ﺍﻧﻲ ﺑﺎﻟﻲ ﻣﻮﻳﻤﻪ
ﺍﺣﺲ ﺧﺪﻱ ﻣﻮﺭﻡ ﻣﻦ ﺿﺮﺑﻪ ﺻﮕﺮ .... ﻟﻴﺶ ﻫﻴﺞ ﺻﺎﺭ ﺑﻴﻨﻪ
ﻣﻮﺑﺪﻳﻨﻪ ﺑﺪﺍﻳﻪ ﺣﻠﻮﻩ ... ﻭﮔﻠﺖ ﺭﺍﺡ ﺍﻧﺴﻪ ﺍﻟﺼﺎﺭ
ﭼﻨﺖ ﺍﻋﺮﻑ ﻛﻮﻝ ﻫﺬﻩ ﺣﻠﻢ ﻭﺭﺍﺡ ﺍﺻﺤﻪ ﻣﻨﻪ ....
ﺧﻠﺼﺖ ﺍﻟﻌﻤﻠﻴﻪ ﻭﻃﻠﻌﻮﻧﻲ ﻣﻦ ﺍﻟﻐﺮﻓﻪ ... ﻟﻐﺮﻓﻪ ﺛﺎﻧﻴﻪ
ﺗﻤﺪﺩﺕ ﻋﻠﻪ ﺍﻟﺴﺪﻳﻪ ﻭﺷﻜﻠﻮﻟﻲ ﻣﻐﺬﻱ ... ﺑﺎﻳﺪﻱ ﺍﻟﻲ ﻧﺠﺮﺣﺖ
ﻭﻇﺮﺑﻮﻧﻲ ﺍﺑﺮ
ﺣﻴﻴﻞ ﺩﺧﺖ ﻭﻧﻌﺴﺖ .... ﻧﻤﺖ ﻣﺎﺩﺭﻱ ﺑﻨﻔﺴﻲ
ﻓﺘﺤﺖ ﻋﻴﻨﻲ ﻋﻠﻪ ﺻﻮﺕ ﺫﻭﺍﻟﻔﻘﺎﺭ ﺍﺳﻤﻌﻪ ﻳﺴﻮﻟﻒ ﺑﻠﺘﻠﻔﻮﻥ
ﻭﻳﻪ ﻣﺎﻣﺎ ﻭﻳﮕﻮﻟﻬﻪ ﻻ ﺑﻌﺪﻫﻪ ﻣﻜﺎﻋﺪﻩ ﻣﺎﺑﻴﻪ ﺷﻲ ﻟﺘﺨﺎﻓﻴﻦ
ﺍﻟﺪﻛﺎﺗﺮﻩ ﻃﻤﻨﻮﻧﻪ ..... ﻭﺷﻤﻮﺳﻪ ﻛﺎﻋﺪﻩ ﻳﻤﻲ
ﻣﻦ ﺷﺎﻓﺘﻨﻲ ﺻﺤﻴﺖ ﮔﻠﺘﻠﻲ ﺷﻠﻮﻧﭻ ؟؟؟ ﻣﺘﻮﺟﻌﻪ
ﻫﺰﻳﺖ ﺭﺍﺳﻲ ﺑﻼ .... ﮔﺘﻠﻪ ﺑﻴﺶ ﺍﻟﺴﺎﻋﻪ ﮔﺎﻟﺖ ﺏ١٠
ﺣﻴﻴﻴﻞ ﻛﻞ ﻫﻠﻮﻗﺖ ﻭﺍﻧﻲ ﻧﺎﻳﻤﻪ ﺑﺎﻭﻋﺖ ﺑﺎﻳﺪﻱ ﺍﻟﻤﺠﺮﻭﺣﻪ
ﻣﺨﻠﻴﻦ ﻣﻐﺬﻱ ﻭﺑﺄﻳﺪﻱ ﺍﻟﺜﺎﻧﻴﻪ ﺑﻄﻞ ﺩﻡ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺑﺎﺑﺎ ﻭﺩﺧﻞ ﻭﺭﺍﻩ ﺻﮕﺮ ... ﻣﻦ ﺷﻔﺘﻪ ﻭﺟﻌﻨﻲ ﮔﻠﺒﻲ
ﺑﺎﺑﺎ ﺷﺎﻓﻨﻲ ﮔﺎﻋﺪﻩ ﺍﺑﺘﺴﻢ ﻭﮔﺎﻝ ﺷﻠﻮﻥ ﺻﺮﺗﻲ
ﮔﺘﻠﻪ ﺑﺼﻮﺕ ﻧﺎﺻﻲ ﺍﻟﺤﻤﺪﻟﻠﻪ .... ﮔﺎﻝ ﺷﻮﻳﻪ ﻭﻳﺨﺮﺟﻮﻧﻪ ﺍﻟﺪﻛﺎﺗﺮﻩ
.
ﺻﮕﺮ ﺑﻘﺖ ﻋﻴﻨﻪ ﻋﻠﻴﻪ ﺑﺲ ﻣﺎﮔﺪﺭﺕ ﺍﺑﺎﻭﻋﻠﻪ ﻛﺮﻫﺘﻪ
ﺟﺮﺣﻨﻲ ﺣﻴﻞ ﺧﺠﻠﻨﻲ ﮔﺪﺍﻡ ﻣﺎﻣﺎ ﻭﺷﻤﺲ ﻭﺫﻭﺍﻟﻔﻘﺎﺭ
ﻳﻈﺮﺑﻨﻲ ﻫﻴﭻ ﻟﻴﺶ ؟؟ ﻭﻋﻠﻪ ﺷﻨﻮﻭﻭ
ﺭﺑﻊ ﺳﺎﻋﻪ ﻭﮔﺎﻟﻮ ﺗﮕﺪﺭﻭﻥ ﺗﻄﻠﻌﻮﻥ ....
ﻭﻃﻠﻌﻨﻪ ﺳﻨﺪﺗﻨﻲ ﺷﻤﺲ ﻭﺑﺎﺑﺎ ﻭﺻﮕﺮ ﻳﻤﺸﻮﻥ ﮔﺪﺍﻣﻨﻪ
ﻭﺫﻭﺍﻟﻔﻘﺎﺭ ﺑﺴﻴﺎﺭﺗﻪ ..... ﻣﻦ ﻭﺻﻠﻨﻪ ﺑﺎﻭﻋﺖ ﻟﻠﻤﻜﺎﻥ ﻭﺗﺬﻛﺮﺕ
ﺍﻭﻝ ﻣﺮﻩ ﺍﺟﻴﻨﻪ ﻫﻨﺎ ﺫﻳﺞ ﺍﻟﻤﺮﻩ ﻭﻳﻦ ﻭﻫﺴﻪ ﻭﻳﻦ
ﺍﺳﻤﻌﻪ ﻳﮕﻮﻝ ﻟﺒﺎﺑﺎ ﺭﻭﺡ ﺍﻧﺘﻪ ﻭﻳﻪ ﺫﻭﺍﻟﻔﻘﺎﺭ ﻭﺍﻧﻲ ﺍﺧﺬ ﺍﻟﺒﻨﺎﺕ
ﻣﺎﺭﺩﺕ ﺍﺻﻌﺪ ﻭﻳﺎﺍ ﺑﺲ ﺷﻠﻮﻥ ﺍﮔﻮﻝ ﻻ
ﻣﺸﺘﻨﻲ ﺷﻤﺲ ﻭﺭﺣﻨﻪ ﻟﺴﻴﺎﺭﺗﻪ ﻓﺘﺢ ﺍﻟﺒﺎﺏ ﻭﺻﻌﺪﺕ
ﺑﺲ ﻣﺎﺑﺎﻭﻋﺘﻠﻪ ﺍﺑﺪﺩﺩ
ﺻﻌﺪﺕ ﺷﻤﺲ ﻭﺳﺪ ﺍﻟﺒﺎﺏ ﻭﺻﻌﺪ ﺑﻠﺼﺪﺭ ﺫﻭﺍﻟﻔﻘﺎﺭﻭﺑﺎﺑﺎ ﻃﻠﻌﻮﺍ ﻗﺒﻠﻨﻪ
ﺣﺮﻙ ﺍﻟﺴﻴﺎﺭﻩ .... ﻃﻮﻝ ﺍﻟﻄﺮﻳﻖ ﺍﺣﺴﻪ ﻳﺒﺎﻭﻋﻠﻲ ﺑﻠﻤﺮﺍﻳﻪ
ﺑﺲ ﺍﻧﻲ ﺩﺍﻳﺨﻪ ﻭﻣﺨﻠﻴﻪ ﺭﺍﺳﻲ ﻋﻠﻪ ﭼﺘﻒ ﺷﻤﺲ ﻣﻐﻤﻀﻪ ﻋﻴﻨﻲ
ﻟﺤﺪ ﻣﺎﻭﺻﻠﻨﻪ ﻳﻼ ﻓﺘﺤﺖ ﻋﻴﻨﻲ ﻣﺎﺭﻳﺪ ﺍﺷﻮﻓﻪ ﻭﺍﺿﻌﻒ
ﻓﺘﺤﺖ ﺷﻤﺲ ﺍﻟﺴﻴﺎﺭﻩ ﻭﻧﺰﻟﺖ ﻭﻟﮕﻴﺖ ﻣﺎﻣﺎ ﻭﺣﺴﻦ ﺑﻠﺒﺎﺏ ﺧﻄﻴﻪ
ﻟﺰﻡ ﺍﻳﺪﻱ ﺑﺎﺑﺎ ﻭﺩﺧﻠﻨﻲ ﺣﻈﻨﺘﻨﻲ ﻣﺎﻣﺎ ﻭﺑﻘﺖ ﺗﺴﺄﻟﻨﻲ ﺷﻠﻮﻥ ﺻﺮﺕ
ﻭﺣﺴﻦ ﻫﻢ ... ﺑﺎﺑﺎ ﮔﻠﻬﻢ ﺧﻠﻴﻬﻪ ﺗﺪﺧﻞ ﺟﻮﻩ ﺗﺮﺗﺎﺡ ﻭﺑﻌﺪﻳﻦ ﺳﻮﻟﻔﻮ
ﺩﺧﻠﺖ ﻭﻟﮕﻴﺖ ﺑﻴﺒﻲ ﻭﺍﮔﻔﻪ ﺗﻨﺘﻈﺮﻧﻪ ﺭﺣﺖ ﻋﻠﻴﻪ ﺣﻀﻨﺘﻪ
ﺑﻘﺖ ﺗﺤﺠﻲ ﻭﺗﻠﻮﻡ ﺑﺼﮕﺮ ﻭﺑﺎﺑﺎ ﻳﮕﻮﻟﻪ ﻣﻮ ﻭﻛﺖ ﻫﻠﺤﭽﻲ
ﻭﻫﻮﻩ ﻣﺎﻧﻄﻖ ﻛﻠﻤﻪ ... ﻭﻃﻠﻊ ﺩﺧﻠﻨﻪ ﻟﻠﺼﺎﻟﻪ ﮔﻌﺪﻧﻪ ﺑﺎﺑﺎ ﻳﺴﻮﻟﻔﻠﻬﻦ
ﺍﻟﺼﺎﺭ ﻣﻦ ﺩﺧﻠﻨﻪ ﻟﻠﻤﺴﺘﺸﻔﻰ ... ﺣﻴﻴﻞ ﻣﺴﺘﺤﻴﻪ ﺑﻴﻨﻬﻢ ﺑﻌﺪ ﺍﻟﺼﺎﺭ
ﺍﺭﻳﺪ ﺍﺷﺮﺩ .. ﺍﻭﻭﻑ ﻳﺎﺭﺑﻲ
ﻭﺭﻩ ﺷﻮﻳﻪ ﮔﺘﻠﻬﻢ ﺭﺍﺡ ﺍﺭﺗﺎﺡ ﻭﺻﻌﺪﺗﻨﻲ ﺷﻤﺲ
ﻛﻌﺪﺕ ﻋﻠﻪ ﺍﻟﺠﺮﺑﺎﻳﻪ ﻭﺣﻀﻨﺘﻨﻲ ﺣﻴﻴﻞ ﻭﺑﻘﺖ ﺗﻌﺘﺬﺭ ﻭﺗﺘﺄﺳﻒ
ﮔﺘﻠﻪ ﻟﺘﺘﺄﺳﻔﻴﻦ ﻣﺎﻛﻮ ﺩﺍﻋﻲ ... ﺍﻟﺼﺎﺭ ﻣﻮ ﺫﻧﺒﺞ ﻭﻻ ﺣﺘﻪ ﺫﻧﺐ ﺻﮕﺮﺭ
ﺗﻤﺪﺩﺕ ﻭﻏﻔﻴﺖ ..... ﻭﺑﻠﺤﻠﻢ ﺷﻔﺖ ﺑﺎﺑﺎ ﺳﻮﺩﻩ ﻋﻠﻴﻪ
ﻻﺯﻡ ﺍﻳﺪﻱ ﻭﻳﺒﻮﺱ ﺑﻴﻬﻪ ... ﻭﻳﮕﻮﻝ ﻭﺍﻟﻠﻪ ﻣﺸﺘﺎﻗﻠﺞ
ﺣﻈﻨﺘﻨﻪ ﻭﺑﺠﻴﺖ ﺣﻴﻴﻴﻞ ﻭﮔﺘﻠﻪ ﺍﻧﻲ ﻫﻤﻢ ....
ﻓﺰﻳﺖ ﻭﺩﻣﻮﻋﻲ ﺗﺠﺮﻱ ... ﺑﺎﻭﻋﺖ ﻻﻳﺪﻱ ﺑﻴﻬﻪ ﺍﻟﻜﺎﻧﻮﻧﻪ
ﺑﺲ ﺳﻮﺍﺭﻱ ﻣﺎﻛﻮﻭﻭ ﺗﺨﺒﻠﺖ ﮔﻤﺖ ﺍﺻﻴﺢ ﻋﻠﻪ ﺷﻤﺲ ﺑﺼﻮﺕ ﻋﺎﻟﻲ
ﺗﻬﺴﺘﺮﺕ ﻛﻮﻟﺸﻲ ﻭﻻ ﺍﻟﺴﻮﺍﺭ ﻫﺪﻳﻪ ﺑﺎﺑﺎ
ﺷﻤﺴﺲ ... ﺷﻤﺴﺲ
ﺻﻌﺪﺕ ﺭﻛﺾ ﺍﻭﻝ ﻣﻔﺎﺗﺖ ﺍﻟﻐﺮﻓﻪ ﮔﺘﻠﻪ ﺍﻟﺴﻮﺍﺭ ﻭﻳﻴﻦ ؟؟
ﻳﺎﺳﻮﺍﺍﺭ ؟؟
ﺍﻟﺴﻮﺍﺭ ﺍﻟﭽﺎﻥ ﺑﻴﺪﻱ
ﺑﻘﺖ ﺻﺎﻓﻨﻪ ﺑﻮﺟﻬﻲ !!
ﻣﺎﺳﻴﻄﺮﺕ ﻋﻠﻪ ﻧﻔﺴﻲ ﻭﺑﭽﻴﺖ ﻭﺻﻮﺗﻲ ﺭﺍﺡ
ﮔﺘﻠﻪ ﺑﺼﻮﺕ ﻣﺒﺤﻮﺡ ﺍﻟﺴﻮﺍﺭ ﺍﻟﺠﺎﻥ ﺑﻴﺪﻱ ﻭﻭﻳﻦ
ﮔﺎﻟﺖ ﻫﺴﻪ ﺍﺟﻴﺒﻪ ﻋﻨﺪﻱ ﻧﺰﻋﻮ ﺍﻟﺪﻛﺎﺗﺮﻩ ﻋﻠﻤﻮﺩ ﺍﻟﻜﺎﻧﻮﻧﻪ
ﻣﻦ ﻃﻠﻌﺖ ﻳﻼ ﺍﻧﺘﺒﻬﺖ ﻋﻠﻪ ﺻﮕﺮ ﻭﺍﮔﻒ ﺑﻠﺒﺎﺏ
ﺩﺭﺕ ﻭﺟﻬﻲ ﻭﻣﺴﺤﺖ ﺩﻣﻮﻋﻲ ... ﺩﺧﻞ
ﻭﺟﺎﺑﻠﻲ ﮔﻼﺹ ﻣﻲ ﺍﺧﺬﺗﻪ ﻣﻨﻪ ﻭﺍﻧﻲ ﺩﺍﻳﺮﻩ ﻭﺟﻬﻲ ﺷﺮﺑﺖ ﺷﻮﻳﻪ
ﻭﺍﻧﻄﻴﺘﻪ ﺍﻟﻪ ..... ﺩﺧﻠﺖ ﺷﻤﺲ ﻭﺑﻴﺪﻩ ﺍﻟﺴﻮﺍﺭ
ﮔﻌﺪﺕ ﻳﻤﻲ ﮔﺎﻟﺖ ﻫﺬﻩ ﺑﺲ ﻭﻳﻦ ﺗﻠﺒﺴﻴﻨﻪ ﺍﻳﺪﺝ ﺑﻴﻬﻪ ﻛﺎﻧﻮﻧﻪ ﺍﻟﺜﺎﻧﻴﻪ
ﮔﺘﻠﻪ ﻣﺎﻟﺒﺴﻪ ﺑﺲ ﺍﻟﻤﻬﻢ ﻋﻨﺪﻱ
ﺑﺎﻭﻋﺘﻠﻪ ﻛﻮﻩ ﺳﻴﻄﺮﺕ ﻋﻠﻪ ﻧﻔﺴﻲ ﻣﺒﺠﻴﺖ ﻻﻥ ﻫﻮﻩ ﻭﺍﻛﻒ
ﺷﻤﺲ : ﺭﺍﺡ ﺍﺑﻘﻪ ﺍﻧﺎﻡ ﻳﻤﭻ ﺍﻟﻴﻮﻡ
ﺻﮕﺮ : ﻣﺎﻛﻮ ﺩﺍﻋﻲ ﺍﻧﻨﻲ ﻳﻤﻪ
ﻣﻦ ﮔﺎﻝ ﻫﻴﺞ ﺍﺛﻨﻴﻨﻪ ﺑﺎﻭﻋﻨﺎﻟﻪ ﻣﺴﺘﻐﺮﺑﺎﺕ؟؟
ﺷﻤﺲ : ﻣﺎﺷﻲ ﺑﺮﺍﺣﺘﻚ ﺍﺫﺍ ﺗﺮﺩﻭﻥ ﺷﻲ ﺻﻴﺤﻮﻟﻲ
ﻭﻃﻠﻌﺖ
ﺭﺍﺡ ﻧﺰﻉ ﺩﺷﺪﺍﺷﺘﻪ ﻭﺑﻘﻪ ﺑﻤﻼﺑﺴﻪ ﺍﻟﺪﺍﺧﻠﻴﻪ ... ﻫﺎﻱ ﺷﻠﻮﻥ ﺷﻐﻠﻪًً 😑
ﺻﮕﺮ : ﻣﺤﺘﺎﺟﻪ ﺷﻲ
ﻫﺰﻳﺖ ﺭﺍﺳﻲ ﺑﻼ
ﺍﺟﻪ ﺗﻤﺪﺩ ﻋﻠﻪ ﺍﻟﭽﺮﺑﺎﻳﻪ ﺍﻧﻲ ﻫﻢ ﺑﺲ ﺩﺭﺕ ﻭﺟﻬﻲ ﻣﻨﻪ
ﻳﻤﻜﻦ ﻣﺮﺕ ﺳﺎﻋﺘﻴﻦ ﻭﺍﺣﻨﻪ ﮔﺎﻋﺪﻳﻦ ﺑﺲ ﻣﺤﺪ ﻧﻄﻖ ﻛﻠﻤﻪ
ﺷﻜﺪ ﻧﻌﺴﺎﻧﻪ ﺑﺲ ﻣﺎﮔﺪﺭﺕ ﺍﻧﺎﻡ ﺑﺴﺒﺒﻪ ....
ﺍﺣﺲ ﺍﻳﺪﻱ ﮔﺎﻣﺖ ﺗﻮﺟﻌﻨﻲ ﻭﻣﻜﺎﻥ ﺍﻟﻜﺎﻧﻮﻧﻪ ﻭﺭﻡ
ﻭﺷﻲ ﺣﺎﺭ ﻳﻨﺰﻝ ﻣﻨﻪ ﺭﻓﻌﺖ ﺍﻳﺪﻱ ﻧﻘﻂ ﻋﻠﻪ ﻭﺟﻬﻲ ﺷﻲ
ﺭﺩﺕ ﺍﮔﻮﻡ ﮔﺎﻡ ﻗﺒﻠﻲ ﻭﮔﺎﻝ ﻫﺎﺍ
ﻋﺸﻖ : ﺍﻳﺪﻱ ؟؟
ﺻﮕﺮ : ﺷﺒﻴﻬﻪ ؟؟
ﻋﺸﻖ : ﻣﺎﺩﺭﻱ ﺷﻮﻭ ﺍﻟﻜﺎﻧﻮﻧﻪ ﺗﻮﺟﻌﻨﻲ
ﮔﺎﻡ ﻓﺘﺢ ﺍﻟﮕﻠﻮﻭﺏ ﻧﺼﺪﻣﺖ ﻣﻠﻴﺎﻧﻪ ﺩﻡ ﺍﺿﺎﻫﺮ ﺍﻟﻜﺎﻧﻮﻧﻪ ﺧﺮﺑﺎﻧﻪ
ﺻﮕﺮ : ﻫﺬﻩ ﻳﺎﺩﻛﺘﻮﺭ ﺍﺛﻮﻝ ﺷﺎﺩﻫﻪ ! ﺍﻟﻜﺎﻧﻮﻧﻪ ﻣﺄﻭﺗﻪ ﻭﻻﺯﻡ ﻧﺸﻴﻠﻪ
ﻋﺸﻖ : ﻭﻳﻦ ﺍﻛﻮ ﻭﺍﺣﺪ ﻣﻔﺘﺢ ﻫﺴﺴﻪ ؟
ﺻﮕﺮ : ﻣﺎﻛﻮﻭ ﺩﺍﻋﻲ ﻷﻱ ﺍﺣﺪ ﺍﻧﻲ ﺍﺷﻴﻠﻬﻪ
ﺑﺎﻭﻋﺘﻠﻪ ﺭﺩﺕ ﺍﮔﻮﻟﻪ ﺗﻌﺮﻑ ﺑﺲ ﺳﻜﺘﺖ ﻣﺎﺣﺒﻴﺖ ﺍﻓﺘﺢ ﻭﻳﺎﻩ ﻣﻮﻇﻮﻉ
ﮔﺎﻝ ﺍﻳﺪﭺ ؟؟ﺍﻧﻄﻴﺘﻪ ﺍﻟﻪ ﺟﺎﺏ ﮔﻄﻦ ﻭﻣﻌﻘﻢ ﻭﻻﺳﻖ ﺟﺮﻭﺡ
ﺑﺴﻬﻮﻟﻪ ﺳﺤﺐ ﺍﻟﻜﺎﻧﻮﻧﻪ ﻭﻋﻘﻢ ﺍﻳﺪﻱ ﻭﻟﺴﻖ ﺍﻟﺠﺮﺡ
ﺍﻳﺪﻱ ﺣﻴﻴﻞ ﻭﺭﻣﺖ
ﮔﺎﻡ ﻃﻠﻊ ﻣﻦ ﺍﻟﻐﺮﻓﻪ ﻭﺭﻩ ﺷﻮﻳﻪ ﺩﺧﻞ ﻭﺑﻴﺪﻩ ﻣﻲ ﻭﺧﺎﻭﻟﻲ ﺯﻏﻴﺮ
ﺍﺧﺬ ﺍﻳﺪﻱ ﻭﺧﻠﻪ ﺍﻟﺨﺎﻭﻟﻲ ﻣﺒﻠﻞ ﺑﻤﻲ ﺣﺎﺭ ﻋﻠﻴﻪ
ﺣﻴﻴﻞ ﺍﺭﺗﺎﺣﻴﺖ ﻭﺧﻒ ﺍﻻﻟﻢ ﺑﻘﻪ ﻳﺴﻮﻳﻠﻪ ﻛﻤﺎﺩﺍﺕ ﺭﺟﻌﺖ ﺍﻟﻮﻇﻌﻪ
ﺍﻟﻄﺒﻴﻌﻲ
ﺍﻧﻮﺏ ﺑﺎﻭﻋﻠﻲ ؟؟ﺷﻴﺮﻳﺪ
ﮔﺎﻝ ﺍﻛﻮﻭ ﺩﻡ ﻋﻠﻪ ﻭﺟﻬﺞ ﺍﺧﺬ ﻣﻲ ﺑﺄﻳﺪﻩ ﻭﻣﺴﺢ ﻭﺟﻬﻲ ﻣﻦ ﺍﻟﺪﻡ
ﺗﻤﺪﺩﺕ ﺑﻨﻔﺲ ﻣﻜﺎﻧﻲ ﺑﺲ ﺷﻌﺮﻱ ﺿﻮﺟﻨﻲ
ﻣﺎﮔﺪﺭ ﺍﻟﻤﻪ ﺑﺄﻳﺪ ﻭﺣﺪﻩ ﺣﺎﻭﻟﺖ ﻭﻳﺎﻩ ﺍﻛﺜﺮ ﻣﻦ ﻣﺮﻩ ﻣﺎﮔﺪﺭﺕ
ﻣﺎﺣﺴﻴﺖ ﺍﻟﻪ ﻫﻮﻩ ﻣﺪﺩ ﺍﻳﺪﻩ ﻟﺰﻡ ﺷﻌﺮﻱ ﻳﻠﻢ ﺑﻴﻪ
ﺑﻘﻴﺖ ﺟﺎﻣﺪﻩ ﺑﻤﻜﺎﻧﻲ .... ﻟﻤﻪ ﺑﻠﻘﺮﺍﺻﻪ ﻭﮔﺎﻝ ﻳﻼ ًﻧﺎﻣﻲ
ﺑﺴﺮﻋﻪ ﺗﻤﺪﺩﺕ ﻭﻏﻤﻀﺖ ﻋﻴﻨﻲ ﺑﻘﻴﺖ ﺷﻮﻳﻪ ﻭﻏﻔﻴﺖ
ﻭﻣﺎﻋﺮﻓﺖ ﻫﻮﻩ ﻧﺎﻡ ﻟﻮ ﺑﻘﻪ ﮔﺎﻋﺪ ﻓﺘﺤﺖ ﻋﻴﻨﻲ ﺍﻟﺼﺒﺢ ﻣﺎﻟﮕﻴﺘﻪ
ﺍﻛﻴﺪ ﺟﻮﻩ ﮔﻤﺖ ﻟﺒﺴﺖ ﺷﺎﻟﻲ ﻭﻏﺴﻠﺖ ﻭﺟﻬﻲ ﻭﻧﺰﻟﺖ
ﻟﮕﻴﺘﻬﻢ ﻣﻠﺘﻤﻴﻦ ﻛﻮﻟﻬﻢ ... ﺻﺒﺤﺖ ﻭﻛﻌﺪﺕ ﻳﻤﻬﻢ
ﺻﮕﺮ ﻳﺸﺮﺏ ﭼﺎﻱ ﻭﮔﺎﻋﺪ ﻋﻠﻪ ﺻﻔﺤﻪ ...
ﺧﻠﺼﻨﻪ ﺭﻳﻮﮒ ﻭﮔﻌﺪﺕ ﺑﺎﻟﺼﺎﻟﻪ ﺷﻔﺘﻪ ﻧﺰﻝ ﻣﻦ ﻓﻮﮒ ﻣﺒﺪﻝ
ﻳﺮﻳﺪ ﻳﻄﻠﻊ
ﺍﺳﻤﻊ ﺻﻮﺗﻪ ﺑﻠﻤﻄﺒﺦ ﻭﻳﺤﺠﻲ ﻭﻳﻪ ﻋﻴﺴﻰ
ﻓﺎﺕ ﻟﻠﺼﺎﻟﻪ ﮔﺎﻝ ﻋﻴﺴﻰ ﻳﺮﻳﺪ ﻳﺴﻠﻢ ﻋﻠﻴﺞ ﮔﺘﻠﻪ ﺍﻳﻲ
ﻋﺪﻟﺖ ﺣﺠﺎﺑﻲ ﻭﺩﺧﻞ ﺳﻠﻤﺖ ﻋﻠﻴﻪ ﻭﺗﺤﻤﺪﻟﻲ ﺑﺎﻟﺴﻼﻣﻪ
ﻭﺩﺧﻠﺖ ﺷﻤﺲ ﺗﺒﺎﻭﻋﻠﻲ ﻭﺗﺒﺘﺴﻢ ﻭﺗﺮﺟﻊ ﺗﺒﺎﻭﻋﻠﻪ ... ﻣﺎﮔﺪﺭﺕ ﺍﻗﺎﻭﻡ
ﻣﻨﻈﺮﻫﻪ
ﺗﻈﺤﻚ ﻭﺍﺑﺘﺴﻤﺖ
ﻋﻴﺴﻰ ﻳﺒﺎﻭﻋﻠﻬﺔ ﻣﻦ ﺟﻮﻩ ﻟﺠﻮﻩ
ﺷﮕﺪ ﺣﻠﻮﻳﻦ ﺻﺎﺭﺕ ﻋﻴﻨﻲ ﻋﻠﻪ ﺻﮕﺮ ﺷﻔﺘﻪ ﺻﺎﻓﻦ ﻋﻠﻴﻪ
ﺗﻠﻘﺎﺋﻴﺎ ﺍﻧﻤﺴﺤﺖ ﺍﻻﺑﺘﺴﺎﻣﻪ ﻣﻦ ﻭﺟﻬﻲ ﻭﺭﻩ ﺷﻮﻳﻪ ﻃﻠﻌﻮ
ﻣﺎﺭﺟﻊ ﺍﻟﻪ ﺑﻠﻴﻞ .... ﺩﺧﻠﺖ ﻟﻠﻤﻄﺒﺦ ﻭﺳﻤﻌﺖ ﮔﺎﻝ ﻟﻤﺎﻣﺎ
ﺗﺮﺣﻴﻦ ﺑﺎﺟـﺮ ﻟﻠﻨﺠﻒ؟؟ﻣﻦ ﮔﺎﻝ ﻫﻴﺞ ﻛﻠﺒﻲ ﮔﺎﻡ ﻳﻮﺟﻌﻨﻲ
ﺑﻘﻴﺖ ﻭﺍﮔﻔﻪ ﻣﺎﮔﺪﺭﺕ ﺍﻣﺸﻲ ﺑﺲ ﺍﺑﺎﻭﻋﻠﻪ
ﺍﻧﺪﺍﺭ ﻋﻠﻴﻪ ﻭﮔﺎﻝ ﺗﺮﺣﻴﻦ ﻭﻳﺎﻧﻪ ؟؟
ﺑﺪﻭﻥ ﺗﺮﺩﺩ ﻫﺰﻳﺖ ﺭﺍﺳﻲ ﺑﺄﻱ
ﺻﻌﺪﺕ ﻓﻮﮒ ﻭﺩﻣﻮﻋﻲ ﻋﺸﺮﻩ ﻋﺸﺮﻩ ﻣﻦ ﺭﺍﺣﻮ ﻟﻠﻴﻮﻡ ﻣﺎﺷﻔﺘﻬﻢ
ﻣﺤﺪ ﻗﺒﻞ ﻳﺎﺧﺬﻧﻲ ﻟﻠﻨﺠﻒ ﻭﺑﻘﺖ ﺣﺼﺮﻩ ﺑﮕﻠﺒﻲ

...........🌻🌻............
لهنا ويخلص البارت اتمنى تعجبكم  القصه

واسفه عل اخطاء الاملائيه

انطونه رأيكم بالتعليقات

وتفاعلكم يدل على اعجابكم
............🌻🌻............