للكاتبه بتول العيداني
ارجو التصويت وترقبوا كل جديد
♡♡♡♡♡
رند. مرت الايام وضع مخلد صار أحسن وشالو الجبس من رجله وأيده هم زينه يكدر شويه يحركها بس أوضاع العراق لا خطف الناشطيين وقتل صار بلاش ويوم يجر بيوم والعراق انطه هوايه شهداء إلى بيوم يمكن العراقيين مراح ينسونه2019/11/29 استقاله عادل عبد المهدي جان يوم أكثر من رائع للعراقيين وجنه كولنه فرحانين حيل ومخلد راح للساحات اصدقائه اجوي واراح وياهم أجت رنين بس جانت حركاتها حيل غريبه مااعرف شنو تسوي ترش مي وتذب رماد باب غرفتنا اني سكتت كلت يجوز تعاند مرت ايام وأجت جنت يوم نايمه بحضن مخلد وهو يلعب بشعري
مخلد.أكولج حبي شنو رائيج نتزوج
رند.طفرت من مكاني جذاب
مخلد ولله
رند.لعدمو متزوجين
مخلد. لا قصدي نسوي عرس
رند.شلون نتزوج وأخوك وانتم شيوخ وكذا
مخلد.عادي اخويه راح الدار حقه واصلا أبويه وجدي اقترحو هذا الشي
رند.اوك بس يمته
مخلد.يوم 1/1 شنو رائيج
رند.هسه احنه بشهر ١٢ وين نلحك
مخلد.لا عيوني نلحك انتي راح أوديج باجر لأهلج انطيج فلوس وتجهزين نفسج واني اشتري غرفه وهاا ولاتخافيين عرسنه راح يكون بالقاعه
رند.مشكور يا احلى مخلد《 وبسته بخده》
مخلد.هاا عيني ليش تتحارشين بيه خليني اخليج سالمه منا للعرس
رند.هههههه 《ضحكت بدلع》
مخلد.احتركو عشيرتي على هاي الضحكه
رند.ههه يلا خلي نام
مخلد.عمي نام ليش لا
رند.نمنه
كعدت الصبح الساعه سبعه أريد اكوم ماكوو
رند.مخلد مخلدوو لك كوووم
مخلد.اممم خليني أنام 《بنعاس》ودفن رأسه بركبتي
رند.يلا حبيبي كوم ياعمري مو ورانه روحه
مخلد.أكوم بس بشرط
رند.شنو شرطك
مخلد.اريد بوسه
رند.اوك بس أكعد
مخلد. يلا كعدت
رند.بسته بخده وشردت واسمعه يغلط كملت سبح وطلعت بدلت جنت لابسه بينصل بنفسجي وشال لون وردي وصخ《او وردي فاتح 》ومكياج خفيف طلعت اخبل نزلت جوه وهو لكيته يتريك
رند.ليش متانيتني😧😧
مخلد.😐😐😐
رند.اوووف😠😠
صعد فوك وشويه ونزل كاشخ كشخه اله بشده سلمت على الكل والحجبه فاطمه ونوره يبجون ودعتهم وطلعنه الساعه 9 تقريبا وهو طول الطريق مشغل اغنيه محمد فارس 《الزفه》ويدندن وياها واني اباوعله وابتسم وصلنه لهلي وجان اشوف ابن إجه يركض حضني وظل يبجي
محمد.شلونج رند يابعد كلبي شخبارج《محمد ابن عم رند جان يحبها وهيه رافضته ومن راحت فصليه ظل يبجي ويعيط فمن شافهه ماسيطر على روحهه وحضنها》
رند.ظليت امتمت أباوع على مخلد الشرار يطاير من عيونه دفعته بهدوء
رند.بعد محمد اني حاليا مره متز قاطعني صوت مخلد ومااشوف غير هجم عليه
مخلد.لك عاررر ساااقط شلون تحضن مرتي كدامي شنو أني مكرن واكف هنااا ونزل دك بوكسيات عليه شوه وجهه الولد
رند.كااااافي مخلد لميت علينا المنطقه بالكوه يلا وخر عنه
رند.يلا أمشي ندخل《طبعا بالكوه يلا قنعت مخلد يدخل كال يوم العرس يلا》 دخلنه جوه واني نسيت مخلد ونسيت حتى روحي دخلت لماما لكيتها تكنس ركضت حضنتها من وره وهيه تفاجئت من جيتي
الام.يمه رنوده يابعد كلبي وتبوس بيها
رند.يعمري انتي شلونج كلبي 《وبستها بأيدها وراسها》
الام.الحمدلله انتي شلونج أخبارج شلونه
رند.الحمدلله يوم بابا وين وهاا كافي بجي
اجو اخواني أبوسهم وأبجي وهما هم يبجون لان صار هوايه من شفتهم تقريبا 4 اشهر
رحنه كعدنه بالديوانيه شويه وسمعت باب ابيت انفتح ركضت ودخل بابا حضني وظل يبجي وهاي ثاني مره اشوف بابا يبجي واني ابجي دخل سلمت عليه وهاي دخل على مخلد وسلم واعتذر وفتح موضوع العرس وهاي وابويه وافق شويه وكام مخلد
مخلد. يلا احنه نرفع الزحمه
الاب.بعد وكت ياابني ظل للغده
مخلد.ولله عمي وراي هواي شغل لان العرس مابقاله شي بس ١٨ يوم
رند.سلم على اهلي وعليه انطاني فلوس باسني براسي وراح والعصر اجوي عمامي وكعده حلوه ثاني يوم إجه مخلد رحنه للمحكمه لبست فستان أسود تور طبقات كولش حلوو ولبست شال لون وردي وصخ وحذاء كعب وجنطه هماتيين وردي وصخ خليت مكياج خفيف طلعت اخبل رحنه عقدنه ولأن عده معارف خلصنه بسرعه وصرت مرته شرعا وقانونا باركلي وباسني براسي جانت الحجيه فاطمه ويانه ظل تهلهل واني الدنيه ماواسعتني من الفرحه رحنه تغدينه بمطعم ورجعنه الساعه ٣ ونص تلكتنه أمي تلكتني بالهلاهل رحت لغرفتي جنت ميته تعب كبل نمت كعدت الساعه ١٢ تعشيت وصعدت فوك ظليت العب بلموبايل منا لحد ما إذن كمت توضيت وصليت ونمت ثاني يوم كعدت تريكت ورحنه للسوك كملت النواقص واجه يوم الحنه الكل مستعجل هاي الي تسوي جسمها وهاي الي تحف وهاي الي تركص كمت سبحت
♡♡♡♡♡♡
هلوو متابعيني طبعا كولش اسفه جنت طالعه ومكدرت انزل بارت انتظرو باجر بارت العرس وتقريبا القصه بلشت تخلص بس فدووووه التصويت🌟 ولله متخسرون شي احبكم كومه
شنو يعني كومه أريد تعريفها😅😅
