الغربة

الفصل التاسع

#رواية_الغربة
الحلقة التاسعة 👎

الاء اول ماعرفت أنه فرح حسن حبيبها وقعت من طولها الست صرخت ولمت الستات الموجودة لأن أغلب الرجالة في الفرح
الست : ي لهووووي الحقوني ياناس البنت اغمي عليها
مالك يا بنتي ايه اللي حصل ؟ هاتوا ميه أو ريحه اي حاجة تفوق بيها
جت حماتها من البيت ست كبيرة في السن في عمر الجدة وماسكه بصلة وقالت : اوعي كدا تفوق اسرع
الاء فاقت .. اووف ايه دا ؟ ايه الريحه دي
الست .. دا بصل عشان تفوقي .
الاء .. بصل ايه مانا معايا برفيوم
الست .. مالك ي بنتي فيكي حاجة
فكرتها بسبب الإغماء صرخت فجأة فين عنوان العروسة بسرعة
الست .. ماقولتلك دي بنت عمه وساكنين في الشارع اللي ورانا

الاء .. اه يا كداب ي غشاش والله لافضحك وسط الناس كلها
راحت وناويه علي الشر في الوقت دا كان مفروض حسن يقوم يخرج معالي عشان الناس تغني وترقص معاها شويه قبل ماتروح بيت جوزها دخل الاوضة وهي واقفه بضهرها واول مابصت له ابتسم بشكل مصطنع مش متقبل فكرة جوازه منها خالص بس بيمشي أموره ..
معالي .. ايه ساكت ليه ؟
حسن .. من جمالك الف مبروك ي عروسة
معالي .. ابتسامه عريضة .
حسن … يالا الناس مستنيه القمر يطل عليهم برا
معالي .. من قلبك الكلام دا ؟
حسن .. اكيد

معالي في سرها ..  مش حاسه للاسف برغم أنه كلام لذيذ وانا كان نفسي اسمعه الا اني مش حساك ي ابن عمي
خرجوا والستات زغرطت وبدأت الاغاني والناس تتلف حواليهم بص حسن وهو بيرقص ويحرك دراعه شاف الاء
حسن .. يادي الليلة السودا
تأليف أماني عنان
الاء بتشاور علي دقنها وبتقوله هوريك
حسن اتسحب وخرج بسرعة قابلها قبل ماتدخل البيت سحبها من دراعها وخدها ورا البيت مكان هادئ شوية وبعيد عن الناس
حسن .. انتي ايه اللي جابك هنا ؟
الاء … هههههههههه انت اللي بتسال ،فرح مين دا ي بيه ومالك مبسوط اوي وبترقص
حسن ..هفهمك
الاء .. لا ماتفهمنيش انا عايزا اعرف من العروسة ،بنت عمك مش كدا يعني زيتنا في دقيقنا والكلام القديم دا يعني أنا للمشي معايا وبنت عمك للجواز ي حسن 😔

حسن .. الاء استني انتي فاهمه غلط
الاء بتمشي بسرعة ومصممه تدخل عند معالي
_________ #رواية_الغربة

معز .. الف مبروك ي عروسة
أميرة .. الله يبارك فيك ي حبيبي
معز .. مش مصدق نفسي انك خلاص بقيتي مراتي ؟
أميرة .. الصراحه ولا انا
اتجوزوا عرفي زي ماتفقوا والورقتين مع أميرة معز ساب لها كل حاجة عشان تبقي مطمنه وكمان حط لها في البنك ٢٠٠الف جنية تأمين مستقبلها في الفترة دي كان محمد زوجها الاول باعت لها تقريبا ٥٠الف ومازال بيبعت فلوس كل شهر لكنه مشغول وبخيل في مشاعره واهتمامه بيها ..
معز .. الله بيتك حلو اوووي ذوق الفرش جميل
أميرة بتبص في المكان وتتاكد أنها شالت كل صورها هي ومحمد وخبتها في شنطة كبيرة تحت سريها رمتهم وهي بتقول :
أميرة .. انت اختارت ي محمد ومن حقي انا كمان اختار
قفلت الاكونت اللي جوزها يعرفه وعملت واحد جديد يناسب حياتها الجديدة وغيرت من نفسها لبست احسن لبس وفسح ودلع والحياة فتحت لها أبوابها الحلوة ..
معز ..تعالي نشوف اوضة النوم
أميرة .. في حاجات تانية في الشقة ممكن تشوفها
معز .. بعدين بعدين تعالي بس
أميرة كانت لابسة فستان ابيض سوارية مش منفوش وكانت عامله مكياج بسيط بما انها مفهمه معز أنها مطلقة وماكانش لها حظ في جوازتها الأولي ..
______
محمد بدأ يمل من فكرة أنه محكوم عليه مش حاكم زهق من الأوامر وحس أن الدور دا مش مناسبه خالص ..
خسارة ي محمد محسوب خاين علي الفاضي فاتن دي مستحيل تكون زوجة وأم لعيالي هي آخرها شهرين تلاته وهتطلقني ..

قاعد في الصالة مستني الهانم ترجع رن عليها كنسلت وماردتش فضل قاعد في البيت وكان الآية اتقلبت واتبدلت الأدوار ،خد دور الست وأصبح مغلوب علي أمره
********
حسن واخد الاء وبيحاول يفهمها ويقنعها تسكت عشان الجوازة دي تعدي :

الاء ..  مستحيل اوافق بحاجة زي كدا انت مجنون
حسن .. قولتلك دي وصية ابويا عشان ناخد ميراثنا يعني لازم انفذها
الاء .. مش مهم الفلوس انا مش عايزا حاجة
حسن .. هههههه ياريت كان ينفع لما اجي اتقدم لك اول حاجة هتسهل الموافقه هي الفلوس واملاكي اخواتي ابسط مثال مش هياخدوا جنية غير لو الجوازة دي تمت

الاء .. يعني ايه ؟
حسن ..  يعني تروحي دلوقتي وتسيبي الجوازة تكمل تلت شهور بس وهطلقها

الاء ..  صعب ي حسن انت ماتعرفش احساس الست لما تعرف أن حبيبها مع واحده غيرها بيبقي عامل ازاي ؟ حتي لو مراتك اللي توافق بالوضع دا تبقي ماحبتش اصلا

حسن … واللي تهدم حياة حبيبها وأهله تبقي بتحب !!
الاء .. انت لازم تختار ومن دلوقتي يانا ياالفلوس ي حسن
حسن سكت ومشي دخل الفرح بعد ماتاكد انها مش هنتكلم ،،وقف ثواني في الطرقة ولما شاف الزحمة دخل الحمام وقفل علي نفسه وبدأ يفكر ..
حسن … الاء بتتكلم جد لازم اختار ياهي ي معالي والفلوس ودا قرار صعب جدا جدا علي اي انسان

الاء عرفت الإجابة قعدت علي الارض وسندت علي الحيطة والشجر مخبيها وبدأت في العياط ..
انا عارفه ردك ي حسن من غير ماتقوله انت سكت عشان تبين اني كنت غالية عندك ،شويتين بتعملهم عشان تريح ضميرك 😔😔
قررت تمشي بس قبل ما تمشي بعتت له علي الواتس ..
الاء .. يعني خلاص ي حسن اختارت بنت عمك وفلوس ابوك ؟
حسن .. ايه علاقة فلوس ابويا بمعالي ؟
الاء .. انت بتهزر ولا بتلعب بيا مش انت لسه قايلي أن ابوك كتب وصية مافيش ورث غير بجوازك من معالي
حسن .. سكوت سكوت سكوت
الاء ..  رد
حسن ..
الاء .. ي خسارة بجد انت ماتستاهلش الحب وانا همشي ومش هتشوف وشي تاني ،ماتستغربش اني مشيت من غير مشاكل يمكن عشان حبيتك بجد اتمنيت لك الخير ..

حطت معالي التليفون علي كرسي حسن وبلعت ريقها مع ابتسامه مصطنعه والموسيقي صوتها بيعلي عيونها بتتلفت عليه ومش شايفاه مخها واقف بس قلبها بيقول لها : شوفتي كنت صح احساسي ماكذبش قولت لك صعب يحبك في يوم وليله ماصدقتيش اهو طلعت الليلة دي كلها عشان عمك الكريم هو اللي حبك زي بنته وقرر يسعدك ويطمن عليكي مش اكتر ..

قامت وهي دايخه ،دماغها تقيلة ومشوشه مسكت طرف الفستان وعدت وسط الناس
معالي .. بعد اذنك
عديني كدا
امها .. علي فين ؟
معالي .. ثواني وراجعه

كان عادي يسيبوها العريس كدا كدا مش موجود والفرح علي القد في البيت عشان وفاة عمها يعني مش مدققين مع تحركاتهم اووي ..
دخلت معالي الاوضة واتاخرت رجع حسن وقعد مكانه ومن الملل فتح التليفون يشوف النت وصفحة الفيس ، فتح الواتس وشاف بعض الرسائل من بره
الاء ..  مع السلامة للابد ي حسن
من النهاردة انت ميت
زعل لحظات ولما فتح المحادثة كلها اتصدم
مين اللي رد ؟
اكيد معالي .. ي خبر اسود الله ي خربيتك ي الاء
قام يجري علي اوضتها واول مافتح الباب لقي …
متابعة للاكونت لقراءة باقي الاجزاء وتفاعلوا مع الحلقة للإستمرار في النشر

يتبع
#أماني_عنان