EUPHORIA

CHAPTER-1

**Kim da-eun's pov**

"Da-eun zanin chiah chu kal ve ang anuam thei lutuk asin, chuan maw racer ho chu an hot thei tawp ania" Aera thusawi vangin ka ner nghal nang nang mai. Hetiang bike racing tihvel leh ka nundan simple zet hi a inrem ve thlawt lo. Ka ṭhiannu thusawi chu ngaihven loh law law ka duh zawk, nuam kati dawn chuangin ka hre lo.

A hmel en ringawt pawh hian a phur zia a lang chhuak thei anihchu! Henu mak dangdai lutuk hichu.

"Maw! Ka thusawi chu i hria em?"ti hlakin ka malah a rawn beng thlawrh a, ka melh nghal rawm rawm mai.

"Ka peih ve lo tih chu i hriat kha" ti hmakin ka phone ka khawihsan daih.

"Hey, i peih loh pawn min kalpui ve tal la...ka kal ve chhin chak vang alawm in in a riak tur angin ka chhungte bulah pawh ka insawi" ka phone rawn pawtthla hlawkin a ti zui duah. Henu hi chu huau huau hi a lawm ve ṭhin ngawt  mai hahthlak zawk hian.

"Maw please please!"a rawn khap no kual vel chu ka nuih ta tawp. Engang pawn peih lo mahila min sawmlui ngar ngar dawn chu chu a mizia a ni.

"Ok, mahse zanin bak a theih lovang aw. Mahse kan chhuah ruk angai dawn ania" ka ti sap a. A rak nghal chul chu a hmui ka hup leh rih. Chhuah ruk kan ngai ti na na na han au chiam chiam zel mai.

Phur fahran hian ka thawmhnaw hak tur a thlang zat zat a. Kut kuangkuaha ngawirenga ding chungin a che vel chu kalo melh kar thung. A duh tawhnaah hichuan a fel thei ania. Tunah pawh kalpui duh lo bur ila chu rei tak min tih tauh khum leh amaw kha ania nga.

Jeans pawl da lam tight ṭha zet mai chu ka inthlawh a, t-shirt var sar thawl deuh hnak ka hak tel chu ka kekawr haklaiah min bilh luhsak nghal nawk nawk chu ka thaw deuh hak. A che te reng reng hi amak thei buan buan ania.

Belt dum sinte mai hi ka closet sira ka khai a pawtthlaa mithmul san zauh hian ka lamah a rawn lek zauh. Ngawirengin kalo ban ve mai bawk a. Jacket dum a rawn phawrh leha kalo ban ve vat thung.

Ka bag dahna lampanin ka mamawh tura ka rin ho ka khungkhawm zung zunga. Chuti chhungin ka sam rem leh rem lo hian alo phiar mawlh mawlh thung. Sirlamah dul deuh hnak hian a rawn huiliama kalo nuih nghal sak. Make up pawh inbel lem lovin lip gloss sen lam pawl deuh hlek ka intat thuak thuaka ka hman chu a ni der.

Ka simple ṭhin hrim hrim avang hian ka inchei hlur ngai lem lo. Bakah ka vun hi enkawl chiam lo mahila nalh tih hi a hlawh ve viau ṭhin vang hi a ni pakhat bawk. Nulian lem lo tak ka ni a, chuan ka thau lo bawk. Nute viau e tilo chuan ka pian hi adik ve reuh thlarh thung.

Ka pheikhawk bawm a Fila sneakers var lawk lampang chu lachhuakin ka khai a, ka pindan kawngka lam ka pan chu min rawn zui ve vat.

Pindan kawngka ka hawnga thawm dim fahran hian ka pen chhuak ṭham ṭham a. Ka ṭhiannu thawm dim lo lutuk chu hawiletin ka khap leh rih ṭhin. A mize harhvang lutuk hi anih ka ring ber thawm dim athiam lo danah.

Living room thim deuh ṭhiap chu kan paltlanga, kawngka bulah pheikhawk ka intawlh zui mawlh mawlh bawk.

Kan gate pawn kan thlenin ka awm dawm chungin ka thaw chhuak ham ham mai. Ka nuin ka chhuak ru tih hria se zawng a sa pap pap viau ang. An hriat miah lova kan letleh ala ngai dawn cheu.

"Kan let har thei lovang" ti sepin ka kalsan nghal nal nal. Ka inhak chhah vak loh vang nge vawt ka ti nghal riau bawk a. Ka hnar hmawr a hit nghal vek mai. Christmas boruak hnaih tawh vang ani pakhat bawk a.