سلام ليوم غادي نكتبلكم قصص مختصرة تديو منها العبرة وتستمتعوا بيها نبدوا انشاء الله تعجبكم
من كانت عمرها 15 هدرت عليها مع يماها وماما هدرت مع يماها كبرت لحقت 18 دات باك كبرت علا يديا حبيتها جننت عليها طلعت لجامعة زاد كبر حبنا مبعد زاد عليها حال لحقت لاج تاع زواج وناس تخطب فيها وانا زوالي معنديش قاتلي نتزوجو قتلها اصبري نكمل عامي الاخير تاع لقرايا ونلقى خدمة ونديرلك عرس واحد مادارو لوحدة خلاف بعدها بشهرين جا خطبها ولد خالتها يسكن في فرانسا قبلت ونسات حبي ليها وتعقدت ومرضت نفسيا نسات كلشي بيناتنا راحت عاشت حياتها مع مول شكارة قاتلي نشوف مستقبلي ومستقبل ولادي بكيت وبكيت مي الحمد لله ميزرية تصنع رجال ولي يشد في ربي عمرو مايخاف صبرت كملت قرايتي تخرجت بيلوط راني نخلص الحمد لله هيا طلقت بسبة انها ماتجيبش ولاد بعد عام ونص زواج وليت نفوت عليها تجيني كي كلبة تجري اسمحلي اسمحلي .هنا عرفت صح اغلبية لبنات يتبعو مادة يجيها مول الشكارة ودراهم تنساك ومتزيدش تسمع بيك ماتؤمنوهمش كي تقلك وحدة نحبك مكاين ني حب ني والو وبعدها كرهت لبنات وكرهت زواج وكنت قادر نخرج مع بنات اخرين ونلعب بيهم ونطمعهم ونتمسخر بيهم مي الحمد لله حنا ربي مانعصوهش .عطاني ربي وحدة على قد نيتي تحبني ومهيش زوالية باش حبتني علا جال دراهمي ولا شهريتي وحدة شبعانة وقانعة رانا مخطوبين ... ابقو تكبرو على زوالي حتان تبوري في دار باباك ويجي نهار وين يموت باباك ويماك وخاوتك يتزوجو ابقي وحدك.ربي يهديكم يا لبنات
Moins
