حجابي حجاب قصة بالعامية السودانية (احبك يا وطن)

1🥀

تستيقظ بطلتنا من مع آذان الفجر فهوا كمنبه لها تذهب ريماز إلى قرفة امها تفتح الباب بهدوء حتى لا تفزعها

ريماز : امي امي امي يلا قومي يا حبيبتي وقت الصلاة

خديجة هي أم ريماز تبلغ من العمر 50 سنه هي ست حنونه على أولادها وطيبة علمتهم الاحترام والأدب وحسن الأخلاق
نطلع برا القصة (يا جماعة الاهل احيانن هم بكونو عنوان وده بعكس نظرة الناس ليك لو كانو اهلك ناس طيبين وعندهم اخلاق ومحترمين ده بعكس تربيتك انت كده الناس بكونو ما محتاجين انك تسبت ليك
مثلاً ده ولد فلان الرجل الطيب اكيد ما حيعمل كده
عشان كده  كونو قدوة لي أولادكم كونو مثال عن الطيبة والأخلاق 🤗)

خديجة :       صباح الفل يا حبيبتي ماشاء الله اليوم قدرتي تغلبيني انك جيتي تصحيني انتي امشي آتوضي وانا شوية وبكون عندك.

ريماز :     زلازم دي انا ريماز بنتك وتربيتك هههههه كانت تشير الا نفسها وترفع رأسها فوق

خديجة :    هههههه يلا يا ريماز بنتي امشي وقت الصلاة ما يفوت
خرجت ريماز لتتوضى من ثم صلت فرضها هي وامها وقرأت وردها اليومي من القرآن وأذكار الصباح

خرجت إلى الصالون وجدت امها تشرب في الشاي قعدت جنبها امي وين ولدك الكسلان ده معقولة لسه نايم ريماز وهي تقلدو ريزو ممكن تصحيني عشان اصلي الشبح
على أساس بصحى انا ما باقي لي إلا اشيل زمبار وازنبر في اضانو ده ولد شنو ده انا من زمان قلت ليكي لو سمنتي بيهو كان احسن

محمد من وراها :  نعم يا ريزو ما سمعتك كان واقف وهو خالف ارجله
ريماز :  وانا اقدر اقول فيك حاجة انت ولد مافي منك يلا مع السلامه انا ماشية اعمل الفطور

محمد :   يا مجنونه فطور من الفجر

خديجة :   ههههههههههههه تعالى مالك الليلة قايمة علينا من الفجر طالعة مكان ولا شنو

ريماز من جوا المطبخ : اي يا أمي الليلة  فطومة عازماني فطور لو ما مشيت ليها بدري انتي عارفاها بتعمل فيني شنو عشان كده عايزة أشد الفطور حتى ابدا في نضافة البيت وانتي ارتاحي يا عسل

خديجة ام ريماز : يا بتي خلي الفطور انا بعملو انتي نضفي البيت واطلعي عشان ما تتاخري انا عارفة فاطمه ما بتعديها ليكي ساي لو اتاخرتي

ريماز :  امي معلش انتي ارتاحي وبعدين الدكتور قال شنو يلا انا خلصتة من التقطيع وده ياهو شديتو
بدأت ريماز في نضافة البيت
البيت عبارة عن اوضتين وصالون ومطبخ وحوش كبير
خلصت ريماز من الفطور ونضافة البيت الساعة 8
ريماز :  امي انا خلصته وغطيت الاكل لو برد حمودي بحمى تمام وانا داخلة استحم قبل ما فطومة تضرب الليلة الله يسترني معاها يلا

خديجة :  تمام يا بتي انا براي بعمل الشغل الباقي وانتي اصلن ما خليتي شي يلا أسرعي عشان بتكون من زمان مستنياكي انتي عارفاها بتحبك تجيها بدري
ربنا يسهل ليكي يا بتي

ريماز :  انتي عارفة يا أمي أنتي لمن تدعي لي انا بكون مطمئنة دايماً ادعي لي كده وعايزة رضاكي كمان

خديجة:  يا بتي انا راضية عنك دنيا وآخرة كفاية انك شايلة حمل البيت كلو وما بتخليني اشتغل معاكي شي

ريماز :  ربنا يديمك لي يا حبيبتي

      (يا جماعة في ناس بتقول ربنا يخليك لي والخلة معنى الترك يعني يتركك أو بمعنى أحرى الموت والله اعلم أو كلمت تسلميلي برضو كلمة غلط ممكن تقولي تسلمي أو الله يسلمك)

ذهبت ريماز استحمت وخرجت وهي ترتدى كده👇