اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كــون احـط كلـبي ع ايـدك
واترســك حنيـه مــن دكـته الوريـدك
انـتَ ما تنـراد بس كلشش اريــدك
بسـاعــه رمليــه انتظارك
وبيــه جم صحراء خلصت...
وانتظرتــك رمـله رمــله،؟
وانتجيـت انـا بمخاضـك
حسـبت كل شده مريــم بس تأشر تلگه نخـله،،!
وابخــلت شوفي ع غيــرك،!
والبخيــل شما يعيش يموته بخــله،!
وكمـت اهـز بجـذع بـالي..
بلكـي تتساقط واتـركك
بلكــي منك بالـي يخله
وكمت أهز وكمت أهز وكلشي طــاح وكلشي من ذاكرتي راح...
حتـى صوت امي نسيــته.اسمي ما ضليت أميزه،!
الا من نبـرة صيـاح،،
ومن سألــت الگلب عنـٰك..؟
كلـي كلشــي تـريد انســى ..
لكـن على اسمك كتب ( أرجو السـماح )
كتلـه: انـتَ بحبه مذنـب،!
گـلي : بالحب والحـرب كلشي مباح
