🖤حياتي لاتتوقف على المنعطفات 🖤

البارت ١💙

🖤🖤🖤🖤🖤🖤🖤🖤🖤🖤🖤🖤🖤🖤كم أود أن أخبرك لم اندم على شيئ سوا معرفتي لك
🔺🔺🔺🔺🔺🔺🔺🔺🔺🔺🔺🔺

عند بطلتنا كانت جالسه وطفشانه قررت تنزل تحت تشوف امها وش جالسه تسوي نزلت شوي بدون ما تطلع صوت لقت امها جالسه تسوي العشاء مع انه في خدم بس هذي عادتها ضمتها من ورا مما خلا امها انقز من الخوف لفت عليها امه تهاوشها
ام فيصل :البندري وبعدين مع حركاتك وش فيك بغيتي توقفين قلبي.
البندري وهي تحب راس امها :السموحه يمه كنت ابي اشوف وش جالسه تسوين.
ام فيصل :غريبه وش عندك.
البندري :يمه طفشانه وملانه وكل هذي المعاني وش اسوي.
ام فيصل :شوفي إلين وش تسوي وروحي معها اي مكان.
البندري :بشوف واردلك اذا بنروح مكان.
راحت البندري ركض على الدرج وهي تسمع صراخ امها عليها علشان ما تطيح
ام فيصل :متى بس تعقلين.
جاها صراخ البندري :ما رح اعقل أبداً.
عند البندري طلعت غرفتها واتصلت على إلين وجاها صوت يخلي كل شي بجسمه يرجف من التوتر:الووو.
البندري :هلا ممكن تعطيني إلين.
هو بعد ما ميز صوتها:البندري شلونك.
ردت البندري وصوتها بين عليه التوتر :تمام يا خالد انت شلونك. (وهي تدعي على إلين بقلبها)
خالد :تمام طاب حالك تبين إلين.
البندري( بينها وبين نفسها تو الناس) : اي اذا ما عليك امر.
خالد :ان شاء الله وانتبهي لنفسك.
شوي وجاها صوت إلين الناعم:الووووو البندري.
ردت البندري وهي معصبه:وين كنتي ليش ما رديتي علي انتي.
إلين الي فهمت ليش معصبه:ههههه بس علشان رد عليك خويلد.
البندري :اي المهم انا طفشانه وش رايك نطلع نغير جو.
إلين :ما الي خلق الطلعه تعالي عندي نسهر ونغير جو.
البندري :بشوف وارد لك.
إلين :انزين تشاو.
البندري :تشاو.