رواية " اخطاء متكررة" الحلقة 2
للكاتبة بنت الغيوم.
رهام. ياافرخهه يارواسي علاش مشيتي وسيبتيني
رواسي. هههههه منظرك كناا هكك
رهام. حيوانه نا ندوي معاك وانتي تتسهوكيي
رواسي. هههههه اسمحيلي بس منظرك يضحكك ووووه
رهام. والله الأ حيوانه هيي
رواسي. باهيي خلاص سكتت شن دارلك؟
رهام. افففف حطلي الثلج على وجي
رواسي. ووووه هههههههه وربي احسن هيي
رهام. تافهه على طول انتي
رواسي. به المهم خشي الحمام قبل ماتشوفك ماما وسقميي منظرك 😂
رهام. جايكك الدور تفرحيش
رواسي. لالا ناا وولد عمتو دلاله مش كيفك
رهام. باه حنشوفو الدلالهه هذ
رواسي. 😌😌
رهام. مشت وسيبتهاا وهياا تزفرر.
______
عثمان. كيفكك مرت عمي ان شاء الله بخير
ايناس. الحمدالله ولدي صح النوم
عثمان. سلمك
ايناس. ان شاء الله غير مادارولك شي بس البنات هبل نعرفهن نا
عثمان. هههههه لالا . على خشت رواسي
رواسي. لا درنااله 😌
ايناس. 🤦🏻♀️😳
احلام. هههههه تعالي احكيلي شن درتولهه
رواسي. احمم راها هادي رهام فكرتهاا قالتلي نجيبو ثلج ونحطوه عليهه
عثمان. 🙂
ايناس. 🤦🏻♀️🤦🏻♀️
احلام. ههههههههه ونا نقول خيره مفجوع هواا
عثمان. يام حرام عليك واقفهه معاهمم
احلام. تستاهل هضا ماتبيش توعا . ووين رهام؟
رواسي. في الحمام توا تجي . اهو جت
رهام. خير شن في؟
احلام. ماشاء الله عليك طلعتي ذكيةة انتي وافكارك
رهام. كيفف 🙂
عثمان. وهضاا لما مسكتهاا تقولي والله مش نا هادي رواسي
رواسي. حيي على كذابهه
رهام. بالله اسكتي انتي توا نوريك بعدين على الكذب متاعك
عثمان. لا رواسي نعرفها تكذبش هذي انتي صاحبة الأفكار الجهنمية
رهام. اوكيي تمامم نا الكذابهه باهيي هيي باي
احلام. 😳😳 خيرهاا
عثمان. زعلت جدد ؟
ايناس. خلك منهاا توا ترضاا بعدين هيا غالطة
رواسي. ايي صح
عثمان. لا توا نشوفهاا
____
عند ترتيل
روحو البيت،
رحاب. خلاص فزي من جنبه خليه يشحن
ترتيل. لا يام خليني نملا عيوني بيه
رحاب. اخخ تي هوا انتي من عند ربي مرعوشهه وزاد جاك تلفون
أسعد. 😂 غير خيرك معاها البنت خليهاا فرحانة
ترتيل. ايوا بابا قوللهاا
رحاب. 🤦🏻♀️
ترتيل. حيي حس الباب يدقق
أسعد. توا نشوف مني
رحاب. صبيي انتي مرات عرب
ترتيل. من بيجي من دون مايخبرنا هادي اكيد لجين
أسعد. هلا هلا بنتي تفضلي
لجين. اهلين عمو كيفك
أسعد. الحمدالله بخير
لجين. ترتيل موجوده؟
أسعد. اي الداخل خشي
لجين. خششت
ترتيل. حيييي جوجو شخبارك
لجين. تمامم والله حبيتي. شخبارك عميمه
رحاب. بخير يابنتي وانتي
لجين. الحمدالله
ترتيل. تعاليي نمشو داري هي
لجين. تمام نستأذن منك عميمة
رحاب. خودو راحتكم بنتي
ترتيل. خدت الموبايل ومشو الدار
لجين. حيي تلفون منو هاد
ترتيل. احزري
لجين. اكيد متاع عميمة واخداته جديد حليلي يهببل
ترتيل. عميمة عينك هاد متاعي
لجين. تكذبيي صح
ترتيل. تي وربي متاعيي
لجين. حليييلييي الفف الفف الفف مبرروك واخيراً
ترتيل. يبارك فيك ياعمري مش غير واخيراً
لجين. يعني توا حتى لما نبدا في البيت نقدرو نهدرزو براحتنا صح
ترتيل. اي😍😍
لجين. افتحيي وتسس
ترتيل. وتسس؟؟
لجين. اي
ترتيل. نخاف ماما ماتقوليش باهي
لجين. لا توا نكلمهاا نا تخافيشش بس ضروري يكون عندك رقم
ترتيل. عندي بابا خدالي كل شي مع التلفون
لجين. مييه مييهه 😍😍😍
________
رهام. جديدا انتي هنايا
احسان. اي قلت نقعد في الجنان احسن من جوا ضغط
رهام. والله معاك حق الجو حلو هنا
احسان. اي كنك انتي ؟
رهام. كنيي
احسان. وجهك هكك في حد زعلك
رهام. لالا
عثمان. لاا في نا يلي زعلتها
احسان. انت امتى وعيت
عثمان. هههه قبل شوي
رهام. جت تبي تصبي مسكها من يدها
عثمان. خليك
احسان. رهام قعمزي خيركم
عثمان. حكاا لهاا
احسان. خلاص رهام انتو تلعبو بس وحتى عثمان مش قاصد يعني هك بس يبصر معاك
رهام. 🙂 باه
احسان. ايواا توا نا نخليكم بنخش نهدرز على امك
رهام. باه بس ردي بالك العتبه شوي عاليه
احسان. ولا يهمك
عثمان. نساعدك جديدا
احسان. لاا نقدر عاد 😂
عثمان. احمم
رهام. 😐
عثمان. رهام بنقولك
رهام. 😐😐
عثمان. رددي
رهام. هاا
عثمان. والله اسف را مش قصدي حاجة
رهام. عارفة ونا نسيت خلاص
عثمان. باه الحمدالله .
رهام. بدت تشوف فيهه وساكتة
عثمان. مطبز راسه تحت
رهام. تحكي في سرها خيره بادي حلو هوا ولا انا مش مركزه فيه من قبل حليلي لحيهه وجوو
عثمان. يحكي في سره خيري متوتر من قربهاا نا ياربي
رهام. والله وطلعت حلو ياعثمان وين داسس هاد كله من قبل
عثمان. ريحتهاا وكلامهاا حي را يكون هضا حب
رواسي. جتهمم وبصوت عالي فاااش اديرووووو
رهام. وووه قلبيي طلع
عثمان. فجعتينااا
رواسي. 😂 مش منكم ساارحين الزوز
رهام. اي انتي حتى الواحد لو ساكت ماتريحيش
رواسي. غير قوليلي في شنو كنتو تفكرو .
رهام. شبحت لعثمان وعثمان نفس الشي
رواسي. تشوف فيهم . هووي انتمم
عثمان. لا مانفكروش
رواسي. واضضح والله
______
لجين. والله ياعميمة برنامج مفيش شي هوا مش كيف الفيس
رحاب. نعرفهه الوتس نا
لجين. باهي ربحك خليها تفتح
رحاب. لااا
لجين. علاش
رحاب. مزال صغيره وبعدين شن تبي ادير بيه
لجين. ياعميمة ماادير شي تحكي معايا نا بس تعرفي اني نا كيفها مكسده وهيا صحبتي الوحيده
رحاب. بعد تفكيرر باه خليها تفتح
لجين. من الفرحهه نطتت باست رحاب نجكك ليااا
رحاب.😂😂💛
لجين. جررت لعند ترتيل
ترتيل. شنن صار اكيد قالت لا
لجين. 😎 قالت باه مفيش شي يصعب على لجين
ترتيل. حلييليي ناا منكك انتي
لجين. هيا جيبيه نفتحلك
ترتيل. هاك
لجين. خدت التلفون ونقلت الوتس وفتحاتهه وبدت اتفهم فيهاا .
ترتيل. اوكي يعني يلي نسجل رقمه ويبدا عندا وتس يطلعلي صح
لجين. اي
ترتيل. تمام
لجين. اهو سجلتلك رقميي تبي نسجلك من اخرا
ترتيل. سجليلي صبايا وبنات العيله بس
لجين. تمامم
" بعد وقت"
لجين. تم هكك خلاص
ترتيل. عمري نعني مانفقدك حبي
لجين. حبيبتي انتيي
(لجين تكون بنت جيرانهم صديقة ترتيل ومن ندها وحتى هيا وحيدت هلها)
______
* تسريع الأحداث*
بعد مرور اسبووع
خلال هاد الأسبوع كانت رهام طول الوقت شاغل تفكيرها عثمان وعثمان نفس الشيي .
أنت تقرأ
اخطاء متكررة
Horrorاعلان 💙. قصة تتحدث حول فتاتان . "الوقوع في الأخطاء" لما ترتكبي خطاء بس خطاء واحد وانتي عارفة الشي هاد غلط بس مطرا اديريه وزيادة عارفة ان حيدمر سعادتك . الى اين سينتهي مصيرك ؟؟ -- بنت صغيره دخلت في دائرة اخطاء بس بسبب مشاعر كاذبة فماذا سيكون مصي...
