جهاد ...كبرت وكبرت مسؤليتي وياي بعدة الحمل كلة علية لان اكبر واحد ولازم أتحمل اني الوحيد الي مادخلت فترة مراهقة ولا حبيت او من جانو يسألوني الطلاب المن تحب أكلهم احب بس ثنين امي وجوري او بعد ماحب ...💔
جهاد ...كملت جامعة رحت طب وسافرت للخارج قبل ماسافر للخارج محمد ابن عمي جاب بنية اسمهة لارا بعدها بعد ماشفتها عجبتني الوضعية بالخارج هدوء ماشوف وجه زهرة لذلك بقيت
بين سنه وأشهر ارجع للعراق اشوف اهلي وشوف محمد لكن ماشوف بنته ولا جنت مهتم اشوفها لان جنت ماحب الأطفال هواي اتعقد منهم
بعد 9سنوات عرفت ابوية صار بي قلب وماخذينة للمستشفى اتصل بي اخوية فهد
بسرعة فيزت الجواز ورجعت للعراق من رجعت ابوية بعدة بالمستشفى ولازمله عملية
بأيران سوينه الجوازات ايضا وأخذنا لإيران ورجعنه تحسنت حالته بس أوصى الدكتور انو مالازم اي شي يأثر على صحته لان اقل شي ننطر انسوي عميلة ثانية
مع مرور الايام اتصل محمد كال عازمنة على الغده ابوية ماتردد لان كلش يحب محمد ودائما يسولف بجمال بنته لارا اني كلت اروح هم مشتاق لمحمد لان هو صديق طفولتي وكبر مني بسنه وحده
دخلنه السلام عليكم ...وعليكم السلام
أحمد ...محمد وين لارا اشو ماكو حس
محمد ......ههه اليسمعك لارا سابية البيت اشو هي دوم ساكته نتمنى تضحك
احمد ...ههه لا اقصد جانت تتلگاني من الباب اليوم ماكو
