مغرورة بين نرجسي

الحلقة 4

راحت صوفيا معا صحاباتها تقدو واش محتاجين و نور مهبلتهم لانو ذوق نتاعها فاللبسة صعيب و حتى حاجا ما تعجبها  اما جايدة و مرام راحو يترينو كاراتيه  و موالفين يروحو قاع مي ليوم لا اما الأمهات تلايمو معا بعضهم و يحضرو الحفلة لولا  وكانت معاهم حتى ام سارة  ..و هكدا كملو نهار في بشغالات  و كل واحد حاكم بلاصتو و رقد 
صباح جديد و احداث جديدة و كل منهم راح فطر معا عايلتو و ضحك و لعب و مبعد كل واحد راح للشركة لخدمتو و ليوم كان سي محمد باش يعقد اجتماع بخصوص الفرع الجديد لي باش يربطه  بصاحبه مصطفى و هاكا الولاد يولو يخدمو معا بعضاهم و قررو باش يخدمو في شركة وحدة لكن سفيان ماقبلش  و قرر انويشوفو بلاصة وحدة و كل شركة تحكم طابق بحكم هو ما حبش يطرد الخدامين و قنعهم بالفكرة و باباه كان فخور بيه لانه شافو ما حبش يقطع رزق الناس لي عندهم اولاد صغار و كملو الاجتماع و كل واحد راح لشغلو  اما عند البنات لي بقاو يخممو كفاه باش تعقب الحفلة و فات نهار و راحو حضرو رواحم نور مكياج نيود غوز كلار مع روب سيري تبن لاطاي نتاعها روز و شعرها ليس كان من تحت كيرلي و صباط اغجون و بوشات اغجون
سارة مكياج نيود باج و روب باج قصيرة و شعرها كيرلي الكل صباط ماغون غامق معا بوشات 
اما صوفيا نجمت الحفلة روب غوج طويلة و ظهر الكل عريان و فتحة مالقدام محلولة على طول رجلها و صباط نواغ  معا بوشات و شعر كيرلي و طلعاته كان خصلات هابطين على وجها 
تلمت العايلة و الصحاب و ضحك و لعب و هنا مين طلع مصطفى و هز الميكرو  و رحب بالحضور و قالهم على المناسبة للعرضة و قدم بنته صوفيا و نور و سارة و آدم و تسلط الضو عليهم و هما هابطينمن درج البالكون و ناس الكل حلت فمها و منهم حاتم و ميزو و سفيان وصلو عند مصطفى و طلع محمد و الجنرال كل واحد حدا بنته و مصطفى لي فرحان متحضن آدم و صوفيا  و شكرو الحضور و مبعد هدر مصطفى
مصطفى : و بمناسبة الحفل هادا حاب نقدملكم شريكي جديد و خويا محمد باندماج الشركتين 
و ناس صفقت  و راح كل واحد حكم طابلة مريحين
سفيان لي مولاش يشوف في حتى واحد من غير نور و هي مطفياته و عينيه حمر من اللبسة لي لابستها و صدرها يبان و لاطاي نتاعها سيري و ولاد صحاب باباه يشوفو فيها
حاتم حتى هوا ماحسش بروحه حتى ولا يهدر وحده
حاتم : والله مليح لوكان قلعتيها و خرجتي عريانة خير علاه متعبا روحك
تلفتله سفيان و ميزو يضحكو عليه و مبعد شافو في عينيه الغل و مبعد تبعو وين راه يشوف بصح ماعرفوش شكون من البنات لي عليها و داروله
سفيان :حبيبنا بديت تخلط مازال السهرة طويلة كأس خدم فيك
ميزو : راه غارق لشوشتو هههههههه
حاتم : واش بيك  تضحك كاين حاجا ضحك
سفيان : والله يا صاحبي نتا  لي كنت تهدر وحدك درك بصح ماعرفناكش علامن لي تخرج عريانة خير
حاتم عرف روحه بدأ يخلط و ماعرفش واش يدير : ماكان والو غير هدرة برك
و هما يضحكو عليه بصح سفيان خايف لا يكون على نور
عند البنات لي كانو يضحكو
نور : يا عمري على راجلي كراه شباب
سارة : شوفي داك زين نتاع عمري
صوفيا لا والله هبلتو  و نتي مرت خويا راكي لباس
نور هيا نروحولهم و ناس ديرو نتوما سبة على اساس تهدرو معا خوتكم
سارة وي هيا
صوفيا والله و زيد تبزنسي بيا ايا امشو
راحو البنات عندهم و كل وحدة قلبها يرجف من غير صوفيا لي ماداتهاش نورمال  وصلو عندهم
سارة واش خويا العزيز راك بوقوص اليوم
ميزو يهدر و عينيه عند صوفيا : انا دايما بوقوص و ضحك
صوفيا : لا والله واتق من حالك
ميزو تنارفا لي دارتله هاكا قدام صحابه
حاتم حتى نتوما راكم زلات بصح ماشي كترتو شويا عليها بهاد اللبسة
دارو قاع شافو فيه مخلوعين كيفاه هدر هاكا
سارة حست غار بصح ماقالش  غير عليها خافت الا يبغي وحدا من صحاباتها: و نتا واش مدخلك في لبستنا 
حاتم : نتي غير سكتي  نتي بعدا لوكان نحيتيها و خرجتي من غيرها خير
سفيان تفكر واش قال قبيل و عرف بلي كان عليها طمن قلبه بصح لازم يزيد يتأكد
صوفيا : واشبيكم شعلتو  في بعض
حاتم : علاه راني غالط فالهدرة 
سارة : ايه و مكان مدخلك نلبس كيف ما نحب
ميزو : ايا خلاص ماتخسروش السهرة
حاتم تنارفا علا لي قالتهولو و لوكان قدر نتم  يسكتها و يقولها بلي يحبها و يغير عليها بصح ما قدرش و هيا حست بالدنب من جيهتو و بقاو ساكتين حتى قطع الصمت سفيان هيا نرقصو  و دار شاف معا نور لي عينيها قلوبة و عرف من نضرتها بزاف صوالح و بدأ يخمم في بزاف صوالح
سفيان : انسة نور تشرفيني بهاد الرقصة
هي سكتت و بقات تشوف مش مامنا عقلها دارو شافو معاها و هي دارت بوز
صوفيا : يا هامة تكلمي الحق فيه باش يقول اخته قالك ليك و هنا حكمها ميزو من يدها يكركر فيها و هي مافاهما والو حتى وصلو للوسط و من وراهم نور و سفيان لي مازالها تحت الصدمة و دارولهم  غنية صولو  و بداو يرقصو
اما حاتم لاصق يشوف في سارة و هي متجنباته  حتى و هدر
حاتم : تحبي نروحو نرقصو
سارة : ما نتعبكش
حاتم : واش بيه جد راسك هك قاسح  و هو ما متنرفز
سارة : واش دخلك يا ديني
حاتم : سارة شوفي فيا و دورلها  وجها فيه
سارة مش مامنا بلي راهي حدا حبيبها واش قبل ما تكمل هدرتها قاطعها هو
حاتم : سارة انا نحبك
سارة : 😯😯😯😯
حاتم : ايو وين رحتي
سارة : لا والو حاسا بالسخانة نغسل وجهي و نجي
حاتم : اوكي و خاب ضنه ماكانش يستنا فيها دير هاكا
اما عند ميزو و صوفيا
ميزو : بصحتك الباك ماجاتش فرصة باش نباركلك
صوفيا: مرسي  و نتا تاني بصحتك الشغل جديد
ميزو : مرسي واش حابا ديري درك
صوفيا : إدارة أعمال
ميزو : يعني غادي نشوفوك بزاف مبعد فالشركة
سارة مافهمتش علاه قال هاكا سكتت و رادتش عليه
اما نور ليكان قلبها باش يخرج من بلاصته  و سفيان حس بيها
سفيان : مبروك الباك
نور مرسي
سفيان قاتلي صوفيا باش ديري إدارة أعمال
نور وي
سفيان :مالا كي تكملي تلقي بلاصتك واجدة عندي و حتا ادا حبيتي تقري و تجي تخدمي  نعلمك  شويا
نور فرحت كي قالها هك : مرسي والله درك نقول لبابا و نقولك
سفيان : علاه راني حاسك متوترة
نور : نو نو والو
سفيان : بما انك فرحانة حبيت نسقسيك
نور تفضل
سفيان : عندك شكون في حياتك
نور تلبكت : مو ماعانديش
سفيان فرح؛ امم يعني قاع هاد زين و وحدك سعداته لي غادي يديك
نور : علاه هاد السؤال درك
سفيان : حبيت نصارحك بحاجة
نور بدأت تزيد تتواتر: ايه تفضل
سفيان : انا تعجبني ملي كنتي صغيرا و نحبك و مادابيا نعرف واش تخممي من جيهتي
نور مشوكيا: كاش ما قاتلك صوفيا
سفيان : لا ماقاتلي والو علاه واش كاين
نور مش عارفة تصارحه ولا نو و بما انو هو خطأ الخطوة حبت تتشجع حتى هيا
نور : شوف حتى انا تعجبني و ملي كنت صغيرة هي عاد ماكملتش هدرتها حتى هو هدر
سفيان كنت متأكد من نظراتك بصح كدبت روحي نحبك نور
نور حطت رأسها على صدرو  و زيرت و هوا تاني
صوفيا : ميزو وين كنت هاد العوام 
ميزو كنت نكمل في قرايتي في كندا
صوفيا أم يعني شكون خير هنا و لا لهيه
ميزو انا قريت عام هنا و كملت لهيه بصح لهيه خير
صوفيا : أم من مليح و هما هاك غنية حبست دارو شافو ناس وين تشوف سفيان و حداه نور و دي جي جابله الميكرو
سفيان بما انو رانا الكل هنا و رانا فرحانين فرحتين الباك و الشركة و درك نزيدو الفرحة ثالتة و حتى واحد ما فاهم و جبد بوات من جيبو و هبط على رجل و نور قلبها باش يحبس
سفيان : تقبلي نور تتزوجي بيا
نور : شافت فيه و شافت في امها و باباها و عايلتها لي قالولها ايه براسهم لكن حبت توتره حتى هيا : تخمم و نردلك
سفيان مشوكي منها و بدأ وجهه يتبدل و ناد وقف حسباته باش يروح لكن هو دار  لخاله
سفيان : خالي سامحني بصح بنتك هبلتني و داتني عقلي و لوكان ماتقبلش انا ننتحر و معا لخاله 
الخال : والله الكلمة اللولة و تاليا ليها هيا
جميلة : لا ولدي ما تروحش و تخليني و دارو رواحم خايفين و هيا قلبها باش يخرج
نور : خلاص خلاص راني قابلا
سفيان : لا مكيش قابلا قلتيها باش مننتحرش
نور : والله قابلا و تتنتحر  و تخليني و بدأت تبكي و تضرب فيه في صدره
سفيان جبدها ليه و حضنها : اششش خلاص خلاص نتمسخر برك
نور قحرتله : واش لي تتمسخر ماغاديش نتزوجو تلعب بيا
صوفيا والله حمارة مانعرف كيفاه ديتي الباك و بقاو يضحكو و هو لبسلها الخاتم و صفقو عليهم و قاع باركولهم
اما عند سارة لي ماكانش تقد تشوف في حاتم و هو تقلق بزاف
حاتم : مبروك خويا عليك انا نخليكم تعبت نروح نريح
ميزو : وشبيك درك كنت مليح
سفيان : من وينتا تتعب فالحفلات
حاتم : هدرة مع وحدين و معجبهمش الحال و شاف مع سارة
ميزو فهم واش كان يقصد علاباله بلي صاحبه يبغي خته : اه اوكي ايا صحا روح ريح و ماتعمرش راسك بيهم مازال ليام و يجو يحلولك
سفيان ضحك على سارة لي وجها ولا فيه ليكولار: اوكي حبيبي عقبا ليك بالمرا لي تستاهلك قليل لي يعرف قيمتك خويا
حاتم عرف بلي داروها بلعاني  ليها : ان شاء الله يا ربي
البنات حاكمين يد سارة لي كانت باغية طيح  و عينيها فيهم دموع
حاتم ايا  باي ودعوه و راح هوا بعد عليهم شويا و سارة تبع فيه بعينيها حتى طاحت على لرض و راحولها قاع و حاتم دار شاف ناس قاع حدا طابلة لي كان فيها رجع يجري بعدهم و هنا كانت الصدمة حب عمره طايحة رجع يجري عندها و الكل مش فاهم لواش دار هك جابولها ريحة  حتى بدأت تنوض
ميزو : خوفتينا عليك
فطيمة : ضغطك هبط و شبيكي
صوفيا : مالصباح ماكلات والو
محمد؛ علاه هاكا خوفتينا عليك
سارة : خلاص ما بيا والو درك شوي و نريح و نولي لباس
هزوها صحاباتها و دخلو داخل لشبرا نتاع صوفيا
نور : واش بيك كنتي لباس
صوفيا : والله خلعتيني عليك
سارة : حاتم عترف بلي يحبني
نور و صوفيا : واش قلتيله
سارة : ماقلت والو و راه متعصب مني
نور : والله ما علابالي خايفة
صوفيا : ردي عليه
سارة : غدوة نهدر معاه
نور : مسكين كي شافك فالحالة هادي خلعتيه
صوفيا ؛ ريحي و نكملو الحفلة و غدوة هدري معاه
راحو كملو الحفلة و راحو رقدو