عاشقي من عالم الجن

البـــــــــ2ــــارت

" عاشقي من عالم الجن " ( بارت 2 )
' كاتبه لومي درناويه '
.
ازهار مقعمزه تبحت ف هلها وخايفه وتبي تحكي يالي صار معاها وبدت تحكي ...
وعيت الصبح شفت لقيتها ساعه 6صبح تنهدت براحه عشن خلاص اخر يوم ف امتحانات وعيت فرحانه عشن اخر يوم ودرت دوش وبعد طلعت وكنت نلبس سمعت صوت باب يطق استغربت ??? بحتت ف ساعه كانت سته ونص من يالي جا ع صبح هذ ??? مشيت شور باب بشويش نسمع ?? مفيش صوت وملقتش حد?? وبعدها جيت بنرد ويفجعني صوت باب يطق بقووو قلبي طاااح من خووف
ازهار خايفه ومتوتره قعدت ورا باب : ممن ??
سمعت صوت بنت معمرهاش سمعاته: افتحي باب ي ازهار
كنت خايفه ومنها كملتها عايشه ف روعب وخلاص وقعدت ورا باب : بس من انتي ??
البنت : انا ريم اخت هاجر
ازهار تفكر ف عقلها وقالت شن تبي اختها فهالوقت¿¿ ونا واختها عندنا امتحانات فتحت باب وانصدمت لما شافت ريم اخت هاجر وخوف واضح ف وجهااا واختها هاجر مصبيه جثه ومفيش ولا نقطت دم ف وجها قاعد ابيييض مفيش دم
خفت من منظر صحبتي هاجر كيف قاعد وقتلهن : تفضلن خشن
وخشن معاي وريم قعمزت اختها ونا كنت نتجانب اني نشوف وج هاجر لانه كان يخووف
ريم بصوت واطي : ازهار تعالي
وجيت معاها: شن صاير وكنهاا هاجر??
ريم نهارت قعدت تبكي: اني حنكيلك ي ازهار بس وراسك قدري موقفي وتعالي معانا للحوش تواا ضروري
ازهار فتحت عيونها مصدومه : بس عندنا امتحانات
ريم شدت ايدين ازهار وتبكي: وراسك ي ازهار هو مايبيش حد غيرك
ازهار بصدمه: منن هو 😳😳
ريم بخوف وتوتر: وراسك توا نوعدك اني توا نحكيلك بس وراسك هياا امشي معاي
ازهار قعدت تبحت ف منظر صحبتها يالي وجها مش مزبوط وكان صاير معاها حاجه وانصدمت بـ يالي حكتلي بيه ريم
نرمين اختها: قالتلك ريم ??
ازهار: قالت ان هاجر ساكنها جن وهي قبل يوم كانت معاي وجوها تمام وبعد طلعت وسيبتني روحت للحوشها وحته رنيت عليها نبي نطمن عليها مردتش علياا وقالت ريم اول ماروحت مني وهي قعدت بروحها وحته شكلها غير طبيعي وشكلها وجهاا وحته جت ريم قالت تبي تطمن عليها قالت دفتني بقوو نين طحت وقالت بصوت يخووف ورجولي ومش صوتهاا متلمسنيش ي حقييره وتغيرن لون اعيونهاا وقعدن بيض وقالتلي توا نخليك تتمنى فمووت وقعدت تهدد ف ريم وقالت كل مايخشو عليهاا تبقا تسب فيهم وتنعلل ونش بصوتهاا وامها تبكي ع حالتها وكلمو لها شيخ وشيخ يطلع يجري شليط ويعيط يقول منقدرش عليه بروحي اهلها خافوو من وضعهاا وقررو يجيو ثلاث شيوخ معروفين
وقالت ريم قعدنا انا وماما وبابا وخوتي فصاله ونبحتو ف هاجر وهي بحتت فيااا وقالي: نبي ازهار
ريم خايفه: ككيف عليش ??
رماح يعيط بصوت عالي ورجولي : نفذيي كلامي وانتي مسكره راسك🔥
وشيوخ من خووف اجمدوو ف مكانهم من خوف ودنيا منقلبه من غضب رماح 🔥🔥
ريم مشت تجررري تلبس ف عبايتها وف رمشت عين شافت زول يخوف وف نفس لحظه شافت اخته😳🔥 : توا نمشي معاكي
ريم متوتره: بب باهي
وقعدت ريم تبكي وتتجدا فياا : واهو جيتك وخايفه وراسك متخلينيش معاه
ازهار خافت وجت تبي تفتح باب دار وتمشي تلبس عبايتها وتلقا ف وجها هاجر ومبتسمه وجها يخوف وبصوت رجولي : مطوليش عليا يعيوني
وكان صوته فيه صداه وكنت مرعوبه منه بجد لان شكل شكل صحبتي وصوت كان صوت رجولي يخوف ومشيت وهو ضحك وراها واني ميته من خوف
ولبست ومشينا ونحنا نمشو كان يضحك بصوت واطي وانا وريم قعدنا خيفات ومسكات ف بعضنا من خووف وهي كانت تمشي وعيونها البيض لقدام متبحتش لا يمين ولا يسار كان جامده وتخوف وصلنا للشقه ورقينا للدروج وفتحت ريم الباب وخشيت شفت اهلها وثلاث رجاله كبار ف العمر ومقعمزين بشكل غريب حسيت بدم نشف من جلدي
وهاجر اعيونها انقلبن من ابيض للحمرر وبصوتها العالي ورجولي: من جاا برجاله هذوووم
وغمزو ثلاث شيوخ للبعض وا وصفو ان نخشو للدار ونسكرو ع رواحنا كويسس واهل هاجر خشو للدار وا وراهم ريم وازهار
وجن يالي ف هاجر يعيط بصووت عالي: ننبييييي ازهاااااار
وشقه تبقااا تنهز وكانه زلزال قووووي صار
اني شديت ف باب وبحتت فيه ويبحت فياا بعيونه يالي كلهن نااار وحمررر يخوفن: اززهاار لازم تمشي معاي
فكيت يدي ومشيت شور ورا شيوخ ومعاي ريم خيفات
وجن قعمز ع كرسي وعيونه يالي نار يبحتن فيااا : انا مانبيش نضركم عطوني ازهار وحنسيبكم 🔥
ازهار ميته من خووف: ......
واحد من شيوخ: باهي بس شن اسمك ??
الجن: اسمي رماح
وقعدو شيوخ يقرو ف ايات لله نين رماح هدائ شوي وبحتو فيه عشن يسئلو اخره : شن هي ديانتك ي رماح
رماح: انا مسلم وحافظ كتاب لله
ازهار تتنفس بصعوبه وتحكي ف عقلها ( واضح انه ميكذبش للان ايات متأذيش فيه )
شيخ ثاني: مدام انت مسلم وعارف ان شي هذا يالي دير فيه يغضب لله
رماح ابتسم ع طرف فمه وبحت ف ازهار: هه نحبها ومنقدرش نبعد عليهاا
قطعه شيخ: هذاا محرم ولا يجوز
رماح بعيون هاحر قعدن لونهن حمررر وعصب: انت متفهمش 🔥
شيخ ثالث: شي هذا حرام مدام تحبها عليش دير فيها شي هذا وتعذب فيها
رماح: انا منحبش هاجر ونقدر توا نطلع منها لاني مانبيهاش
شيخ اول: معناتها تحب من??
رماح يبحت فيااا واني قلبي يدق بسرعه وشوي يطلع من مكانه 🔥🔥
رماح بصوته رجولي: انا نحب ازهار
شيخ اول: وعلاش لابس هاجر ???
ازهار بحتت ف شيخ بعصبيه: كنك تحرش فيه عليااا تبيه يلبسني ولا شن
وجن رماح يبقاا يضحك بصوته ونحنا قعدنا خايفين وقال: لو نقدر راهو لابسها من زمان
شيخ ثالث: اسمع ي رماح اطلع من البنت المسكينه هذي وعدي روح للعشيرتك لانك اكيد عارف ان شي هذا محرم ولا يجوز
رماح بحت فيهن بعصبيه : انتووو متفهمووووش اني مشش طالع منها نين تمشي معاي ازهار شوي نبي نحكي معاكي ي ازهار لومي درناويه
ازهار صبت من مكانها بعصبيه: لااا مانبيش نسمع فكوني من جنون هذاااا
وازهار مصبيه تبي تطلع جن ف رمشت عين صبااا قعد قدامها وشد ع يدهاا بقوووو: منكش ماشيه للمكان🔥
ازهار وجعتها يدها نين عيونها دمعن تبتكي: اطلق يدي راك توجع فياا
رماح طلق يدها: اسف
وصبو ثلاث شيوخ ف وجه: اطلع من جسمها بدون هرجه
رماح بصوت هادي: انا منقدرش نين توافق هيا
شيخ اول: شي هذا لا يجووز
رماخ بصوت رجولي عصبي وهادي: انا نعشقهاا من زماان ومع هذا منقدرش اني نلمسها او نلبسهاا عشن هي ديما حاصنه روحهاا وتتوضى ومنقدرش نجي ف احلامها نين هيا تحس بياا
انا مكنتش مصدقه يعني جن يعشقني للهدرجه ?? وهو كأنه يقرا ف تفكيري
وقال: اها اني نعشقكك ي ازهار ومنقدرش نعيش بلاكي
هزيت راسي بنفي وقتله: لااا هذا لا يجوز ولو انت تحبني سيبها وسيبني خليناا ف حالناااا
وف لحظه هذي طاحت هاجر بطولهاا مغمى عليهاا رد دم للجلدها وبرمو عليها شيووخ واني قعدت ف مكاني ونحمد ف ربي وشفنا حالت هاجر وطمنا عليهاا وهي توا كويسه
اب ازهار ( مجدي ) : هذا يالي صار ?? وانتهت كل حاجه ببساطه هذي ??
ازهار بثقه: اها وشوف اهو انا قدامكم ومافياا شي
ازهار تنهدت مع انها حتلهم قصه يالي صارت فشقت اهل هاجر ومحكتش انها مشيت للحوش رماح وع بنت يالي تقابلت معاها فليل خير واجد يالي تحملاته من جنون ايام وهي صغيره قعدت ساكته واهلها قعدو ساكتين?
نرمين: بهي البنت هاجر كانت تعرف بقصتك زمان يعني عليش جاتك انتي الوحيده بزبط من بين كل بنات ??
ازهار: نرمين انا محكتيش قصتي للحد وخير واجد يالي صار معايا زمان اما توا خلاااص حمدلله شفيت حته شيوخ قالو هكي كاتبه لومي درناويه
نرمين قعدت تبحت ف اختهاا وهي عندها احساس ان اختها مخبيه حاجه لان موضوع مستحيل ينتهي هكي ?? قعدت ساكته وقعدت تغير ف موضوع: بهي شن حديري ف امتحاناتك 
ازهاار تنهدت وبطفوليه: منعررفش شن ندير توا نمشي للجامعه ونعرفو شن يصير
نرمين: خلاص هيا البسي وتوا نمشي معاكي
ازهار خشت للدارها تتنهد وقلبها شبه متريح لانها حكتلهم وهم صدقو بموضوع
وهلها قلوبهم موجوعه ع حالت بنتهم يالي ابتليت هكي💔
🔥🖇كتابات لومي درناويه🖇🔥
ازهار غيرت دبشها وقبل ماتطلع من دارها حست بيه وقالت بهمس: بعد عني يكفي يالي جاني منك
رماح: نبي نمشي معاكي عشن نصلح اخطائي
ازهار بحتت فيه بعصبيه: تسحبني هبلااا اني عارفتك انت خترت اخر يوم ف امتحاناتي بلعاني عشن نقعد معاك هناا بس انت مش عارف هلي وتوا ياخذوني وتوا يريح مستقبليي وكله منك
رماح ابتسم بعفويه: ههه وعليش ندير فيها بلعاني هههه تسحبيني عشن منقدرش نحلقكك ف كل مكان ولا شن ههه تي انا ف كل مكان معاكي ولله الموضوع جا بصدفه ومدرتهاش بلعاني وانا نوعدك اني توا نساعدك
ازهار بعصبيه: شكرااا مانبيش مساعدتك
رماح قرررب منهااا وهي رعشت من قربه لهاا وقعدت تتنفس بسرعه وهو قال بهمس ف وذنها : تصدقي لو قتلك ان شرطي هذا مفكرتش فيه غير توا
ازهار غمضت عيونهاا وهي متوتره وقلبها يدق بسرعه: انا قتلك شكرا مانبيش مساعدتك سيبني خليني نطلع للاهلي قبل ماتصير مصيبه اخره ع روسناا
رماح بعد عنها ومبتسم: حاضر بس حنكون قريب منك ولو تبيني اني قاعد وبعدها توا توافقي وحتنفذي شرطي
ازهار تنهدت ورماح اختفى ف رمشت عين ازهار فتحت باب وتلقاا ف وجها نرمين تبحت فيها
نرمين: مع من تحكي ?
ازهار بتوتر: كنت نقرا ف شوي ايات وانتي عارفه اني نقرا ف ايات من زمان
نرمين سكتت شوي وقالت: بهي هياا نمشو
ازهار تتنهد وتدعي ف سرها ان يمشي اليوم هذا كله ع خير
ازهار قعدت تمشي مع اختهاا وغارقه ف تفكير يعني كيف انقلبت حياتهااا هكي راس ع عقب وقعدت تتذكر ف رماح وهو ايام كان يحارص فيهاا ف شقه ويعترف بحبه لهاا وهو لا يعلم انها تشوف فيه وتسمع فيه كل ليله يقوللها ف كلام العشق ولما يكمل يبقاا يقرا عليها ف ايات قران واذكار حته ترقد او نين يشوفها تغمض في عيونها
ابتسمت ازهار لا إراديه وهي تتذكر رماح لما يجيها وقت الفجر يودع فيها وعشن يجي ف يوم ثاني واختفيت بسمتها لما تذكرت رزان لان رزان تسحب ان ازهار تسمع فيها وتحس بيها ومتعلمش انها تشوف فيهااا 
نرمين قطعتها: انا عارفه انك مزلتي ماشفيتي
ازهار عقدت حواجبها: شن تقصدي ??
نرمين: ازهار انا اختك وانتي عارفه شن نقصد لو ماتبيش تخوفي بابا وماما عليكي احكيلي انا وتوا نساعدك
نرمين شدت كتوف اختها: انا عارفه انك مزلتي تشوفي وتسمعي فيهم ي ازهار
ازهار قعدت تبكي تحكي بس كالعاده مستحيل تفهمها ولا تفهم مشاعرها ومسكت ايدين نرمين: اختي هيا نمشو طولنا
نرمين عاقده حواجبها وتبحت ف ازهار ومشيت
ازهار تمشي وراها ويجي يقرب رماح من وذنها ويهمس حته ازهار رعشت : ع شن كانت تقصد اختك كذا قوليلي ??
ازهار شدت راسها وبعصبيه: هفف لله ينعلك ي نرمين
رماح عقد حواجبه: الحقيني للحمام تواا
ازهار بحتت ف نرمين : توا نجيك نبي حمام وتوا نجيك ف غرفة شؤون
ومشيت ازهار سيبت اختها نرمين معصبه وتفكر فيها لانها مزالت عارفه ان ازهار مزالت تسمع فيهن وتشوف فيهم وهي اكيد عارفه ان دارت معاهم صحبه بس هل من ممكن ان ازهار تحب حد منهم ?? لا لا مستحيل
نرمين تشد راسها: هفف ساهله توا نعرف شن يصير معاكي ي ازهار عاجل وغير اجل ( ومشيت للدار شؤون)
ازهار خشت حمام: شني تبي
رماح قرب منهاا: كنتي تسمعي فيااا وتشوفي فيا من قبل
ازهار بعصبيه: وهاا شن مشكله
رماح: يعني كنتي تخدعي فيااا وانتي عرفتني اني نعشقكك وتسمعي فياا كل ليله وانتي عارفه بعشقي وحبي ومع هذا كله ماحكيتيش حررف ( وعصبب وعيونه انحرمن وينفخ ف لهب من فمه🔥 ) سنين كنت نعيش معاكي ومانبيش نقربك ولا نلمسك لاني نخاف عليكي كنت نراجي فيكي ترقدي عشن نكلمك وانتي كنتي تسمعي وتشوفي فياا
هي كانت متعوده ع عصبيتهم وضرهم لهاا بسس خوفها زي توا من رماح معمرهاش خافت بشكل هذا وهو كان معصب وشد ع كتوفها بقووو وهي كأن حد ماسك خنجر ويطعن فيها بشويش وعيوونها قعدن شلال دمووع
رماح رد للطبيعته فطن للروحه: اسفف ي ازهار
ازهار تبكي وقطعهم صوت باب ازهار مشحت دموعها ورفعت راسها تبي تبحت ف رماح بس اختفى
فتحت باب ولقت بنت معصبه: ي ابله هذا مشش حمامكم عشن طولي هكي
ازهار عيونهاا دموع وحزينه بكل ومشيت سيبت البنت يالي تسب وتنعل
ازهار مشيت للدار شؤون وقعمزت جنب اختها نرمين
استاذ: عليش محضرتيش امتحانات ي ازهار
نرمين: انا قتلك ي استاذ كانت مريضه
استاذ: صاح كنتي مريضه ??
ازهار كانت ف عالم ثاني وهزت راسها بمعنى اهاا
استاذ: بس انا نشوف فيك بخير وبصحه
نرمين: اها ليوم ماشاءلله اما امس كانت مريضه بكل حته دكتور جاها فلحوش وا كتبلها علاج دواء وليوم حمدلله
استاذ عقد حواجبه : بس كلامك مفيش عليه دليل اسف وتوا تحددلك اللجنه شن ديري بس حـ ينخفض مستواك نهائي
نرمين صبت وتترجا فيه: وراسك ي استاذ ساعدنا ولله ان ازهار ماشاءلله عليها بنت مجتهده وملتزمه وانت اكيدد عارفها من سنين يالي فاتت ساعدنا
استاذ داير روحه مشغول ويبحت ف ارواق: قتلك اسف منقدرش يلا اطلعي
نرمين عصببتت وبحتت ف ازهار يالي شارده ف عالم ثاني مسكت يد ازهار بقوو وصبتهاا وبحتت ف استاذ بعصبيه وبصوت عالي: توا نشكي فيكم عميد الجامعه ونوريكم باااه يالي مافيكمش ذرت انسانيه ولا عقللل
وطلعت وسكرت باب بقووو واستاذ مصدوم منهاا 😳😂
مشيت معصبه وتسب وتنعل وشاده ازهار من يدهاا
وجت تبي تخش غرفت العميد بس وقفت قدام السكستيره
نرمين بعصبيه: نبي نشوف العميد لوسمحتي
بحتت فيها سكستيره يالي هي ف العمر 40سنه : موضوع ضروري ?? كاتبه لومي درناويه
نرمين بعصبيه: الموضوع ضروري وقوليله الدكتوره نرمين تبي مقابلتك
ابله مها صبت: حاضر ي دكتوره
طقت باب وخشت ع العميد يـالي هو ف نفس عمرها من شهور ( نعرفكم بـ العميد مالك عمره 41سنه صح هو كبير شوي ف العمر بس ملامحه وشكله يوضحلك انه شاب ف بداية عمره ف 30سنه بجسمه رياضي وعضلاته مفتولا وا وجه بملامح الرجوليه خشنه ونظراته الحاده ثاقبه ويلبس ف بدلات انيقه وكأنه بجسمه وبشرته السمراء بس من الاخير مالك رااجل وسيم هنعلي🤤🔥 )
لما خشت عليه مها هو بحت فيها وقال: شن هرجه يالي برا ??
مها : ف بنت برا معصبه بكل وشوي وتضرب ومعاها بنت اخره سرحانه زي درويشه??
مالك ضحك ع طرف فمه وبحت ف ساعته : ههه خشيهن لعشر دقايق قبل مايبدا اجتماع الاستاذه
مها: تمام
طلعت مها واشرتلهن انهن يخشن خشت نرمين معصبه وبملامحه غاضبه ومعاها ازهار يالي ف عالم ثاني سرحانه بسس تغيرن ملامح وج نرمين من غاضبه للصدمه انصدمت لما شافاته متوقعتش ف بالها انه يكوون هووو مستحيل😳😳?
مالك ملامح وجه تغيرن بـ صدمه وقـال بـتعجب : نرمين؟؟
نرمين تبحت فيه ويد ماسكه فيها ازهار وثانيه مسحت بيها دمعه نزلت من عينهاا لما شافاته
وقعدت نرمين توخر بشويش نين طلعت تجرري
ازهار تجري وراها: بشويش ي نرمين كنك شوي ونطيح نرمين
ومالك يجري وراهن بسرعه وا وقف قدامها وبكلامه
مالك: وقفي ي نرمين لياا ثلاث سنين ندور عليكي
نرمين منزله راسها وبهدوء: لوسمحت بعد من طريقي
مالك: بس اسمعيني ولهي تعذبت كاتبه لومي درناويه
نرمين بعيياط: قتلك بعددد من طريقي
مالك بعد من طريقها وملامح الحزن ف وجه
وازهار تبحت فيهم ومستغربه شن صاير ومن هذا ??
ومشين نرمين وازهار للسياره ونرمين نهااارت بكاااء وقهرر ع دومان سياره نين تعيط بصوت عالي من بكااء وازهار تبحت فيها ومستغربه تراجي فيها تهدء
ازهار : كنك وشن قصته العميد جامعه??
نرمين تمسح ف خشمها وعيونهاا يالي متورمات: بهي توا نحكيلك يوم اخره
ازهار عقدت حواجبها: لااا احكي تواا
نرمين بحزن: ازهار خليهاا توا كاتبه لومي درناويه
ازهار مسكت مفتاح سياره وطمراته: انلاا احكي توا مش متحركين من مكان هذا نين تحكي
نرمين قعدت تبحت ف ازهار وتتذكر قصه يالي صارت من ثلاث سنين وهي تحاول نتساها وتكذب ع روحها انها متحباش بسس لما شافاته عرفت انها مزالت تحبه وكل كلام يالي قالته انه متحباش وهكي كله كذب وهم هي مزالت تحبه مع انه هو خدعها وكذب عليها وهي كانت تحبه ومهوسه بيه وهذا كله سبب انها ماتبيش تتزوج وهي عمرها توا تجاوز 30سنه ماتبيش تتزوج عشانه هوو وقعدت مكمله حياتها من غيره عشن مقدرتش تحب راجل اخره كيف ماحبااته
نرمين بحتت ف اختها يالي تبحت فيها تراجي فيها تحكي
نرمين تنهدت بشويش: اه كانت اول سنه ليا ف جامعه كنت مع صحباتي ندورو ع كليتنا كنا نضحكو ونلعبو جونا سمح نين واخيراا لقينا كليتنا متعت صيدله وقعدنا نسئلو ع وقت محاضرتنا وهكي وجدولنا نين لقينا هرجه بين طلبه وطلبات وسئلت وحده قتلها انتي ف اي سنه قالت ف سنه اولى صيدله وعندي محاضره قولي بسرعه قتلها من امته بادين قالت من اسبوعين قتلها محاضره ضروريه للهدرجه قالت اهااا ومشت تجري ونا وصحباتي وراها عشن نحظرو محاضره وخشينا وكانت زحمه وقعدنا مصبيات مع يالي مصبين وخش استاذ مالك شاب ف ثلاثين من عمره وكان وسيم وحته مكنتش نعرف انه هو من يبي يعطينا محاضره وحته بحتت ف بنات لقيتهن ذيبات فيه من وسامته وشخصيته قويه ولما بحتت فيه جت عيني ف عينه وهن عقد حواجبه فياا وقعد مره مره يبحت فياا وهو يعطي ف محاضره نين بعد ما انتهيت محاضره طلعنا انا وصحباتي نحكو حسيت بيد مسكتني بحتت بعصبيه لقيته هو مالك بحت فيها وقالي اسف وعداا مرت اول سنه وهو مبحتش فيااا بكل كان يتجنب تبحيت فياا حته لما نسئل ف مادع يبقاا يبعد ف عيونه من علياا نين تجي سنه ثانيه لقيه يبحت فيااا ويقرب مني بأي طريقه كان يبي يوصلني نين تجي سنه ثالثه جاني اعترف بحبه لياا . كاتبه لومي درناويه
نرمين تنهدت وهي مغمضه عيوونهااا ودموعها نزلن وقلبها ينغز فيهااا : واتفقنا اني وياه بعد نكمل امتحاناتي سمستر اول يجي يتقدملي رسمي وف اخر يوم امتحانات تلاقينا ف كافي عشن هو يحددلي موعد يالي حيجني فيه عشن يطلبني وبعدها جا صاحبه وهو صباا يشوفه ويردلي وكان تلفونه ع طوله يضوي بحتت فيه ترددت واجد عشن نشوف من يرن عليه بس قلت شي عادي توا لما يجي نقوله من يرن عليك شي عادي مسكت تلفون وبحتت لقيته نغمت منبه وشفت خلفيت بنت تشبهلي نسخ لصق تشبهلي كأنها انا بس دبشها كان مختلف بحتت ف تاريخ لقيته نفس التاريخ ليوم قبل سبع سنين 💔💔
نرمين قعدت دور ع ميه وشربت منهاا وبعصبيه: اخخ وجاني مالك وشافني ماسكه تلفون ومصدومه من بنت يالي تشبهلي كأن دم يالي جسمه كله قعد ف عيوونه وقالي بعصبيه وعياط من قالك اقرببي تلفوني ورديت عليه بنفس عصبيه قتله هذي منن وهو مردش علياا قعد يعيط ف كافي حته كل ناس قعدت تبحت فيناا انا انحررجت بكل ودموع تجمعن ف عيوني وسيبته مشيت نبكي وهو شد يدي وقالي اسف حبي اني فكيت يدي وهو قالي بعياط سلوى متسيبنيش اخره اني انهز جسمي وقتله اسمي نرمين مش سلوى وروحت للحوش نبكي منهاره وكنت متجاهله رسائله واعتذاره الوهمي وكل اتصالاته ونبكي منهاره اخخ لووومي درناويه
ازهار: ومن سلوى هذي ??
نرمين بهدوئ ; هذي قريبته وتزوجو بعضهم بعد قصته حب من طفوله وبعدها بسنه من زواجهم توفت سلوى من مرض وكانت صدمه للمالك وبعدها سافر برا بلاد وحصل ع شهادع الماجستير عشن يكون عميد للجامعت الكليه وبتحديد كلية صيدليتنا
نرمين سكتت وتبكي بصدمت : ...
ازهار: كملييي
نرمين: مالك ماحبنيش ي ازهار كان يحب سلوى مهوس بيها حته كل كلامه وكل قصائد كانن للسلوى مشش لياا كان يسحبني سلوى 💔
نرمين مدت يدها للازهار: مديلي مفتاح سياره خلينا نمشو
ازهار مبتش تغط ع اختها اكثر وتعرف شن صار عطتها مفتاح وهي ساكته ولما روحن اقنعن امهن وبوهن انهن توا يديرن امتحانات للازهار وهكي بيش يوافقو وهن كل وحده بعدها خشت للدارها خاصه
بس مع ازهار كانت القصه مختلفه
ازهار قعمزت ع مرقد وبحتت جنبها شافت رزان تبحت فيها بعصبيع وغضبب وعيونهاا يطلعن منهن نار لهب
ازهار جسمها ترعشش وخافت: ووه فجعتيني
رزان بعصبيه: معناتها كنتي تشوفي فياا حته نااا تكذبي علينا لما قلتي نحس بيكم وانتي تشوفي فيناا🔥
ازهار عقدت حواجبها: ومن قال اني منشوفش فيكي ونا بديت نحكيلك ف قصتي ونا عمري خمس سنين
رزان هديت وردن لون اعيونها بيض: همم خلاص فوتي موضوع بس فتره هذي كلها مع من كنتي تحكي وانتي كنتي متجاهله الموضوع وساكته عليه
ازهار تنهدت وتمددت ع مرقد : هفف مانبيش اصلا موضوه ينتشر وهلي ينضرو
رزان تمددت جنبها: بهي كملي قصتك
ازهار بحتت فيها: لا توا نديرو اتفاق يوم تحكي انتي ويوم نحكي ونا حكيت مره يالي فاتت توا دورك احكيلي من يالي جاك معصب هذاك كاتبه لومي درناويه
رزان ضحكت: ههههه بهي توا نحكيلك بس مسئلتنيش كيف عرفت انك تشوفي فينااا ??
ازهار فتحت عيونهاا وصبت بحتت فيها: صااح من قال اني نقدر نشوفكم 😳😳
بس ف لمح البصر ازهار قلبها كأنه وقف من رعب وخوف لما شافاته مصبي ورا رزان وكيف عاقد حواجبه وكان كله ناار وعيونه لهبببببب نااااار جهنم ازهار ماتتت من منظر يالي يجيب الشلل حته لسانههااا مقدرتش تحركه تحكي😳💔...
#يتبع......💛
توقعاتكم لحلقه اليوم في كومنت ومتنسوش الفوت