العاهرة المسترجلة 🔞 (قصة قصيرة بالدارجة المغربية )

37

💅العاهرة المسترجلة 💅
👑oumaima mega 👑
♦️37♦️

في الشمال ....وصلو لوحد من دروبة لعااديين ديال الناس المتوسطيين ...و تمشاو لوحد الدار الوسط على تلاثة طاااج ....نهيلة كتشوف في لونتوراج ...صراحة كيبان ليها القضية متبدلش بزاف نفس الطبقة الاجتماعية ...بعدا هنا غيقدرو يبداو من لول بعيد على داك الوسخ ...دقت ناجية و حلت ليهم راجل كبير شوية شاف ناجية و قرم غوباشتو ....و مسلمش تاعليها ...ناجية تهيا خنزرت فيه ...نهيلة غا تتشوف ها المشاكل تانييي غيبداو ... دخلت ناجية و دخلت وراها نهيلة كتشوف داكشي ...بانت ليها دار كبيرة شوية ...و خارجين منها بنادم ...شي مرااا و شي دريات يكونو قدها عاد شي دري معاهم ... عاد خرجت مرة كبييرة و كلشي مخنزر و محاملهمش ....نهيلة لووور ماعندهاش مع هاد الاجواء ديال والو ....بدات ديك المرة شارفة تقول ناجية علاش جاية ما جاية ...ناجية طاحت تبكي عليهم بلي تلات بيها ليام هي و بنتها و شوية العواطييف و كدااا ....و معندهم فين يميشيو ....شافو تاعياو و دخلوها لصالون ...كتبقا بنتهم ...نهيلة تهيا دخلت و مفطحة تما .... كتشوف بنادم كيشوف فيها بنظرة ناقصة .... و كيحشي لهدرة في مها عين باين ...يلاه كتبغي الدويي كتسكتها مها بيديها ....بعد عرفت بلي هاديك جداهااا و هاداك لي حل عليهم خالها ...مزوج و عندو ثلاتة البنات ...كين منهم لي كيقرا و كين لي مخطوبة .... و كين دري سميتو موسى تهو كيبان فيه مزرياااط فحال نهيلة ....و تهيا كتصاحب غا معاهم .عطاوهم بيت في ديك الدار باش يبقاو فييه ....تما دخلو ليه غيتانسطالاو ...و نهيلة هدرت بصااارحة بايلا ... غتدبر على خدمة ...و هنا غتبدا معانااات اخرى وسط هاد العائلة السعيدة .... طبعا مغيتقبلوهاش ....في النهار الثاني كانو جاو خواتتها ببناتهم وولادهم فاش سمعو ناجية و جايبة بنتها ....نهيلة جلست بزز مع ناجية في الصالون ...معرفتس فحالا مرتاحتض لهاد الناس ... تهما كانو جيين غا يحشيو الهدرة و يبانو على ناجية ...حيت هي خدات طريق غاالطة و جابت بنت من زنقة ...ماشي فحالهم هما تزوجو زواج نقي و بناتهم نقاية ...صراحة هاد الهدرة كتعصب و كتنقص شوية منهم ...بالاخص نهيلة لي متتحملش لي ينقص منها و كتبغييي تجاوب و ليني ...كتسكتها ناجية ...لي كانت غا حانية الراس و كتسمع ....و كترد عليهم غير بايه ...حيت الزمان ضربها ...تخاف تدير هاه و لا هاه و تزدق برا الداار ...اللهما تسكت و تصبر تايسهل ربييي ...بعدا لقات دويرة فين تستر و تستر راسها و بنتها حسن ما طيح في يدين شي وحدين تباث حية و تصبح ميتة ....حيت ديك الحادثة اثرت بزاف عليها ....نهيلة مغتبقاش جالسة تما تسمع الزابور و البخ الخاويي ....ناضت من تما خرجت فحالها برا الدار ...و تما كثر لغا نيت عليها و على لباسها و فحالا بانت ليهم متتحتارمش مهيم حطو فيها العجب ...ناجية راه فيها متجاوب حيت الا بنتها لي ميبغي حد يجبدها ليها

ختها الكبيرة تبسمت عندها شي ربعة دريات : ايوا قوليلينا ديك الخدمة الزينة لي كنتي فيها قريتي بيها بنتك و لا كتسناي تزوجيها هههه بعدا بقا درية ههههه
ناجية تبسمت بزز : لا بنتي عندها بريكولات ديالها
ختها 2 : يكما تهيا خدامة فحالك خوك عبد الصماد مغيبغيش هادشي حيت بنتو غيزوجها لبوليسييي في المدينة و ميبغيش شي يحد يخسر ليه سمعتو
ناجية : لا بنتي نقية ماشي تاع هادشي
ختها 3 : ايوا جاب الله هاد الجمعة باش نقوليكم بلي بنتي غيخطبها كونطابلي في كااازاااااا (على اساس كازا راها نيويورك بالنسبة ليهم ) ...ناجية غاساكتة عارفة بلي كيخشيو ليها الهدرة من لتحت و ينقصو منها و من بنت ...زيرت على يديها تتصبر راسها كثر و كثر مالها لخاطرها مشات لهادشي ...راه غير عقل الصغر تبعت الطيش و المراهقة ...تزدقت خارجة لطريق و فاش حملت هربت خافت لا يقتلوها كان باها حي ديك ساع و صعيب .... تما تلقات بالحاجة فطومة هي لي دخلتها و بقات مرة مرة تصوني لمها ...باش طمنها عليها

نهيلة خرجت براا كتشم لهوا هادشي ديال جميع العيلات مكيعجبهاش نورمالمو كتدابز فيه خاصها تدبر على راسها ايوا مغتلقا غا مع ولد خالها موسى تهو خارج ....وقف دا معاه و جاب في الهدرة ...عرفها تتقلب على خدمة فحالووو ....رتاح ليها رتاحت ليه ...مشااو كيتمشاو مع بعضهم في زناقي دشمال ...باش يلقاو منين يبداو يقلبو على خدمة ...و مع موسى نيت كان باغي شي حد يونسووو و لقا هاد الزغبية تهيا طاااير ليها فريخ ...تقول طاح الحك و ساب غطاه