الفصل الأول
صدح صوت اذان الفجر وقام الناس لكي يؤدو فرضهم
في منطقه ما بسيطة وبالتحديد في احد البيوت
كان جميع افراد المنزل يستعدون من اجل صلاة الفجر
خرج رجل كبير بالسن وهو يقوم بمسح وجهه ويردد الأذان جذب انتباه صوت ابنته التي تحاول افاقه اختها فقام بترديد اسم ابنته
_هدي
قامت هدي مسرعه قائله بنعاس
_حاضر خلاص صحيت اهو صباح الخير
ابيها بإبتسامة
_صباح النور يا هدهد يالا قومي اتوضي عشان هنصلي جماعه اومأت له وقامت لتتوضأ
وقف جميع افراد المنزل المكون من 4 افراد يؤدون صلاتهم وابيهم يقف امامهم يأمهم
انهي والدهم الصلاة وهم كذلك من خلفه
التفت لهم قائلا
_يلا نقرأ ورد انهارده
اومأو له جميعا
نظر عليهم وتبسم وترحم علي والدتهم وشكر الله علي النعمه التي اعطاها له انهو وردهم اليومي ف اغلقو جميعا مصاحفهم واتجهو للنوم مره أخرى لبضع ساعات قليلة
رن المنبه مره اخري بعد ساعتين فأخذت هدي تتقلب بضجر حتي جأت اختها تيقظها
هدي بنعاس وحنق
_بس يا بسنت بقا سيبيني انام
بسنت بعصبية
_مش هتبطلي دلع بقا قومي يالا في عندك سكشن كمان ساعه ولا ناسية
قامت هدي مسرعه بعدما استمعت لاختها قائله
_ياربي كُنت ناسية خالص
بسنت وهي تخرج
_طيب يلا قومي اجهزي مش عارفه هتفضلي كسوله ومستهتره لحد امتا
هدي بضجر
_ماخلاص ي ستي بقا الله اديني قومت، الا صحيح بابا فين واختك
بسنت وهي تحضر الفطور لاختها
_بابا راح الشغل واخوتك في المدرسة ويلا عشان تفطري معايا مستنياكي
اومأت هدي وقالت تمام هلبس بسرعه وجاية
______________
_ياابني استهدي بالله دا مش سبب انك تسيب بنت الناس عشانه دا بالعكس تحترمها اكتر يا أدم
أدم بعصبية
_ لا سبب بعدين انا زهقت ومليت منها بصراحة ، نخرج تقول لا بعد الخطوبة اكلمها طول الوقت مشغولة حتي لما بروحلها بكون حاسس بملل حتي طريقه لبسها مش مناسباني خالص زهقت بجد يا حسام
حسام لصديقه
_والله انت كنت عارف من الاول بظروفها وراضي وعارف مسئوليتها متجيش دلوقتي تعترض بعدين هي صح انت اللي عايز واحده تمشي تتفشخر بيها قدام الناس عايزها عريانه عشان يتقال انه خطب واحده كذا وكذا للاسف انت غلط وكويس انك عايز تفسخ لان خطيبتك محترمة ومحتشمه وجميله متستهلش ضافرها بكرا تندم
ادم بملل
_انا معنتش بحبها وفعلا مش مناسباني ولا من طبقتي
حسام بصدمة من صديقه
_ربنا يهديك ويعوضها خير سلام ياصاحبي
غادر حسام وظل ادم يتأفف وقام بالتحدث لوالدته واخبرها ان تخبر اهل خطيبته بأن تلك الخطبه انتهت
صدمت والدته ولكن فرحت وقالت
_احسن برضو بكرا اخطبلك احسن منها بمليون مره
اغلقت معه والدته التي فرحت كثيرا بهذا الخبر وسعدت
زوجها الجالس بجوارها
_لا حول ولا قوة الا بالله، ليه كدا بس دي بنت محترمة وكويسة
زوجته بتافف وشماتة
_احسن كان نفسي اشوفها مكسوره
زوجها بحزن
_اللهم لا شماته بس الزمن دوار واللي بتعمليه انت وابنك ف بنات الناس ربنا هيحاسبكم عليه
زوجته بزهق
_بقولك اي متعمليش فيها شيخ فكك مني بقا اما اقوم اديهم الخبر الحلو اووي دا
اخذ زوجها يخبط كف ع كف بتحسر
_______
في المساء رجعت هدي للمنزل فاستمعت لصوت اختها الباكي فركضت سريعا وجدتها منهارة على الأرضية فجلس بجوارها تسالها ماذا حدث ف ازداد بكاءه و ارتمت بين أحضان اختها تبكي عاد والدهم للمنزل واستمع لصوت البكاء فتسال وهو يجلس بجوارها
ردت بسنت قائله
_ادم بعت مامته تنهي الخطوبة واخدت الشبكة وقالت كلام مش كويس ومشيت
هدي بإنفعال
_أنا هربيهم
والدها بصوت مرتفع
_إياكي تعملي حاجه انت فاهمه اتفضلي علي اوضتك ثم اشار لبسنت وقال وانت اغسلي وشك واعملي حاجه نشربها وتعالي
أومأت له وقامت لتفعل مايريد
دخلت هدي غرفتها ووجدت اختها تجلس بجوارها قائله
_هو في اي
هدي بسخرية
_صباح الفل يانور انت لسا فاكرة اختك مقطعه نفسها من العياط برا
نور بصدمة
_ليه
اخذت هدي تقص ماحدث لها
نور بغضب الوليه القرشانه لازم نربيها
هدي بغضب مماثل
_ايوا لازم ثم اضافت بتفكير بس هنعمل اي بابا ممكن يقطع رقبتنا
نور بفخر
_سبيها عليا ويلا نقوم نشوف هناكل اي
____
دخلت بسنت في يدها صنية محمل عليها عصير وجلست بجوار والدها اعطته الكوب فقام برده لها قائلا اشربي انت ياحبيبتي
رفضت فصمم فتناولته منه وأخذت ترتشف منه واخذ هو الاخر
فقال قوليلي بقا بهدوء وبدون عياط حصل اي
بسنت بحزن
_مامته جيت وقالت اخيرا ابني زهق منك وسابك انت اصلا مكنتيس مناسبنا وكلام مش كويس وهي طالعه بصت من تحت لفوق بقرف وقالت وغيري طريقه لبسك يمكن تلاقي عريس افضل ومشيت بشماته وبتضحك
والدها مستمعا بغضب ولكن تحدث بهدوء
_ اللي زي دي متهزش ثقتك بنفسك انت عارفه انت اي كويس وانا وامك مربينك على ايه اما بالنسبه للبس ف انت مش مضطره تغيري من لبسك عشان بشر انت لابسه اللي يرضي ربنا وبس والاحتشام مخليكي ملكة اما بالنسبه لادم فاانا عمري م حبيته ووافقت عشانك وطول عمري شايفه مش راجل قد المسئولية وانهارده اثبتلي دا انه ينقض كلام الرجاله ويبعت مامته تعمل كدا كان لازم يستني راجل البيت بس هنقول اي ناي معندهمش احترام ولا اصول انت تقومي تحمدي ربنا انها متمتش وتشكريه اما بالنسبه لحقك سبيه ع ربنا
اومأت له بسنت واحتضنته وقالت شكرا ليك يابابا ارتحت جدا تبسم والدها وقال طيب يالا قومي صلي ركعتين كدا وحضرو العشا هناكل سوا اومأت له ووقفت مغادره
بعد خروجها رفع والدها يده للسما قائلا حسبي الله ونعم الوكيل ربنا يجيبلك حق كسرتك منهم ويريح قلبك يابسنت
خرجت بسنت فاتو اخواتها محتضتنين أيها ف ابتسمت وشكرت الله علي تلك النعمه
نور بغضب
_والله لاطلعلك عينها اصبري عليا
بسنت بحده
_نور متدخليش ف اللي اكبر من سنك وبعدين مينفعش هما وحشين احنا احسن منهم ومتربين كويس مينفعش تعملي كدا هتخليهم يقولو ابوهم معرفش يربيهم ولا اي مش اخر الزمن نسمع كلمه من حد مالهوش لازمه
اومأت لها وقالت
_حاضر بس يلا ناكل عشان واقعه م الجوع
بسنت بحنان
_سخنو الاكل لحد مااجي اومو لها وروحلو
_______
انتهي الفصل الاول
