احببت استاذي 💥

Part 3

✳ الجزء 3 ✳

♋احببت استادي♋

☘ فاطمة الزهراء مبارك☘

تفتح الباب و ما كي هود غير على رأس المدير لي غير شافوه قرمو عكس خولة لي كتشوف فيه و جبهة دخل مغوبش و عينيه حومر

المدير:شكون لي دار هكدا
صمت
المدير:كنهضر معاكم دويو
صمت
المدير:ادن كلشي مجلس تأديبي بديتو المشاكل من دابا
خولة(هزات صبع يديها الاحترام زعمة)
المدير(دوى بأدب):شنو ابنتي خولة
خولة:الا مجلس تأديبي
المدير:علاش
خولة:حيت عنقولها لعمي سماعيل (هو مول المدرسة)
المدير(سمعها تلون):شنو عتقولي ليه
خولة(بمكر):عنقول ليه بنت مراتك حولوها مجلس تأديبي و هي مضلومة و راك عارف و انا عارفة
المدير:لا لا ا بنتي لا مع هدو
خولة :و اولهم هدو حيت معايا مدارو والو
المدير(شاف فيهم):صافي هذه المرة دوزتها المرة الجاية نعرف شغلي معاكم
خولة(بتسمات حيت ديما هدا الموال ديالو):صافي واخا
المدير:نستوني گاع اه نعرفكم

(دو راسو الباب غوت) :زيد ا استاد سعق
خولة(شافت فيه ضحكات):سعق بقا لينا غير رعد و البرق تكمال الباهية

كلشي ضحك

دخل الاستاد و كي هضر في التيلي و نضاضر لي عينيه قطع و دارو في جيبو شاف في القسم لي مبهوضين فيه و اولهم خولة منين شافتو تلفات على القبلة لكن لي زوين فيها انها مكتبينش دورات راسها لعند لبنا تنغزها لقاتها حالة فمها فيه تنهدات

سعق (شاف في المدير و دور بصوت الرجولي مبحوح و الغليض خلاك حالة فمك):مال و القسم عامر ما
المدير(ببتسامة الصفرة):مديرش فبالك الدراري كي بسطو معايا
سعق(بتشكيك):اوكي

دور راسو كي شوف في تلاميذ و جات عينو على خولة بقا مركز معاها و عاقد غوباشتو

المدير:استاد سعق غدي يخدم معانا هنا و هو لي خدا بلاصة الاستاد لقديم

خولة(ردات لبال لتخنزيرتو و غوبشات):و هذا الاستاد ملقا غير هذه مدراسة رجعو لينا استادنا

(بدات كضرب في الطاولة):بغييينا استادنا بغينا استادنا بغينا استادنا

بقات كضرب و تبعوها التلاميذ حتى من سعق كي شوف فيهم مصدوم شاف فيه المدير

سعق:معمرني شفت شي تلاميد عزاز عليهم الأساتدة ديالهم كبحال هكدا
المدير(ضحك):حيت كان كي حط ليهم النقاط وخى مكدخلش
سعق(غوبش واحد التغوبيشات حيد النضاضر و كي شوف فيهم غوت دي الساعة):جمااااااااع
(الكل سكت)
سعق(بصرامة):يمكن ليك تمشي عنتعرف عليهم بطريقتي
المدير(ضحك):واخا ا سي سعق الله يعاونك عليهم

خرج و سعق شاف فيهم اولهم خولة:انا هو استادكم الجديد زمان الفوضى و صداع الراس مشا زمان النقلة باش نجح مشا و زيدني النقاط باش نجح مشا عندك عتنجح معندكش مشي مشكل عنتلاقاك العام الجاي عندي هانية

غوت :مفهوم

الكل خاااف منو الا ست الحسن :ناااااااعاااااااام
سعق:مزيان ندوزو كل واحد يعرفني براسو نبداو بيك انت

ناض كل واحد كي قدم راسو و واحد بواحد و الحدية حيت فعلا زعزعهم حتى وصل لخولة هزات راسها شافت فيه و ابتسامة مكر في وجها

✴✴✴✴✴✴✴

وااا ناري مكتحشمش 😂😂😂