#آحببتها_مجنونه 😂 في الحلقه 1 🔥😂
وسبق وقريتو المقدمه 💁
كريم : حسابك في الحوش تسمعي امشي
اندلفي جوا المستشفي امشي
عمران : كنك مع البنت انت بشويه عليهاا
كريم : من فضلك يا عمران ما تدخلش بيني وبين اختي وعديت لحقتها جوا وانا معصب منهااا والدكتور شافها وقعد يحكي معاها وهي قالبه وجها ومابتش اترد عليه بس حانوريها غار نروحو بس وبعد انتهت الزياره روحت انا وياهاا للحوش عدت تجري كرست وراه امي شيرت عليها : مش تعرفي انها دايره شي غلط بنتك هذي موتها علي يدي كما تحكي ليش تتصرف هك وعديت وخليتهم
*زينب* بحتت فيها : كنك يا بنتي شنو صايرلك
هنادي بحتت فيا وعدت لغرفتها تبكي وتخبط وبس وانا تنهدت الحل الوحيد هو صديقاتها يلي من طفولتها حانتصل بيهم ونبلغهم ايجن يشوفنهاا وعديت اتصلت بيهم وحكيتلهم يلي صار بالضبظ وخافن عليها قالن توا يجن يشوفنها فرحت انا عارفه هنادي تحبهم اكيده توا تهدا مرت حوالي ساعه والجرس رن عدا كريم فتح الباب
*كريم* اهلا ببنات جيرانا تفضلن
غزل بحتت فيا وابتسمت : يزيد فضلك
اميره نزلت راسها : هنادي في الغرفه صح
كريم ارتبكت وانا عيوني علي غزل : اها تفضلن خشن وتنحنحت وعطيتهم الطريق خشن بسرعه سلمن علي امي وعدن لهنادي وسكرن الباب وراهم
*غزل * هنادي شنو صايرلك
اميره : احكي ليش رافضه تتزوجي ؟
هنادي بحتت فينا وبصوت هامس : اشششششش ادبالكم تقولو لماما وكريم الحيوان اني دويت معاكم وبحتت في الباب ووووووو من انتن ووووو يبو يقتلوني طح سعدهم
غزل انصدمت حطيت يدي علي فمها : اشششش يا سخيفه عليش تعيطي جنيتي فهميتي ليش تتصرفي هك كنك انتي
هنادي عضتني حتى طلقتها وعيطت : يا شريره خزي
هنادي : ما نحبش يلي خطبني مانبيش نبي واحد تاني وانا عارفه كريم لما يقول شي يتنفد
غزل : اي واحد من اصحابه يلي طلبك هما 3 صاح 😍 عارفتهم شايفتهم في مربوعه من قبل 😁
هنادي بحتت فيا : خزي
اميره ضحكت : قوليلي اي واحد طلبك
هنادي بحتت في اميره : الشخص يلي انتي تحبيه 😢 انا مستحيل ناخده
اميره انصدمت : معتز هو يلي طلبك متأكده بس انتي قلتي ان معتبرك اخته
هنادي : شكله كذاب انا نبي عمران اليوم شفته في المستشفي وماما صدمتني لما قالت معتز طلبك
غزل انصدمت : هنادي تأكدي مستحيل معتز يطلبك بلكي امك تقصد حد اخر
هنادي : هي قالت معتز لو قالت عمران كنت رقصت مش عيطت بجنون حقي الكلب كريم يلي حضرت جنابك ميته فيه ضربني والله مش حانسكتله
غزل بلعت ريقي : قصدك يلي ملطع فيك من كريم
هنادي : اهاا وبحتت في الباب يلي اندق صبت وكرست في الزوايه تبكي وتأشر بالصمت
انا مسكت ضحكتي وبحتت في امها يلي خشت
زينب : ها يا بنات شنو صار
غزل : زي ما انتي تشوفي وشيرت عليها هربت وكرست في الزوايه وشعرها غطت وجها بيه
زينب : لا حول ولا قوة الا بالله حاولن معاها راه كريم مسكر راسه وحلف ان ما يزفها الا صاحبه
اميره بحزن : اطمني توا نحكو معاها وخير ان شاء الله
زينب : ان شاء الله وكريم عازم اصحابه عالغذاء هما التلاثه بسلامتهم
غزل : توا نجي نساعدك يا عمتي 😁🔥
زينب فرحت : سلم بنتي وطلعت وانا ابتسمت وعديت نجري لهنادي يلي ماسكه ضحكتها عليا : حانساعد امك زعما كريم حايحس فيا خوك هضا رغم انك حكيتي علي وعارته بس ميته فيها نعشق وعارته عادي يضربني المهم يتزوجني ووو عليا 😍🔥💁
هنادي : بلا هبال 😂 خليه يشلطك صبح ولليل راه مش هوين هالحيوان مش مسامحته لطع جسمي 😭 خزي عليه هالوحش البارد والله ما عنده رحمه
غزل ضحكت وبحتت في اميره يلي حسيت فيها زعما فعلا معتز يلي طلبها وباهي عمران هي اتحبه وديما اتزن عليه تبيه وهو مش شايفها عكسه هي تراقب فيه مع الروشن لما يجيهم وميته فيه
*كريم* نورتو يا شباب
عمران ضحك : النور نورك
معتز يدخن : من يلي عندكم ؟
كريم تأففت : زي العاده صديقات اختي المجنونه
عمران : معليش يا كريم راه يلي تحكي عليها قريبا حاتكون خطيبتي وثم زوجتي 😈
كريم ضحكت عليه
حسام : ناعليا 😂
كريم : انا تجاهلتهم وخشيت جوا نبي نقول امي تعطيني الشاهي لقيت غزل في المطبخ وادندن استكيت وبحتت في امي يلي طلعت من الحمام توا وعدت لغرفة هنادي اتشوف فيها بحتت في غزل يلي مزالت ما شافتني : اااا نبي شاهي
غزل نطت وقريب خبط راسها عند السقف مسكت ضحكتي عليها وهي بحتت فيا وانحرجت مني
غزل : ااا حاضر ولفت وانا اعيوني عليها ونبتسم وطلعت واول ما خشيت والشباب ما بطلو منابشه عشان خشيت سارح ونبتسم وانا مش معاهم
*هنادي* بعد خشت ماما درت روحي مانبيش حد يقعد معايا : اطلعو انتو تبو تقتلوني وحطيت يدي علي رقبتي ودايره روحي نبكي وماما زعلت وعدت
اميره : حرام عليك
هنادي بحتت فيها : حرام عليا عشان ما نبيش نتزوج من واحد اتحبه صاحبتي بجنون ونفكر في الشخص التاني يلي مش حاسس بياااا انا غير عمران مش حانتزوج
اميره بحزن : معتز نصيبك ارضي فيه
انا بحتت فيها : مستحيل
اميره بحتت في تليفونها : انا لازم نمشي ماما طلبت مني انجي قولي لغزل تلحقني بعدين
هنادي : باهي
*معتز* قعدت برا نبي نجيب من سيارتي قرطاس دخان بعد سكرت سيارتي وجيت نبي انخش طلعت بنت من حوش صاحبي وبحتت فيا بنضرات حزن انصدمت وكأنها تعرفني خطمت من حدايا وعدت علي كرعيها لقيت روحي لاحقهاا : معليش انتي تعرفيني عليش تبحتي فيا هك
وقفت وبحتت فيا : هنادي رافضه انها تتزوجك وتعبانه وكريم يبي يجبرها تتزوجك ساعدها
انا انصدمت وشيرت علي نفسي : اناا ما خطبتها لهنادي شنو تقولي انتي يلي خطب هنادي هو عمران مش انااا واخت كريم هي اختي
البنت انصدمت من صدمتها عدت كملت طريقهااا تجري انا انصدمت يعني هنادي تسحبني انا يلي طلبتها لا حول ولا قوة الا بالله خشيت للحوش لقيت عمران وحسام في المربوعه سألت علي كريم قالو خش للحمام توا يجي
بلعت ريقي وقعدت حداه عمران وقلت : !!!
*غزل* توا يا عمتي انتي متأكده ان معتز هو يلي طلبها والله متلخبطه في اسماءهم ؟؟
زينب : والله مش عارفه يا بنتي الشخص الوحيد يلي ديما عندنا هو معتز هو قالي صاحبي بس
غزل انصدمت وبعد وقت خش كريم مديتله سفرة الشاهي وكان يبحت فيا بنضرات غريبه زعما سمعني !
#يتبع
تحياتي سلطانه كوكي ❤
