هلوووو
شمس / بعد مااطلع مهاجر من الغرفه رحت يم امي ومرت عمي ضلان يحجن عليه انتي متخافين تفتريت ومهاجر هنا سمعت عماتج يحجن عليج مالي خلك لمشاكل روحي لغرفتج ولاطلعين بعد اني اعرف عماتي ميسكتن ولازم يحجن وامي ومرت عمي يخافن عليه لان ابوي وعمي لو يشوفون او يسمعون شي ميرحموني اعصاب فااني رحت للغرفه كبل بوجهي للجربايه كعدت اقلم اضافري فسمعت الباب انفتح رفعت راسي وجان اشوف مهاجر اني خاتله منه شكو جاي ما ادري باوعتله ورجعت اقلم اضافري مدرتله بال جان
مهاجر/ بعد مدورت البيت مشفتهه رحت لغرفتهه لكيتهه دتقلم اضافرهه باوعتلي بعصبيه وحقد حسيت بيهه شي احد مضوجهه فشفت سيف لزمته وعفته ع ركبتهه وكتلهه اذبحج هسه هم باوعتلي ودارت وجهه وكلتلي اطلع لاتلح كافي محبوسه اهنا من وراك اني ضجت وطلعت
شمس/ جان لزم لسيف لي ع الحايط ديكور يعني
يكلي خن اذبحج اني باوعتله مستغربه من تصرفه هذا كتله اني محبوسه من وراك اهنا كافي لاتلح حسيته ضاج وطلع بعد مااطلع اجت اختي فطومه تكلي امشي اهناك يم البنات وعماتي وكلهه كاعده كتله ومهاجر وين كالت راح نام كتلهه اي واخيراً
اكدر اتنفس هسه يله امشي جان طلعت كعدت يمهم
كعدنه نسولف جان ابوي يكلي كومي سوي جاي بابا
دخلت للبيت اسوي جاي ملكيت جداحه اشغل لطباخ فرحت لعمي جان هوه لوحيد الي يدخن كلي روحي تلكيهه بغرفه الضيوف فرحت اني دخلت شفت مهاجر نايم توترت وخفت ادخل بس دخلت ومشغلت الضوه لان نايم وعفت لباب مفتوح ما اعرف ليش 😂😂لمهم رحت دامشي وجان ادوس ع رجله وافززه ههههههههههه طبعاً والله
بالغلط لان متوتره جان يباوعلي بتعجب ورفع حاجبه جان اني من الخوف اخذت لجداحه وكتله بابا علي دزني اخذ لجداحه اسفه بلغلط جان يكلي شيفيد الاسف اني خليت وطلعت لمهم سويت لجاي ورحت نمت لان تعبانه كلش جهزنه فراش للخطار ودخلت للغرفه ذبيت نفسي كعدت ب10 تريكت وطلعت انضف الحديقه مااادري بمهاجر ديشرب ناركيله بره عبالي بعده نايم بس هوه وجهه بلجهاز مشغول مشافني فااني بلشت انضف اجت بنت عمتي حوراء اساعدني لمهم كملنه بس نرشلهه مي جان اجيب حوراء سطل متروس مي جان اسمع مهاجر يكلله لا خطيه الجو بارد لتفتت جان اشوف حوراء بيدهه سطل مي رشته عليه النذله جان اني ضليت واكفه بس سبحتني الحقيره كتلهه ياابنت الذينه كفرو جان ضل يضحك مهاجر ودخل للبيت
مهاجر/ كعدت لصبح تريكت ويه خالي وطلع للدوام
اني وره مطلع رحت اجهز لنركيله طلعت بالحديقه حته ادخن جان اشوف شمس فسويت نفسي مشغول بالجهاز ومكنك ومشايفهه واني فاتح كامره حته اشوفهه شفتهه دتنضف وحدهه فاراسلت حوراء كتلله تطلع وياهه لان الحديقه جبيره اخاف تتعب اجت حوراء تنضف وياهه جان كتلهه ليش هيج شمس تكنس وانتي واكفه فكلتلي شنو تخاف عليهه خاف يجي التراب لوجهه ودخلت جوه اني كلت شبيهه هاي جان تطلع ولازمه سطل بي مي اني
عرفت حترشه ع شمس فكلتلهه لا خطيه لجو بارد شفت شمس لتفتت خطيه منضرهه لهسه بالي انصدمت بس ضحكتني من كلتلهه بنت الذين كفرو دخلت للبيت نعست مدري ليش فرحت لمي كلتلهه نعست كالت روح نام بغرفه خالك علي محد بيهه
اني رحت نمت
شمس/ بعد مااسبحت بملابسي رحت اغيرهن غيرتهم ورحت المطبخ شفت مرت عمي محتاره تطبخ تنضف اشيل بتهه عمرهه 6 اشهر فا كتلهه انطينياهه اني انومهه هسه كلتلي المميه مالتهه فارغه وجوعانه تلكين لمميه بكاروكهه فرحت ابدللهه ملابسهه بغرفه خواتهه جان اجت حوراء لزمتني من يدي وكفتني كبال غرفت بابا علي ((الي هوه عمي))
وفتحت الباب وشغلت الضوه جان اشوف مهاجر كاعد يباوعلي صفن بيه اني تفاجئت مجنت متوقعته اهنا خليتهه وحدهه واكفه ونهزمت رحت البنت عمي
اذكرت مرت عمي كالت جوعانه فرحت اجيب لمميه والحليب وشايلتهه بيدي سويت لمميه وطلعت هوه نايم لان ابد محاس فنامت بنت عمي رحت اخليهه ابكاروكهه دخلت ع كيف حطيتهه بكاروكهه جان اشوف مهاجر نايم نومت الطفل شكد حلوه ملامحه مدري ليش هيج فكرت فز واني صافنه بي جان يكلي شمس شلونج اني اهنا .........
مهاجر/.....
بااااااااي
اريد تفاعل
(( الكاتبه رونق الرائدي))
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
