نيران عشقي لها

البارت الاول

اتمنى يعجبكم البارت 😘
وتصويت بليززززززززز

❤❤❤
البارت الاول

كعدت على صوت امي وهي تكعد بية

فاطمة (الام) : ياقوت اكعدي صار ساعة اكعد بيج

ياقوت : مامة شوي شبيج 😑 من الصبح اصلان اليوم عطلة
الام : اكعدي ابوج اليوم جامعكم عندة حجي مهم

ياقوت :كعدت غسلت وجهي ونزلت شفت ابوي جامع العائلة كلها استغربت شصاير

ابو محمد (الاب) :بنتي اكعدي عندي حجي وياكم
اني لازم ارجع للعراق ما اكدر ابقى بدبي بعد اريد ارجع البلدي وامي مريضة هناك محد الها حولت شغلي للعراق و حنرج كلنا للعراق .

ياقوت : اني نصدمت 😳من حجي ابوي ما اريد ارجع اني عشت حياتي كلها هنا وصدمتي ما جانت احسن من اخواني لان هما هم ما يردون يرجعون تعودو على العيشة هنا لكن استسلمنا اللأمر الواقع لان لازم يجي يوم ونرجع للعراق

______________________

سيف :السلام عليكم عمة شلونج اليوم

زهرة : اليوم اني كلش فرحانة بنتي فاطمة حتجي باجر

سيف : انصدمت من حجي عمتي ورجعتني الذكرياتي

اعرفكم على نفسي اني سيف عمري ٣٠ مهنتي ضابط وطويل عمتي زهرة هية ربتني من جنت صغير اني واخوي بعد وفات مي وابوي بحادث سير تعبت بعد وفات اهلي وايام واني حابس روحي بالغرفة وما اطلع
كرهت الدنيا كلها وتمنيت بس اموت لليوم الي فاطمة بت عمتي الجبيرة ولدت بنية تشبه الملاك وبس تضحك سمتها ياقوت جانت بنية تجنن وبس تضحك
شكلها كلش حلو
التهيت وياها وحبيتها وهم بيت ابوها يصير جيرانا فجنت يومية
اروح اخذها والعب وياها وهي بس تضحك وتعلقت بيها وكبرت شوي وكمت اشيله واخذها اشتريلها من المحل وهي تكيف وبس تبوس بية وكامت تكول اسمي كلش فرحت لمن كالت سيف لحد ما اجة يوم ٢٠٠٦ لمن صار الوضع مو زين ابوهم اخذهم وسافرو للامارات
ومن ذاك اليوم لهذ اليوم ما شفتها

زهرة : شبيك يمة وين صفنت
سيف : ها لا عمة وياج شوكت يجون .

زهرة :باجر وليدي عود روحلهم جيبهم من المطار

سيف: اكيد حجية تامرين بس شعجب هسة يلة رح يجون
زهرة: مو ابو محمد امة مريضة وهم هو يريد يرجع لبلدة
سيف:هلة بيهم الباجر انشالله اروح اجيبهم .

_______________________

ياقوت اليوم هوة اليوم الي نرجع بي للعراق جنت متحمسة اشوف بلدي لان ما اذكر منة شي لمن جنت اصغيرة واخواني كذالك اعرفكم بنفسي
اني اسمي ياقوت عمري ١٧ وزني ٥٤ ضعيفة مو كلش طويلة طولي وسط وبيضة وشعري اسود وطويل الشي الي يميزني انو اعيوني حلوة ،لونها عسلي وكبار ورموشي ثخان وطوال عائلتي تتكون من امي فاطمة وابي اسمة تحسين وعندي اخوان ثنين محمد عمرة ١٩ وواخوي اللخ معتز عمرة ١٥ وعندي اخت صغيرة اسمها تبارك عمرها ١٠ سنوات .

___________________________

سيف : علي اليوم اني اروح اجيب بت عمة زهرة فاطمة وعائلتها روح انت البيت عمة زهرة علمو تستقبلهم من يجون.

علي :اي خوية فد شوي اطلع .

اعرفكم على نفسي اني علي عمري ٢٦ سنة مهنتي ضابط مثل اخوية سيف اني شكلي وسيم مثل اي شاب وطويل طولي ١٨٠ وعيت على الدنيا جنت عمة زهرة تربينة بعد وفات ابوي وامي على حادث سير وتاقلمت بحياتي واني طبعي إهدء من اخوي سيف بس همين اضوج من البنات ما احبهن .

سيف :لبست بنطرون وقميص رسمي طلعت مرتب ورحت عليهم داجيبهم من المطار

___________________________

ياقوت : نزلنا من الطيارة وخلص هسة صرنة بالعراق ونتضرنا الجنط وطلعنة ننتضر منو يجينة سالت امي منو يجينة
فاطمة: يجينة ابن خالي سيف
ياقوت :طبعا اني اعرفهم كلهم امي حاجيتلي علة العائلة كلها وكفنة ننتضر شوية واجة شاب طويل حلو ومرتب جان ما اعرف اشبي بس يباوع علي عبالك يعرفني كلش زين ما اهتميتلة لان اني ما اهتم للولد ابد.
سيف رحتلهم للمطار وشفتهم وسلمت عليهم واشوفلك بنية قصيرة وضعيفة ويضه تجنن عرفت هاي ياقوت ضليت ابوع عليها بس هي ما عرفتني ولا باوعتلي من سلمت عليها سلمت عادي ومشت صعدت بالسيارة
ياقوت : استغربت من نضراتة عبالك يعرفني وضل يباوع علية من الجامة واني ولا عبرتة بس حاطة راسي على الجامة اباوع علة الحدايق القريبة من المطار كلش حلوة

سيف :وصلتهم ونزلت وياهم ابوهم كعد شوي سلم وطلع
ياقوت :وصلنا وفتت تعرفت عليهم وحيل حبيت شمس بت خالتي كلش حبابة وابوي عافنة وراح للبيت وكال باتو هنا اليوم كلش فرحت

شمس : اعرفكم عن نفسي اسمي شمس عمري ١٦ شكلي حلو وقصيرة وضعيفة وشعري طويل لونة جوزي وعيوني عسلي .
ياقوت : اكلج شمس انت يا صف
شمس : اني رحت صف رابع اعدادي وانتي يا صف
ياقوت :اني صف خامس اعدادي
شمس : زين شوكت تحجبيتي
ياقوت : تحجبت قبل سنة.
شمس : كلش حلو عليج
ياقوت: شكرا عمري
تونست حيل وية شمس كلش محبوبة وصرنا صديقات طلعنة باليل للحديقة كعدت شمس ترش علية مي واني هم ارش عليها ونضحك ونلعب ما اشوفلك غير واحد اجة وجر ايدي حيل

❤