# حب_عمري
الحلقة السادسة
...
غفران كانت مقعمزة مضايقه وتبكي حتي المعهد معاش مشت اول مافتحت تليفونها لقت رسايل ومكالمات فايته من معاد
(معاد هذا صاحب احمد يحب غفران من قبل حتي ماهي تعرف احمد بس مش قايلها انه يحبها ولما عرف انها تكلم في احمد ويحبو بعض بعد عليها وقعدت علاقته بيها صداقة بس لكن في داخله هو يحبها وبالنسبه لغفران معاد هو صندوق اسرارها ويلي تحس انه فاهمها من قبل ماتتكلم كانت كل ماتبي ترتاح تحكيله هو )
اتصلت غفران بمعاد
غفران بصوت كئيب *ايواه معاد كيف حالك
معاد* انتي يلي كيف حالك ووينك شاغلتيني عليك
غفران *مضايقه هلبة يامعاد قريب نتفجر
معاد* علاش شن في ان شاء الله خير
غفران *احمد طلع يخون فيا😭 والمشكلة يخون فيا مع بنت تقرا معاي في نفس المكان
معاد* وانتي كيف عرفتي وشن نوع العلاقة بينهم
غفران *مانعرفش نوع العلاقه اني كل يلي عرفته انهم يكلمو في بعض ويتلاقو لما اني نروح و هي تبيه ومصره انها تاخده مني
معاد* باهي طز فيه انتي الف من يتمناك خليها تشبع بيه
غفران* اني نحبه يامعاد نحبه😭😭
معاد* والله مايستاهل وحده زيك كان هذا مستحيل يخونك شن لاقي فيها ناقصك انتي ؟؟
غفران* مش عارفه 😭 كان تشوفها والله تنصدم مش عارفه شن خلاه يكلمها ويخونني اني
معاد* غر هدي روحك ومعاش تبكي بالله عليك حرام عيونك هادم الحلوات يكون فيهم دموع حزن
.
في اللحظة هادي خشت ام غفران للدار
ام غفران*شن اديري
غفران* نكلم في صاحبتي
ام غفران *خيرك مامشيتيش اليوم لقرايتك
غفران *مريضه وماخاطريش
ام *باهي مبكري خالتك خيرية جارتنا جت تاني ومصره علي الخطبة تبيك لولدها شني رايك راهو الولد كويس ويلي نعرفوه خير من يلي مانعرفوشي
غفران* يام قداش مرة بنقولك مانبيش قوليلها تنساه الموضوع خلاص
ام غفران* ربي يهديك وخلاص
.....
أشرف * صار درت يلي في راسك وطلعت بيها الفرخه
سالم * اييه ايه درت ومتعت روحي يا صاحبي 😍
سامي* شن مليحه لقيتها 🤤
سالم *ماشيه امورها واحسن حاجة الفتحه ضيقه من التالي خش بالسيف 😂
سامي* شن شكلها جديدة علي الجو😂
سالم* ايه اول مرة فرخه صغيرة قاعدة
اشرف* وانت هكي كبرتها ودخلتها في دوامه معاش تقدر تطلع منها
سالم *واني شن دخلي تطلع من دوامتها والا لا شن جايبها وناسيها اني
سامي *شوفلي وحده من صاحباتها نكسدو عليها😂
اشرف *شن حتي انت بتخش في المواضيع الزايدة هادي
سامي* بالك ننسى شوية راني عايش في نكد من لما نحل عيوني
اشرف* علاش خيرك
سامي *المرا ياراجل ديما منكده وديما تنق كرهتني في عيشتي وخلتني نكره نخش حتي للحوش
اشرف *علاش علي شن تنق عليك
سامي* علي كل شي ياراجل ابداها من المصروف ديما جيب وجيب وجيب وانت عارفني مش عابي الا علي الراتب يلي ماينزلش الا كل شهرين تلاته تي فديت ياراجل وهي ماتبيش تتحمل معاي
اشرف* قصدك تنق علي مصروف الحوش
سامي *اماله شن نحكيلك من الصبح علي مصروف الحوش وعلي كل شي تعرف كان وصتني علي حاجه وقلتلها ماعنديش تقلب وجها وحتي الغدي مااديراش
اشرف *حتي هي تطلب في حاجات المفروض توفرها انت من غير ماهي تطلب
سامي* منين بنوفرها منيين واني حتي حق قهوتي هادي متسلفهم منك بدل ماترطب الجو وتهون عليا وتصبر معاي شادتهالي نكد في نكد من صبح ربي و24 ساعه تبي حوش اماليها
اشرف* قول حاجه ياسالم ولوح التليفون يلي في ايدك وحني معاش سمعنا صوتك من لما شديته
سالم* معاكم معاكم عنده الحق النساوين كلهم هكي نكد في نكد
اشرف* وانت خيرك عمرك ماشكيت من مرتك في الامور هادي
سالم * لالا حنان ماعندهاش في الجو هذا بتاع النقان مربيها من الاول كلمه وحده معاش تعاودها خلاص
سامي* معقولة في مرا تقدر تعيش من غير نقان 😂
سالم *والله هو في شوية نكد لكن القدر المعقول يعني مش هلبة تخاف مني حنان
اشرف *قصدك تحترم فيك وصايناتك مش خوف هذا
سامي *ياودي فكونا من الدوة هادي تربحو اني هارب من النكد انتم فكرتوني فيه
سالم *ههههههه رسمي
سامي* باهي شوفلي بنيه ياسالم نكسدو عليها
اشرف* ياراجل ارضى بنصيبك يلي كاتبهولك ربي وفكك من الكلام هذا
سامي* خلينا نعيشو ياراجل فدينا
سالم* اهي في وحده فرخه صغيره حتي هي شكلها تفهم في الجو هاك سجل ايميلها وخشلها في دسكة عجبتيني وهدرز شوية وقوللها عقلك اكبر من عمرك تو تلصق فيك طول🤣😂
سامي * فاهم دماغهم انت 😂
سالم* تي كيف عاد خبرة😂😂
.......
هبة *حي حي شوفي الطرف هذا يقتتتتتل😍😍
صفاء* ترا وريني 👀 حي يهبببل😍
هبة* توا بعتلي اشارة ترحيب و اهلين
صفاء *ردي عليه بسرعه😍
هبة* رديت هههه خل نخشو علي صوره نتفرجو 😍😂
صفاء* هااا متزوج 😳
هبة* كيف عرفتي اللطف
صفاء* اهي صورته شاد فرخ صغير
هبة *ومن قالك ولده يعني
صفاء *قصدي مش عارفه انتي حولة والا تستحولي عليا (¥جديدة تستحولي هادي😂😂) اهو كاتب متزوووج ماتشوفيش فيها
هبة *وكان متزوح عادي شن المشكلة الشرع محلل اربعه 😂
صفاء *حي عليها هادي يلي ماعندهاش مشكله😱
يتبع ........
لو تبي الزيد من الحلقت ارجع التفعل مع الروايه ب10 تعليقات
✒️زياد زيزو
