رحت سلمت علي جنت كولش خجوله اباوع وادنك بس اباوع عليه هوه هم عينه مشالهه مني ابد سلمت علي كتله شلونك امير
امير.. شلونج امونه شلون صحتج دوامج شلونه
اماني.. اااا الحمد االله ااانته شلوونك
امير.. الحمد الله
يمه يمه كلبي راد يوكف طلعت من الستقبال كوله ضليت كاعد بلهول وياهم نسولف ونشاقه عادي بس من يفوت من يمنه تصرفاتي كولهه تتغير وارتبك ما اعرف شسوي بعد
كولكم هسه تكولون منو امير امير ابن عمتي الجبيره اني احبه كولش واحترمه احبه كأخ حيل احب تصرفاته وشخصيته حبه لأخواته خوفه عليهن حيل احبه
خلص اليوم بيت جدو ورجعنه للبيت واني طايره من الفرح لان شفت امير طبعاً سهى متفوتهه فايته اجتني شبيج وشبيج ههههههههه معافتني منا لحد محجيتلهه كولشي
سهى.. اماني خاف تحبي حب
اماني.. لا يمعوده يا حب يا بطيخ كتلج احبه كأخ
سهى.. مو مدتشوفين عيونج من تحجين بي لو يجيبون اسمه عيونج تلمع وتركزين ويا ومن تصيرين يمه ترتبكين ومتعرفين تحجين وتخجلين
اماني.. يمعود شبيج تخبلتي
سهى.. بكيفج بعد
اماني.. هاي مخبله احبه تهي بهي يا حب يا بطيخ خلي اكوم افرش فرشت لهلي نوب النه تلاثته ونمنه وحده بصف الثانيه وخلصت العطله تلفزيون وتنضيف والاحد كعدت الصبح غسلت وبدلت وتريكت وطلعت بلباب انتظر اثمار وجان اشوف عمار 😩 هم كعد بلسياره ويباوعلي اووف شوكت اخلص منه وأخيراً اجتي اثمار العوبه
أثمار.. همزين لگيتج مخلصه امشي نروح
اماني.. يله امشي انتبهت عله عمار من مشيت يله حرك السياره وطلع من فات من يمنه خفف السياره وباوعلي ثواني وطلع كدامنه مدري شيقصد من تصرفاته اوووف ديله خلي يولي مرينه عله عذراء والبنات وطلعنه للمدرسه اول درس جان اسلاميه والبنات مصفطات وكاعدات ههههههههه اني الوحيده لحافضه الدرس ودك الجرس فرصه
مريم.. اااييي وأخيراً دك الجرس تعبت من الدراسه
اماني.. علساس شكد شاطره لخاطر الله اشو مفاتحه الكتاب من بدت المدرسه لهسه
مريم.. نجبي يلشاطره هذاك اليوم ابن عمي درسني ههههههههه واني حته لا ابين ثوله كدامه ركزت ويا وافتهمت الدرس
اماني.. شوفي يعني لو ما ابن عمج جان ضليتي بدون فهم يلفهيمه
عذار.. اماني والله والله عن الشقه شلون تحفضين بسرعه هيج من الله لو تشربين شي
اماني.. اممم مو امي تجيبلي من العطار انواع شرابات حته احفظ الدروس
البنات كولهن عله نفس صوت العباس عليج كولي شنو هوه الشراب
أنت تقرأ
لم يكن بيدي شيئ
Teen Fictionليتني لم اقترب من الحب يوماً ليتني لم آراك ليتني لم اقع في حبك القصه تتحدث عن عائله تكثر فيها البنات وكل بنت قصه تختلف عن الاخرا ونفتح الباب على عائله جواد
