هزات عينيها فيه لقاتو ناعس فوق الناموسية وضاير للجهة الأخرى ...بقات تتشوف في البيت مبانتلها حتى بلاصة تنعس فيها بعيدة عليه...عيات تقلب على شي بلاصة من غير هدي والو ...مشات تتقلب على شي فراش تفرشو التحت ملقات والو حسات بحال الا هو لي داير لها هكاااا عمدا رجعت وقفت على راسو
ناردين : اييه نوووووض ..... انا فين غ نعس
بهاء الدين : ( جاوبها وهو مغمض عينيه ) مكتشوفيش هاهي ناموسية قدها قداش
ناردين : مستحيل نعس حداك واش متتفهمش
بهاء الدين : لي باااااان ليك ....
ناردين : نوض شوف ليا شي فراش نفرشو في الارض ...ولا نمشي نعس حدا ماما گاع
بهاء الدين : معندي ما نديرلك ...هادشي للي كاين ...ويلا خرجتي نهرس ليك رجليك
ناردين : نوض خليني نعس انا تما ونتا قلب على راسك ...
بهاء الدين : زيدي تنعسي راه والله مغدي نوصلك حدي نحط يدي على كرشك
ناردين : لاااااا نموووت ومنعسش حداك
بهاء الدين : ( غطا راسو وخلاها ) ديري للي بغيتي غير خليني نعس
خلاها ومداهاش فيها وهي بقات تنگر عليه ...ملقاات فين تنعس ...وآخر بلاصة تفكر تنعس فيها هي حداه ...واخا تعرف تبات فايقة ...
بقات تقرقب عليه هنا ولهيه مخلاتوش ينعس ...كان عيان او مسااافر غدا مع صباح بكري معندوش الطاقة للي يتغاوت معاها فنصاصات ديال الليل ...عيا ما يصبر عليها تستسلم وتنعس وتخليه ينعس ووالو ...بقات غ دور في البيت او شاعلة ضو على راسو منعسات مخلاتو ينعس راسو بغا يطرطق مع شرب دواه او خصو ينعس باش إفوتو الحال صبر حتا صبر وهو ينوضلها
بهاء الدين : ( هي غير شافتو جاي عرفت راسها عصباتو وهربت لدوش وسدت عليها )
كنقسم ليك بالله اناردين ونسمع حسك باقي حتاااا نقسم موووووك على جوج
حذرها بغضب وضرب في الباب ديال الدوش برجلو بجهد باش يخلعها ورجع لبلاصتو طفاااا ضو ونعس ناردين بقات صامتة فدوش او تدور بعينيها بحال جنية فداك الليل بقات كل شوية تتحط ودنيها على الباب صبرات حتا عيات وحلات الباب ...لقاتو ناعس ومشات بشوية باش متفيقوش ...جرات ليزار او تخشات حداه فديك لبليصة صغيرة لي مخلي لها گاع كان شاد ناموسية بديك الكمية لي عطاه الله ناردين مبغاتش تقرب لعندو ولكن كيفما بعدات تتحس براسها غدي تلاح بقااات تتبربص حداه حتا نعساااااات ...
