ـــــــــــــــــــ********ـــــــــــــــــــ بعد مرور اسبوع... *بعد ما اتجهزت واتمكيجت مكياج خفيف كلش كوة ثبت المكياج حته ام الصالون انقهرت عليه لان عيوني ما وكفت بجي اجه يوم العقد..
مالبست بدله مال عقد مثل كل البنات لان مافرحانه ومو من كل كلبي رايدة هذا الشي لبست شي بسيط فستان وردي كلش نازك وبسيط جان وقت العقد بالليل ورة صلاة المغرب علما خلصت عد ام الصالون تاخرت هواي صارت بـ7:30 بالليل..
جنت لابسه صايه فوك ملابسي وشال عله شعري اجينه بسيارة من الصالون للبيت الجديد الي راح اعيش بي اتعس عيشه لا هذا مو بيتي هذا كبري الحفرته بأيدي
افكار تاخذني وافكار تجيبني شلونه مصطفى شديسوي يدري اليوم العقد وباجر عرسي لو لا الف فكرة اجت براسي وصلنه للفرع الي بي البيت نسوان هواي اجن ويانه كرايبنه الزلم سوو مولد عد الجيران يصير كبال بيتي
نزلنه من السيارة نريد ندخل للبيت ضليت اسمع صراخ نسوان وصياح زلم الناس ضلت تركض هذا اليطب للبيت وذاك الي يشرد لغير فرع وصوت طلق عالي
انه استغليت الفرصه وشردت محد حس عليه وشافني من وين رحت وانه جاي اركض حسيت بألم بأيدي لزمتها حيل اباوع عليها مليانه دم اجتني طلقه تايهه
من شفت الدم ضليت اركض بين الفروع اريد احد يساعدني دخت بس شفت الدم
ابتعدت مسافه 3 او 4 افرع عن البيت وصلت يم بيت جبير ضليت ادك الباب برجلي لان ايدي لازمتها حيل مااكدر اتركها..
حسيت اكو احد اجه فتح الباب شمرت روحي عليه كتله فدوة عالجني او جيب دكتور بس لا تاخذني للمستشفى راح يرجعوني لذاك البيت مااريد مااريد ارجع بعد فدوة ساعدني وبعد ماحسيت عله شي .....
---------------------------
مرحبا اعرفكم عله نفسي انه اسمي علي عمري 26 سنه طولي 180 وزني 75 عيوني عسليات هواي بنات يزحفن الي لان حلو بس ماانطيهن عين...
احب السباحه وهم احب اقرٲ كتب علميه واتعلم اشيا۽ جديدة غير اختصاصي مع العلم اني شيخ من بعد ابوي لان اني جبير عائلتي اني جنت عايش بغداد علمود دراستي وارجع كل فتره اطباعي عصبي كلش ومحد يحجي وياي او يردلي كلمه حجيي هوه المسموع بالبيت ستوني مخلص طب ورجعت للناصريه كلت اشوف عمي محمد لان اني علا تواصل وياا المهم تخرجت بشهادة طب عام
من خلصت جامعه واتخرجت كلت ارجع للناصريه
عندي بيت بالناصريه كعدت بي
يوم الخميس وصلت للبيت بـ5 العصر دخلت للبيت نضيف وجبير ...
رحت للمطبخ طبخت اكل ع السريع واكلت اجيت اريد انام الساعه بـ7:40 وسمعت صوت اطلاق نار كمزت من مكاني
بعد حوالي عشر دقايق اندك باب البيت طلعت افتحه اول مافتحته مااشوف الا بنيه شمرت نفسها عليه لزمتها دخلتها وسديت الباب كالت فدوة عالجني او جيب دكتور بس لا تاخذني للمستشفى راح يرجعوني لذاك البيت مااريد مااريد ارجع بعد فدوة ساعدني... واغمى عليها وراها
شلتها دخلتها للبيت خليتها عله الجربايه وبسرعه شكيت الصايه مالتها من جهه ايدها وجبت وصله شديتها ع الجرح حته لا ينزف اكثر
ركضت لغراضي ادور علبه الاسعافات الاوليه ورجعت الها عقمت ايدي ولبست كفوف وطلعت الطلقه وخيطت الجرح ومسحت الدم الي مله ايدها وملابسها وملابسي هم
خلصت ولفيت ايدها وطلعت للحمام سبحت وطلعت طول الوقت افكر بيها بلا هاي شنو قصتها خاف شاردة واهلها يدورون عليها واطيح براسي يكولون خاطفها
يلا عود من تكعد راح نعرف قصتها كامله
هاي عود ستوني جاي وهيج صار الله يستر من الجاي ـــــــــــــــــــــــــ . . . علي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
