احببت استاذي 💥

Part 1

 الجزء 1 ✳

♋احببت استادي♋

☘ فاطمة الزهراء مبارك☘


حلات عينها في الصباح بكري دورات راسها كتشوف الساعة كتبان ليها 9:30 ويلي ولي تعطلات على المدرسة و هدا اول نهار ليها في القراية لهذه العام نضت بطايرة الطواليط غسلت وجها و لبسات حوايجها و هودات لتحت غير شافتها مامها و هي تبدا ترعرع عليها

الام:ويلي ويلي على بنت الهم يالله فااااااقااات
...(ببتسامة):صباح الخير ماما
الام:تخواي من جنابك نوضي تهزي تفطري دغيا تمشي لقرايتك ا خولة
خولة:واخا ها انا

جلسات كتاكل حتى كتسمع صاحبتها كتغوت في الباب ناضت طلات عليها و غوبشات

خولة :امالنا اديك زرزومية
لبنا:هودي ينعل جد حسك الحمارة يحساب ليا فقتي بكري و عدوزي عليا
خولة:تسناي ها هي هبطة

دخلات الكوزينة و هزات الما شرباتو و خرجات من تما هودات عندها شدات فيها و تمات غادين كي هضرو

لينا:هذه لباس لي انت غادا بيه موحال يخلينا ندخلو الحاريس
خولة:زيدي و سكتي يهضر معايا لما نوريه

الولد:بسسسس بسسس
(خولة دارت عندو)
الولد:فاين الزين منشوفكش
خولة:عقل فيها ا حماقة الا مقلتها لكوتر راه ما نتسماش
حماقة:اودي راك طيرتي ليا العقل شنو ندير
خولة:دار ليك الهم سير تقود
لبنا:اصحبتي مكتهديش او
خولة:زيدي زيدي

وصلو ليسي و دخلو مشادين كي هضرو و يضحكو و لي داز من حداهم يتزلل حيت خولة بنت اجتماعية بزاف و ضحوكية صاحبت المقاليب في المدرسة و البنت او الولد لي جا جديد كتحمقو و كدير ليه احسن استقبال و طبعا بلا منهضرز على الأساتدة بحكم انهم كي قرا في مدرسة خاصة


✴✴✴✴✴✴✴✴
كومنت 

فوووت