اذيكو يا بناات عاملين ايه بصو يا حلوين انا عامله الكتاب ده و متأكده انو هيفدكو ميه الميه هنزل كل اسبوع حلقه عن موضوع من اي مواضيع اللي البنات بتتعرضلها في حياتها اليوميه اللي بتأثر عليها سلب او ايجاب و كمان كل بنت اثرت في حق ربها و عايزه تاخد خطوه بس متردده و خايفه ما تخافيش
هتكلم و هنزل حاجاات ممكن اغلب البنات دلوقتي ما تعرفهاش يعني مثلا زي الطهاره و اركانها ايه الحلال و ايه الحرام ده عيب ده غلط انا مكتئبه انا حزينه انا مخدش بيهتم بيا انا مليش حد انا لوحدي انا مش عندي صحاب انا مش حلوه انا تخينه انا رفيعه و و و كل عنوان من ده ليه حلقه لوحده و انشاء الله تفيدو و تستفادو يا بنات و اي سؤال انا معاكو هنقرب من ربنا و نزيد ثقتنا فينا ...❤
الحلقه الاولي♥
ايه ده انا ازي كده مش حاسه بنفسي و ثقتي بنفسي قليله جدا احب ااقولكو يا بنات ان اي حاجه بتبدي لما تقربي من ربنا اولا بعد كده تبقي قويه معظم مشاكلك هتتحل ...لاء ازاي انا ضعيفه يعني هو انا لما ااقوم اصلي ركعتين و لا حاجه هو ده اللي هينفع لاء .. طب انتِ جربتي ؟ .... لاء ما جربتش بس خايفه انا ضعيفه جدا مش حابه شكلي و لا جسمي و لا في حد بيحب يتكلم معايا ..... طب يعني انتِ مش حابه ايه ...
انا مش حابه حاجات كتير الصراحه. ..
رجاله بتقول علينا ناقصات عقلا و دين ...
احنا في مجتمع بيقولو ان البنت لو مشيت لوحدها في الشارع بيقولو انها قليلة الادب بتكلم في التليفون و ضحكت يبقي بتكلم و لد ... شافت حاجه في الشارع و ابتسمت يبقي بتعاكس ولد جت من المدرسه بدري بتقابل ولاد بره المدرسه جت متاخر بتقابلهم بعد المدرسه😂
وده الكلام اللي بنسمعو الف مره في الشارع من ناس بعيده عننا انا بقيت متلغبطه ....هو ربنا خلقنا عشان نبقي كائنات ضعيفه و نتهان اشمعنا حواء مش زي ادم ؟؟
طب نحلل الكلام معا بعض و نشوف :اولا بيقولو علينا ناقصات عقل و دين بيقولو ثول و هما مش فهمينو
اول حاجه ناقصات عقل عارفين ليه ؟؟؟ ... مش ناقصه عقل يعني مجنونه و لاسعه😂
ناقصات عقل لان المرأه مهما كانت لما بتيجي تاخد اي قرار بتحكم القلب الاول و بعد كده العقل او ده الاول بعد كده ده يعني المراه علطول عقلها مش اللي بيحكم في ثانيه العواطف بتتحكم فيها ...
و دي ميزه ربنا خلقها فينا عشان نبقي مميزين عن الرجاله نكون حساسين اكتر منهم اومال عايزين تبقو جبلات يا اوختشي انتِ و هي😂
تاني حاجه ناقصات دين ...
اسمع يا حلو منك ليه يا بيضه انت ..
تعالوا نتكلم بصورة علمية شوية واللي ياخد الكلام بتريقة او ألش يعرف انه مجرد "جاهل"...
اي بنت بييجي عليها وقت معين في كل شهر بيحصلها تغيرات فيسيوليچية(اللي درسناها في العلوم بتاعت 3 اعدادي دي) اللي هي "الحيض الشهري" ..للي مش عارف بيحصل ايه هو حرفياً كدا بيحصل تهتك او كحت لطبقة من جدار الرحم،
ايه دا قصدك الرحم اللي جواها دا ؟! اه والله هو بعينه،،
اللي لسه متخضش كفاية عليك تعرف ان جزء من الألم اللي بنحس بيه هي التشنجات والتقلصات في البطن و الضهر وحتي رجلينا !
نفسياً بقي دي لو عرفنا نوصفها يبقي ممكن نبطل كتابة النهاردة و كتر ألف خير الدنيا لحد كدا ..
عصبية،توتر،ألم لا يطاق،.. بتبقي عايزة حد يقولها ازيك علشان تعيط، دا غير الاضطراب النفسي و الاكتئاب اللي بيسيطر عليها كل مرة !!!
اللي عايزة اوصله من كل دا ان ربنا -سبحانه و تعالي- خلقنا كدا و معندناش اي اعتراض الحمد لله لانه علي قد الالم النفسي والجسدي الا انه جعلنا في راحة تامة الوقت دا بأمر شرعي منه مثال علي كدا تحريم الصلاة للحائض رحمةً بينا و عطف علينا، معلومة عالماشي الست مبتصليش في الوقت دا علشان من كتر الهبوط اللي عندها في حركات الركوع و السجود ممكن ضغطها يوطي جداً لدرجة انها تموت !! :")
قريتوا الكلام ،بس الرساله لسه موصلتش صح ؟؟!
انت لما بتتعصب بتبقي مرهق، تعبان من الشغل،خسران جيم بلاي ستيشن مع صاحبك و عايز تخرج شحنة الزهق اللي فيك بدل ما تطق ف تتخانق!
هي لما بتتعصب في الوقت دا بيبقي فيها اللي ممكن انت تموت لو حسيت بيه بس هي مبتموتش هي يادوب
بتتعصب و بتعيطلها شوية..!
من غير تفكير اه هي اقوي منك بس متقدرش تستقوي عليك فلو سمحت استحملها شوية و متستقواش ..
لعلهم يتفكرون.. ...
أنت تقرأ
انتِ (كتاب لكل فتاه عربيه ..❤)
Non-Fictionكتاب لكل فتاه عربيه مسلمه او غير ... في حياتها مشاكل هتكلم فيه بالعاميه المصريه لانها الاسهل عند الكل و الكل يقدر يقرأها مغيش مشكله في حياة بنت سواء نفسيه او دينيه الا هتتحل و الكلام هيفيد كل بنت حست انها قصرت في حق ربها و دينها عايزه تاخد خطوه و مش...
