هلاووShamjk
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
. . مو حزن لگن حزين
مثل ما تنكطع جوة المطر شدة ياسمين
انة گتلك مو حزن لكن حزين
مثل صندوك العرس ينباع خردة عشك من تمضي السنين
انه كتلك مو حزن لكن حزين
مثل بلبل كعد متأخر لكه البستان كله بلايا تين
مو حزن لكن احبك من جنت ييسمر جنين
فاركت انته السفينة
وانه جايبلك بحر
خفت ما يكفيك عشك الناس توصل فرح قلبك
كعديت الثلج من نومه الثجيل
سبلتلك سلسبيل
جبت طوفان الحلم
شفتك مثل ممسوح بغياب الشمس
فاركت حلم الناس
ومليت السفينة والسفر
شلون قلبك طاوعك ما تكف ع الجيدوم
وجهك ليل ونجوم وحلم
تنطينه كل لحظة اتجاه الريح
تشتاك القمر يطلع قمر
مابجيتك ما بجيتك
انه بجتني السفينة
منين ما طش الرذاذ تفك قبلها تريد تبحر
تدري نوبات السفن
لو ضاج خاطرها بجبن قبطانها تسورب وحدها
تدري نوبات المحبة تمل طبع محبوبها
ويغفى على جتافي السهر
ما بجيتك
مدري منهو بصدري يبجي
مدري منهو يشكك بقلبي الكواغد
مدري منهو يريد يسافر
مدري منهو يجرني بيدر للمطر
مابجيتك
درت عيني للبحر
ابجي المسافات الهمتها وياك
تجذب
انت تجذب ما بجيتك
انه هديت السفينة وسيستها
شراع اشكب الريح
ولاخاروعه عندك بالصبخ تفتل قهر
مابجيتك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
💓💓💓💓💓💓💓
. . آجيتك وآلسلف نايم
على رويسات آصابيعي
سريرك دخن بروحه
آنفضحنه بريحة ألعطاب وآلعنبر
دخيلك هود ألنيران يامخلوگ
صاحو نار ..
گالو حچي ما ينلبس عليه آعگال
کلي صرت دخانه صغيره من جاسني حزامك
لگو حتی آلعشب محروگ
ماعدهم شغل هالناس
گالو شافو آلبوسات بالمضبوط
حلفو بالخضر بالثوب شگ آجدید
چذابین ... من آسنین ثوبي من آلنهد مشگوگ ...
المن تگص التذاكر
