مره في وحده عازمتها صاحبتها هيا والبنات المهم ليها أسبوع وهيا إتنفذ في أوامر الباشا خوها
بدون لاهس ولامس وغير شن تبي يسويدي بس👽
المهم ياكبادي جي اليوم الموعود يلي عازمتها فيه صاحبتها ، المهم جت إمقعمزه في جنب خوها
وكلها الطافه ورقه و عيونها كلها برآءه....😍 وبصوت رقيق قتله ترفعني ل صاحبتي💜🐸
قالي:واني نقول خيرك هالإيامات مسكته وإنتي طلعتي تطبخي لمخطط جديد 👏
وأطلعي من راسي مش فاضي✌💦
انا جتني سفاار ونضت إنعيط ونلعلع وانا ديما محبوسه ولانطلع لا ندهور زي البنات،الله غالب عليا طول عمري نقعد عايشه زي البنقلا، ودرتله دسكه البكي ودرت روحي تكنيط💣
المهم أمي قاتله أرفعها وخيتك ديما في الحوش تبو الحق ولانبع الحنان قامت القدر🌸✋
قالي هيا فيسع عندك خمس دقايق ماتطلعيش فيهم بالله إلا ماشي ومخليك💔👏
وبحكم عنده سوابق ايدير فيها أنه يمشي ويخلينا لما إنعطلو
خشيت ليداري إتقول فيراري إتفن في الحوش 💤
ومعاش نندري علي روحي حتى شن نلبس ، إيد تمسح في البودره وإيد شاده الأربعه وعشرين
ومن السرعه لبست شخشير لحمي مزق وطلعت ايح عاد كان منقعد إندور ع جديد بنقعد ل صبح
هوا بيني وبينكم معنديش جديد غير إندير في الجو👀✋
المهم وأنا طالعه أمي قالتلي سكري روشن الحمام عيت مسعود طالقين نار،حاضر يانبع الحنان تي حتى كان تبيني نمشي ونقعمز فوق النار إنطافيها مدوري شيء
خشيت لبسة هداكا الشبشب يالي مقاسه44 ومنظره إيقشعر الأبدان وسكرت الروشن ونسمع في خوي إيقولي اقعدي أني مشيت وطلعت خططط ب هداكا الشبشب وركبت غي السياره وأني نحمد في ربي إن الأمور مشت علي خير
وياحنه بدخت عطيت لخوي 30جني قتله جيبلي شكلاطه مليحه نبي نطلع راقيه ✨
جابلي هداكا باكو الشكولاطه ووصلت لحوش صاحبتي ونزلت بكل ثقه وقوه و في خاطري طالعه طرف وشاده الشكلاطه ونمشيزي العاريضه ، رغم حسيت رجلي خفيفه
طقطقت فتحتلي صاحبتي وتشوف لوطه وبدت البنت إتقرقر قريب اغمى عليهامن الضحك😂
أني جتني إسفار منها قتلها معقوله جاياتك هكي تستقبليني هكي خساره فيك 30 جني فيك
قاتلي معقوله هذا شبشب ولا ذبابه يالي لابستيه😂🐸👏
قولت خيرها ايه بدت تاخد وتعطي
وين انشوف لوطه إنشوفهاالكم شوفه ياكبادي هييه
جتني صدمه تلاتيه الأبعااد قعدت نمس في الشبشب بلكي نتخايل لالا مش معقوله
وصاحبتي تضحك وتضحك
انا رقالي منها قتلها اسمعي تحكي للبنات علي قصه الشبشب ولا
تقولليلهم ولله معاد نعرفك
بعد معاناة كملت ضحك قاتلي تم مدوري شيء..
شويه هكي لين وصلوا البنات جايات امعا بعضهم خشو نسلموا
وبعد مكاملنا السلام ناضت وحده قاالت شنو الشبشب يلي برا متع مني عجبني
هههههههههههههههه
وقعدو يضحكوو هههههههه عندهم الحق هوا اتقول قاصفة النيتو المشترك وحالته حاله
المهم قعدة نضحك امعاهم ودرت الحوله وصاحبتي اتشوفلي وسايخه من ضحك
شافولي البنات قالولي شن شكله امتاعك "طبعا احنا راقيات مع بعضهم بش نحكيلهم"
المهم ناضت صاحبتي قالتلهم بنات معاش اتجيبو سيرة الشبشب شكله امتاع بوها
ههههههه يا سلام نقتل قتيل ونمشي في جنازته
وياحنه قعدنا إنهدرزو وشوي شوي تتصل بيا أمي وهاتفي فاسد دارها فيا لازم مينفتح المايك..
رديت عليها ها أمي خيرك يامنجووهاا شبشب الحمااام
وين اخر وحده لبستية ماتقوليش مشتي بيه ولا شن
وانا معاش عرفت انرقع قعدت انقوللها ااه اي اي تمام توا لما انروح وسكرت
والحمد لله طلعت منها مشكوش
وبعدين مر الوقت واتصل بيا خوي قالي اطلعي انا برا طلعت فرحانه نجري ولي حظي الجميل
البنات جاهم بو صاحبتي وطلعو في جرتي
هما يبوسو ويوادعو وانانفكر كيف منلبس هداكا الشبشب
وخو صاحبتي وصاحبه واقغين علي جنب
المهم شفتهم لاهيات يسلمو قلت هاذي فرصتي نلبس هداكا الشبشب ونطلع جري
وفجأه وأنا في عز الجريه ينتنا شبشب تحت صوابعي ونجي مفلوووووقه ع 16 جيت
راقده رقود ياكبادي لاعاد عرفت نوض و لاشيء
نشوف للبنات يضحكو والي تعيط والي تضرب في رجليها والي تنتش والي مقعمزه من
لضحك😂😂😂😂😂😂🐸👏🚬
وشبحت لخوي لقيته ايخبط ع الدومان من ضحك وين نشوف فوقي نلقى خو صاحبتي
وصاحبه يالي ينوض فيا والي يضحك والي شيء؟
طبعا دفيت خو صاحبتي وقعدت باش نوضت ووقفت ع حيلي وشديت الشبشب في يدي
ومشيت ركبت في السياره💤🎶
ونكلم في خوي بالإرشارات نقوله هيا بالك
روحت للحوشحذفت هداكا الشبشب وخشيت لداري وشوي شوي
توصلني رساله ت غير شنو ياحركات ياشباشب
وتانيه وصلتني معليش الشبشبك واضح ماركه و حده قتلي سلامات طيحة الشباشب واعره
😂👽😂😂😂😂😂👽👽
