غيهب الغسق

مشهد

السلام عليكم بنات...

شلونكم اخباركم.. 

اليوم بديت وياكم بقصة جديده...وبداية ومركبه جديدة...
مختلفة كليا...متأكده تعجبكم... وهتحبون الفكرة... 

2020..1..29 

مريم انمار... 

غيهب الغسق...

مشهد...

-محسوووبة من العمر كل ليلة نكضيها..
-محسوووبة من الدرب كل خطوة نمشيها..!
..افرح ولا تنتظر
ايامنا الي تمر
رحلة بقطار العمر
سفرة بمرابع خضر
شتريد سميها..!!
-يالرايح بهالدرب وانت اعلى ناسك ضيف
-يراد معشر حلو ولمة احباب وكيف
لو شفت ليلة شته ولسعة ظهاري الصيف
صبرك ولي تنجلي وتصير ذكرى وطيف
ولا تكول مو بيدي
الوكت مو بيدي
ايامنا الي تمر
رحلة بقطار العمر
شتريد سميها..!!
من توكف بنص درب الدنيا تبقى تدور
المي صعد للجرف والفخر للناعور
دور الحبيب الوفي وامشي بدرب بيه نور
وعينك على صاحبك يغفى وتظل ناطور
ولا تكول مو بيدي
الوكت مو بيدي
ايامنا الي تمر
رحلة بقطار العمر
ايامنا الي تمر
سفرة بمرابع خضر
شتريد سميها..

الشاعر...

كاظم إسماعيل كاطع...

،

،،،،،،،،،،،،،،،،،،،،من قلب الحدث،،
،،،،،،،مشهد،،

فتحت عيوني للسكف لهيب نزل على عيني مو دموع
وكفت كل الصور والمقاطع،، هذا المشهد كفيل يذكرني كل حياتي

ااااااااااااااااااااااه

اه لو يرجع الدهر
جنت حركتها بنار ومو أي نار نار جسمي الي دااحترك بيه هسه
كم كلمه معرفت اقراها بس معانيها جان الها دور جبير

اه يا أمي تعرفين وين اني?!

اني بغابه ذياب تنهش بيه وترجع ليورة

مااعرف حالي ماعرف وين مااعرف شديصير بيه وليش مدا اكدر احرك جسمي
تساؤلات ببالي هواي

عن رسيل وتامر
مااعرف يا نبض عيني كم يوم جنت باقيه هنا سنه سنتين سنين
مااعرف انتو وين

ااااااااااااااااااااااه الف مرة على حالي وغبائي،،
بس يجي يوم ينحركون
مثل محركوني حركه الجلاب وأولهم جلبهم الجبير،،

أذكرها كلش زين يييمه كلمه ياسين من كالي
أكلي بس لتوصوصين...مسمعت كلامه وتحديت...آه من طيشي...

كم مرة كلتي... ديري بالج ييمه وفتحي عيونج... ترا انتي بغابه النمله اذا تمشي...
حايكينها ويعرفون مصيرها

ييمه طلعو متفيد اسلحتهم...لأنها تنباع وتنشري بفلس...ااااااااااااااااااااااه كلبي

انفتحت الباب ودخل سحب كرسي...

...هااا شقررتي

...تنحسب رجال!

...وفوك راسج وراس الخلفج

...لا اراديا ردت راسي مشمئزه منه

...يعني مصره?

...داعت عيون العزيز الي بكلبي.. لو تغتصبني ما دير بال بعد الي شفته

...هاهيه اعتبري العزيز مات شسوين..

...العزيز مات من قبل

...متأكده!

...باوعت بصدمه شيقصد

للقصة بقيه...

مع تحياتي لكم...

مريم انمار....

هااا وقبل مترحون... أريد الذكي يجاوب... شنو معنى الاسم
وليش اختاريت الاسم...

وهم ردت اشكر اشخاص ضافو لمسه للقصه

اشكر N____W على الغلاف الي ببدايه القصه 😘

واشكر صديقه الروح لولو HallaAli5 على التشجيع المستمر ❤❤

و مروش maroosh96 على التدقيق بالبارت والشعر 💋💋

اموووت بيكم يا احلا friend's  🙈🙈

ويلا عيني طكطو نعالاتكم وروحو🤣🤭