السبع بيوت✨🧡

الحكاية.. ♥(الفكرة هتوصل ف آخر بيت)

البيت الاول :
شروق : بنت لديها 37 عام، تواجهه يوميًا نظرات المجتمع لها (لم تتزوج بعد ) هذا ليس عيبًا أو ليس بيدها ولكن هذا هو مجتمعنا...
سميرة: والدة شروق مثل أي أم ترغب في زواج إبنتها لترى أحفادها وهكذا ولكن الضغط سئ
سلوي :خالة شروق ، تحب شروق ولكن في بعض الأحيان يصبح كلامها ثقيلًا على قلب شروق..
شفق : بنت خالة شروق، متزوجة لديها إبن (عمر)، تعمل ك دكتورة أمراض نفسية
المقدمة :
شروق قد يظن البعض للأسف أنها دائمًا بحاجة لوجود زوج للحماية ولإنجاب أطفال فقط!
ولكن ما الذي يستدعي الوجوب، لماذا يجب عليها أن تحقق أحلام العائلة والمجتمع وظلم نفسها ؟!..

ولكن للأسف نظرة الجميع لن تتغير أبدًا سيظل هذا الفكر متمكن من العقول..
شروق : صباح الخير يا ماما..
سميرة: صباح الفل حببتي يلا بقي أصحي بسرعة عشان في خبر حلو
شروق : ايه جايبين عريس تاني ولا أيه ؟
سميرة :طبعًا دي خالتك جيبالك عريس لقطة
شروق : ها التفاصيل
سميرة : أهي قاعدة برة روحي إسأليها
شروق : صباح الخير يا خالتو
سلوي :صباح النور على العروسة
شروق : أدخلي في الموضوع على طول يا خالتو.
سلوي : بصي بقى جيبالك عريس لقطة، أسمه جميل،قمر الله أكبر عليه، وبيشتغل في البورصة وعنده عربية، وشقة 5 أوض و صالة وحمامين، وطالب عروسة قولتله مفيش أحسن منك...
شروق : الله.. ده ما شاء الله يعني
سلوي : شوفتي خالتك ومجايبها
شروق : حببتي يا خالتو، ها هيجي امتى؟
سلوي : إنهاردا الساعة 9 وحضروا نفسكوا بقي وكده و أنا هاجي بليل.. يلا سلام
شروق : خلاص تمام
الساعة 9 بليل :
سلوي : أيه القمر ده، لا أنتي بتحلوي يابت أيه ده؟
شروق : خلاص يا خالتو أنا عارفة أصلًا..

سلوي : ماشي يا لمضة، يلا بقى روحي أفتحي عشان بيخبط أهو
شروق : تمام
سميرة الى سلوي : أنا خايفة ترفض لما تشوفه ويحكي عن نفسه ...
وقد ذهبت شروق لفتح الباب وبدأت الصدمة تدريجيًا، رجل من هيئته أنه في الخمسينات من عمره....
من الصدمة تحاول أن تقنع نفسها أنه والد العريس ولكن لماذا هو من يحمل باقة الورد؟
شروق : أهلًا يا عمي، أومال فين جميل؟
جميل : انا جميل ، شكلك مش واخدة بالك يا عروسة...
سميرة: أتفضل حضرتك أتفضل
سلوي: تعالي يا شروق أقعدي
شروق من الصدمة ترى شريط من صور من سبقوه على هذا المقعد يمر به أسوء المشاعر على قلبها...
فجلست وتحدق جيدًا بكل شخص يجلس وتجمع كل الطاقة السلبية بداخلها لتخرجها عليهم ولكن لنكمل اليوم هو ليس له ذنب...
جميل : أنا جميل فتحي عندي 57سنة، متزوج وعندي ولدين وبنت، وهما في الصعيد يعني مش هيتسببوا في أي إزعاج ليكي، بس هجيلك يومين في الأسبوع وهديكي 500 جنية في الشهر بتوع الأكل 8 أيام والباقي خالتك قالتلي إنك بتشتغلي إذًا هتصرفي على نفسك، ثانيًا أهم حاجة متكونيش إتجوزتي قبل كده ولا إتخطبتي، ثالثًا عايزك تخسي شوية عشان مبحبش السمنة أبدًا
شروق قد فاض بها الأمر وهو من ستفرغ به طاقتها فهو يستحق عن جدارة أن يُهان.....