اقتباس من داخل الرواية
ميس ..مقعمزة على المراية تخلص في شعرها
احمد..فتح الباب وخش
ميس..انتا تنتهك في خصوصيتي معاش تخش داري بطريقه هادي
احمد..متكتريش معاي دوة متعصب وخلوقي في كسبرة كلمتين بنقولهم تفتحي ودانك وتسمعيهم
ميس..كالعادة
أحمد..عندك مهلة لغدوة تقولي لأمي انك موافقه على الزواج
ميس..وقفت لاكن انى منبيش
أحمد..انتي محد سألك على رايك قدام امي توافقي وتكوني فرحانه وفي داخلك اومورك
ميس..مستحيل نوافق
أحمد..خنقها من رقبتها توافقي احسنلك قاعد نكلم فيك كلام ،،وميس تنحيله في ايده خلاص مش قادرة.......؟
نستنتجتو ان ميس وأحمد هما الابطال
أحمد مواليد 88شكله حلو نقشه ع الاسود عيونه شعره لحيته كله ع لاسود طويل وجسمه رياضي ..عصبي هلباااا مبالغ في عصبيته لاكن اكيد العصبيه هادي في وراها سبب كبير خلاه يوصل للحاله هادي ماسح فكرة الحب والزواج من راسه يكره البنات لسبب حنعرفوه بعدين
ميس..مواليد2002 مش طويله قصير شويه عيونها سود وشعرها اسود ظلام بيضاء وحلوة جسمها ضعيف هاديه هلبا متحبش العصبيه ولا الصوت العالي وحيدة امها وبوها ودلوعتهم
طيوبه لاكن انطوائية شويه
شكلها في الصورة
باقي الشخصيات حنعرفوهم مع بعض في الروايه
روايات ميني💜
نبدو الحلقه الاولى
ميس.. خدتني الهدرزة والباص يستنا سلمت على نسرين صاحبتها ومشت
نسرين صاحبة ميس من لما كلنو في الابتدائي مواصفاتها طويله وشعرها طويل عيونها بنيات وقمحيه ودمها عسللل تحب تبصر وتلقح هلبا
وصلت ميس للحوش وكان فاضي لان امها (بسمه)عندها موعد عند دكتورة العيون
رفعها بوها (بو ميس اسمه عمر)
خشت ميس بدلت حوايجها ودارت نسكافيه (مدمنت نسكافيه)وقعمزة قدام التلفزيون
ميس..خلي نشوف ماما شن صار معاهم اتصلت مرة وتنين ومفيش رد كانت مش مستريحه داخلها ..ماما اول مرة متردش عليا لاكن اكيد عند الدكتورة هادا علاش خليني نشوف بابا ونفس الشي ميردش كانت خايفه لاكن تقنع في نفسها بأعذار
............
عادل..ايوا عمر
المتصل..حضرتك تقرب لصاحب الرقم هادا
عادل..اي خوي مني انتا
المتصل..صاحب الرقم مداير حادث التليفون لقيته طايح جنب السيارة
عادل..بصدمه ..لاحول ولا قوة الا بالله وين بضبط ياخوي
المتصل..الاسعاف توا بترفعهم لمستشفى******
عادل..بارك الله فيك
المتصل..فيك بارك الله وان شاء الله ينوضو بسلامه
.........
ميس كل شوية يزيد الخوف داخلها اكتر
بعد شويه تسمع في الباب يخبط بقوة مع صوت عياط فتحت ونصدمة بعمتها اللي تعيط وتقول مشو ياميس الغالي مشى امك مشت
ميس..شن تقولي انتي ودموعها ينزلو شافت لقت خالتها واقفه
ميس..خالتي قوليلي شن في
وداد..(خاتها)..ميس اهدي شويه امك وبوك دارو حادت
ميس..باهي هما كويسين
وداد..حطي على راسك وتعالي نمشولهم للمستشفى
ميس..لبسة عبايتها وطلعت ركبة السيارة ومكانتش في وعيها ابداً
ميس..خخالتي بالله عليك قوليلي فيهم حاجه هما كويسين
وداد..معرفتش شن ترد على ميس وفضلت السكوت
ميس..باهي ع الاقل تكلم انتا حد فيكم يقولي
أحمد..(ولد خالت ميس هوا يسوق)يشبح لميس في المرايه وعنده نفس شعور امه مش قادر يرد
وصلو للمستشفى نزلت ميس بسرعه بدة تجري والدور لقت عمامها وخوالها متجمعين
ميس..وين ماما وبابا
محمد..(عم ميس الوسطي)..عظم الله لكي الاجر
ميس..شن تقول انتا وينهم
عادل..بشويه يابنتي العمار بيد الله بوك عطاك عمره وامك يسعفو فاها
ميس..لاااااااا لا كدب بابا ماماتش ميمشيش ويخليني
عادل..قلبه واجعه علاها
ومحمد ..شادها ويهدي فاها
ميس..فكة روحها منه وينهم
اشرولها عالغرفه اللي فاها امها وبوها
خشت ميس جري للغرفه
ميس..خيركم مغطيين وجه بابا نحوه هادا ،،ونحت الغطاء من على وجهه
ميس..بابا نوض روح بينا حوشنا بابا هيا معاش نبي نقعد هنى
وبدة تبكي اكتر..باباااااااا وجرت عند امها اللي تإن من الالم
ميس..ماما تعالي نوضي بابا انى كلمته ميبيش ينوضلي
بسمه(ام ميس)..شدة يد ميس وتتكلم بسيف ..اوعديني تكوني قوية ميس
ميس..ماما خليك معاي
بسمه..اوعديني ياماما
ميس..وعد
روايات ميني💜
وداد(خات ميس)واقفه جنبهم
بسمة زادت ضغطت اكتر على يد ميس..وداد ميس امانة عندك نبي نموت مستريحه علاها
وداد..متقوليش هكي بطولة عمرك ان شاء الله
بسمة تتكلم بين شهقات عاليه ..ردي بالك علاها
وداد..ميس امانه عندي لعند نموت غر انتي شدي صحتك بسس
بسمه..اشهد ان لا إله إلا الله وأشهد ان محمد رسول الله طلقت يد ميس
ميس..ماما خيرك طلقتي يدي ماما شديني مترخينيش بروحي انى نخاف منهم كلهك خليك معاي ماماااااااااااا
خشو الكل من قوة العيطة متع ميس
وداد..تبكي وتحاول تشد ميس المنهارة علاخر
ميس..ماما نوضي معاي هيا بابا نوضلي ماما وروح بينا بالله عليك
الكل..كانو دموعهم ينزلو وفاة عمر وبسمة كوم وميس كانت كوم تاني
عادل..ميس انتي لازم تروحي تعالي بنتي نروح بيك
وداد..خلاها انى تو نروح باها
وداد ..شدة ميس من يدها ،،هيا بنتي حنى لازم نروحو لان بيبدو في الأجراءات
ميس..مقعمزة علارض بين سرير امها وبوها ..اجراءات شني انى نبي ماما وبابا خليني هما بيرحو بيا
ميس كانت مش قادرة تستوعب اللي صار ووتتكلم بصدمه
وداد تبكي..مديريش في روحك هكي يا ميس
أحمد قدم وشد امه من ايدها بمعنى خلاها تو نتفاهم معاها وخرت وداد وخلاته يكلمها
أحمد..شد ميس من ايدها يبي ينوضها بدون ما يتكلم
ميس..خليني منبيش نمشي بالله عليك
احمد..ضروري نفضو المكان هيا نوضي من علارض
ميس..ناضت وقفت وكان شعرها طالع من الوشاح من التالي ومن الجنب بطريقه عشوائية
أحمد..يام دخليلها شعرها بنطلعو
قدمت وداد ودخلتلها شعرها
أحمد..هيا
ميس..شافت لأمها وبوها شبحه اخيرة وطلعت معاهم
فتحلها أحمد الباب ركبة وسكرة وركب هوا ووداد
أحمد..وين توا
وداد..دقيقة خليني نسأل وين بيكون العزى واتصلت بعمة ميس وفهمة منها انا العزى حيكون في حوش العيلة اللي هوا حوش جد ميس
مشو للحوش جدها على طول
.......في العزى كانت ميس لابسة عبايه كحله ووشاح اكحل عيونها متورمات وحمر من شدة البكى موقفتش بكى ابدا تلاتة ايام حتى في الليل ترقد شوية وتنوض على املةان هادا كله يكون مجرد حلم ولا كابوس مخيف وإن صح التعبير لاكن تنصدم بالواقع وتبكي بحرقه اكتر من قبل وكانت كل العيلة متأثرة من اللي صاير
مر تلاته ايام ومر الاسبوع على ميس وكأنه سنى كانت متاكلش ولا تشرب لونها شاحب صوتها كان يادوب ينسمع متتكلمش ابدا الا مرات معدودة وصف حالتها كان صعب جدا
وطبعا طول هادا الاسبوع تبات في حوش جدها
شهد (بنت خالة ميس اللي هيا بنت وداد)..كانت متكيه ميس على كتفها وتواسي فاها
وداد..هيا ميس انتي بتروحي معانا باهي
ميس..طلقت شهد وبصوت كان يادوب تقدري تسمعيه ..لالا انى نبي نروح حوشنا
وداد..شدتها من ايداها التنين بحنان ..ميس حنى وعدنا ماما انك بتقعدي معاي صح
ميس ..هزة راسها اي
وداد..خلاص معناها حنى لازم نوفو بوعدنا لاها ونفدو وصيتها
ميس..لاكن انى منقدرش نعيش بعيد على حوشنا
وداد..نوعدك ديما نجيبك لحوشكم تشوفيه ومش حنمنعك منه هيا على خاطر ماما
ميس..دموعها ينزلو زي المطر الخريفي
وداد..هيا ميس وتي روحك حبيبتي
ميس..هزة راسها بلموافقه
جى احمد يبي يروح بيهم
طلعو وداد ووراها شهد شادة يد ميس
احمد..عظم الله اجرك
ميس..هزة براسها وركبة السيارة
مشو لحوش ميس خدت حوايجها بعدين لحوش وداد
وداد..شهد ركبي ميس لدارها
وصلت شهد ميس لدارها اول ماخشت ارتمت على السرير على طول
أحمد..انى راكب داري بنرقد
وداد..تعرف ان ميس من اليوم بتعيش معانا
أحمد..علاش وين خوالها وعمامها حنى مش ملزومين باها
وداد..انى خالتها زي امها مفيش حد يعاملها زيني بعيدن اختي الله يرحمها امنتها عندي
أحمد..وانتي مستعدة لمشاكل البناويت
وداد..ميس ماشاء الله علاها ادب واحترام معروفه وحتى ولو دارة مشكلة انى مسؤولة علاها
أحمد..نشوف علاها اي شي غلط مش حتقعد دقيقة هنى
وداد..تبيني نلوحها
أحمد..يما راسي فية ستين الف موضوضوع بنركب نرتاح
وداد..اركب تريح وميس نعرفها انى متفكرش فاها
ركب احمد داره رقد على طول
اليوم اللي بعده الكل موجود علة سفرة الفطور ماعدا ميس
نزلت وداد من الدروج وفي ايدها سفرة
عثمان(راجل وداد)..مبتش تاكل
وداد..على مادرت فاها مبتش قالت منقدرش ندخل شي لفمي
شهد..يارووووحي
أحمد..يشرب غي قهوته بدون صوت
احمد..انى ماشي للعمل تبو حاجه
وداد..سلامتك دير بالك
ملاحظه ..(أحمد عنده شركة تأمين متع سيارات ومعرض سيارات حديثه)لانه كان عنده هوس غير عادي بسيارات اكبر همه انه يمتلك اغلى السيارات وسبب الهوس هادا حنعرفوها بعدين .....
طلع احمد
مر اليوم هادا من الايام العصيبه على ميس شهد ووداد يحاولو يخففو علاها بأي طريقة لاكن مفيش فايدة
مع اذان المغرب اصرت شهد على ميس تنزل معاها للجنان
نزلت ميس بعد الحاح طويل
شهد..ميمي شن جو قرايتك
ميس..تمام
شهد..تعرفي انى السيمستر هادا حاسه روحي مش حننجح
ميس..بإنتباه علاش
شهد..مش قادرة نقرى ولا نركز ابدا كارهه القراية زيداها في زوز دراهات كبد معاي كرهوني في الجامعه منبيش نشوفهم
ميس..متخليش حد يأتر فيك لازم تاتري على قرايتك ومستقبلك ولو الحوش والمطبخ واخدين وقتك عادي توا انى نديرهم اهم شي انتي تنجحي
شهد..خيتيسلمها الطيوبه
ميس..ابتسمتلها وخدتهم الهدرزة لاكن ميس طول الوقت حاسه بغصه داخلها
خشو بعد وقت وداد وعثمان مقعمزين في الصالة
وداد..تعالو قعمزو جنبي
قعمزو البنات جنبها
عثمان..شني يابنتي حاسه روحك كويسه
ميس..الحمد الله
عثمان بلكي ناقصاتك حاجه
ميس..لالاشكرا عمو
عثمان..انتي زي شهد بزيط توا راه
ميس..بارك الله فيك
خش احمد..السلام عليكم
الكل..وعليكم السلام
احمد..شبح لميس..كيف حالك توا
ميس..الحمد الله
قعمزو شويه
ميس بصوت هادي..تصبحو على خير
وداد..خليك ميس تعشي قبل
ميس..مخاتريش توا خالتي
وداد..على راحتك
ميس..اتجهت للدروج وكيف قربت منهم طاحت من طولها
كلهم ناضو يجرو مخلوعين علاها......
حتبدا الاحداث القوية في البارتات القادمه بإذن الله
روايات ميني💜
السيدة الصغيرة 💜
أنت تقرأ
حب عصبي 💜
Romanceالروايه تحكي على بنت توفو امها وبوها فااطرت ان تعيش مع خالتها ومن هنى حتبدا قصتها مع البطل من تتوقعو حيكون البطل داخل الإطار العائلي او لا حنعرفو داخل الرواية..... للكاتبه ميني 💜 روايتي غير مقتبسه من اي روايه اخرى واي تشابه فهو بمحض الصدفه لا اكثر...
