#اسكريبت
رقيه : مروان هو يعني ايه الحب؟
استغرب مروان من السؤال : الحب
رقيه :ايييوه
مروان : الحب ان الشخص اللي يحبك يحس بالنقص من غيرك الحب ان الشخص اللي يحبك ميحسش بالضحكه مع غيرك الحب ان الشخص اللي يحبك يحبك زي اول مره يعني معترفش بالنهايات كل يوم يحبك اكتر من اللي قبليه بس يكون ولا كأن اول مره تسمعي بحبك ايوه هي نفس الكلمه بس كل يوم بتبقي أعمق
رقيه : لأي لأي لأي ما كل هذا ايها الأخ العزيز بقينا بنتكلم في الحب والاحساس يا بختك ب اخويا يا ريمو ربنا يوعدنا باللي ياخدنا شط الهوا
مروان : اسمها ريماس واخده بالك
رقيه :تصدق انا غلطانه قعده بقول الأخ العزيز ووو ومعلقاش غير علي ريمو طب علشان تبقي عارف يا مروان ان هي هتفضل ريمو دي صحبتي من قبل ما تعرفك هتيجي انت وتخلي اسمها ريماس نوووو
مروان في سره : لمضه من يومك مش عارفه انتي ازي اسمك رقيه
رقيه :بتقول حاجه يا مارو
مروان :لا مفيش يا ريكا
رقيه :تمام
نظرت رقيه للبحر والشط : مروان هي مين اللي كانت بتغني شط اسكندرية يا شط الهوا اعتقد فيروز
مروان: مش عارف
نظرت رقيه للبحر : شط اسكندريه يا شط الهوا روحنا اسكندريه رمانا الهوا
مروان :انتي من اسكندرية اصلا مش محتاجه تروحي
رقيه : انت بتفصلني والله عارف كده
مروان : معرفش للأسف سوري
رقيه في سرها : بااارد
رقيه : مروان مش هتعزمني علي حاجه بجملت انا مشين مع بعض
مروان :بداءنا استغلال اهو..... عايزه ايه يا ست ريكا
رقيه : عايزه شبسي بالجبنه و واحد تاني ب الخل والملح وواحد تاني الكباب و شوكلاته ومصاصه ولبان بس
مروان : ما شاء الله ماشاء الله ايه دا كله هو واحد شبسي بالجبنه كفايه
رقيه : امال لو قلت لك مثلا غديني في مطعم ولا دا بس ل ريموا
رقيه في سرها :(نفسي اعضك اوي اوي في ايدك من استفزازك دا اللي مسكتني بس انا قدام الناس بس حااضر)
مروان :لا طبعا كل حاجه حلوه ل احلي ريكا
رقيه وهي تبتسم : ايوه كده
ذهب الاثنان لشراء ما طلبته
رقيه : متحرمش منك يا مارو
مروان :ولا منك يا ريكا (انا هحرم اعدي عليكي تاني اجيبك من الجامعه)
وصل الاثنان لباب المنزل
رقيه :هات المفتاح يا مروان
مروان : ما تخبطي علي الباب
رقيه :هات بس لسه هنخبط ونستنا حد يفتح ووو هات هات يا ابني هتخسر ايه
أعطاها مروان المفتاح ليجد من تاخذ منه المفتاح وتعضه في كف يديه
مروان :ااه
رقيه وهي تفتح الباب :علشان تبقي تستفزني تاني
دخل الاثنان الشقه وكانت والدتهم جالسه علي كرسي الانتريه في الصاله
مروان وهو يوريها يده :شايفه شايفه بنتك عملت ايه مبتكلش لحمه باين
والدته :ايه دا مين اللي عضك كده
مروان :الاستاذه رقيه
والدته :كده ينفع يا رقيه
رقيه :هو اللي استفزني يا ماما
مروان :انا انا هقول لبابا هو اللي يتصرف معاكي
رقيه :قوله عادي مش هيعمل ليا حاجه هيقولي كده غلط يا ريكا متعمليش كده تاني ومروان اخوكي الكبير هقولوا حاضر يا بابا وتوته توته خلصت الحدوته
مروان :شايفه يا ماما شايفه
رقيه :استأذنكم هروح انام
مروان : روحي روحي يا اختي
رقيه :هروح انام انام لعلا وعسي اصحي القي اللي هيجي ياخدني ل شط الهوا ههههههه
ذهبت رقيه لتنام
نمت واستيقظت علي موعد الغداء
الجميع متواجد حول مائدة الطعام
رقيه :ازيك يا بابا
والدها :الحمد لله يا ريكا وانتي
رقيه :الحمد لله كويسه
واندمج الجميع في تناول الطعام وقبل ان ينتهوا بقليل
والد رقيه ومروان : رقيه
انتبهت رقيه لوالدها : نعم يا بابا
والدها : في عريس اتقدملك
نظرت رقيه لمروان الذي يجلس أمامها وضحكت :هو ربنا استجاب لدعائي بالسرعه دي
ضحك مروان :احسن اهو علي الاقل هتسبينا وتريحنا ومحدش يعضني تأني
رقيه : ومين قال لحضرتك اني موافقه انا لسه صغننه خاليني قعده علي قلبكوا كده شويه كمان
نظرت رقيه لوالدها :اسفه يا بابا بس انا رافضه
نظرت لها والدتها:ما تقبله يابنتي مترفضيش من قبل ما تعرفيه او تشوفيه
رقيه :حيييضر يا ماما
نظرت رقيه لوالديها :تمام يا بابا حدد معاد ويجي
والدها : تمام
مر يومان
والد رقيه : ريكا ينسيك الخميس الساعه ٦
رقيه :ينسبني في ايه يا بابا
والدها : اتفقت مع العريس علي الساعه ٦
رقيه :اااه موضوع العريس دا كنت نسيت خاالص . ممم ماشي تمام انهارده التالت مم خلاص ايوه تمام
اتي العريس يوم الخميس
أعطت والدت رقيه لرقيه صانيه موضوع عليها بعض اكواب العصير ك العاده مثل التقاليد المعتاده
رقيه :يا ماما هتقع امسكيها انتي
والدتها : لا طبعا انتي اللي تمسكيها مينفعش
اتي مروان من الغرفه التي يجلس بها والده مع العريس : ساعه بتشلي الصانيه سااعه
والدته : اسكت يا مروان متوترهاش اكتر من كده
مروان : اول مره اشوفك متوتره ومكسوفه كده يا رقيه هههههه
والدتها :مروان
مروان :خلاص حاضر
حملت رقيه الصانيه ودخلت الغرفهالتي بها العريس
لم تستطع الحديث ولم ترفع نظرها
وافقت رقيه علي العريس وتم تحديد موعد الخطبه
في يوم الخطبه
اتي مروان و اقترب من اذن رقيه : دا العريس اللي انا رافضه يا بابا
رقيه : بس بس
ضحك مروان :حيضر علي رأيك
بقلم :منة الله مجاهد
##منمن ♥️ ♥️
