#بنت_البندر_وابن_الصعيد♥️🍁
#الكاتبه_حنان_حازم♥️🍁
#السلطانه♥️🍁
وقفنا لما وقفوا للاستراحه ونور اتفاجي ان سالم واخد فرح المطعم جري وراهم
نور:فرح يا فرح
سالم:لوسمحت انت تبع الفريق بتاعي ولا بتاع حمزه
نور:عاوز اكلم فرح
سالم:انا سؤالي واضح انت تبع فريقي ولا تبع فريق حمزه
حمزه:في أي يا سالم بتزعق ليه
سالم:انت مش عارف تسيطر علي الأفراد اللي معاك
حمزه:هو داخل المطعم مش هيعمل حاجه لكل الزعيق ده مالك كده
سالم: بردو مش يدخلة لا مع الأفراد بتوعي علشان متتلغبطوش علشان مننساش حد
حمزه:تمام متقلقش وهدي نفسك انت بس
سالم:تمام
دخل سالم وفرح زعلانه من تصرفات سالم مع نور
سالم:طلبتي اكل
فرح:اه
سالم:مالك
فرح:مفيش لو سمحت شوف باقي الأفراد مش انا بس اللي معاك
سالم:طب اهدي مالك كده متعصبه لي
فرح:مليش بس في ناس غيري مش انا بس
سالم:تمام هشوفهم وانتي اهدي بس
فرح قعدت مدايقه علي نور و بتاكل من غير نفس
ونور: يعني مينفعش هي تيجي هنا
حمزه: سالم هو المشرف عن الافراد وهو اللي رتبهم مينفعش لي تغيرات علشان مانتهش من بعض وكل واحد ليه شريك وانت شريكك اللي قاعد جنبك في الاتوبيس
نور:فيروز يعني
حمزه:اه مدايقش نفسك كلها كام ساعه ونوصل
نور:طيب تمام
نور طلع الاتوبيس مدايق
وفرح نفس الحكايه
فرح:شكلها رحلة مثلية
الاتوبيس اتحرك و فرح جابت ورقه وقعدت تكتب كتير
سالم فضل جنبها طول الطريق لحد ما وصلوا بيت جده
الجد:نورت بلدك ياولد
صباح:ولد عمي نورتنا والله
سالم:منوره بيكم انزلوا ياشباب حمدالله على السلامه
الجد:كل حاجه جاهزه ياولد زي ماطلبت وعنينا ليك
سالم:يخليك ليا ياجدي
نزل الكل من الاتوبيسات
المشرف العام:كده احنا وصلنا بلد المواويل سوهاج جمع الكل ياسالم اجتماع ترتيب بسرعه
سالم:حاضر يا فندم .
سالم جمع كل الموجودين وقفوا طابور
المشرف العام:سوهاج ديما بتبقي مراية الصعيد لينا جمال الطبيعه فيها هيكشف سحر الصعيد الحقيقي اتمني تكون رحله ممتعه لينا وقبلها نستفاد منها كتير عن بلدنا
سالم سلم الورق البيانات للسته وعشرين فرد وتعالت نشوف الاماكن اللي هيناموا فيها
الجد :جهزت تالت اوض يابني وكل اوضه هيقعد فيها خمس اشخاص وانت اوضتك فوق جاهزه ليك
سالم:تمام يا جدي شكرا ليك تعبناك معانا
الجد:تعبك راحه المهم انك هنا انا مبسوط اني شوفتك اتوحشتك كتير
بت يا صباح انتي يابت
صباح:نعم يا جدي
الجد:ولد عمك وأصحابه مش هياكلوا ولا اي عاد
