نيران عشقي لها

البارت الرابع

ياقوت : فتنة لالامام واخذو موبايلاتنة وراحو الولد يزورون واحنة رحنة نزور من قسم النساء كعدنة نزور وحسيت براحة لمن زرت طلعنة دنمشي شوي وشفت ماكو احد يمي خفت حيل وكمت ابجي شافني رجال جبير عجوز كالي عمو انتي ضايعة كتلة اي مشيت وية اهلي وهسة هم ماكو كالي عمو لا تبجين هسة تلكيهم كالي حافضة ارقامهم كتلة لا وفجأة اجة سيف اني من شفتة رحتلة راسا حضنتة وكمت ابجي وراها انتبهت على نفسي وخرت منة الرجال كال ها عمي لكيتيهم الاهلج كتلة اي وسيف تشكر من الرجال وكمش ايدي ومشة واني مجلبة بقميصة من يم ايدة لان كلش خفت

سيف : رحنة زرنة ورة شوي اجو بس ياقوت مو وياهم كالو يا هسة جانت تمشي ورانة اني تخبلت رحت اني وعلي ندور عليه وشفتها من بعيد واكفة تحجي وية رجال جبير وتبجي رحتلها هي راسا حضنتني وتبجي انصدمت من حضنتني وشميت عطرها الي يجنن وراها هي حست على نفسها ووخرت وتشكرت من الرجال واخذتها وكمشت ايدها وهي جلبت بقميصي مثل الطفلة .

شمس : اجت ياقوت وسيف شافتني كامت تبجي وحضنتني .

زهرة : ولج ياقوت وين وليتي غير تمشين ويانة
ياقوت : ضلت ماما وبيبي يرزلني وراها رحنة للسوك اشترينة شغلات ورحنة تغدينة ورجعنة بالسيارة كل ما ارفع راسي سيف يباوع علية
سيف : خفت عليها لمن ضاعت وحسيت حفقدها
خلصنة زيارتنة وحنرجع بالطريق اني كاعد اباوع عليها وعلى جمالها وهي نايمة و براءتها .

ياقوت : غفيت بدون ما احس وكعدوني لمن وصلنا طلعت من السيارة فتت راسا للغرفة بدلت ونمت
كعدتني امي ثاني يوم الساعة ١٢
فاطمة : كومي بنتي شكد عفتج نايمة
ياقوت: ضليت اسبوعين ما طلعت كاعدة بالبيت ابوي قدملي على خامس اعدادي ودخلت بنفس مدرسة شمس كمت  لو بابا لو اخوي يوديني بالسيارة مرت
ايامي عادية وية روتين الدوام

سيف : من رجعنة كمشت خفارة عشر ايام ورجعت جنت مشتاق لياقوت بس ما شفتها من رجعت كاعد يم عمة زهرة
زهرة : سيف انت تحب ياقوت بنت فاطمة
سيف :شنو هل حجي عمة
زهرة:سيف اني اعرفك من تشوف ياقوت احوالك تتكلب
سيف :ولا يفوتج شي اي اني احبها لياقوت من جانت طفلة
زهرة : لعد خل نخطبها الك
سيف :لا عمة مو هسة اريد اجس نبضها
زهرة : يمة سيف يارب اشوفكم منجمعين ببيت واحد
سيف : ابتسمت انشالله عمة
طلعت ثاني يوم الصبح اروح الشغلي شفت ياقوت واكفة هي واخوها يم باب السيارة مدري شبيها كتلة لخوها وين رايحين
محمد: هلا بسيف والله رايح اوصل ياقوت للمدرسة

سيف: عوفها اني حوصلها تعالي اصعدي
ياقوت : لا محمد حنتضرك كمل ونروح
محمد : ياقوت روحي وية سيف السيارة عطلانة
ياقوت : اضطريت اصعد ويا صعدت ورة واني انافخ
سيف: تعالي اصعدي كدام مو سايق الخلفج اني
ياقوت: اوفففف كمت وصعدت بصفة حرك السيارة وهو ما شال عينة مني اني ضجت كتلة ممكن تنتبه للطريق
هو انتبه على نفسة وصلت سلمت علية ونزلت
شفت شمس كتلها لمن وصلني سيف وشلون يباوع علية كتلها اني اخاف منة
شمس : وليش تخافين اصلان سيف كلش حباب وخوش رجال ومبيت يحبج ولا تنكرين هذا الشي