فارسي الاسود

خيبة امل

A💛

هو فعلا مش كل حاجة الواحد بيتمناها بيحصل عليها بس في نفس الوقت في حاجات المفروض او البديهي انها تكون موجودة في حياة الواحد حاجة مش محتاجة ولا منطق ولا علم ولا اي تعقدات ولا حتي مجرد تفكير انها تكون موجودة .. حاجات الواحد بيحصل عليها تلقائيا من اول لحظة هو وعي فيها علي الدنيا زي الحب الاهتمام .. و العيلة ..

( العيلة اللي عمري حسيت اني جزء منها ولا هكون و مش حابه اني اكون ..

الاهتمام اللي عمري ماحسيت بيه او حسيت بيه لكن من الشخص الغلط او اهتمام مزيف ملوش ستين لازمه او خلينا نقول ان انا مهتميه علشان اعرف و في الاخر اعيرك اعرف اي اللي مزعلك و اي نقطة ضعفك و كل مرة اكلمك اجيلك عليها علشان استنزفك بيها و اخيرا الحب اللي عمري ماحسيته من اي حد انا حبيته و اولهم امي ست الكل و المفروض ست الدنيا كلها اللي همك الوحيد انها تكسرني و تحسسني اني مش بنتها مش بتعمل كدا بالقصد و يمكن هو دا اللي مصبرني و معيشني انا ظلمتها انا فعلا انسانه ظالمه اي يعني لما تهتم بالكون كله الا انا اي يعني انها تحب العالم كله الا انا ..

انا مش بس بالنسبة لها صفر علي الشمال لان مفيش شمال اصلا علشان اتحط كصفر ..

هو كل اللي في الموضوع اني بتعب بتعب نفسيا بدمر معنويا حرفيا لما اشوفعا مهتميه بخواتي و انا لا مهتميه بالكبير و الصغير مهتميه مش بس بولادها مهتميه بكل الناس ..

لما حد يتعب و تبقي قلقانه لما تحضنهم و تبوسهم و طبطب عليهم لما تجري بيهم علي الدكتور انا ببقي بموت من الوجع الف مره ..

بس عمر الوجع دا بيبقي حاجة قدام وجعي و هي بتطلب مني ابقي حنينه علي فلانه لانها تعبانه و خليكي حنينه معاها ميبقاش قلبك قاسي ..

و كل اللي في بالي هي يعتبر دا تعب بجد انها دايخه شوية يعتبر دا تعب انا ببقي هموت من التعب و محدش بيبقي حاسس انا كنت بموت قدامك و بعد مصحيت كنتي بتلوميني انا مهمله في نفسي طيب انتي فين من كل دا ..

اهتمي بيا انتي عارفه اني كبيرة بس مفيش واحدة بتكبر علي امها ..

طيب بلاش كل دا فين محلك في الاعراب يوم نتيجتي يوم ما كنت حاطة ايدي علي قلبي و بقول يارب سلم و ببص حوليا و بشوف دي مع مامتها و دي مع عيلتها و صحبتي دي معاها باباها ..

و انا واقفة بعرف اخبار دي و دي و حسه اني بموت و انتي مش سائلة انتي مش مهتميه انتي مش بتخففي عني ، كلهم عندهم سند و انا حسه اني بموت باب مات سندي و ضهري و مبقاش عندي حد مش المفروض بعده تبقي انتي كل دا ، طيب اخويا الكبير فين مش هو دا الامان مش هو دا الجبل الصامد اللي مش بيتهز هو فين انا شايفه ان الحبل اتهد من غير ميتلمس من غير ماتسند ..

و اخوتي نص الحنان نص الاحتواء امي التانيه فين ؟! مش معقول كلكم متوا و انتوا لسه عايشين ..