سيلامون عليكم
عيوناتي شلونكم شخباركم
قال الإمام علي عليه السلام :
"لاتثق في شمس الشتاء
ولافي قلوب النساء
ولا في الدنيا فانها دار الفناء
ولكن ثق بأخ لم تلده لك أمك
ولكن ولدته لك الأيام
فإذا كان أجمل مافي الورد الرحيق...
فأن أجمل ما في الدنيا الصديق"
قراءة ممتعه.. ************************************
اشعار...
شگد!!
كبرنه بحبهم وتالي...
نسونه والتكتلك عودونه.. 😞
شجاني وقشمرت روحي
وگلت هالوادم تحبني...
هيجي وتجي من آخر سمه
وتطوي المسافة بجنحك
واتبوگني من ظلمتي،
واشميسه اغني ب صبحك
ونتشابگ ونشبع عتب
وانگوم نبچي ونضحك
يال چنت وياك التهي
صرت التهي وي جرحك 💔
كل ظنك نسيتك وانتهى الموضوع!
وگلبي بكل دقيقه عليك يسألني
يامالك شعوري وماخذ التفكير
وعلى الصفنه الطويله جفاك علمني
احب ذيچ الثواني الجنت بيها وياك
واحب كل لحظة چانت بيك تجمعني ✴️
.......................................................................
نكت...
البنت اذا صارت مريضة
الشاب :حبيبتي ابوسج حتى تصيرين زينه
يعني شلوووون نسد المستشفيات ونعتمد على شفايفك شفايف البعير 😒😒🤨😂
-
داكلب باليوتيوب
طلعلي دعاء لجلب الحظ
اول مشغلته طفت الكهرباء
ماكو فايده هي كوه 😒
-
عزيزي طالب السادس..
اترك الFacepook
وركز على الbook
لاينصمط abo-abook
عبالكم ماعرف انكليزي والله يالله 😒😉
-
يگولونه السفر مشقة 😮
انا :اللهم شقشقني انا وبنات عمي شقشقه لم يتشقشقها المتشقشقون في شقشقتهن المتشقشقة 🙂
كولو :امييين
-
واحد ابوه بخيل..
كاله: بابا نطيني خمسة آلاف
ابوه كاله :بويه شلك بالاربعة آلاف والناس تاخذ تلاثة آلاف وانت تريد الفين ماعندي بس خمسميه هاك هذا ربع 😑
😂😂
-
وحده ضايجه كالتلها جارته خيه ليش ضايجه
كالتلها دزيت ابو الجهال للسوك يجيبلي فاصوليا للغده ودعمته سيارته ومات
جارته كالتلها يااا وشراح سوين هسه؟
كالتلها اسوي باميا وأمري لله 😔
شنو رائيكم بنات؟ 😂😂
.........................................................................
أسئلة..
1-شدتسوين حالياً ؟
2-شنو اسمكم بالبيت؟
3-وي منو اخر محادثة؟
4-شنو هدفج بالحياة؟
5-شنو الشي الي متعيشون بدونه؟
6-مستعده تعيشين اسبوع بدون جهازج؟
7-اي مرحلة بالدراسة حالياً؟
8-لوكان ممكن تغيرين تسلسلج بالعائلة شنو تختارين؟
9-شنو رائيكم بالكتاب؟
10-اي مواقع التواصل تحبين؟
.............................................................................
تحدي...
1-سوي تاك لشخص وكتبي انت لئيم.
2-سوي تاك لشخص وكتبي ممكن نتعرف.
3-سوي تاك لشخص وكتبي ماعيش بدونك.
4-سوي تاك لشخص وكتبي انتي اختي الي مجابتها امي.
5-سوي تاك لشخص وكتبي اني كولش سعيدة
بمعرفتج.
6-سوي تاك لشخص وكتبي انت بذااات.
7-سوي تاك لشخص وكتبي الله لايجمعني بيك.
8-سوي تاك لشخص وكتبي انت ماالك ولاتاك.
************************************
نختم باقتباس..
-أشد ماقد يقاسيه الإنسان
ان يتغير رغماً عنه
ان تجبره الايام والأشخاص
على أن يكون شخصا لا يريد أن يكونه💔
ممكن تصويت😁
رئيكم بالبارت واذا ممكن افكار للكتاب
باااااي قلبوشاتي ♥️
