فارسي الاسود

اوضتي

A💛

احساس الوحده احساس صعبه ..

بس مريح كان صعب عليا اتعامل مع الوحدة لحد مابقيت اسلوب حياة اوضة ضلمه و تلفون هو دا اللي عايشه عليه ..

اوضة حياتي كلها موجودة فيها بحلوها و مرها هنا اول مرة اتجننت لما البطل اخيرا اعترف للبطلة بحبه و هنا اول مرة بكيت عليه و هو بيسيبها هنا فرحتي لما اخيرا اتجوزواا و هنا غضبي لما خلاص الرواية خلصت و خلص معاها شغفي بس عادي هدور علي بطل تاني شغفي يمكن يبقي زي ماهو او يزيد اهم حاجة احس نفس الاحساس اللي بحسه ، غياب تام عن العالم كله مش بس عن نفسي لقيت نفسي بغرق في عالم الخيال و نسيت الواقع الواقع اللي كل مرة بيفوقني علي قلم اقوي من التاني ..

غريبة اننا في السن دا و كل الحزن و الوجع دا جوانا المفروض دي احسن ايام حياتنا بس العالم كله بيقول غير كدا لان فعلا محور الكون مش واقف عليا مع اني كنت اتمني كدا ..

كنت اتمني واحد حياته كلها تكون واقفه عليا ابقي ملكة متوجه علي عرش قلبه 👸❤ ابقي نصه التاني و حته منه ❤ يبقي كل حاجة بالنسبة ليا😍 يعوضني عن غياب اخويا فانه يكون سندي 💪 يعوضني عن كل حاجة و اي حاجة اعيش ليه و بيه و علشانه 🤩 هديله الحب و الاهتمام و الاحتواء اللي عمري ماحسيت بيهم لان مش فاقد الشئ لا يعطيه بالعكس انا مؤمنة جدا بمقولة فاقد الشئ يعطيه ببزخ انه تذوق مرارة فقده ..

فانا اهو مستنياك لانك روحي لاني انا انت و انت انا لاننا روح بجسمين ❤
لان كل نبض في قلبي هيبقي علشانك انت بس ❤
غريبة اني بحبك حتي من قبل ما اشوفك 😹
فعلا غريب انا معرفكش بس اعرفك مشوفتكش بس في كل لحظة بتخيل ملامحك بتخيل شخصيتك ..
انا اتجننت او انا مجنونه مش عارفه ..
بس دا انت صح اخيرا قبلتك نفس الاهتمام اللي كنت بتخيلة و نفس الحب اللي كنت مستنياك تدهولي كل حاجة بتقول ان الشخص دا انت ..
مش معقول خلاص انا لقيت الراحة ، الامان ، الحب و الاهتمام ، انا لقيت كل المشاعر اللي بحلم بيها ..

اخيرا لقيتك تعرف انا نفسي احكي لك حاجات كتير بس مش قادرة بالتاكيد دا خوف البدايات بس مع الوقت هقول و هحكي ..

الجملة هي اللي كنت ديما برددها و مع الوقت لقيت انا مش هو دا الشخص المناسب ليا لان كنت عايشه فوهم فارس الاحلام الخيالي بس الواقع مش كدا لان الواقع كالعادة بيديني قلم و يقولي فوقي من الاحلام الوردية دي لان الدنيا هدوس عليكي بس هي خلاص كانت داست ..
سنة و انا عايشه تحت ضغط نفسي بسببه بدل مايديني الامان كان بيسحبه مني مش هو دا الشخص اللي انا عيزاه مش هو دا فارس احلامي ..

( عاملني كان اختك يعني زي مانت هترضي علي اختك ان حد يمد ايده عليها بالتاكيد مش هترضي عليا كدا .. مانت مستحيل تعملها يعني ) هو الرد كان صادم هو كان زي الصاعقة اللي نزلت عليا