موجودة !
-يعني اي !
-يعني هبدأ انسحب واحدة واحدة زي ما دخلت واحدة واحدة ، حياتك و حياتي هتكون افضل بكتير و احنا بعيد
- ده مش حل !
-ده انسب حل
-انتي عارفة تعيشي يومك !
-هتعود
-من غيري !
-و من غيري '
يوم ورا التاني كلامنا بيقل يوم ورا التاني تفاصيله معايا بتقل يوم ورا التاني العلاقة بقت سطحية عبارة عن اخبارك اي ! بخير ، وحشني وحشني حتي و انا بكلمه
" وحشتني نفسي معاه " مش قادرة انسي حبه ولا وجوده و لا تفاصيلي وياه مش قادرة اتأقلم ع انه مش موجود ، كنت بقوم ع كوابيس كل يوم و اقوم اعيط اني ياسين مش معايا عشان يهديني ، كبريائي منعني كتير ادخل اقوله محتجاك ! مش عارفة اقرب من حد انت اقربهم ليا !
ازاي الايام خلقت بينا سور كده كنت متابعة كل كتاباته و بشجعه العلاقة لسه بينا بكل ود و احترام وهو بيدخل يباركلي ع نجاحي او ع اي حاجه لها مناسبة ، وحشني ، وحشني فوق الوصف .
صوت الجسمي في الخلفية بيقول :-
" الغالي بيفضل غالي و انت بقلبك معاه "
بعد ست شهور
استنوني في حلقة النهاردة ل برنامج ****الساعة 7
اول ما شوفتله البوست ده قلبي فرح و كان نفسي ادخل اقوله فخور انك حققت الخطوة ال كنت بتتمناها و اقوله مبروك لكن مقدرتش مش من حقي دلوقتي ، استنيت البرنامج بفارغ الصبر و اخيرا هشوفه هشوف ضحكته و هسمع صوته و كلامه .
البرنامج بدأ و المذيعة كانت بتقول مقدمة عنه و عن نجاحه الباهر في الكتابات الاخيرة لقيت الكاميرا جات ناحيته قلبي دق و ارتجفت و سناني جزت ، مبتسم ولابس كلاسيك و قاعد برزانة بدأ يتكلم كنت حاسة ان صوته بيعزف لحن صوته كان وحشني زيه تماما .
-استاذ ياسين احد متابعينك بعتو كتير للبرنامج و عايزين يعرفوا اي اسم رواياتك الجديدة !
ضحك بحب - مُوٰج
قمت من مكاني و قفت و قلبي دق اكتر و قربت ع التلفزيون
- و اي سبب اختيارك الاسم ده !
-لانه اسم اكتر انسانة قلبي حبها
المذيعة ضحكت - دي مفاجأة للفانز خصوصا للبنات
- الاهم ان هي ال تعرف ب كده !
-هي متعرفش انك بتحبها !
- لاني معرفتش قيمة وجودها غير ببُعدها في مقولة بتقول " البعُد يزيد بعض الاشياء جمالا " بُعدها عرفني اني حياتي ملهاش اي معني من غيرها ، ان الفرص بتيجي مرة واحده و هي كانت اعظم فرصة ضاعت من ايدي ، ايامي كلها شبه بعض تفاصيلها وحشتني ، يومي بيخلص من غير ما احس بإنجاز يمكن الانجاز الوحيد ال كنت بحس بيه لما اعرف اخليها تضحك بعد عياطها ، لما اعرف اطمنها وقت خوفها ، لما تنجح بمجموع كويس ، لما اشوفها دايما منورة و بتضحك انا كل مواصفاتي في بطلة رواياتي كانت هي هي بلغبطتها و بغيومها وقت عصبيتها ب ربيعها وقت فرحها ، وحشني اسم بحر منها لانها الوحيدة ال كانت بتميزني بإسم محدش بيقوله غيرها ، حياتي عباره عن هي ، انا عمري ما كنت اتوقع اني اقع الوقعة دي لا و ايه وقعت و قلبي راضي كمان ، انا بحب البيست فريند ، انا بحب موج "
كنت بسمعه و انا عايزة ادخل جوا الشاشة كده احضنه هو ليه مش قدامي في اللحظة دي ، قلبي حساه بيرقص من الفرحة بحر بيحبني رايحة جاية بضحك بصوت عالي و بتنطنط ع الكراسي حاسة اني عايزة اطير و احضنه دلوقتي هو مش جانبي ليه عشان احضنه لا مش مصدقة ، بحر بيحبني !!!
- دي حاجه لطيفة جدا منك يا استاذ ياسين و ...
-قبل ما اللقاء ينتهي عايزة اقولها ان باب شقتها هيخبط دلوقتي بعتلها ورد و اهلي مستنين برا الاستديو عشان نروح نتقدملها ، بعد خروجي من الاستديو .
الجرس بيرن قمت افتح
وقفني صوته في البرنامج و هو بيضحك و بيقول :-
- بنت متنسيش الطرحة ♥
" هناكَ جزءً صغير في يسار صدري قد أرهقته أوراق الخريف فَ جِئت انت لتسكنه و تلونت الاوراق ببهجة ربيعك "
#أسميته_بحر
رأيكم يهمني جدا ، الشير بيفرح ، و متنسوش تكتبوا لي اقتباسات عجبتكم من الاسكريبت ، دمتم جيش عظيم ♥
الروايه خلصت😁❤❤
أنت تقرأ
اسميته بحر ... كامله💓💘
Short Storyكان مجرد هاتف قديم لا قيمه له بالنسبه لاي أحد ولكن هي لا كان كل يومها يدور حول ذلك الهاتف وما يوجد به ، هو كاتب و هي مجرد قارئه كانت الكتب المشترك بينهما يمكن اعتبار انه الطريق لالتقائهما فأصبح الطريق لحبهما💜🔥❄⚡ روايه هتحبوها عاديه جدا بس تحفه انا...
