بس كلت مو رأستآ خل اطول شوي علاقتنه علمود لا تحس صارت الساعه 1 وانه كاضيهه غزل وسوالف حب وخطيه هيه مصدكه
كوثر:اول ليله اعيشهه مرتاحه وفرحانه لهل درجه هاشم عيشني بحب اول مره اعيشه بحيث صعدني السابع سمه صارت الساعه 1
-هاشم حبيبي تصبح ؏ خير كلش نعست انه
-وانتي من اهلو حبي
هاشم:راحت كوثر وبقيت انه كاعد وصافن الي جاي اسوي صح لو غلط بس انه نيتي اختبار مو قصدي شي ثاني ولا قصدي ائذيهه
ساعه3 كعد مصطفى
-ها لك حيوان شو كاعد
-ماجاني نوم
-ماجاك نوم لْـۆ دوختك بت خالي(بغمزه)
-طكيته دفره وكتله(دنجب انت يمته تعقل مو كتلك مابينه شي ليش تلح)
-يي يي عمي ضيع السالفه عليه بس اول والتالي اعرف
-شتعرف مصطفى تعرفني اضم عليك
-لا متضم بس الشك قاتل
-دولي ولي كمل نومتك (حجيت وحطيت راسي ؏ لمخده وغطيت راسي) مااحس شوي واجتني دفره..
مصطفى:كعدت لكيت هاشم كاعد وبسابع صفنه بقيت صافن عليه اذا الولد ابد مو خالي عنده شغله
حجيت ويا شويه وحط راسه ؏ لمخده ووصله اشعار رساله هوا مخليه صامت بس الفون يمي
والرساله جانت من.........
كوثر:ردت انام ومجاني نوم كلت اشوف هاشم اذا كاعد اسولف ويا دزيتله حبي كاعد
-يي كاعد
-شعجب بعدك
-ماجاني نوم ونتي شعجب كاعده
-انه هم ماجاني نوم كلت اشوفك
-كوثر اذا اكلج هسه انه مااحبج شتسوين
-انتحر والله شنو ماتحبني
-دنجبي لٱ تحجين هيج اشاقه وياج
-هاشم هسه هاذ هم شقه
-يي انتي مو تحبيني
-يي احبك
-يي اتحمليني
-اكيد اذا مااتحملك اتحملمن
مصطفى:وصل اشعار لهاشم بأسم كوثر عرفت نفسهه بت خالي وكلت لازم اعرف شنو الضامه عليه هاشم وليش هلكد يصفن انه اعرف رمز هاشم فتحت الفون ورديت عليهه
حجينه بعدين سحبتهه بالحجي وكلتلهه انتي تحبيني بحجة تحمليني كلتلهه هيج جاوبت
-يي احبك
هيه كالت احبك وانه 100 حساب اجه براسي معقوله هاي بت خالي زين هاشم صدك يحبهه الاعرفه هاشم مايريد يرتبط
ديلا خل يجي الصبح وانه اشوفه حطيت راسي ؏ لمخده ماتحملت للصبح طكيت هاشم دفره
-لك هاها شبيك وثول طكك كسرتني
-تعال هاشم صدك تحب كوثر
-منيلك هاذ الحجي(حجيت بثكل من النعاس)
-طكيته دفره ثاني (دكوم صحصح شوف شنو هاي)
هاشم: اجتني دفره من مصطفى عطت بي
اشو هاذ كلي صدك صدك تحب كوثر جاوبته بثكل عود اريده يسكت
طكني دفره ثانيه وكال شوف شنو هاي كلت معقوله كوثر كايلتله
باوعتله شفت تلفوني بيده اخذته منه لكيته مراسلهه
-انت منو سمحلك تاخذ الفون بدون اذني
-هاشم انت تحبهه لولا
-وانت شلك علاقه بيهه انه وبت خالي
-ولك شنو مالي علاقه بت خالي تعرف شنو بت خالي
-يي مايخصك لٱ تدخل
-لك هاشم لٱ تلعب ؏ لبنيه ترا صغيره
-اوكف اوكف بس لٱ تطلع تحبهه(حجيت بأستهزاء)
-لك هاشم تأدب شنو احبهه جاي اكلك بت خالي ومااقبلهه بحقهه تلعب عليهه
-وكي عود افكر بكلامك واعوفهه
-هاشم لٱ تسويلك لعبه وي لبنيه ولا صدك مااسامحك
-يي يي مصطفى اعصابك وخليني انام
مصطفى:كعدت هاشم وحجيت ويا عرفته يضحك عليهه وفار دمي ماعرف ليش
بعدين كال خاف تطلع تحبهه
نرفزني اكثر وعصبت عليه
بعدين حط راسه ونام وانه بقيت افكر لازم ابعدهم عن بعض ولازم اوصل لفكره اكوثر انو هاشم مايحبهه
مو خيانة بهاشم بس بت خالي ومثل اختي ولازم ابعدهه عن هاشم لكيت حل لهاي لشغله بس مااعرف اذا تضبط وياي او اذا صدكتني كوثر مااعرف
دزيت رساله لكوثر....
