((باي ذنب قتلت))

حلقه 6

بقلمي(زهره ال علي

لا سلاماً على أولئك الذين جعلوك تخاف القُرب وتهرب منه الذين تَركوك في عُزلة و عَتمة بلا ضَي لا سلامًا على أولئك الذين زَرعوا الخُذلان بك.

هيه كالت هيج وجسمي كله ارتعش وصارت رجفه جسمي

ام عبد الله: يع خاله بيچ شي

غوشت الدنيا بعيني كمت مااركز علئ المره

ام عبد الله: يمه دجيله شنهي سالفتچ

دجله: لا عمه زوينه مابيه شي..

ام عبد الله :كواكه

دجله: اي كواكه

ام عبد الله: يمه الله يجعل الجن نصيب احسن من نصيبها چا شنهي يمه الراضيه بي والراضي بيچ حت لو خيمه اتضلين مرتاحه وفريحانه شنهي الي يعرفنه شنهو السبب الشيخ خطب بنت بدويه والله العظيم لو اهيسنه مصيوغه من ذهب مااچيبنها لوليداتي

دجله: خليتها ومشيت دخلت لدارنه ولاكتني امي...

ام دجله: ياصلوات شفتي يمه بنت بدويه خطبها الشيخ الابنه الچبير

دجله: اهيسن نار تنفخ مني جسمي كله احتر ويمره بكلبي

ام دجله: اشبيچ يمه

دجله: كلت يمه بس مااسيطرت علئ دموعي بسرعه طاحن

ام دجله: يووووو اشبيچ يمه شتحيسهن الصبح يحليلج

دجله: تعيبانه اهيسن روحي مدري

شمرت روحي بحضنها وذبيت ثكل جسمي عليها مااكدرتلي كعدت علئ ركبي وخليت راسي بحضنها وابچي بصوت عالي

ابو دجله: اعوذ باالله شبيها بنتج

ام دجله: ياعيني والله مااعرفن اشبيها

ابو دجله: بووويه دجوله باوعيني

دجله: مارفعت راسي اصرخ بعلو صوتي

ابو دجله: خوذيها للرفه منا الوادم لا تسمعه

اخذتني تسحل بيه مااكدرن

ام دجله: يمه كومي معاي عاونيني والله تراهي كاضي حيلي

دجله: ابجي واشهكن كوه كلت يمه اغديلج فدوة خليني بحضنك لا تهيني

ام دجله: يمه اشبيچ بس حاچيني

دجله: تعييييبانه والله تعيبانه

ام دجله: يمه منين تعيبانه هسه مشيتي من يمي مثل الوريده

دجله: يمه فدوة اغديلچ لا تحاچيني بس تعيبانه

ابو دجله: اخافن البت دايسه

ام دجله: وين ادوسن الارضي كلها طاهره والبساتين نضيفه

ابو دجله: مشيت البستان المغرب ماهي زينه وبنتچ وي اللاذان طلعت اخافن طلع الها چني من اللزرع