مغرورة بين نرجسي

يوم جديد باخبار جميلة

ناضت صباح على عياط نبع الحنان مهما عندها دراهم و تبقى طباع تمشي فالعروق
جميلة : نوضي يا حمارة ليوم غيسيلتا نتاع الباك نوضي يعطيك ضربة باينة راكي قالعتلها جدها
و صوفيا في عالم تاني من الخيال و الأحلام ما ناضت حتى بدون الما تقاس عليها ناضت تجري
صوفيا : و يا ربي غرقت سلكوني راني غارقا
جميلة : مينتا نتهنا من جدك نوضي
صوفيا حرام عليك يما ركبتيلي الخلعة كاش نهار تقتليني
جميلة : ياربي صبرني معاها
صوفيا : علاه منوضتني ضرك واك راني فاكونص
جميلة : اليوم غيسيلتا نتاع الباك نوضي شوفي ربحتي ولا لا
صوفيا : قتلك راني خادما باينة باش نربح
جميلة: شكون قالك نتي صححتي وراقيك
صوفيا : شوفي نجيبهالك ما تالي والله و نتلاقا ديته شرطي تشريلي لوطو ليحبيتها و بلا شوفار انا نعقب البارمي و اذا هو لا تشرطي نتي
جميلة : راكي عارفة روحي علابيها تشرطي يا كلبة شكون يقدلك و (ضحكت) ايا نوضي
صوفيا : اوكي  (و ناضت دخلت دوشة و لبست شورط و تريكو و هبطت لقاتهم يفطرو ) صباح النور عليكم
الكل : صباح النور
آدم:واش ختيتو نسيتي شتا كاين اليوم
صوفيا : ربي يحفضك سكت غير ضرك هبلتني يماك
آدم: خممتي فالكادو ولا مزال ؟؟
صوفيا : باينة هادي فيها مناقشة
محمد : قولو نتوما زوج علاش ناويين
آدم:قتلك ما قبل واش حاب
محمد: ولدي ادا علا الموطو تعرفني نخاف عليك كاش ما يصرالك
آدم:بابا ربي يحفضك تعرف قاع صحابي عندهم  غير انا
جميلة : خلاص محمد شريلو بصح بشرط
آدم(متحمس كتر) : قولي يما تامري
جميلة تروح تتعلم عند شطر واحد عادا باش تركبها
محمد : زعما انا مش حاب نشريهالاه نشريلهلي حابها و اغلى وحدا بصح تعرفي نخاف عليهم ولادي مالنسمة
آدم: ربي يخليكم ليا (شاف في صوفيا ) انتي يا لالة واش حابا
صوفيا : انا قلت ليما نعقب البارمي و تشريلي لوطو لي حابتها
محمد : هاو وين وصلنا راكي تسمعيفي ولادك
الجدة : خلاص واش راح يصرالهم
ماري : يعني غير انا نبقا متخابطا معا شوفار كل يوم
محمد : عني حبيبه باباها ماليومانا نوصل حبيبتي كل يوم و نردها
ماري :ربي يخليك ليا و ما يحرمني منك
الجدة: ربي طولي في عمري و شفتكم فرحانين يا ولادي
جميلة : يما ربي يخليك لينا حقا عيطت ل شاهيناز  لوستها و عايشة مع راجلها و بنتها عندها 8 سنين فالخارج ) و قاتلي غدوة تجي
الكل : ربي يوصلهم على خير
هنا دخل سفيان لابس سيرفات كان يدير فوتينق: صباح الخير راكم قاع هنا
الكل : صباح الخير
محمد : ولدي روح دوش و لبس و رواح عندي هدرة معاك
سفيان خير بابا
محمد: بغيت تشوف الخوك اشطر واحد فالبلاد يعلمو يشوف الموطو
سفيان : ايه ماكانش مشكل حتى انا حاب نتعلم
آدم: ايواسي سفيان غادي نقيس روحي في لوطوروت تجي معايا
جميلة : بعيد الشر عليك آدم آخر مرة نسمعك تقول هاد الهدرة حتى و لوكان بالضحك سمعت
آدم: خلاص يما  واش بيك كنت نضحك
جميلة : خلاص ربحو و كي تجي عمتكم نديرلكم حفلةالناس الكل تسمع بيها
الكل : انشاء الله
في فيلا قريب ليهم عايلة متلايما تضحك يستنو حتا هوما ف غيسيلتا نتاع بنتهم  و كل واحد فيهم يحضر في كادو و يقول نتاعو شباب  حتى صونا الباب راحت حلت و قلقانة كي شافته فرحت طارت عليه تتحضن و تبوس
سارة : واو ماما اجري شوفي شكون جا
فاطيمة : وشبيكيا طفلة مع شافتوراحلته تجري تحضن حتى هي و تبوس يا سعدي بولدي توحشتك
ميزو : حتى انا توحشتكمو دخلو متحمسين بعضهم كي شافوه راحولو خوتو يجرو  ( فاتت ساعة و هوما فرحانين )
مصطفى :اهلا بالراجل كيفاه حتى تفكرتنا
ميزو :خسارة عليك بابا قتلك نكمل قرايتيو نهز ديبلومي و نجيك  (تعانقو  هو و باباه كيف صحاب و لكن آخر فترة بعد ما ربح الباك و دخل ف جامعة حداهوم عطاها كان للعب و البنات  حتى دار اكسيدون و نجا منها بشعرةو كانت معاه طفلة ماتت قريب ما دخل الحبس لوكان مش نفوذ باباه و خال البطلة جنرال هادا بعثو لندن يكمل قرايتوو حلف  و لوكان ما يرجعش و معاه دبلوم  يحرمه من الورث )
مصطفى : يعني تبدا الخدمة من غدوا معايا
فاطيمة: خلي طفل ياخد نفس
مصطفى :ساكتة انتي لازم عليه يبدا يخدم و يحكم هو الرزق صحابي قاع تقاعدو بقيت غير انا نستنا فيه يرجع يا نريح حتى انا و نعمل عليه راه هو راجل دار
ميزو :خلاص بابا ما يكون غير خاطرك
فاطيمة : سارة علا قداش تخرج غيزيلتا
سارة :مزال معا  12
ميزو : ان شاء الله تربحي حقا واش حابا ديري
فاطيمة :طبيبة كيف يماها
سارة :سامحيني ماما بصح حابا إدارة أعمال باش تعاون خويا
مصطفى :سعدي بنت باباها
فاطيمة هاكا يا حمارة بعتيني (و بقاو الكل يضحك )
جايدة : ما تخافيش ماما انا نخرج طبيبة كيفك و نحققلك حلمك
جود : ماما طبيبة نتاع بنيادم مش نتاع بهايم كيما راكي حابا نتي
الكل : يضحك
جايدة : نتا غير بلع نشوفوك نتا شتا تخرج
جود : انا قلتلكم م الأول خاطيني شكيل نتاع بيرووات و لبس كلاسيك
مصطفى :اييه عارف ولدي بطل مغوار (ضحكوالكل )
فاتت ساعات حتى كل عايلة مريحة حدا PC تستنا يحلو سييت .. شويا وقت و دخلت تشوف سمعوها كان عيطت ما عرفت ربحت ولا خسرت 
فاطيمة : واش بيك قوليلنا 
سارة : ربحت يما ربحت
فاطيمة  مبروك بنتي مبروك( يويويوييييي و علات زغاريت ) 
اما عند البطلة نتاعنا كان خوها يشوف
آدم: وي ماما ربحت
جميلة : يويييوووووووو مبروك ولدي
آدم: بابا وجد الموطو  و ضحك
جميلة شوف اختك
آدم  صح اوو صوفيا ما تزعفيش عليش عام جاي تجيبيه ان شاء الله
دموعها تخرجو عينيها ما عارفة تبكي و لا شتا دير شافو فيها حتى طاحت على الأرض جراولها الكل
الكل : صوفيا
صوفيا في عالم أخر ساعة و هوما يفطنو فيها كي ناضت بقات تبكي و تقول : بابا سامحني كنت حاب نديه  الله غالب
محمد : خلاص بنتي ماكان والو العام جاي و تهزيه
آدم يضحك بأعلى صوتو داروله  الكل يشوفومعاه
سفيان : واش بيك هبلت
آدم: لا بصح كنت نتمسخر بغيت نشوفها واش دير
محمد : واش تقول
آدم: سمحلي ختي بصح ربحتي و ب 17 معدل
دارو يشوفو فيها و عاودت فقدت الوعي  الكل صوفيا نودي ربحتي نودي خلاص آدم كان يتمسخر 
عاودت حلت عينيها مش مستوعبا واش يقولو
صوفيا : يعني انا ربحت
آدم: وي و معدل خير مني
ناضت تجري من وراه و هو هارب حتا راح تخبا عند جداه
آدم: ماني حابا تقتلني شوفي
جدة : حتى انا خلعتها خليها تكسرلك راسك
صوفيا : آدم والله تخليها غالية نخلف تاري ماتخافش
الكل يضحك و الفرحة نتاع ولادهم رابحين الباك 
محمد : بهاد المناسبة عارضكم العشاء برا
فاطمة : انشاء الله
و خرج محمد ولده سفيان راحو الشركة باش يخلص الأوراق غادي يسلمله قاع الخدمة 
اما بالعيلة  الاخرى حتى هوما فرحانين و يخممو فالحفلة لي يديروها
صوفيا :  ي حبيبتي وش دايرا
سارة : ربحت عمري و نتي
صوفيا : باينة حبيبتي ديته
سارة : واش باش ديري
صوفيا : اليوم بابا عرضنا العشاء
سارة : و الحفلة ماديريش
صوفيا : باش ندير ماما تستنا في عمتو غدوة تجي و يتفاهمو و نتي
سارة : جاتني فكرة حابا نديرها مع صحبناخممت في حفلة 2 كوبلخممي من درك معامن تجي
صوفيا وي فكرة مليحة اوكي درك تخمم و ما تنسيشنخرجو نشرو  قش عيطتي نور  ( نور صحبتهم حتى هي و يحبها واحد من الشخصيات نتاعنا من بعد نعرفوه ) ..