HER POETRIES

BABALA

Hindi lang isa
Kundi maraming beses na
Iisang kataga
Ang naririnig mula sa kanilang bunganga

"Panget ka"

Simula pa noong bata
Naririnig na iyang salita
Tinatakpan ang tainga
Sana bukas hindi na marinig pa

Panglalait at panghuhusga
Kesyo anak daw ako ng
Isang nilalang na hindi kaaya aya
Ang hitsura, ako raw ay isinumpa

Kinalakihan na ang pamimintas
Wala naman akong magagawa
Hindi ko naman maaaring takpan ang butas
Nang makasalanan nilang bunganga
O di kaya ay takpan ang kanilang mata
Nang sa gayon ay hindi nila makita ang aking mukha

Ngunit bakit kapag naririnig ko sa kaibigan o kapamilya
Mas triple ang sakit na dala
Dahil pati sila ang tingin sa akin ay salot
Pagsisisi ang sa akin ay bumabalot

Hinihiniling na sana'y maglaho na lamang na parang bola
Na sana'y hindi na lang isinilang pa
O hinandugan ng hininga
Sapagkat para na rin akong patay kung tingnan nila

Tila ba nakakamatay ang aking hitsura
Na kapag tumingin sila sa aking mukha
Inaakalang may sakit akong nakakahawa
Na baka kapag tumingin sila ay maaari ko na silang maging kamukha

Kaya naman isang babala
Hindi ako maganda
Dahil sa lapnos sa aking mukha
Na dulot ng amang mapangalipusta.

— strsnvrs