الاسلام حياتي❤

كلام من قلبي إليكم❤

مرحب كيف حالكم اكيده مكسدين👍❤ تعالو نستفيدو.!?

مجهول...؟  شن موضوعنا اليوم يا مارية❤؟
مارية....؟لحظه وتوا تعرفي ركزي اعليا❤

حبيباتي في بنات هلبا نعرفهم اني شن ايديرو ايقولولي يلي في خطرنا بنديرو كيف هكي؟
تمام توا انقوللكم كيف...!:?
************************************************************
تلبس في اللي خاطرها فيه، شيء ضيق وشي سروال مرفوع وخلخال، وميك أب وعطور وكعب وتتمشى في الجامعة والمحلات وتقول نحب نهتم بنفسي ونلبس لروحي ..

والله روحك هدي في مصيبة عظيمة !
🍁تعرفي أنتي مرات تمشي وتروحي ولا على بالك ..
في شاب شافك وفتنتيه وهو مش قادر يتزوج، روح قعد يتفرج على مقطع إباحي والسبب #أنتِ والذنب في #رقبتك

🍁في شاب ثاني عاكسك وشافك وفصلك طرف طرف، و حصل ذنوب جبال والسبب #أنتِ والذنب في #رقبتك

🍁في بنت ثانية تجاهد في روحها ومتحجبة وتقاوم في الفتن، شافاتك ودبشك وحركاتك روحت متضايقة وتنكدت وتقول حتى أنا بنلبس هكي والسبب #أنتِ والذنب في #رقبتك

🍁في بنت ثانية شافاتك وقلت أنا لو نلبس نقعد أحلى منها، وقعدت تقلد فيك وتلبس في الضيق وتمكيج والسبب #أنتِ والذنب في #رقبتك

🍁وفي راجل متزوج شافك وقال هدي وين واللي عندي في الحوش وين ، وروح فتح الفيس وبدأ يدير في علاقات وأسرته بدت تدمر والسبب #أنتِ والذنب في #رقبتك

هادو أمثلة بس، بس صدقيني كل ما تطلعي في ناس حتتأثر بيك وكله في رقبتك ، الموضوع مش ساهل بكل والذنوب بإستمرار !!🍁

طبعاً في اللي تفكر توا وتقول اني شنو دخلني الشباب خيرهم ما يغضوش بصرهم والبنات شكلهم على سبلة ..🍁

نحب نقولك، كلهم غلطانين بما فيهم #أنتِ ، اللي داروه في ميزان سيئاتهم ، #لكن ذنبهم في رقبتك والأعداد هذي كلها ربي حيحاسبك عليهم واحد واحد، سواء شاب ولا بنت، سواء صغير ولا كبير، أي حد كنتي سبب أنه يبعد عن الله، ذنبه في رقبتك !!!🍁

🍁يا قلبي، ارحمي روحك، أنتِ مش قد السيئات هاود كلهم🍁

(ياريت اتكونو افهمتو ركزو زين في الكلام)..,"^👌❤

يعني اعلاش توا انتي وهيا متنوضوش اتصلو وبعدها تقرو سورة البقره تستريحو هلبااا منحكيلكمش على شعور الراحه لما نصلي وبعدها نقره سورة البقره❤واعلاش لما تطلعو متلبسوش الواسع شن بينقص منكم❤هيا نوضو اتوكلو على ربي وديرو زي
مقتلكم❤ان شاء الله ربي يزيدكم من ثبات يارب❤

ولنا لقاء💛

كلام من قلبي إليكم💚