سوالف عل الحلوه والمره

{ طريق الجنه }

الزحف الحسيني 🏴
جاي افكر واكول شنو مكانة الزوار عند أمامي ابا عبد الله (ع) ، شنو تقيم تعبهم الي راح يبذلوه لخاطر هل المشي نحو نحر الامام !
احير واكول شكد همه محظوظين ، وشكد سعوا لحتى يتوفقون ويكونون من مشاية ابا عبد الله ، لان كلنا نعرف مو اي بشر يتسهل عليه ان يكون مناصر لهل القضيه ! هذا الشي يختاره مولاي ابا عبدلله لزواره وينكتب اسمائهم بسجل حبيب ابن مضاهر .
المشي باتجاه ابا عبدلله ، لا تعتبروه تضيع وكت ، لا تضنون الي يمشي ماعنده غايه ! غايته ويا الحسين ودوم ما ينرد الي ينخي امامه .
السير باتجاه كربلاء ، طرييق صعب و عل گد ما متعب راح تلگه الابتسامه بوجه كل زاير ، وتلگه سنه عن سنه النسبه تتزايد 📉 ، ومن تمشي راح تلگه الخيرر تارس كل سفره بالمواكب ، وراح تشوف الخدام يتنومسون بخدمتك من شيبتهم لحد اصغر الطفل الي عمره اربع سنوات او اقل ، تلگاه شايل صينيه " جاي " ويرحب بيك اباب كل موكب ،وماكو احلى من الصوت القصايد واللطميات من تسمعها من كل جهة ، ومن تمشي عل يمنتك راح تلگه زاير شايل رايه ومتوكل لابا عبدلله (ع)وبعينه ابو فاضل (ع)، ومن يسرتك راح تلگه زايره هلكانه تعب وقسواة الشمس ، وتمشي وتواسي السيدة زينب ، ف السلام على الحسين ، وعلى علي ابن الحسين ، وعلى اولاد الحسين ، وعلى اصحاب الحسين