الليله عرس أحمد وحنمشي انا وعرفة وعماد اتجهزنا والعقد حيكون غداء زي الساعه2إلا كده مشينا بيت العرس طبعا اريام شافتني اتخلعت شديد واستغربت انا الجابني شنو وجرت لي امها نادتها من وسط الزحمة وجوطة الحريم قالت ليها ي امي عبلة الحكيت ليك عنها جات قالت ليها كويس والله انتي عزمتيها ولا شنو قالت ليها ي امي لاا يخ انا م عزمتها شفتي م وريتك ظني في محلو الصافي البكون عزمها متاكده متواصلين مع بعض وولدك حيعرسها انا وريتك ي امي امها عايزه تتكلم كده جاتها مره تبارك ليها انشغلت بالسلام وكده طوالي اريام مشت جنب صحباتها وبقو يتونسو ويتضاحكو
.... :وبعلي شايفة البت ديك..... :ياته.... :السوداء ديك.... :ااي دي منو ي ربي قريبتهم..... :لالا م اظن يختي ديل لونهم ابيض...... :بتكون صحبة بتهم..... :ااي المعاها دي زي اختها بتشابهو لكن دي مالها لونها كده...... :بري بتكون فسخت ديك تلقيها لونها كان زي اختها بري غايتو استغفر الله ههههه
عرفة لاحظت للمرتين ديل بتكلمو عني اتلفتت عاينت لي لقتني بعاين ليهم همست لي قالت لي م تشتغلي بيهم كتير قلت ليها اصلا م شغاله بيهم انا شويتين الزغاريد م تديك الدرب قالو عقدوا خلاص الناس كلها قامت تبارك وجابو العريس وبقو يباركو ليهو باركت ليهم ومشينا باركنا للصافي الصافي ناداني قال لي دقيقة بسس طلعت معاهو قال لي اسمعيني اهلنا ديل بتعين فريز وبتعع بس عايز اوريك م تزعلي اذا سمعتي حاجه تمام قلت ليهو تمام الساعة دي هند واريام شافونا فهمونا غلط هند طوالي اقرب رقشة ركبت ومشت بيتهم زعلانه شديد واريام خلاص شويه وكانت بتجي تدقنا الاتنين وانا عايزه ادخل الصيوان نادتني مشيت ليها قالت عبلة انتي الجابك شنو وشفتي خفة البنات دي خليها ومستحيل الصافي نخلي يعرس ليهو بت زي صاج القراصة تمام وللمره الالف ابعدي من اخوي ويلا خلاص عقد وانتهى وباركتي يلا ورينا عقد اكتافك قلت ليها اولا مبروك لاخوك وربنا يسعدو وتانيا الصافي زول راقي وطيب ع نياتو بس انا م لي الشرف اناسبك ي اخت ويلااا بااي مشيت وخليتها مقهورة شديد قفلتها معاي شديد بس أصريت دموعي م تنزل وكنت ناوية امشي بعد العقد طوالي بس عشان كلامها ده حنحضر الحفله كمان وحنكت عرفة ووافقت لي يلااا
.........................
من جانب هند طوالي نزلت لماريا وبقت تتباكى ليها وحكت ليها انها لقت الصافي واقف معاي وبتعع قامت ماريا قالت ليها كلمتك ي هند بس انتي م بتسمعي الكلام شوفي واقعك بي وين ي هند والخفة مع البنات م سمحة هسه لو كان عرستي حمد كنتي بتكوني مليونيره تعرفي ده عقاب من ربنا عشان يوريك حمد الرفضتيهو عشان شايقي وعشان م عندو قروش ده الرزق م بيدو بيد ربووو وأهووو ربنا عوضو وانتي الخسرانة وانتي البقيتي مزوزوه لسة اقعدي باري لي الا يكون حلبي والا يكون مقرش وبتعع هند بقت تتنهد قالت ليها انا جيتك عشان ارتاح م عشان تقلبي لي المواجع وتبكيني زياده قالت ليها اسمع كلام الببكيك م تسمع كلام البضحكك ي هند هند قالت ليها معسلامه انا ماشة بيتنا ومشت طوالي
.....................
بجانبنا الحفله انتهت ورجعنا البيت وطوالي نمنا بالتعب الفيناا وكان بعد بكره حانزل الجامعه...
نزلت الجامعة وفي يوم قلنا نعمل يوم ثقافي كامل في جامعتنا باسم فرقة بلاك آند وايت وحيكون فيهو تمثيل برضو وبازار واستأذنا من ادارة الجامعة وادتنا الازن وحددنا اليوم انا والصافي قالو لينا انتو عليكم تمشو تصمموا صور اعلانية لليوم الثقافي ده عشان حننشرها في السوشيال ميديا وقالو لينا نعمل اعلان في لافتة برضو الصافي جاني بي عربيتو ساقني بعد المحاضرة مشينا المكتبة جهزنا الاعلان وجابني البيت وجبت معاي الاعلان واتصلت لي وحده صحبتي اسمها وعد قرت معاي الثانوي احلى مصممة صور فيك ي دنيا ووريتها تصمم لي صوره دعوة لليوم الثقافي عملتها لي ورسلتها قمت رسلتها في قروب الدفعه حق الجامعه ورسلتها للفرقة في مجموعتنا في الواتس عجبتهم شديد.....
...........................
مررت الايام وبكره اليوم الثقافي وقالوا لينا انتو وعرفة تفتشو حاجات العروس توبين حمر وقدلات وبتعع لانو الاتنين حنمثل دور العروس انا وعرفة لقينا التياب بس فضل الجدلات مشينا اجرناهم ونحنا راجعين ع البيت اتصل لينا عماد وقال لينا أجرو دلوكه كمان تاني رجعنا جبنا دلوكه ورجعنا البيت وتاني يوم الصباح صحينا واتشيكنا سمحح وشلنا حاجاتنا عماد قال لينا هسه لو كان عقدنا ليكم وفكيناكم من رقبتنا كان مالو هههه ابوي قال ليهو وانت البفكك من رقبتنا شنو عماد قال ااااخخخخ ونحنا بقينا نضحك وقلنا ليهو قصف جبهةة ههههه طلعنا طوالي ع الجامعة وطبعا كان الكليات كلها قاعده وعملناها في كلية الطب لانو حوشها واسع شديد ما شاء الله وبدينا بي اغنية مع فرقة بلاك آند وايت كانت الاغاني شغاله بيجاي والبازار شغال برضو الناس اتحمست شديد وشايفنهم انبسطو والصفافير والزغاريد م تديك الدرب وكان في دي جي شغال وبعدو طوالي حتكون الفقره بتاعتنا بتاعة العروس وكانت كالآتي انا عشان سوداء والصافي ابيض نا كنت العروس والصافي العريس ولبسوني ومكيجوني لمن م عرفت روحي ههههه وعرفة شان بيضاء بقو عريسها واحد لونو اسود وفي وحده لبست توب قرمصيص ودي كانت بتدق وفي اربعة بنات وحده لابسة توب ابيض ووحده اسود ووحده احمر ووحده اخضر ديل كان بغنو معاها ومكونين علم السودان ويلا بدينا دخلونا وقعدنا في الكراسي والناس تصفرر طبعا أريام شافتني اتغازت مني شديد وطلعت طوالي المصور بتاع الفرقة صور اليوم كلو ونزلو في قناتنا في اليوتيوب وكان يوم حلو شديد وصلنا بيوتنا بعد آذان المغرب طوالي دخلت استحميت وبدلت ملابسي وسرحت شعري ضفيرتين ورقدت شويتين فتحت النت والرسائل لقيتها كميات اول حاجه عملتها فتحت اليوتيوب حضرت الفيديو بتع اليوم الثقافي كان حلوو شديد ولقينا المشاهدين مفجرننا باللايكات فرحت شديد لانو في تقدم ملحوظ وانا بعاين في اليوتيوب جاني اشعار من رقم غريب وكانت الرساله(عايني ي حبيبة م تعيشي الدور تمام ده كان مجرد تمثيل لانو الصافي مستحيل يعرسك انتي وكم مره بقول ليك ابعدي من الصافي وشوفي واقعك بي وين ي ماما) رسلتها وحظرتني طوالي لانو لمن انا بقرا في الرساله كان بروفايلها ظاهر وكانت اون لاين فجأة بروفايلها اختفى وظهورها اختفى تاني سرحت بقيت افكر البت كترتها معاي وسكت ليها كتير قلت أكلم ليها الصافي تاني قلت لا ي عبلة م تبقي سبب في مشاكل اخوان م عرفت اعمل شنو مشيت حكيت لعرفة اي شي عنها لحد اخر رسالة رسلتها لي أريام قالت لي عايني احظريها وم تشتغلي بيها كتير دي عولاق سااي حظرتها وطوالي ختيت تلفوني في الشاحن ورقدت نمت
..........................
من ناحية هند كرهت الصافي وبقت م بتديهو وش زاتو ومشيها لمكتب الصافي قل او بالاحرى انعدم عديل بقت طوالي في حالة ضيق واكتئاب وهند لو كانت رضت بالمكتوب وشافت واقعها بي وين زي م قالت ليها ماريا هسه كان حتكون منبسطة بس هيهات.
بتبعع........
