' كاتبه لومي درناويه '
.
كانت تبحت ايمين ويسار وقلبها شوي ويوقف من خووف وكانت ف مكان غرررريب وف ضي ضعيف
صبت ازهار تبحت وبصوت واطي: ف حد هناا
قعدت تلمس ف روحهاا وتقرص تشوف هل تحلم او لا
ازهار تبحت وقعدت تعيط : ساعدووووونييي مفيش حد يسمع فياااا ي ناااااس ساعدوووني
قعدت خايفه وبدت تقرا ف معوذات وتبكي من خوووف سكتت شوي وحست بشي ساااخن لفف عليهااا كأن راجل بطول ف عرض حضنهاا من ظهرها وكان سااخن ويهمس ف وذنها :كنك سكتي انا نعشق صوتك لما تقري ف قرآن
ازهار مرتبكه وخاايفه: ووين قاعده نا ومن انتاا شن تبي مني وراسك خليني نمشي
همس اخره ف وذنهاا وبصوته يالي يخووف: ههه انتي ف حوشي وانا يالي توا نترجاااك ونبوس ايديك وكرعيك عشقاااا عشن تقعدي فحوشي انا اندير المستحيييل ع خاطرك وعشن تقعدي ليااا ي ازهار
ازهار خااايفه مووووت منه ومن صوته يالي كلهاا نااار وقعدت تقول ف علقها ( ياربي ساعدني كيف بنهرب توااا)
قطعها بصوته: هههه متخفيش ياروحي انا مستحيل نضرك انا ماسك روحي طووول سنين هذين عشان ماتلمسك بسوئ ي ازهار ( وبصوت فيه عصبيه) ولا خليت حد من جنس ادم يجي يقربك ونا حيي
ازهار خايفه بصوت مرتبك: انت مستحيل تلمسني بسوء او تضرني صح؟
وهو بزفير : انا نعترفلك اني نعشقكك ونحبكك وانا مشش كيف جنس ادم يالي يتطفلون ويتسلون ولا يشعرون بقيمت الحب والعشق وانا سيبت صحبتك ف وقت يالي انتي طلبتي مني اني نسيبها لاني انا مستحيل نرفضلك طلب ي ازهار لاني نعشقكك ولا نبي حد ياخذك مني🖤
ازهار خااايفه مووت ومتوتره: اا انا نووعدك انني مستحيل انتزوج بس وراسك خليني نمشي لاني نخاااف من مكانات مضلمه
همس ف وذنها: متخفيش مني ياروحي
وهو قرب منها اكثر وهي رعشت منه ومن لمست ايديت وا ورفع اصبعع للنهايه دار: شوفي انا ولعت الوناسه عشن متخافيش
ازهار عيوونهاا شلال دمووع: انت شكلك ماتبيش تسيبني صح
قرب شفايفه اكثثثثر ع وذن ازهار وهي غمضت عيونهاا من خووف وقلبها شوي ويوقف منه: انا نبيك تحسي بيااا ي ازهار كنت نمووت ونا نشوف فيكي ونراقب فيك كل ليله ومنقدرش نلمسك
ازهار قعدت تبكي من خوف وهو معدلش عليها وقعد يحكي : حاولت كم مرع نبي نخش احلامك بس مقدرتش وجربت نبي نلمسك خفت نضرك او اي شي بس هذا كله كنت نبيك تعرفي ان ف جن من عالم الثاني يعشقكك ويعشق كل تفاصيلك وكل يوم نتمنى من لله انك تكوني ليااا ومعاي انا انحبك ي ازهار
ازهار قعدت تفتح ف عيونهاا بشويش وشافت الشيخ قدامها
الشيخ: حمدلله انك وعيتي يابنيتي متحسي ف شي??
ازهار صبت مفجوعه وقعدت تبحت ايمين ويسار وعرفت انها ردت للواقع وبحتت ف شيخ : وين هاجر ??
شيخ ثاني: متخفيش عليها راهي كويسه بس مشش متذكره شي من يالي صار واختها عطتها مهدئ عشن تريح شوي بس انتي وين رحتي وشن دار فيك الجن ??
ازهار صبت :شي وشكرا ليكم ولله
وطلعت بدوون اي ردت فعل وطلعت للشقتها كانت تعبانه بكل وسكرت باب وتمدد ع مرقدهاا
وهي راقده وكانت بروحها ومفيش ولا صوت غير صوت نفسها نين بعدين سمعت صووت انفاااس معاها ف دار 😳 وحست ان حرارت جسمها رقييت وخافت وبصوت خايف: من انتااا وشن تبي مني بزبط
وقطعها صوت بنت: اسفه مكنتش نبي نخوفك انا بس كنت نبي ندور ع بنت نصاحبهاا وبصدفه لقيت دوامه وخشيت فيها لقيت روحي عندك هنا همم توافقي نكونو صحبات
ازهار حطت ايديها ع وجهااا: اخخ نكرهاا دوامه يالي تجيبكم لياا
بحتت فيها البنت : همم مكنتش متوقعه انه حيجي يوم ونصاحب بنت من بشرر كنا نشوف فيكم وف كل شي ديروه وانكم ماتشوفوش فينا ولا تسمعونا ولا تحسو بينا
ازهار بعصبيه: هظا بختي الاسود اني قعدت نشوف فيكم
سكتت اشوي وقعدت تفكر تقول للروحها ( ياريت نلقاا حد يفهمني وميدرنيش مجنونه)
ازهار تنهدت وبحت ف بنت: همم خلاص موافقه ان نكونو صحبات
البنت ابتسمت وقعمزت جنبهاا: تمام وياريت تحكيلي قصتك كيف تقدري تشوفي فينا وتسمعي فينا
ازهار ضحكت: هههه قصتي طوويله بجد يعني تبي تسمعيها
البنت: اكيييد اهاا بنسمعهاا
ازهار صبت تبي تغير دبشها: بهي بس توا اطلعي خليني نغير دبشي
البنت ضحكت: هههههه توا نطلع انا وقولي للباقي يطلعو اخره
ازهار بعصبيه : اخخ بهي بسم لله ( وغيرت دبشها )
البنت: متخفيش اني منشوفش فيك
ازهار سكتت وكملت دبشهاا ومشيت قعمزت ع مرقدهاا وكانت ساخنه مسكت ريموت متاع مكيف
ازهار بحتت ف بنت: ممكن نولع مكيف لان حنموت من حراره
بنت ابتسمت: ههه عادي شغلي واصلا نحنا هكي ف عز الشتاء سخانين وقلت ندفيك شوي ههههه
ابتسمت ازهار: هههه ولا يهمك اصلا حته كان يومي تعبب وشغل واخره انا بروحي ليا زمان تقريبا خمس سنين ماقعمزت وحكيت مع بنت من عالم ثاني
بنت بحتت ف ازهار بعيونها حمرر: احكيلي ع يومك
ازهار تمددت ع مرقد ورقدا ع ظهرها : توا نحكيلك قصتي من بدايه بس قوليلي شن اسمك
البنت تمددت جنب ازهار: اسمي رزان وانتي
ازهار: اسمي ازهار انا
رزان: اسمك حلوو
🖇💕كاتبه لومي درناويه💕🖇
ازهار تنهدت: شكرا ... وعمري 22سنه وليوم كان اخر يوم ف امتحانات كلية صيدله ومن بخت محضرتش الامتحان كله من الجني
رزان صبت وبحتت فيها: مكنتش نعرف انك دايره علاقه مع جنسنا
ازهار: هف انا قتلك توا نحكيلك قصتي من بدايه اسمعي كان عمري خمس سنين كنت نلعب ف داري بالالعاب يالي يجب فيهن لياا بابا من سفر متاعه ونا نلعب شفت واحد يخووف بجد ركبني الرعب منه ومشيت نبكي للامي ومشيت للامي نوريها الراجل يالي كان مصبي ف زواية داري ويغمزلي بعيونه الحمر دمي وكان فيهو شرارت نار كنت نبكي صرلي روعب كنت اسبوع بشكل هذا نبكي ومروعبه منه وكنت نرقد ف حضن ماما كل ليله نبكي ونرعش ونين مره سئلتني ماما قالتلي شن تشوفي ي بنتي فتحت اعيوني نبحت لقيته يبحت فيااا ومعصبب كأنه مايبنيش نحكي للماما عليه او ع موصفاته وقلت للماما مفيش حاجه مفيش شي ونبكي من خووف وبعدها مشيت للاختي كبيره عشن تعطيني شوكلاطه كنت نقول ممكن نعطيه شوكلاطه ممكن يسيبني
رزان قعدت تضحك : هههههههه
ازهار ابتسمت: كنت بنت صغيره
رزان قعدت تضحك وازهار عصبت: هههه اسفه خلاص اهو سكتت هههه بس مقدرتش نمسك روحي تعطيه شوكلاطه عشن يبعد عليك ههههه
رزان سكتتت وعيونهااا ولعن ناااار وبصوت معصب: شنن جابك انت هنااا 🔥
ازهاار صبت مرعوبهه: شن صار مع من تحكي😳🔥
رزان بحتت ف ازهار : متخفيش
صبت رزان قدام رجل طول ف عرض وكان كله نار وا واضح عليه انه معصب للدرجه لا توتصف وقالت رزان: خليني بروحي راني معصبه منك
قال شيطان بعصبيه وصوت يخووف وغليظ وشد يد رزان بقوو : هياا تمشي معاي بنحكي معاكي بسس مش قدام انسيه
رزان بحتت ف ازهار: لازم نمشي نا توا نجيك مره اخره عشن نكملو القصه ( واختفيت مع شيطان)
ازهار مرعوبه وماصدقت انها نسيت ماضي لما كان ف بعض من جنون يضرو فيهاا
ازهار ابتسمت وقعدت تحكي مع روحها: كان ف منهم يالي طيبين زي البنت هذي وف منهن يالي اشرار ويعقو فياا
تنهدت ارهار: اخخخ ياريت لو نرقد يوم كامل بيش نتريح من وجيج هذاا
حاول انها تبي ترقد بس مصار شي مشيت دور ف حبت منوم عشن ترقدها وهي اصلا كانت تاخذ فيهن عشن تقدر ترقد وقعدت دور عليهن ولقت حبه وخذتها ومشت جابت كاس ميه وجت تبي تاخذه ومره وحده بوووم يدف الكاس بقوو من يدها ويطيح ع لرض ويتسكر
ازهار من خوووف عيطت بصووت عالي وترعش وخرت نين طاحت ع مرقد من خوف : شنن تبي مني سيبني
ويظهر البطل الجن هنعلي🤤😂🔥
رماح يبحت ف ازهار وتنهد: دوائ هذا مشش كويس لكي ونا منبكش تاخذيه لانه توا يضرك ( وبحت ف يد ازهار لاقها تنزف دم وبصوته عالي ) يدك تنزف فدم
ازهار ترعش منه ومن صوته العالي وقعدت مصدومه تبحت فيه
رماح قرب منها: ف شن تبحتي ي هبلا قتلك يدك تنزف
ازهار بحتت ف يدها يالي تنزف بقووو وعررم دم منهاا مشيت تجرري لاحمام وحطت يدها تحت ميه وقعدت تنعل وتسب فيه ف سرهاا
وهو يجي يقرب منهاا وحط راسه ع كتفها جنب وذنها وهي جسمها سخن منه: سمعتك وانتي تسبي فياا ومانبيش نحاسبك لاني انا غلطان اسف ياروحي سامحيني
ازهار معدلتش عليه وخذت منديل وقعدت تربط فين فيدها عشن يوقف النزيف وتمددت ع مرقدها تبي ترقد
رماح قرب منها: ماتبيش تسامحيني ??
ازهار تقلبت وعطاته بظهرها: مسامحتك بس خليني نرقد
رماح قرب منها وحضنهاا وهي طشه ف حضنه لان هو ضخم ازهار قعدت ترعش من خووف وحرارت جسمها ارتفعت منه وقعدت بدون حركه
رماح رفع شعرها من خدها وذنها لفوق وقرب ع وذنها وبهدوء: هشش عليش الخووف هذا كله متخفيش مني انا مستحيل نظرك بس نبي نشم عطرك
ازهار عقدت حواجبه بحت فيه: بس مشش دايره عطر??
رماح ابتسم وبصوت هادي: كل انسان عنده رائحه مميزه تفوح من مسامته وانتي ( تنهد بعشششقق) ريحت جلدك تخليني ننـتعشششش 🔥
ازهار حست بقشعريره بشعور غريب وهو يهمس ويتنهد
كاتبه لومي: تخيلن ي بنات انتن بدال ازهار هنعلي ههه🥺😂🔥
رماح عجبه ضعف ازهار من كلامه وقطعاته ازهار بكلامها: بهي وانتو عندكم ريحه مميزه او لا??
رماح ضحك: ههههه لا لان ريحت النار وحده اما انتو من طين واكيد ريحتكم مختلفه لان يختلف عن تكوينهاا
ازهار: اول مره نمسع بيها معلومه هادي
ازهار بدون اي انذار قعدت تثاوب وتفتح وتسكر ف عيونها نين خذاها نووم وسيبت الجني رماح وراها ويتأمل فيها بعشقق وخشش صوابعه بين خصلات شعر ازهار ويتامل فيها وهي راقده وقعد يقرا عليها ف آيات
كاتبه لومي: هنعلي نا وخلاص من رماح😭😂🔥
ف الصبح وعيت ع صوت باب يالي يدق بقوو 😳 قعدت ف مرقدها ثواني تتذكر وين هي وشن صار 😂💔 وبعدها تذكرت بحتت جنبها وملقتش رماح ?? عرفت انه مشاا
صبت فتحت باب وفرحت لما شافت امها وبوها واختها كبيره
وحضنتها امها واختهااا من شووووق ورياااف
اخت ازهار خشت للشقه وبحتت ملقتش حد ?? وشقهت: ويين صحباتك ي ازهار معقوله قاعده بروحك😳😳
ازهار بلعت ريقها بصعوبه: صحباتي كملن امتحاناتهن من يومين وروحن كل وحده للحوشها
امها شقهت: معقوله صحباتك كملن وانتي لك يومين قاعده بروحك ومتقوليش للحد😳
ازهار مرتبكه: متخفيش ي ماما مانبيش نخوفكم عليا
امها مصدقكتش كلام بنتهاا وقعدت تبحت ف ازهار بعصبيه
ازهار تنهدت وبحتت ف بوها يالي مصبي ويبحت فيهاا بدون كلام
ازهار نفخت: هف ما انتو عارفين اني ف كليه العمليه وهم ف كليه نظريه يعني اكيد لازم يكملو قبلي
ازهار وصفت للصاله: خشو قعمزو عليش مصبين ع باب هك
اب ازهار ( مجدي) : هيا وتي دبشك عشن نروحو
ام ازهار ( زينب) : اي هيا بوكي ليوم بيدرلنا غداء برا وبعدها نروحو للحوشنا
ازهار قلبهاا قعد يدق بسرعه ومعش عرفت شن تقوللهم هل تقوللهم انها محظرتش امتحانات وهي تبي تقدم اعتذار للجامعه عشن محضرتش امتحانات وقررت تحكي للاهلها
ازهار قعمزت بحزن ومتوتره : نبي نقولكم
بحتو فيهاا وبوها ابتسم: هه كنت عارف انك تخفي علينا حاجه احكي
ازهار بحتت ف بوها وبعدين نزلت راسها: انا مقدرتش نمشي للمتحانات اخيره يالي امس
امها واختها ( نرمين) وبوها قعد مصدوم شوي وبعد رد بحت فيها وقعمز جبنها: ازهار احكي كنك شن صار معاكي
ازهار وعيونهاا دمووع: اسفه منقدرش نحكي بس ولله الموضوع كان ضروري ومقدرتش
زينب امها صبت وجت قدامها وكانت خايفه انه بنتها ترد ع مرضها زمان وقعدت تبحت ف وج بنتهاا وقالت بعصبيه : عارفه لو ماتبيش تحكي يالي صار معاكي امس ويالي خلاكي دمري مستقبلك وربي نكسر اعظامك ونظربك طريحه عمرك ماشفتيهاا ي ازهار
ازهار بحتت ف امها تبكي: وراسك ي ماما صدقيني
امها قعدت تبحت فيهاا بنظرات تهديد وبوها مقعمز يراجي فيها تحكي ونرمين مقعمزه وتبحت ف اختها
ازهار بحتت فيهم وتنهدت: توا نحكيلكم بس بعدها نبيكم توعدوني انكم معش نردو نحكو فيها سيرت هذي بهي
كلهم ....#يتبع توقعاتكم حلقه جايه🔥
رايكم بحلقة ليوم في كومنت ومتنسوش الفوت❤
#كــتابات لـــومي الـدرنـاويه🥺💔❤
أنت تقرأ
عاشقي من عالم الجن
Actionروايتي الجديده تحكي على واحد من عالم الجن حب بنت من جنس ادم رواية مشوقه وغامضه والناس الي خايفه ننصحكم متخافوش لانها مش مرعبه زي ما متوقعين❤ للكاتبه لومي درناويه
