" معنى الحب : أنت..."
🌼🍀🌼🍀🌼🍀🌼🍀🌼🍀🌼🍀🌼
منظمات ٢ البارت ٦٤ :
تسريع للاحداث الروتينية.. صار وقت العشا..
ريبايكا بيطلع و بروح عند الموقع للي عطاه ياه جيلبرت.. بيته..
بيوصل لعنده و بيتصل عليه ..
..
بيركب جيلبرت السيارة بكون مزبط شكله تمام و لبسه السبور اول مرة ريبايكا بشوفه بدون بدلة
بنطلون جينز و بلوزة برتقالية مرسمة ازرق
ريبايكا بيضحك خفيف
جيلبرت: لبسي اله معنى .. البنطلون يعني البحر و بلوزتي هم كم سمكة فيه لونن برتقالي.. اما الرسمات ف هي اعشاب البحر .. وصلت؟
ريبايكا بيضحك
جيلبرت : بالمناسبة ضحكتك حلوة متل الغوريلا
ريبايكا : اوكك هي بدا تفسير عم تمدح ولا تسب
جيل: انا بعشق الغوريلا و المونكي مشان هيك اكيد مدح
ريبايكا: شكرا يا سمو الامير سبونج بوب
جيل بحماس : غورلتي
بيوصلو للمطعم.. من برا شكله سفينة.. بيدخلو لجوا .. بكون كله ازرق اضاءته و احواض السمك الكبيرة عالجوانب..
بوسطه جسر للي عليه اشكال اعشاب البحر.. الاضاءة للي شكلا قناديل بحر.. الطاولات مع الكراسي شكلها سلطعونات..
جيلبرت: واااهه بجننننن
ريبايكا بيلعب بشعره من ورا: عجبك؟
جيل: بجنننن قلبي الصغير رح ينفجر
ريبايكا : اوكك تعال للغرفة للي حجزتا
بروحو للقسم الحجوزات .. بيدخلو ع قسمن..
بسكر وراهم الباب للي شكله صدفة..
الطاولة من خشب و بقلبها في مي و سمك .. يعني و انت بتاكل... في سمك تحت الصحن عم يمشي و مي و عالم بحر مصغر...
جيلبرت: فوق الخياااال.... اسمع غيرت رايي.. اديش حق سيارتك؟
ريبايكا : مليونين او تلاتة
جيل: اعتبرا اربع ملايين.. فاتورة هاد المطعم بخصما من اربعة ملايين.. و هيك لازم كل مرة تاخدني حتى توفي حق السيارة للي هي بالاصل الي بس انا عاطيك ياها
ريبايكا : بتعرف انو بعطيك السيارة ارحم لي من دفع فواتير بقيمة اربع ملايين!!
جيل: انا بدي ياها فواتير
ريبايكا بيضحك وبهز راسه: اوك بس لا تبكي
جيلبرت: وااااههه شو طلبتلي؟؟
ريبايكا : كل هااد
جيلبرت بيطلع لاصناف الاكل قدامه و بلع ريقه ماعارف من وين يبدا!!
وهم بياكلو .. بكون جيلبرت عم يشرب عصير .. بيطلع ب ريبايكا الشارد وهو بياكل.. ف بيمسكله ايده فجاة و بينخض ريبايكا بسبب الحركة ..
جيلبرت بيضحك: وصلت للمريخ؟؟
ريبايكا : لا لسا عالطريق
جيلبرت بياخد جوال ريبايكا و بطلع من جيبته كفر : وعدت حالي ازا عجبني المطعم بهديك الكفر
ريك: بقدر اشتري ب اي وقت
جيلبرت: كفري ما بينشرى ولا بينباع.
بيعطيه جواله..
جيل: جرب تفكه بصير شكل جوالك غبببييي
ريبايكا بيطلع بالكفر انو شكله عادي يعني مو مميز حتى ف بيبتسم و بحط جواله و بكملو اكل..
بعد المطعم .. ريبايكا بوصل جيل ع بيته..
بوقف قدام الباب ..
جيل : اممم انزل؟
ريبايكا : ازا عبالك
جيل بيضحك: ايمتا رح تعشيني مرة تانية!
ريبايكا : اممم خليني شوف جدول اعمالي
جيل : نوو نو انا بتصل عليك و بقلك تعال خدني انا طفشان
ريبايكا : هههه بركي ماني فاضي!
جيل : بتفضالي
ريبايكا : واااثق
جيل بيبتسم و بينزل
ريبايكا : سي يااا
جيل: سي ياااا
بيدخل ع بيته و ريبايكا بيمشي.... بيوصل عند قصر دراجون..
