الجزء الاول
"لو أن النساء كن يُدققن في شخصيات الرجال فَلَن يتزوجن على الإطلاق أبدا."
كوني اخصائية علاقات اسريه بيخليني اشوف الناس علي حقيقتها بعيد عن المظاهر الخداعه و التصنع،
بيكشفي اللي مستخبي تحت ثوب المكانه وغيره، اني اغوص في حياه الناس بينلي ان اساس نجاح اي شئ في الحياه بيقف علي الام وتربيتها.
'فالرجال هم من صنعتهم امهاتهم'
پحكم شغلي بيمر عليا ناس كتير باختلاف مشاكلهم، و نادر ما تعلق معايا حاله وتشغلي بالي للدرجاتي، يمكن لاني مكنتش اتوقع ان في حد ممكن يعمل كدا، و إنه يفكر بالتفكير الابليسي دا، فاصدقاً اذا كان لإبليس معلم ستكون الانثي
من سنه ونص تقريبا جيتلي بنوته جميله باين من شكلها و حجابها انها علي قدر عالي من الاخلاق، عاده اي حاله بتجي خاصة لو ست ولوحدها بتبقي مكسوفه ومش عارفه تبدأ منين، و اذا كان تقدر تثق في دكتورها ولا لاء.
بس البنت كانت غير اول شئ قالته....
فلاش باك
_ انا حامل " كانت بتقولها بكسرة رهيبه "
=مبروك! فين المشكله اللي في كدا
_ بس مش من جوزي.
= احم انت قصدك انك..
_ و انا مش خاينه
( بصراحه الموضوع مفاجئ ليا، مكنتش متوقعه خالص انها هتقول كدا، حالتها غريبه بس مثيره للاهتمام)
=انا مش فاهمه ازاي حامل من حد غيرك جوزك و مش خاينه
_ انا هحكيلك الموضوع من الاول ، انا اتعرفت علي كريم جوزي في سنه تانيه جامعه الصدفه جمعتنا و بقينا صحاب و اتطور الموضوع وحبينا بعض، وبعض ٣ سنين حب اتجوزنا و عشينا سنتين في سعاده وحب مفيش حاجه كانت بتعقر حياتنا غير الحمل اللي اتأخر خاصة اننا عايشين في بيت عيله و مامته علطول كانت بتسأل عن سبب التأخير خاصة انها عايزه واريث يورث كل املاكهم.
"نسيت اقولكم ان عيله كريم غنيه جدا فالوريث مهم جدا، وكون ابنها التاني فاقد للاهليه فمش هينفع يتجوز)
و اخيرا خدنا خطوه بسببها حياتي اتحولت لجحيم، بعد ضغط كبير من مامته واهلي قررنا نروح لطبيب وكانت الصدمه إن كريم مبيخلفش حالته مكنتش مستحيله بس زيه زى رجاله كتير مبيحبوش يعترفوا بعجزهم و حاجتهم للعلاج، رفض كريم العلاج رفضاً تام، وانا عشان بحبه كملت معاه ومكنتش حابه اني اجرحه ف اتناسيت الموضوع.
وبعد ٦ اشهر حسيت بوجع في بطني و غثيان ، لولا اني عارفه انه متعلجش كنت شكيت اني حامل لما الموضوع اتكررت كشفت وكانت المفاجأة اني حامل
حامل؟!...... ازاي؟.............دي معناها ان كريم اتعالج بس هو مقاليش؟!....... انا عارفه ان كريم عنيد و مستحيل يفكر يتعالج............ حقيقي مكنتش مستوعبه اللي بيحصل.
رجعت البيت و مقدرتش استني لما يرجع من الشغل فكلمته انه يجي بسرعه
فلاش باك
_مالك يا حبيبتي كلمتني اجي بسرعه ليه
=كريم انت اتعالجت ولا لاء
_ تاني نفس الموضوع قولتلك انا معنديش مشكله انا كويس انت فاهمه
=انا حامل .. قولي انا حامل ازاي؟.....كريم انت بتضحك عليا صح...... قول انك بتهزر.... وانت اتعالجت عشانا.
لاقيته رد ببرود انا متعلجتش و انت حامل بس مش مني
= ايه اللي بتقوله دا يعني ايه مش حامل منك!! اومال انا حامل من مين؟!
=انت حامل من...
يتبع ✨
قصص من الواقع ♥
